ئەڤرۆ نیوز:
وەزارەتا ساخلەمیا عیراقێ راگەهاند: ٦٧حالەتێن نوو یێن توشبوون ب کۆرۆنا یێ و چار حالەتێن گیان ژ دەستدانێ و ٣٥ حالەتێن باشبوونێ هاتینە تۆمار کرن.
وەزارەتا ساخلەمی و ژینگەها عیراقێ راگەهاند ژی: د دەمێ ٢٤ دەمژمێرێن بوری دا ٦٧ حالەتێن نوو یێن کۆرۆنایێ هاتینە تۆمار کرن، کو ٥٨ حالەت ل بەغدا، ئێک ل بەسرا، ئێک ل میسان، پێنج ل زیقار، ئێک ل کەرکوکێ، ئێک ل مۆسلێ، هەروەسا چار کەسان ب کۆرۆنا یێ ل بەغدا گیانێ خوە ژ دەستدایە.
ئەڤرۆ نیوز:
دەستەیا دەستپاکیا عیراقێ راگەهاند: ب تۆمەتا هەدەردانا ٣٠ ملیۆن دۆلاران، دەمێ حەفت سالان رێڤەبەرێ بەرێ یێ بانکا بازرگانی دێ هێتە زیندان کرن. سەپاندن.
دەستەیا دەستپاکیا عیراقێ د راگەهاندنەکێ دا دیار کریە: کو رێڤەبەرێ بانکا بازرگانیا عێراقێ ل سالا ٢٠١٤ گوژمێ ٣٠ ملیۆن دۆلاران بێی کو چ کارێن قانوونی پێ بکەت، ژ قەستا ب هەدەرداینە و زیان گەهاندیه مولکێ دەولەتێ، ئەو ژی ب رێیا قەرێن دارایی ب کۆمپانیەکا رێ پێنەدایی، ژبەر هندێ حەفت سالان سزایێ زیندانیکرنێ بۆ هاتیە دەر کرن.
هەروەسا دادگەها بلند یا تاوانێن رەسافە، کو تایبەتە ب دۆسیا دەستپاکیێ، ب پشت بەستن ب بەلگە و وەرگرتنا ئاخفتنا نوونەرێ قانوونی یێ بانکا بازرگانی، ڤەکۆلین ل گەل رێڤەبەرێ وێ بانکێ دەستپێکریە، لێ نوکە ئەو بەرپرسێ بانکا بازرگانیا عیراقێ رەڤیە و لدووڤ مادێ ٣٤٠ ژ قانوونا سزادانا عرراقی فەرمانا دەستە سەرکرنێ بۆ دەرکەفتیە.
ئه‌ڤرۆ نیوز، عه‌زیز هه‌ورامیی:
له پاش خیانه‌تی 16ـی ئۆكۆبه‌ری 2017 كشانه‌وه‌ی پێشمه‌رگه له ناوچه‌كانی ده‌ره‌وه‌ی ئیداره‌ی هه‌رێمی كوردستان ،له وه‌رزی دروێنه‌ی گه‌نم و جۆ به‌رهه‌می ساڵی جووتیارانی كورد ئاگر تێبه‌رده‌درێت، به‌رپرسێكی باڵای پارتی ده‌ڵێ، جوتیارانی عه‌ره‌ب به‌رهه‌می خۆیان دروێنه ده‌كه‌ن و به‌رهه‌می جووتیارانی كوردیش ده‌سوتێندرێت.
ئه‌كبر حیده‌ر جێگری به‌رپرسی لقی 15ی خانه‌قینی پارتی دیموكراتی كوردستانی به ئه‌ڤرۆ نیۆزی ڕاگه‌یاند:” گومان هه‌یه له سووتاندنی به‌رهه‌می گه‌نم و جۆی جووتیارانی كورد له خانه‌قین و ده‌وروبه‌ری، له لایه‌ن چه‌كدارانی داعش و ئه‌و عه‌ره‌به هاوردانه‌ی له پاش 16ـی ئۆكتۆبه‌ر هاتوونه‌ته سنووره‌كه.
ئه‌كبر حیده‌ر وتیشی:” له كاتێكدا به‌رهه‌می گه‌نمی ساڵێكی جووتیارانی كورد ده‌سوتێندرێت ،جووتیاره عه‌ره‌به‌كان زۆر به ئازادی دروێنه‌ی به‌رهه‌می گه‌نم و جۆ ده‌كه‌ن ،ئه‌ی خێره به‌رهه‌می جووتیارانی عه‌ره‌ب ناسوتێندرێت.
