ئەڤرۆ نیوز:
بریارا ئەڤرۆ مەسرور بارزانی سەرۆکێ حوکمەتا هەرێما کوردستانێ ل گەل شاندێ حوکمەتێ بۆ بەغدا کۆمبیت و ل دۆر ئەنجامێ دانوستاندنێن ل گەل بەغدا گەنگەشە هێنە کرن.
حەفتیا بۆری شاندێ هەرێما کوردستانێ ب سەرۆکاتیا قوباد تالەبانی جێگرێ سەرۆک وەزیرێن هەرێما کوردستانێ سەرەدانا بەغدا کربوو و ل گەل بەرپرسێن حوکمەتا عیراقێ ل دۆر پرسا پەترۆلێ و مووچێن فەرمانبەرێن هەرێما کوردستانێ دانوستاندن کربوون و بریارە ئەڤرۆ ل دۆر هندێ شاندێ هەرێما کوردستانێ ل گەل مەسرور بارزانی کۆم ببیت.
ئه‌ڤرۆ نیوز:
به‌رپرسێ په‌یوه‌ندیێن فه‌رمانگه‌ها هه‌ماهه‌نگی و دووڤچوونێ ل جڤاتا وه‌زیرێن حكومه‌تا هه‌رێما كوردستانی راگه‌هاند ب ئه‌گه‌رێ بریارا وه‌رگرتنا وان قه‌ران كۆ ل ده‌ڤ بازرگانان، رێژه‌كاباش یا داهاتی بۆ ناڤ بودجا حكومه‌تا هه‌رێمێ ڤه‌دگه‌ریت.
عه‌بدلحه‌كیم خه‌سره‌و به‌رپرسێ په‌یوه‌ندیێن فه‌رمانگه‌ها هه‌ماهه‌نگیه و دووڤچوونێ ل جڤاتا وه‌زیران راگه‌هاند: سالێن به‌رێ لگۆری یاسا و رێنمایێن تایبه‌ت حكومه‌تا هه‌رێما كوردستانێ قه‌ر ددانه بازرگانان، له‌ورا نوكه تایبه‌ت كۆ قه‌یرانا دارایی یه جڤاتا وه‌زیران بریار دا ئه‌وان قه‌ران ڤه‌گه‌رینن.
عه‌بدلحه‌كیم خه‌سره‌و ئه‌و چه‌نده ژی راگه‌هاند لگۆری زانیاریان ژ ئه‌ڤرۆ ده‌واما فه‌رمانگه‌هێن حكومه‌تێ ئاسایی بوویه وه‌زاره‌تا دارایی دێ ده‌ست كه‌ت ب رێكارین وه‌رگرتنا قه‌ران كۆ به‌ریا نوكه حكومه‌تێ دابونه بازرگانان، ڤه‌گه‌راندنا ئه‌ڤی پاره‌یی بۆ ناڤ بودجا حكومه‌تێ كۆ ب شێت بۆ مه‌زاختی و موچه‌یی مفایی ژێ وه‌ربگریت.
ئه‌ڤرۆ نیوز:
ئه‌ڤرۆ رۆژا دو شه‌مبی، ده‌واما فه‌رمانگه‌هێن حكومه‌تا هه‌رێما كوردستانێ ده‌ستپێكر.
ده‌ستپێكرنا دواما فه‌رمانگه‌هێن حكومه‌تێ پشتی ئه‌وێ چه‌ندێ هات كۆ مه‌ترسیا به‌ربه‌لاڤبوونا ڤایرۆسێ كورونایی نه‌مایین یان هه‌تا ئاسته‌كی كۆ به‌ریا نها هه‌بوو بڤێ چه‌ندێ ل ده‌ستپێكا هه‌یڤا ئادارێ ده‌وامێن فه‌رمانگه‌هێن حكومی هاتبوونه راوه‌ستاندن.
ل ده‌مێ ده‌ستپێكرنا ده‌وامێ ژی دڤێت فه‌رمانبه‌ر و وه‌لاتی ل ده‌مێ داوام و سه‌ره‌دانكرنا فه‌رمانگه‌هان پێگیر بن ب رێنمایێن خۆ پاراستنێ وه‌ك بكار ئینانا ماسك و ده‌ستكێشان.
