ئەڤرۆ نیوز:
ئەڤرۆ د روونشتنا پەرلەمانێ کوردستانێ دا ب دەنگێ ٥٧ ئەندامێن پەرلەمانی پارێزبەندی ل سەر سۆران عومەر ئەندامێ پەرلەمانێ کوردستانێ ژ فراکسیۆنا کۆمەلا ئیسلامی هاتە راکرن.
هەر د روونشتنا پەرلەمانی دا دەنگدان ل سەر راکرنا پارێزبەندیێ ل سەر سێ ئەندامێن دی یێن پەرلەمانی “ئۆمێد خۆشناو، عەلی حەمە سالح و شیرین ئەمین” ژی هاتە کرن لێ ب دەنگێ پرانیا ئەندامان هاتە رەتکرن.
ئه‌ڤرۆ نیوز:
سه‌رۆك بارزانی ب رێكا په‌یوه‌ندیه‌كا ته‌له‌فونی پیرۆزباهی ل سه‌رۆك وه‌زیرێ نوو یێ عیراقی كر.
سه‌رۆك بارزانی د تویته‌كێ دا راگه‌هاند ب رێكا په‌یوه‌ندیه‌كا ته‌له‌فونی پیرۆزباهیا مسته‌فا كازمی كر بۆ هه‌لبژارتنا وی وه‌ك سه‌رۆك وه‌زیر.
هه‌ڤده‌م د وێ په‌یوه‌ندیا ته‌له‌فونا سه‌رۆك بارزانی دا، هیڤیا سه‌ركه‌فتنێ بۆ كازمی د ئه‌ركێن وی بۆ ده‌ستڤه‌ئینانا ئاسایش و سه‌قامگیریا وه‌لاتی، به‌ره‌ڤ پێشڤه‌برنا په‌یوه‌ندیێن ل گه‌ل هه‌رێما كوردستانێ و چاره‌كرنا ئه‌و ئاریشه‌یین مه‌زنێن دناڤبه‌را هه‌ردو لایان دا ماینه خاست.
دره‌نگیا شه‌ڤا بووری مسته‌فا كازمی و 15 وه‌زیرێن كابینا وی ژلایێ جڤاتا نوونه‌رین عیراقی ڤه باوه‌ری پێ هاته دان.
ئه‌ڤرۆ نیوز:
په‌یڤدارێ وه‌زاره‌تا كاره‌با حكومه‌تا هه‌رێما كوردستانێ ئاشكراكر كارپێكرنا ته‌ڤایا وێسگه‌هێن به‌رهه‌مئینانا كاره‌بێ ژ گازوئیلێ هاته ڤه‌گۆهاستن بۆ غازێ كۆ مه‌زاختیێن وێ د ئه‌رزانن و خزمه‌تا بیاڤێ ژینگه‌هێ دكه‌ت.
ئومێد ئه‌حمه‌د په‌یڤدارێ وه‌زاره‌تا كاره‌با حكومه‌تا هه‌رێما كوردستانێ راگه‌هاند لگۆری پلانه‌كا وه‌زاره‌تێ، سوته‌مه‌نیا كارپێكری ژ ته‌ڤایا وێسگه‌هێن به‌رهه‌مئینانا كاره‌بێ ژ گازوائیلێ گوهورینه بۆ غازێ كۆ ڤه‌گۆهاستن یاىب ساناهی یه ل شوونا ته‌نكه‌ر بوریان دهێته‌ڤه‌گۆهاستن، هه‌ڤده‌م زیانین كێمتر ژی بۆ ژینگه‌هێ هه‌نه و مه‌زاختیێن وێ ئه‌رزانترن.
په‌یڤداری وه‌زاره‌تا كاره‌با هه‌رێما كوردستانێ ئه‌و چه‌نده ژی راگه‌هاند ژبلی ئه‌ڤێ چه‌ندێ ئێك ژ پرۆژێن گرنگێن دی ئێخستینه پلانێ دا، كۆ پرۆژه‌یێ دروستكرنا وێسگه‌هه‌كێ 140 مێگاواتی ل توخیبێ ئیداره‌یا گه‌رمیان كۆ ب غازا ژ نه‌فتێ ده‌ردكه‌ڤیت كار دكه‌ت، بڤی شیوه‌یی بڤێ وێسگه‌هێ دهیته گۆتن دوستا ژینگه‌هێ پشتی كارێن پێدڤی و دابینكرنا بودجێ دێ كه‌ڤیته بیاڤێ بجهكرنێ دا، هه‌ڤده‌م چه‌ند وێسگه‌هێن دی یێن به‌رهه‌م ئینانا كاره‌بی ب ئاڤێ و ماده‌یێن دی كار بكه‌ن كۆ دبێژنێ هایدروپله‌س ئێخستینه پلانا كارێن وه‌زاره‌تا كاره‌بێ.