به‌رپرسه‌كه‌ی پارتی له خانه‌قین ده‌ڵێ:” گروپێكی چه‌كداری حه‌شدی شه‌عبی كه له هۆزه‌عه‌ره‌به‌كانن به‌شه‌ودا ده‌بنه چه‌كداری داعش و به ڕۆژدا ده‌بنه‌وه به حه‌شدی شه‌عبی ، هه‌موو ئه‌و ئازاردانه‌ی جووتیارانی كورد بۆ ئه‌وه‌یه ناچاریان بكه‌ن زێدی باو باپیرانیان به‌جێ بهێڵن و ئێستا به‌عه‌ره‌ب كردن زۆر خه‌راپتر ده‌ستی پێكراوه له سه‌رده‌می حكوومڕانی دیكتاتۆر سه‌ددام حوسێن.
هه‌روه‌ها زانیاری زیاتریدا و گوتی:” سه‌ددان دۆنم زه‌وی گه‌نمی جوتیارانی كورد سوتێندراون جووتیاران ته‌نها زه‌وێكی سوتاویان بۆماوه‌ته‌وه ،چاو پڕله فرمێسك له دۆخه‌كه‌یان ده‌ڕوانن هێزه عێراقییه‌كان هیچ هاوكاری و پشتیوانییه‌كیان نین.
ئه‌ڤرۆ نیۆز، قائید میرۆ:
پشتی ژلایێ وه‌زیرێ په‌روه‌ردێ بڕیارا كێمكرنا كریا خواندنێ هاتیه ده‌ركرن بڕیار هاتیه بجه ئینان و په‌رله‌مانتاره‌ك ژی دبێژیت، پێدڤیه قوتابخانه‌یێن ئه‌هلی ره‌وشا نوكه‌یا هه‌رێما كوردستانێ به‌رچاڤ وه‌ر بگرن.
گوره‌ی بڕیارا وه‌زیرێ په‌روه‌ردێ 10%ێ كریا خواندنێ ل هه‌موو قوتابخانه و په‌یمانگه‌هێن ئه‌هلی هاتیه كێمكرن و كریا ڤه‌گوهاستن و خوارنا قوتابیانژی یا سێ هه‌یڤان ناهێته وه‌رگرتن.
حه‌سیبه گه‌ردی، ئه‌نداما لیژنا په‌روه‌ردێ و خواندنا بلند لپه‌رله‌مانێ كوردستانێ بۆ ئه‌ڤرۆ نیۆز دیاركر” بڕیارا كێمكرنا كریا خواندنێ ژبۆی به‌رژه‌وه‌ندیا قوتابیان و به‌رچاف گرتنا ره‌وشا نهایا هه‌رێما كوردستانێ هاتیه ده‌ركرن و هاتیه بجهئینان.
ئەڤرۆ نیۆز، قائید میرۆ:
چەند رۆژەکە لڤینێن داعش زێدە بووینە و گەنمێ جووتیارێن کورد ژی ل دەڤەرێن کوردستانی گەفێن شەوتاندنێ ل سەرن سەرۆکا لیژنا دەڤەرێن کوردستانێ ژی دبێژیت، پێدڤیە چارەسەریەکا لەزگین بھێتە دیتن.
جوان رۆژبەیانی، سەرۆکا لیژنا دەڤەرێن کوردستانی ل پەرلەمانێ کوردستانێ بۆ ئەڤرۆ نیۆز دیارکر” رەوشا دەڤەرێن کوردستانی گەھشتیە ئاستەکێ مەترسیدار و د دەمێ نھا دا گەفێن زۆر لسەر خەلک و جووتیارێن کورد ھەیە، لەوڕا رەوش پێتڤی ب چارەسەرێن لەزگین دکەت ژبۆی پاراستنا وەلاتیێن کورد.
جوان رۆژبەیانی ئەویەکژی ئاشکراکر” لیژنا دەڤەرێن کوردستانێ داخواز ل سەرۆکا پەرلەمانی کریە، کۆمبوونەکا بلەز یا پەرلەمانی ل دۆر تێکچوونا رەوشا دەڤەرێن کوردستانی بھێتە گرێدان و تێدا ب ھویری مەترسیێن لسەر وان دەڤەران بھێنە گەنگەشەکرن.
ئه‌ڤرۆ نیوز:
وه‌زاره‌تا چاندنا عیراقێ، توماركرنا ئێكێ یا توشبوونا ئه‌نفله‌وه‌نزا بالندا راگه‌هاند.
