ئەڤرۆ نیوز:
دارا رەشید وەزیرێ پلاندانانێ یێ حوکمەتا هەرێما کوردستانێ راگەهاند کو راپۆرتەک بۆ سەرۆکێ حوکمەتا عیراقێ هاتیە بلند کرن و تێدا هەرێما کوردستانێ بەرهەڤیا خوە دیار کریە کو هەموو پەترۆلا خوە رادەستی بەغدا بکەت ب مەرجێ کو حوکمەتا عیراقێ ژی هەموو مافێن دارایی یێن هەرێما کوردستانێ رەوانە بکەت.
ل ئالیێ دی ئاوات شێخ جەناب وەزیرێ ئابووری و دارایی یێ حوکمەتا هەرێما کوردستانێ ژی راگەهاند کو رۆژا ١٦ ڤێ مەهێ بریارەک ژ ئالیێ ئەمیندارێ گشتی یێ جڤاتا وەزیران دەرچوویە و تێدا بریارا راگرتنا مووچێن فەرمانبەران یێن هەرێما کوردستانێ هاتیە دان و گۆت: (مە پاشی سەرەدانا بەغدا کر و ل گەل سەرۆک وەزیران کۆمبووین و تێگەهشتنەکا باش دروست بوویە و هێڤیدارین د زووترین دەم دا سەرۆک وەزیرێن عیراقێ ب رەنگەکێ ئەرێنی بەرسڤا هەرێما کوردستانێ بدەت).
ئەڤرۆ نیۆز، قائید میرۆ:
بڕیارە پڕۆژە قانوونەک پێشکێشی پەرلەمانی بھێتەکرن و تێدا دەلیڤا کاری ب رێیا کەرتێ چاندنێ بھێتە پەیدا کرن بۆ وەلاتیان، پەیڤدارێ وەزارەتا چاندنێ ژی دبێژیت، حوکمەت یا رژدە لسەر پێشڤەبرنا کەرتێ چاندنێ.
حسێن حەمە کەریم، پەیڤدارێ وەزارەتا چاندنێ بۆ ئەڤرۆ نیۆز دیارکر” چوار پڕۆژە قانوون ژلایێ وەزارەتا چاندنێ ڤە ھاتینە بەرھەڤکرن ھەموو ژی گرێدای بەرەف پێشبرنا کەرتێ چاندنێ نە ل ھەرێما کوردستانێ، چونکە حوکمەت یا رژدە لسەر گرنگیدان ب کەرتێ چاندنێ و زێدەکرنا داھاتی ب کەرتێ چاندنێ.
حسێن حەمە کەریم ئاشکراکر” ئێک ژ وان پڕۆژە قانوونێن ھاتینە بەرھەڤکرن گرێدای پەیداکرنا دەلیڤا کارینە بۆ وەلاتیێن ھەرێما کوردستانێ و ئەم دخوازین ب رێیا کەرتێ چاندنێ دەلیڤا کاری بھێتە پەیدا کرن بۆ وەلاتیان، ژ بەر کو دامەزراندن نەمایە و پێدڤیە ب رێیا کەرتێن دی وەلاتی ببنە خوەدان کار.
ئەڤرۆ نیوز، عەلی حاجی :
هاریکارێ سەرۆکێ زانکویا زاخۆ بۆ کاروبارێن قوتابیان بۆ ئەڤرۆ نیوز دیار کر ئەڤرۆ ل رۆژا ئێکشەمبێ رێککەفتی ٢٦/٤/٢٠٢٠ دئێکەم پێنگاڤ دا وەکو تێست زانکویا وان دەست ب خواندنا ئونلاین کر و دا کو خوە باشتر بەرهەڤ بین بۆ ٢/٥/٢٠٢٠ .
زێدەتر دکتور کاروان فەهمی گۆت: (ئارمانج ژ قوناغا تێستێ بۆ خواندنا ئونلاین ژ بەر وێ چەندێ بوو دا کو بشێن کونتاکەکێ دناڤبەرا قوتابی و ماموستایی دا دروست بکەین و وەکو جڤاتا زانکویێ ژی مە بریار دایە پێدڤیە هەتا ٣٠/٤/٢٠٢٠ دووماهی ژڤان بیت دا کو کونتاک دناڤبەرا قوتابی و ماموستایی دا دروست ببیت ژ بەر کو ل ٢/٥/٢٠٢٠ ب شێوەیەکێ فەرمی دێ خواندنا ئونلاین ل سەرانسەری کوردستانێ کەڤیتە د بوارێ جێبەجێ کرنێ دا و هەر دیسان دا کو بزانین چو کێماسیەک هەیە دناڤ سیستەمی دا هەر چەندە پێشتر ژی ب رێیا هندەک گروپان ژ قوتابی و ماموستایان کار ل سەر کێماسیان کربوون و چارەسەر بوون وەکو ئەلکترونی پالپشت، هەر دیسان مە هەمی ماموستا ئاگەهدار کرینە پشتی هەر دو یان سێ وانەیان پێدڤیە ماموستا دەمێ خوە بهێلیتە ڤالا دا کو ب رێیا وێ چەندێ قوتابی بشێن پسیارێن خوە ئاراستە بکەن وەکو هاریکاری دگەل قوتابیان).
