ئەڤرۆ نیوز:
وەزارەتا ساخلەمیا هەرێما کوردستانێ تووشبوونا کەسەکێ دی ب کۆرۆنا یێ ل سلێمانیێ راگەهاند، ئەو تووشبوویە خۆجهێ سلێمانیێ یە و بەرکەفتیێ تووشبوویێن بەرێ یە.
هەروەسا دیار کریە ژی: د بەردەوامیا پشکنین و لێگەریانێ لدووڤ گومانلێکریان، تووشبوویەکێ دی ب ڤایرۆسێ کۆڕۆنا یێ ل سلێمانیێ هاتیە دەست نیشانکرن، کو زەلامەکێ د ژیێ ٢٢ سالیێ دایە و خۆجهێ سلێمانیێ یە.
ئەڤرۆ نیوز:
وەزارەتا ساخلەمیا عیراقێ تووشبوونا 150 کەسێن دی ب کۆرۆنا یێ راگەهاند، کو ئەڤە زۆرترین ژمارا تووشبوویانە د رۆژەکێ دا ل عیراقێ.
وەزارەتا ساخلەمی و ژینگەها عیراقێ راگەهاندیە: کو سێ هزار و 520 پشکنین هاتینە ئەنجامدان و ژمارا تووشبوویان بۆ جارا ئێکێ گەهشتیە 150 تووشبوویان د رۆژەکێ دا.
هەروەسا گۆتیە: 153 هزار و 221 پشکنین هاتینە ئەنجامدان، ئەوێن تووشی کۆرۆنا بووین ب ڤی رەنگی یە:
رەسافە بەغدا: 45 تووشبوویی
کەرخ بەغدا: 45 تووشبوویی
باژێرێ نۆشداری بەغدا: 30 تووشبوویی
بەسرە: حەفت تووشبوویی
نەجەف: سێ تووشبوویی
واست: سێ تووشبوویی
کەربەلا: دو تووشبوویی
موسەننا: سێ تووشبوویی
دیالە: دو تووشبوویی
نەینەوا: تووشبوویەک
ل سلێمانیێ نەهـ تووشبوویی (پێشتر ژ ئالیێ وەزارەتا ساخلەمیا هەرێما کوردستانێ ڤە هاتبوو راگەهاندن)، دیسان 92 کەس باشبووینە، چار کەسێن دی ب کۆرۆنا یێ گیانێ خوە ژ دەستدایە، هەر چار ژی ل بەغدانە.
ئەڤرۆ نیوز، زنار تۆڤی:
ئەڤرۆ دوشەمبی 18 گولانا 2020، ب بەهانەیا هەبوونا چەکدارێن پەکەکێ، فرۆکێن سوپایێ تورکی گوندێ دەرگەلا موسا بەگێ ل دەڤەرا بەرواری بالا یێ سەر ب قەزا ئامێدیێ ڤە بوردۆمان کر.
وەلاتیەکێ گوندی ب ناڤێ گوهدار بۆ ئەڤرۆ نیوز دیار کر: ل دەمژمێر 4:30 ئێڤاریی فرۆکێن تورکی ئاقارێ گوندێ وان بوردۆمان کریه و ڤێ چەندێ زیانەکا مادی یا مەزن گەهاندیە مالێن گوندیان و پەنجەرێن وان شکاندینە، دیسان ئاقارێ وان نێزیکی گوندیە، لەوما ژ ئەگەرێ دەنگێ وان بۆمبەیان ترس ل دەف خەلکێ گوندی پەیدابوویە و گەلەک زیان گەهاندیە مالێن وان و ئاقارێ وان ژی.
گوندێ دەرگەلا مۆسا بەگێ، ئێکە ژ گوندێن ناحیا کانی ماسێ و گوندەکێ ئاڤا یە، نوکە چەندین خێزان ل سەر گوندی دژین.
ئەڤرۆ نیۆز، قائید میرۆ:
سەرۆکێ سەندیکا کرێکارێن کوردستانێ ئاشکراکر، بەلاڤبوونا ڤایرۆسا کۆرۆنا و قەدەغەیا ھاتنوچوونێ کاریگەری لسەر رەوشا کرێکاران ھەبوویە و دبێژیت، مە داخواز ل حوکمەتا ھەرێما کوردستانێ کریە، مووچەیەک ژ سندۆقا زەمان بۆ کرێکاران بھێتە مەزاختن.