حه‌مید نائیف په‌یڤدارێ وه‌زاره‌تا چاندنا عیراقێ راگه‌هاند حاله‌تێ ئێكێ یێ ئه‌نفله‌وه‌نزا بالندا ل پرۆژه‌یه‌كێ به‌رهه‌مئینانا هێكان ل پارێزگه‌ها نه‌ینه‌وا هاتیه توماركرن.
په‌یڤدارێ وه‌زاره‌تا چاندنێ ئه‌و چه‌نده ژی راگه‌هاند: ده‌ملده‌ست بجهكرنا پلانا نیشتمانی و ته‌ڤایا به‌رهه‌مێن ناڤ پرۆژه‌یی هاتنه سوتن و ژناڤبرن، هه‌روه‌سا هاتنوچونا پرۆژه‌ی هاته قه‌ده‌غه‌كرن، ئه‌و پرۆژه‌یێ حاله‌تێ ئه‌نفله‌وه‌نزا بالندا تێدا هاتیه دیتن دیره ده‌ست بوو.
حه‌مید نائیف په‌یڤدارێ وه‌زاره‌تا چاندنا عیراق داخازێ ژ هه‌می خودان پرۆژه‌یێن په‌له‌وه‌ران دكه‌ت، ب هیری چاڤدێریا ره‌وشێ بكه‌ن، ل ده‌مێ گۆمان سه‌ر حاله‌ته‌كێ دی توشبوویێ ئه‌نفه‌له‌وه‌نزا بالند دیت، لایه‌نێن په‌یوه‌ندیدار ئاگه‌هدار بكه‌ن و رێكارێن پێدڤی د پێخه‌مه‌تا رێگرتن ژ به‌لاڤبوونا ڤایرۆسی بكار بینن.
ئەڤرۆ نیوز:
شاندێ هەرێما کوردستانێ بۆ بابەتێ مووچە و شایستێن دارایی و مەلەفێ نەفتێ دێ ڤێ حەفتیێ جارەکا دی سەرەدانا بەغدا کەت.
ل گۆر زانیاریان حوکمەتا هەرێما کوردستانێ چەندین خال دیار کرینە کو بەرهەڤیا خوە نیشا دایە مەلەفێ نەفتێ رادەستێ بەغدا بکەت، لێ هەتا نها ل دۆر هندێ رێککەفتن نەهاتیە کرن کا دێ بەغدا چەند پارەی دەتە هەرێما کوردستانێ و بریارە ڤێ حەفتیێ د سەرەدانا شاندێ هەرێما کوردستانێ دا گەلەک خال بهێنە ئێکلاکرن.
ئه‌ڤرۆ نیوز:
ل پارێزگه‌ها دهۆكێ ژوورا ئوپه‌راسیونا به‌رهنگاربوونا ڤایرۆسێ كورونایێ رێ دا ڤه‌كرنا چه‌ندین جهێن دی ل پارێزگه‌هێ.
ژوورا ئوپه‌راسیونا به‌رهنگاربوونا ڤایرۆسێ كورونایێ ل پارێزگه‌ها دهۆكێ راگه‌هاند جهێن رێ پێدایی ل قوناغا 10 هاته به‌لاڤكرن چه‌ندین جهێن ب ئه‌گه‌رێ ڤایرۆسێ كورونایی هات بوونه گرتن دشێن ڤه‌كه‌ن لگۆری رێنمایێن نوو بۆ كاركرن و ڤه‌كرنا ئه‌وان جهان.
ژوورا ئوپه‌راسیونا به‌رهنگاربوونا ڤایرۆسێ كورونایێ ل پارێزگه‌ها دهۆكێ ئه‌و چه‌نده ژی راگه‌هاند رێكارێن هاتینه دیاركرن بهێنه ئه‌نجامدان و لدیڤ رێنمایێن ساخله‌میێ كۆ ئه‌ڤه‌نه، هه‌می وه‌لاتی و كاسب كار ل جهێن گشتی دڤێت ده‌مامك و ده‌ستگوركان بكاربینن، دوراتیا دناڤبه‌را دوكه‌سان دا ژ مه‌تر و نیڤان كێمتر نه‌بیت ل هه‌می جهان، ژ دو كه‌سان پتر ل جهه‌كی خرڤه نه‌بن لدیڤ جهێ خو دیركرنێ و روبه‌رێ جهی، ب كارئینانا تافیلكه‌رێن شل ل ده‌مێ سه‌ره‌ده‌ریكرنێ ل گه‌ل كه‌سین دی تر .