ئومێد ئه‌حمه‌د گۆت ژی نوكه هه‌رێما كوردستانێ سێ هزار مێگاواتێن كاره‌بێ به‌رهه‌م دئینیت و بوێ چه‌ندێ دشێت 21 بۆ 22 ده‌مژمێرێن كاره‌بێ د شه‌ڤ و رۆژان بده‌ته وه‌لاتیان، به‌لێ ئه‌و رێژه‌یه ل گه‌ل هاتنا وه‌رزێ گه‌رمێ ب ئه‌گه‌رێ بلند بوونا خواست و زێده بكار ئینان كێم دبیت.
ئه‌ڤرۆ نیوز:
دونالد تره‌م سه‌رۆكێ ئه‌مریكا مافێ ڤیتویێ ل دژی ئه‌وێ بریارا كۆنگرێسی بكار ئینا كۆ ده‌سه‌لاتا سه‌رۆكی ئه‌مریكا ژ ئه‌نجامدانا شه‌ری ل دژی ئیرانێ توخیبدار كری كر.
د داخویانیه‌كێ دا دونالد تره‌مپ سه‌رۆكێ ئه‌مریكا راگه‌هاند ئه‌و بریارا كۆنگرێسی ب ئه‌گه‌ری لێك تێنه‌گه‌هشتن ژ راستیان و یاسا ده‌رخستن بۆ من جهێ شه‌رمزاریێ بوو له‌ورا من بریار ڤیتو كر.
هه‌یڤا ئادارێ ژ ژماره‌یه‌كا به‌رچاڤ ژ ئه‌ندامێن كۆنگرێسی ژ هه‌ردو پارتێن دیموكرات و كۆماری رێكه‌تن ل سه‌ر توخیبداركرنا ده‌سه‌لاتێن شه‌ری یین دونالد تره‌مپی، چونكو ترسا ئه‌وێ چه‌ندێ هه‌بوو سه‌رۆكێ ئه‌مریكا بێ ڤه‌گه‌ران بۆ كۆنگریسی شه‌ری ل گه‌ل ئیرانی رابگه‌هینیت.
ئه‌ڤرۆ نیوز:
سه‌رۆكێ هه‌رێما كوردستانێ پیرۆزباهی ل مسته‌فا كازمی وه‌ك سه‌رۆك وه‌زیرێ نوو یی عیراقی دكه‌ت ب هه‌لكه‌فتا بده‌ستڤه ئینانا باوه‌ریا جڤاتا نوونه‌رین عیراقێ.
نێچیرڤان بارزانی سه‌رۆكێ هه‌رێما كوردستانێ د تویته‌كی دا ئه‌ڤرۆ هاتیه به‌لاڤكرن تێدا گۆتیه پیرۆزباهیێ ل مسته‌فا كازمی دكه‌م بۆ په‌سندكرنا كابینا وی و هیڤیا سه‌ركه‌فتنێ بۆ دخوازم، كۆ هیڤی خازم حكومه‌ت ب شێت ئارامیێ و سه‌قامگیریێ و خزمه‌تگۆزاری و پێشكه‌فتنێ بۆ وه‌لاتی و ماف و داخازیێن گه‌لێ عیراقێ و مافێن دستوری یێن هه‌رێمی بۆ ڤه‌گه‌رینیت.
ئەڤرۆ نیوز:
کاوە محەمەد، پەرلەمانتارێ فراکسیۆنا گۆران د کۆنگرەکێ رۆژنامەڤانیدا راگەهاندنەک ب ناڤێ کۆمەکا پەرلەمانتارێن کورد ل پەرلەمانێ عیراقێ خواند و راگەهاند، ئەم پشتەڤانیێ ل تێپەراندنا کابینا کازمی ناکەین.