به‌ریا چه‌نده‌كێ وه‌زاره‌تا ناڤخو كۆمه‌كا رێنمایێن نوو به‌لاڤكر و تێدا راگه‌هاند بوو كۆ جارێ هاتنوچون دناڤبه‌را باژێران ناهێته‌ڤه‌كرن.
ئه‌ڤرۆ نیوز:
لژنا بلندا ساخله‌میێ سه‌ر ب جڤاتا وه‌زیرێن عیراقێ ڤه، سێ بریارێن نوو ده‌ربارێ ڤایرۆسێ كورونایێ ده‌ركرن، یا ئێكێ بریار دا هاتنوچون ل رۆژێن چه‌ژنێ ب ته‌مامی بهێته قه‌ده‌غه‌كرن.
لژنا بلندا ساخله‌میا عیراقێ ئه‌و چه‌نده ژی دیاركر كۆ ب سه‌رۆكاتیا مسته‌فا كازمی سه‌رۆك وه‌زیرێ نوو یێ عیراقێ و بریارا قه‌ده‌غه‌كرنا هاتنوچونێ ل عیراقێ تا دوماهیا رۆژێن چه‌ژنێ دێ یا به‌رده‌وام بیت.
بریار كودێ ل رۆژین چه‌ژنێ قه‌ده‌غه‌یا هاتنوچونێ ب ته‌مامی هێته بجهكرن، وه‌زاره‌تا ڤه‌كۆهاستنێ ژی چه‌ند مه‌رجه‌كین نوو بۆ سلامه‌تیێ بۆ ڤه‌وگۆهاستنا وه‌لاتیان ب رێیا ئالاڤێن ڤه‌گۆهاستنا ناڤخۆ دادنیت.
ئەڤرۆ نیوز، عەلی حاجی :
بەرپرسێ نڤێسینگەها زاخۆ بۆ ئەڤرۆ نیوز دیار کر: ژ پروژەیێ ئازیزانی کوردستان دێ کوژمەیەکێ پارەیی ب سەر ٩٣ زاروویێن بێ سەمیان ل سنورێ باژێرێ زاخۆ هێتە بەلاڤ کرن وەکو موچەیێ چار هەیڤان.
زێدەتر محەمەد مەهدی گۆت : بۆ پروژەیێ ئازیزانی کوردستان بریارە ئەڤرۆ دوشەمبێ دەست ب بەلاڤ کرنا موچەیێ چار هەیڤان بکەین بۆ زارووێین بێ سەمیان ل زاخۆ کو هەژمارا وان دبیتە ٩٣ زارووک و بۆ هەر زاروویەکێ ژی دێ ٢٠٠ دولارێن یٔەمریکی بن و هندەک مالان دا دو زاروو هەنە و دێ هەر زاروویە ژی مفادار بن ژ وی پارەیی،سوباهی دێ ل دەوروبەرێن زاخۆ وەکو ناحی و گوندان دێ دەست پێکەین و روژا دیف دا ژی دێ دناڤ سەنتەرێ باژێری دا بەلاڤ کەین و قەستا مالێن وان کەن داکو وی پارەیی رادەستی وان بکەین ژبەر هەبونا کورونایێ مە نەخاستی یە بهێنە نڤێسینگەها دەزگایێ بارزانی ل زاخۆ،ماوەیێ چار هەیڤایە یٔەڤ موچەیە ب سەر وان زاروویان دا نەهات بوو بەلاڤ کرن ژبەر کو ماوەیەک بوو رەوشا کوردستانێ ژبەر هەبوونا کورونایێ نەیا بەر قەرار بوو.
ناڤهاتی خویا کر ژی ” یٔەڤ ناڤێن هاتینە تومار کرن بۆ ماوەیێ نێزیکی حەفت هەتا هەشت سالایە بەردەوامن دگەل مە دا و هاریکاریان د وەرگرن و ژبەر قەیرانا دارایی ژی ماوەیەکە ناڤ تومار کرنا زاروویان هات بوو راوەستاندن بەلێ د دەمەکێ نێزیک دا دێ دووبارە دەست ب نڤێسینا ناڤێن زاروویێن بێ سەمیان کەین”.
ئەڤرۆ نیوز، عەلی حاجی :
چاڤدێرەکێ سیاسی بۆ ئەڤرۆ نیوز دیار کر: ئەو تشتێ کوردستان شانازیێ پێ بکەت پێکڤە ژیانا ل کوردستانێ یە و ئەو هێرشا ل کێم نەتەوەیان ل کوردستانێ هاتیە کرن ب کارەکێ مەترسی دبینم، ئەو لایەنێن سیاسی هێرشی کرین ژی پێشتر ب غیانەتێ ژی تێر نەبووینە.