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ راگه‌هاند مه‌ترسیا كورونایێ مایه و پێدڤیه وه‌لاتی رێنمایێن خۆپارێزێ بجهـ بكه‌ن.
سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ راگه‌هاند داخازێ ژ وه‌لاتیێن هه‌رێمێ دكه‌م، رێنمایێن خۆپارێزیێ دژی ڤایرۆسێ كروونایێ بجهـ بكه‌ن، هه‌روه‌سا ژ قه‌ره‌بالغیێ دیر بكه‌ڤن و ماسك و ده‌ستگوركا بكار بینن چونكو كورونا مایه و دوماهی نه‌هاتیه.
وه‌زیرێ ساخله‌میا هه‌رێما كوردستانێ ئه‌و چه‌نده ژی راگه‌هاند جهێ داخێ یه نوكه وه‌لاتی پێگیری رێنمایان نین و قه‌ره‌بالغی و تێكه‌لیكرن زۆر بوویه ئه‌ڤه‌ژی بۆ مه جهێ دلته‌نگیێ یه، ئه‌ركه وه‌لاتی خۆ ب پارێزن و پێگیری رێنمایان بن، نوكه كێم كه‌س هه‌نه ماسكێ بكار دئینن، پێدڤیه وه‌لاتیێن مه وه‌ك وه‌لاتێن جیهانێ خۆ ب پارێزن.
سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ ئه‌و چه‌نده ژی دازانین كۆ هێشتا مه‌ترسیا كورونایێ مایه،راسته ل هه‌رێما كوردستانێ ره‌وش ل بن كۆنترۆلێ دایه، به‌لێ مه‌ترسیا ڤایرۆسی كورونایێ ل هه‌رێمێ به‌رده‌وامه، ل چه‌ند رۆژین بوری حاله‌تێن نوو هاتینه توماركرن ل نه‌خوشخانێ ژی توشبوویێن ڤایرۆسی ماینه.
ئه‌ڤرۆ نیوز:
سوپایێ نیشتمانی یێ لیبیا كۆ خه‌لیفه حه‌فته‌ر سه‌رۆكاتیێ دكه‌ت، ئه‌ڤر ئێخستنا فرۆكه‌یه‌كا بێ فرۆكه‌ڤان یا توركیا ل ده‌ڤه‌را وه‌تیه ل ته‌رابلس راگه‌هاند.
د به‌یاننامه‌یه‌كێ دا سوپایێ نیشتمانیێ لیبیا راگه‌هاند هێزێن وان هه‌وه‌كا سه‌ربازی ل بن ناڤێ هه‌لبوونا ئاگرێ توره‌یی ل دژی هێزێن میلیشیایێن سه‌ر ب توركیا ل لیبیا ده‌ستپێكر.
سوپایێ نیشتمانیێ لیبیا جورێ فرۆكه‌یه‌كی ئاشكراكر كۆ ئێخستیه خارێ، پێنگاڤێن وان ل دژی توركیا و هێزێن داگیركه‌ر دێ به‌رده‌وام بن.
نه‌هێ ئه‌ڤێ هه‌یڤێ ل بن ناڤێ ته‌یرێن ئه‌بابیل سوپایێ نیشتمانیێ لیبیا كۆ خه‌لیفه حه‌فته‌ر سه‌رۆكاتیا وان دكه‌ن د هه‌وه‌كا تایبه‌ت دا، ئێخستنا فرۆكه‌یه‌كا بێ فرۆكه‌ڤان یا توركیا ژ جورێ به‌یره‌قدار TB2ل ده‌ڤه‌را قبائیل سه‌ر ب ترابلسا پایته‌ختێ لیبیا به‌لاڤكریه.
نوكه لیبیا ب سه‌ر دو به‌ره‌یان دا دابه‌ش بووی، به‌ره‌یێ رۆژهه‌لات كۆ ژلایێ چه‌كدارێن سوپایێ نیشتمانیێ لیبیا ڤه هاتیه كۆنترۆلكرن كۆ روسیا پشته‌ڤانیا وان دكه‌ت، به‌ره‌یێ رۆژ ئاڤا كۆ حكومه‌تا ویفاقه و فایز سه‌راج سه‌رۆكاتیا وێ دكه‌ت ژلایێ توركیا ڤه پشته‌ڤانیا وان دهێته‌كرن.
نيشاندان