هەروەسا گۆتیە، ئەگەرێ نە دەنگدانا مە ئەوە، ڤێ کابینێ چ گەرەنتی نەدایە کو کێشا بودجەی و مووچێ هێزێن پێشمەرگەی و فەرمانبەران چارەسەر بکەت.
ناڤێ وان پەرلەمانتارێن کو دەنگی نادەنە کابینا کازمی ئەڤەنە:
رابوون مەعرووف
هشیار عەبدوللا
سەرکەوت شەمسەدین
کاوە محەمەد
سروە یونس
غالب محەممەد
یوسرا رەجەب
ئەڤرۆ نیوز، عەلی حاجی:
ئەندامەکێ لژنا دووڤچوونا بازاری ل زاخۆ بۆ ئەڤرۆ نیوز دیار کر: کارگەهەکا دروست کرنا عەسیران ل زاخۆ ماوەیەک بوو مە چاڤدێریا دروست کرنا جورەکێ عەسیران دکر کو مادەیەک دناڤ دا هەبوو ب کێر ڤەخوارنێ نەدهات لەورا ئەڤرۆچار شەمبێ ٦/٥/٢٠٢٠ ئەو جهـ ژلایێ لژنا مە ڤە هاتە داخستن.
زێدەتر وەلات هەجەر گۆت: ماوەیەک بۆ ب هەڤکاریا ئاسایش و پولیس و لژنا چاڤدێریا بازرگانی و کونترولێ جوری ل زاخۆ چاڤدێریا کارگەهەکا بەرهەم ئینانا جورەکێ عەسیران ل زاخۆ ژبەر کو مە پێزانین ل سەر هەبوون کو نە لدووڤ سالوخەتێن ساخلەمێی دهێنە دروست کرن، پشتی مە سەرەدانا وێ کارگەهێ کری دیار بوو ئەو عەسیرا ژلایێ وێ کارگەهێ ڤە دهاتە دروست کرنا کو مادەیک دناڤ وێ عەسیرێ دا هەبوو ب کێر ڤەخوارنێ نەدهات لەورا هەر ئێکسەر مە بریارا دائخستنا وێ کارگەهێ دەر کر و ئەو شەربەتا دناڤ کارگەهێ دا و دناڤ بازاری دا هەمی هاتە دەستە سەر کرن، کو سەرجەمێ وێ د بوو هەشت هزار و شەش سەد و شێست لتر و ئەو بەرهەمە هەموو رادەستی لژنا چاڤدێریا بازرگانی هاتە کرن و ژلایێ وێ ڤە ژی هاتە ژناڤ برن، د نوکە دا کار تێدا ناهێتە کرن و دێ داخستی بیت هەتا کو رێکارێن قانوونی یێن وێ کارگەهێ دهێنە وەرگرتن.
ناڤهاتی خویا کر ژی: ب هوور بینی مە کار ل سەر وێ کەیسێ کر بوو ژبەر کو ب ژیانا وەلاتییێ مە ڤە یا گرێدایی بوو، دێ زێدەتر ژی چاڤ ڤەکری بین داکو بشێین کونترولێ ل سەر ڤان جۆرەە سەختەکاریان بکەین.
ئەڤرۆ نیوز:
وه‌زاره‌تا ساخلەمیا حوکمه‌تا هه‌رێما كوردستانێ، ئەڤرۆ چارشه‌مبی (6 گولانا 2020)، راگه‌هاندنا هژمار (72) یا رۆژانه بەلاڤکریە و تێدا هاتیە: د دەمێ 24 دەمژمێرێن بوری دا (1141) پشکنین هاتینە ئەنجام دان ل سەر ئاستێ هەرێما کوردستانێ، (474) ل هەولێرێ، (319) ل سلێمانیێ، (312) ل دهۆكێ، (10) ل هەلەبجە، (26) ل راپەرین، د ئەنجام دا چ تووشبوویێن نوو ل هەرێما کوردستانێ نەهاتینە تۆمار کرن.
سەرجەمێ گشتی یێ تووشبوویێن ڤایرۆسێ کۆرۆنا یێ ل هەرێما کوردستانێ (391) تووشبووینە، دناڤ وان دا (5) کەس مرینە و (350) نەخۆش چێبووینە، نوکە ب تنێ (36) نەخۆش ل ژێر چاڤدێریا نۆشداران دانە.
نيشاندان