ئه‌ڤرۆ نیوز:
عه‌مار جابر خه‌لیل پارێزگارێ سه‌لاحه‌دین راگه‌هاند بریار هاتیه دان رێك نا‌هێته دان ب ئینانا گه‌نم و جه‌هی ژ ده‌رڤه‌یی پارێزگه‌هێ، ڤه‌گۆهاستنا وان به‌رهه‌مان ژی بتنێ دناڤ چارچوڤه‌یێ پارێزگه‌هێ رێك پێ دهێته‌دان.
پارێزگارێ سه‌لاحه‌دین ئه‌و چه‌نده ژی راگه‌هاند ئارمانج ژ وێ بریارێ پاراستنا به‌رهه‌مێ ناڤخویێ جۆتیارێن پارێزگه‌ها سه‌لاحه‌دینه.
ئه‌ڤرۆ نیوز:
سه‌رۆك كۆمارێ ئیرانێ راگه‌هاند: وه‌لات ژ قوناغا مه‌ترسیدار یا ڤایرۆسێ كورونایێ ده‌ربازبوو، به‌لێ ره‌وش به‌ره‌ڤ باشبوونێ ڤه دچیت و ل هه‌یڤا ره‌مه‌زانێ دی ڤه‌كۆلینا ڤه‌كرنا ناڤه‌ندێن ئاینی ب شێوه‌یه‌كێ رێژه‌یی كه‌ین.
حه‌سه‌ن روحانی سه‌رۆك كۆمارێ ئیرانێ راگه‌هاند نوكه پێنگاڤێن باش ب ئاراسته‌یا كۆنترۆلكرنا ڤایرۆسی كورونایێ هاتینه هاڤێتن، به‌لێ هێشتا مه‌ترسیێن ئه‌وی ڤایرۆسی ماینه و قوناغێن مه‌ترسیدار ده‌رباز بوون، كار هێسانی بۆ كارۆبارێن وه‌لاتیان ئاسایبوونا ژیانێ دی ده‌ستپیێكه‌ینه‌ڤه.
سه‌رۆك كۆمارێ ئیرانێ ئه‌و چه‌نده ژی راگه‌هاند ل چاڤ ده‌مێن بوری یێن ده‌ستپێكا ڤایرۆسێ كورونایێ، نوكه ره‌وش به‌ره‌ڤ باشبوونێ ڤه دچیت، چه‌ندین پێداویستی و ئامیرێن ساخله‌میێ یێن پێدڤی بده‌ست گه‌هشتینه و دێ به‌رده‌وامیێ بجهكرنا پلانا رێگرتن ژ كۆمبوون و رێكارێن دی یێن خۆپارێزیێ كه‌ین تاكۆ ب ته‌مامی ڤایرۆس دهێته كۆنترۆلكرن.
لگۆری دوماهی ئامارێن ساخله‌میا ئیرانێ، 116 هزار و 635 توشبوویێن ڤایرۆسێ كورونایێ هاتینه تورماركرن، شه‌ش هزار و 902 كه‌س ب ئه‌گه‌ری ڤایرۆسی مرینه و 91 هزار و 836 كه‌سێن هه‌لگرێ ڤایرۆسی ساخ بووینه.
ئه‌ڤرۆ نیوز:
په‌یڤدارێ پولیسێن به‌ره‌ڤانیا باژێری ل هه‌ولێرێ راگه‌هاند عومباره‌كا په‌نزینێ ل سه‌ر رێكا مه‌خمور هه‌ولێر ئاگر به‌ربوویێ و بوویه ئهگهرێ مرنا كه‌سه‌كی.
رائید سه‌ركه‌وت كاره‌ش په‌یڤدارێ به‌ره‌ڤانیا باژێری ل هه‌ولێرێ راگه‌هاند ئه‌ڤرۆ ئاگره‌كێ مه‌زن ل عومباره‌كا كوچه‌ر ل سه‌ر رێكا مه‌خمور هه‌ولێر ل نێزیك ئێسگه‌هێ ئه‌حمه‌د ئیسماعیل به‌ربوو، جهێ داخێ یه كرێكاره‌كی ب وێ ئاگربه‌ربوونێ ژیانا خو ژ ده‌ست دا و دو تانگه‌ر و چار خه‌زانین پترۆلێ سوتن و د بزاڤا كۆنترۆلكرنا ئاگری داینه.
ناڤبری ئه‌و چه‌نده ژی دیاركر ته‌ڤایا تیمێن به‌ره‌ڤانیا باژێریێ ل هه‌ولێرێ ل جهێ روودانێ نه و بۆ كنترۆلكرنا ئاگری.
ئه‌ڤرۆ نیوز:
لگۆری نفیساره‌كا فه‌رمی، دونالد تره‌مپ سه‌رۆكێ ئه‌مریكا په‌شێمان بوو ژ بریارا راوه‌ستاندنا هه‌ڤكاریێن داراییی یێن ئه‌مریكا بۆ رێكخراوا ساخله‌میا جیهانی.