زێدەتر شڤان شێخو گۆت: ژ دەست دانا پشکەکا ئاخا کوردستانێ ژلایێ وان حزب و لایەنێن سیاسی ڤە ل کوردستانێ ئەو تێر نەکریبە لەورا پەنایێ بۆ تێک دانا پێکڤە ژیانا ل کوردستانێ دکەن و ئەز ڤێ چەندێ ژی ب مەترسی دبینم بۆ سەر کوردستانێ و وان لایەنان ژی دڤێت ب هێرشکرنا سەر کێم نەتەوەیان رەوشا کوردستانێ تێک بدەن و ئەگە ژی ئێک ژ ئارمانجێن وان وەلاتایە یێ کو دخازن رەوشا کوردستانێ تێک بچیت و ئەڤە ژی دێ بیتە رێیەک کو پتر وەلاتێن ب دژی کوردستانێ ڤێ چەندێ بکەنە هەرەشەیەک بۆ هەرێمێ،پاراستنا پێکڤە ژیانێ ژی بویە دەستکەڤتیەکێ باش بۆ کوردستانێ بۆ وەلاتێن ژدەرڤە ژبەر کو ب وێ رێکێ شیایە چەندین دەست کەڤتیان ب دەست ڤە بینیت و نابیت ئەڤ دەستکەڤتی یە ژی کەڤنە بن مەترسیا ژ دەست دانێ و ژناڤ چوونا پێکڤە ژیانێ ژی دێ مەترسیێ پەیدا کەت.
ناڤبری دیار کر ژی:” پێدڤی یە لایەنێن سیاسی ئێک هەلویست بن بەرامبەر دەست کەفتیێن ب دەست کوردستانێ ڤە هاتین و نابیت لایەنەکێ دیار کری ڤێ چەندێ بکەتە هێرەشەک و بەردەوام بیت ل سەر پەیداکرنا مەترسیێ”.
ئەڤرۆ نیوز:
وەزارەتا ڤەگوهاستنێ و گەهاندنێ یا حوکمەتا هەرێما کوردستانێ راگەهاند کو وەکو پێنگاڤەکا گرنگ ژ بۆ ئاساییکرنا ژیانێ و ئاسانکاریان بۆ وەلاتیان وان بریار داینە کو سیستەمێ کارکرنێ یێ تەکسیان کو بەری نها کت و جووت بوو بهێتە هلوەشاندن و هەروەسا بریار هاتیە دان کو پاس و مینی پاس ژی دەست ب کارێ خوە بکەن.
وەزارەتا ڤەگوهاستنێ و گەهاندنێ دیار ژی دکەت کو هەر سپێدێ ئانکۆ رۆژا ١١/٥/٢٠٢٠ ئەڤ سیستەمە دێ کەڤیتە کاری.
سەبارەت ب هاتنوچوونا د ناڤبەرا پارێزگەهان ژی وەزارەتا ناڤهاتی دیار دکەت کو بریارە وەزارەتا ناڤخوە ل دۆر هندێ ئەڤ شەڤە بریارەکێ بدەت.
ئەڤرۆ نیوز:
د. سامان بەرزنجی وەزیرێ ساخلەمیێ یێ حوکمەتا هەرێما کوردستانێ دیار کر کو مەترسیا بەلاڤبوونا کۆرۆنایێ ل هەرێما کوردستانێ نەمایە و گۆت: (ئەم ل گەل وەزیرێ ناڤخوە ژی ئاخڤتینە و مە بریار دایە کو ئاسانکاریێن زێدەتر بۆ وەلاتیان بهێنە کرن و گەلەک جهێن دی ژی بهێنە ڤەکرن).
ناڤهاتی راگەهاند کو ئەڤرۆ دێ هندەک بریارێن نوو بۆ خوە پاراستنا ژ کۆرۆنایێ هێنە دان، لێ دێ گەلەک ئاسانکاری بۆ وەلاتیان ژی هێنە کرن و گۆت: (هێڤیدارین کو وەلاتی وەکو دەمێن بۆری بۆ پاراستنا خوە پێگیریێ ب رێنمایان بکەن).
نيشاندان