ھەنگاو عەبدولاخان، سەرۆکێ سەندیکا کرێکارێن کوردستانێ ب مالپەڕێ ئەڤرۆ نیۆز راگەھاند”زێدەتری ٨٠ ھزار کرێکارێن دەستەبەرکری ل ھەرێما کوردستانێ ھەنە و ب ئەگەرێ قدەغەیا ھاتنوچوونێ پڕانیا د دەمێ دو ھەیڤێن بۆری دا بێکار بووینە، بەلێ گورەی قانوونێ ئەرکێ خوەدان کارانە کریا کرێکاران خەرج بکەن.
ھەنگاو عەبدولاخان گۆت ژی” مە داخواز ل حوکمەتا ھەرێما کوردستانێ کریە مووچێ ئێک ھەیڤ یێ کرێکاران ژ سندۆقا زەمانێ خەرج بکەت و ھەموو کرێکار تێدا مفادارببن، ئەو ژی بۆ نەھێلانا بێکاریێ و بەرچاڤ گرتنا رەوشا کرێکاران.
ئه‌ڤرۆ نیۆز، عه‌زیز هه‌ورامی:
حكوومه‌تی هه‌رێمی كوردستان له سه‌رئاستی پارێزگاكانی كوردستان 200 سه‌به‌ته‌ی خۆراك به‌سه‌ر هاوڵاتیانی كه‌م ده‌رامه‌تدا دابه‌شده‌كات، پارێزگای هه‌ڵه‌بجه 8000 هه‌زار پشكی به‌ركه‌وتووه ده‌ستكراوه به‌دابه‌شكردنی.
كاوه عه‌لی جێگری پارێزگاری هه‌ڵه‌بجه، به ئه‌ڤرۆ نیۆزی، ڕاگه‌یاند:” حكوومه‌تی هه‌رێمی كوردستان له‌و پاره‌ی كه زیاتر له 23 ملیۆن دۆلار بووه سه‌رمایه‌داران پێشكه‌شی حكوومه‌تیان كردبوو، نزیكه‌ی 10 ملیۆن دۆلاری دراوه به خۆراك كه پێكدێن له ڕۆنی زه‌یت و دۆشاوی ته‌ماته و نیسك و ئارد ،دابه‌شده‌كرێت به‌سه‌ر 200 هه‌زار خێزانی كوردستان، پارێزگای هه‌ڵه‌بجه 8000 هه‌زار سه‌به‌ته‌ی خۆراكی به‌ركه‌وتووه ده‌ستمان كردووه به دابه‌شكردنی.
كاوه عه‌لی وتیشی:” له پارێزگای هه‌ڵه‌بجه دابه‌شكردنی خۆراك ده‌ستی پێكردووه له ناوه‌ندی پارێزگای هه‌ڵه‌بجه و ناحیه و گونده‌كان، ده‌مانه‌وێت تاوه‌كو پێش جه‌ژن به‌ته‌واوه‌تی دابه‌شی بكه‌ین و هه‌موو ماڵێك ناویان تۆماركراوه سه‌به‌ته‌ی خۆراكیان پێ بگات.
ناوبراو زیاتر وتی:” ده‌ستخۆشی له حكوومه‌تی هه‌رێم ده‌كه‌ین، هه‌نگاوێكی باشه بۆ ئه‌م پێش جه‌ژن دابه‌شكردنی سه‌به‌ته‌ی خۆراك به‌سه‌ر ئه‌وماڵانه‌ی پێویستیان به‌هاوكارییه، 10 ده‌به‌ی ڕۆنی زه‌یت و دوو قوتوی دۆشاوی ئاوی ته‌ماته و نیسك و یه‌ك فه‌رده په‌نجا كیلۆی ئارده.
جێگری پارێزگاری هه‌ڵه‌بجه وتیشی:” ته‌واوی ئه‌و كه‌سانه‌ی خۆراكیان به‌سه‌ردا دابه‌شده‌كرێت پێشتر له ڕێگه‌ی لیژنه‌وه ناوه‌كانیان تۆماركراوه پاش ئه‌وه‌ی پێداچوونه‌وه به‌ناوه‌كاندا كرا، نزیكه‌ی 10 هه‌زار هاوڵاتی ناویان به‌رزكرایه‌وه بۆ وه‌زاره‌تی بازرگانی و ئه‌و لیژنه باڵایه‌ی پێكهێندراوه بۆ كرین و دابه‌شكردنی خۆراك به‌سه‌ر ماڵه كه‌م ده‌رامه‌ته‌كاندا.