كه‌نالێ فوكس نیوز یێ ئه‌مریكا هاتیه به‌لاڤكرن، كۆ نفیسار ژ ئیداره‌یا ترمپی كه‌تیه ده‌ست میدیایێن ئه‌مریكی، ئه‌وێ چه‌ندێ دیار دكه‌ت كۆ سه‌رۆكێ ئه‌مریكا په‌شێمان بوویه ژ بریارا راوه‌ستاندنا هه‌ڤكاریێن دارایی یێن واشنتونێ بۆ(WHO) دڤێت پشكه‌كا هه‌ڤكاریان بۆ رێكخراوێ ڤه‌گه‌رینیت.
به‌ریا نها ل رۆژا 14 هه‌یڤا بوری دونالد تره‌مپ هه‌ڤكاریێن دارای بۆ رێكخراوا ساخله‌میا جیهانی راوه‌ستاند بوون رێكخراو ب وێ چه‌ندێ تومه‌تباركر كۆ ل به‌لاڤبوونا ڤایرۆسێ كورونایێ دا كێم ته‌رخه‌م بوو د وی چارچوڤه‌یی دا لایه‌نگری بۆ چینێ كریه.
ئه‌ڤرۆ نیوز:
سه‌رۆكێ ئه‌مریكا راگه‌هاند دشیاندایه تا دوماهیا ئیسال ڤاكسینا تایبه‌ت ب ڤایرۆسێ كورونایێ بهێته دیتن.
دونالد تره‌مپ سه‌رۆكێ ئه‌مریكا د كۆنفرانسه‌كێ رۆژنامه‌ڤانی دا راگه‌هاند گه‌هشتینه شیانێن ئه‌نجامدانا پشكنینا رۆژانه بۆ 350 هزار كه‌سان، نوكه ته‌ڤایا ویلایه‌تێن وه‌لاتی پلانا ئاسایبوونا ژیانێ تیدا هاتیه راگه‌هاندن.
سه‌رۆكێ ئه‌مریكا ئه‌و چه‌نده ژی راگه‌هاند پێنگاڤه‌كا دی یا گرنگ ئه‌وه كۆ به‌ره‌ڤ ئاسایبوونا ره‌وشێ یه و دیتنا چاره‌سه‌ریه‌كا كارتێكه‌ر و پێشڤه‌برنا ڤاكسینان كۆ د وێ باوه‌ریێ دامه ل دوماهیا ئیسال دێ ل به‌رده‌ست بیت.
دونالد تره‌م ئه‌و چه‌نده ژی دازانین كۆ ل ده‌ستپێكا سه‌رهلدانا ڤایرۆسێ كورونایی ل 11 كانوونا دوی ده‌ست ب كاركرنا چه‌ند ڤاكسینێن جودا هاته‌كرن و حكومه‌تێ ئه‌ڤا دشیانێن وێ دا بوو بۆ هه‌ڤكاریكرنا ئه‌ڤان كاران كر، ل گه‌ل وه‌لاتێن ئه‌وروپا كار ل سه‌ر ئه‌ڤێ چه‌ندێ دكه‌ین و بێ خومه‌زنكرنه‌كێ، گه‌له‌ك جارا ل گه‌ل ئه‌وان ژی یین هه‌ڤپه‌یمان ژی نینن لگه‌ل مه كار دكه‌ین كۆ ب شیێن ڤاكسینه‌كێ دروست بكه‌ین، ئه‌ڤه یه كارێ باش.
ئه‌ڤرۆ نیوز:
بالیوزخانه‌یا توركیا ل به‌غدا رێنمایێن نوو ده‌ربارێ دانا ڤێزێ ب وه‌لاتیێن عیراقی و هه‌رێما كوردستانی به‌لاڤ كرن.
رۆژا هه‌ینیێ 15/5/2020 بالیوزخانه‌یا توركیا ل به‌غدا د به‌یاننامه‌یه‌كێ دا راگه‌هاند رۆژا 17/5/2020 ده‌ست ب دانا ڤیزێ كه‌ن.
وه‌لاتیێن عیراقی و كوردستانێ ل بالیوزخانه‌یێ یان قونسلخانه‌یان و كۆمپانیا دشێن داخازا ڤیزێ بكه‌ن لبه‌رچاڤكرنا رێنمایان ڤیزێ وه‌ربگرن.
هه‌ر وه‌سا د به‌یاننامه‌یا بالیوزخانه‌یا توركیا دا هاتیه پێدڤیه ئه‌و كه‌سێن داخازا ڤیزێ دكه‌ن 50 دۆلاران بده‌ن، ئه‌و كه‌سێ ڤیزێ ژی وه‌ر دگریت دڤیت چاڤه‌رێ بكه‌ت تا ئه‌وی ده‌می توخیبێ دناڤبه‌را توركیا و عیراقێ بهێته‌ڤه‌كرن كۆ ب ئهگهرێ ڤایرۆسێ كورونایێ هاتیه گرتن.
ئەڤرۆ نیوز:
لژنا ئەمنی ل پارێزگەها دهۆکێ راگەهاندنەک بەلاڤ کریە و گۆتیە: ئەوان چ رەزامەندی و مۆلەتەکا فەرمی بۆ خۆپیشاندانێن رۆژا شەمبیێ 2020/05/16 نەدایە.
هەروەسا گۆتیە: چەند رۆژن بانگەشە و پروپاگەندە بۆ خۆپێشاندانان دهێتە کرن ل رۆژ شەمبیێ، بەلێ مە وەک لژنا ئەمنی چ مۆڵەتێن فەرمی بۆ وێ خۆپێشاندانی نەداینە، وێ لژنە جەخت ل هندێ کریە، کو سازکرنا خۆپیشاندانێ سەرپێچیە و دێ رێکارێن قانوونی گرنە بەر، داخواز ژ خەلکێ پارێزگەهێ کریە د خۆراگر بن.
ئەڤرۆ نیوز:
وەزیرێ کۆچا یۆنانێ راگەهاند: ئەو کەسێن مافێ پەنابەریا وان هاتیە رەتکرن، هەموو دێ هێنە دەستە سەرکرن و هەموو دێ ژ یۆنانێ هێنە دەرخستن.
نۆتیس میتاراکیس وەزیرێ کۆچا یۆنانێ گۆت ژی: پشتی قەدەغەیا هاتنوچوونێ ژبەر کۆرۆنا یێ هاتیە سەپاندن، داخوازیێن مافێ پەنابەریێ زێدەبووینە، وان ژی قانوونێن خوە دەربارەی پەنابەران توندتر لێ کرینە، د هەیڤا ئادار و نیسانێ دا کەیسا ١١ هزار کۆچبەران هاتینە رەتکرن.
هەروەسا دیارکریە: زۆربوونا پەنابەران بوویە ئاریشەکا جددی ل سەر یۆنانێ، ئەو کەسێن کەیسێن وان هاتینە رەتکرن، پشتی ب دووماهی هاتنا رێکارێن تایبەت ب کۆرۆنا یێ ڤە هەموو دێ بۆ وەلاتێن وان هێنە رەوانە کرن.
ئەڤرۆ نیوز:
سەرۆک کۆمارێ تورکیا رەجەب تەیب ئەردۆغانی د پەیوەندەیەکا تەلەفۆنی دا پیرۆزباهی ل سەرۆک وەزیران عیراقێ مستەفا کازمی کریە و گۆتیە: ل دەمەکێ نێزیک دێ سەرەدانا بەغدا کەم.
نڤێسینگەها راگەهاندنا سەرۆک وەزیرێ عیراقێ بەلاڤکریە:کو رەجەب تەیب ئەردۆغانی سەرۆک کۆمارێ تورکیا و مستەفا کازمی سەرۆک وەزیرێ عیراقێ پەیوەندیەکا تەلەفۆنی ئەنجامدایە و سەرۆکێ تورکیا پیرۆزباهی ل مستەفا کازمی کریە وەکو سەرۆک وەزیرێ عیراقێ.
هەروەسا دیارکریە: بۆ موکومکرنا بەرژەوەندیێن هەڤبەش یێن دناڤبەرا هەردو وەلاتان دا، د نێزیکترین دەرفەت دا دێ ئەردۆغان سەرەدانا بەغدا کەت.
گۆتیە ژی: دێ بەحسێ ئاریشا ئاڤێ، بزاڤێن ئابووری و وەبەرهێنانێ و رۆلێ کۆمپانیێن تورکی د بیاڤێن جۆدا و چاوانیا بەرهنگاربوونا کریزێن کۆرۆنا یێ د ناڤبەرا هەردو سەرۆکان دا هاتنە گۆتۆبێژ کرن.
ئەڤرۆ نیوز:
بهایێ بەرمیلەکێ نەفتا خاڤا برێنت د بازارێن جیهانێ دا بۆ ٣٢ دۆلار و ٧١ سەنتان بلند بوو، بهایێ بەرمیلەکێ نەفتا خاڤا ئەمریکی ژی بۆ ٢٩ دۆلار و ٦١ سەنتان بلند بوو.
لدووڤ نووچێن ئاژانسێن ئابووری، بهایێ بەرمیلەکێ نەفتا خاڤا برێنت د بازارێن جیهانێ دا ب رێژا ٥% بلندبوو، ژ ٣١ دۆلاران گەهشتە ٣٢ دۆلار و ٦١ سەنتان و بهایێ بەرمیلەکێ نەفتا خاڤا ئەمریکی ژی ب رێژا ٧% بلندبوو، ژ ٢٧ دۆلار و ٨٩ سەنتان گەهشتە ٢٩ دۆلار و ٦١ سەنتان.
نيشاندان