ئەڤرۆ نیوز:
د. هێرش سەلیم جێگرێ رێڤەبەرێ گشتی یێ ساخلەمیا سلێمانیێ راگەهاند کو چەندین حالەتێن نوو یێن کۆرۆنایێ ل باژێرێ سلێمانیێ پەیدا بووینە و ئەو یەک ژی نیشانا پێلا دویێ یا کۆرۆنایێ یە.
جێگرێ رێڤەبەرێ گشتی یێ سالخەمیا سلێمانیێ ئەو یەک ژی دیار کر کو هەکە وەلاتی وەکو پێدڤی پێگیریێ ب رێنمایان نەکەن دێ کارەساتێن مەزن روو دەن.
ئەڤرۆ نیوز:
سەرۆکێ گشتی یێ پارتا بزاڤا نەتەوەپەرست یا تورکیا دەولەت باخچەلی راگەهاند کو دڤێت قانوونا پارتێن سیاسی و هەلبژارتنان ل تورکیا بهێتە گوهۆرین و رێ نەهێتە دان چو ئەندامێن پەرلەمانی ژ پارتەکا سیاسی دەربازی پارتەکا دی ببیت.
چاڤدێرێن سیاسی یێن تورکیا ژی دیار دکەت کو پیلانەکا هەڤپشک یا ئەردۆگانی و دەولەت باخچەلی ل دژی دو پارتێن نوو یێن تورکیا کو بەری نها ژ ئاکپارتیێ جودا بووینە د رێ دایە.
ل گۆر چاڤدێرێن سیاسی یێن تورکیا ب گوهۆرینا هندەک قانوونان هەر دو پارتێن نوو ئانکۆ پارتا داوود ئوگلۆی و یا باباجانی نەشێن پشکداریێ د هەلبژارتنێن پەرلەمانی یێن تورکیا دا بکەن.
ئەڤرۆ نیوز:
محەمەد حەنوون پەیڤدارێ وەزارەتا بازرگانی یا عیراقێ راگەهاند کو ئەڤسالە بەرهەمێ گەنمی ل هەموو عیراقێ و هەرێما کوردستانێ گەلەک باش بوویە و بەری نها ئەنجوومەنێ وەزیران بریار دایە کو هەموو گەنمێ پارێزگەهێن عیراقێ ل گەل یێن هەرێما کوردستانێ وەرگریت.
ناڤهاتی راگەهاند ژی کو سەرۆک وەزیرێن نوو یێن عیراقێ ژی گرنگیەکا مەزن ددەتە بابەتێ گەنمی و دێ هەموو گەنمێ جۆتیارێن عیراقێ ل گەل یێن هەرێما کوردستانێ وەرگرین.
ئەڤرۆ نیوز، زنار تۆڤی:
کامی کەمال پەیڤدارێ پشکا په‌یوه‌ندى و راگه‌هاندنێ ل كومه‌لگه‌ها ده‌روازێ نێڤده‌وله‌تى یێ ئیبراهیم خه‌لیل بۆ ئەڤرۆ نیوز ئاشکرا کر: کو هەر ژ رێكه‌فتى 1\1\2020 هەتا ١٨\٥\٢٠٢٠ پازده هزار و نه‌هـ سه‌د و نوت و حه‌فت تەن و سێ سه‌د و چل و هه‌شت كیلوگرامێن كه‌ره‌ستێن جورا و جور ل تاقیگه‌ها كۆمه‌لگه‌ها ده‌روازێ نێڤده‌وله‌تى یێ ئیبراهیم خه‌لیل هاتینه زڤراندن و ژناڤبرن، ژبه‌ركو ل گه‌ل رێنمایی یێن حوکمه‌تا هه‌رێما كوردستانێ نه‌دگۆنجایی بوون، كو پێك دهێن ژ كه‌ره‌ستێن (ساخله‌میێ، خوارن و ڤه‌خوارنێ، كوزماتیك، فیتێرنه‌رى، چاندن و بیناسازیێ).
نيشاندان