ناڤهاتی ل دور کێم و کاسیان بۆ ئەڤرۆ نیوز خویا کر ” پێشتر وەکو زانکویا زاخۆ سیستەمێن باش هەبوون بەلێ پشتی هاتنا ڤایروسێ کورونایێ هەمی ماموستا و قوتابی نەچار کرن بەرەڤ وی سیستەمی ڤە بهێن، دناڤ سیستەمی دا مە سێ ئاریشە هەنە ژ وان ژی نەبوونا لاپتوپ و ئەنترنێتێ و موبایلان و ئەڤە چەندە ژی ڤەدگەریت بۆ وێ چەندێ ژی وان قوتابیان شیانێن دارایی نینن و ئەم نوکە دا یێ بۆ وان ئاریشەیان ل چارەسەریێ دگەرین ئێک ژ چارەسەریێ بۆ وان کەسێن ئەڤ پێدڤیە نەبن کو وانەیێن وان پرێنت بکەن و بۆ وان رەوانە بکەین بەلێ ئەم نوزانین دێ ئەڤ چەندە یا سەرکەڤتی بیت ژ بەر کو دبیت مالێن هندەک قوتابیان گەلەک دوور بن)”.
و گۆت ژی: ئاریشەیا دویێ وانەیێن پراکتیکن ژ بەر کو دبیت ب رێیا ئونلاینێ ناگەهیتە وان لەورا دبیت ماموستا بهێتە زانکویێ ب رێیا تاقیگەهێ وانەیان تومار بکەت و بۆ قوتابیان رەوانە بکەین، ئاریشەیا سیێ ژی قوتابیێن پشکا پەروەردا وەرزشی یە ژ بەر کو وانەیێن وان پراکتیکی نە لەورا وەسا دهێتە چاڤەرێکرن قوتابی ببنە گروپ گروپ بهێنە زانکویێ ل دووف رێنمایێن وەزارەتا ساخلەمیێ وانەیێن پراکتیکی ئەنجام بدەن).
ئه‌ڤرۆ نیوز:
جێگرێ سه‌رۆكێ حكومه‌تا هه‌رێما كوردستانێ ل گه‌ل شاندێ دانوستانكار ل گه‌ل به‌غدا كۆمبوو و راگه‌هاند دابینكرنا شایسته‌یێن موچه‌ی پێدڤیه و دێ هه‌موو بزاڤان كه‌ین، به‌رده‌وامیی پێ بده‌ین.
ئه‌ڤرۆ، قوباد تاله‌بانی جێگرێ سه‌رۆكێ حكومه‌تا هه‌رێما كوردستانێ ل گه‌ل شاندنێ دانوستانكارێ هه‌رێمێ ل گه‌ل حكومه‌تا عیراقێ كۆمبوو، شاندی ده‌رئه‌نجامێن سه‌ره‌دانا به‌غدا و ره‌وشا دارایی یا عیراق تێدا ده‌رباز دبیت ئێخستنه ری، داهاتێ پترۆلا عیراقێ ب رێژه‌یه‌كێ داكه‌تیه و كورت ئینانه‌كا زۆر مه‌زن دناڤبه‌را داهات و مه‌زاختیان بۆ حكومه‌تێ دروست بوویه،ب ئه‌گه‌رێ ئه‌ڤێ كورت ئینانێ ل به‌غدا فشارێن سیاسی ژی هه‌نه بۆ شكه‌ستن و لیك تێگه‌هشتنا به‌رێ یا دناڤبه‌را هه‌رێمێ و به‌غدایێ دا هه‌یی.
قوباد تاله‌بانی جێگرێ سه‌رۆكێ حكومه‌تا هه‌رێما كوردستانێ ئه‌و چه‌نده راگه‌هاند: كارێن پێشین یێن حكومه‌تێ پاراستنا ژیانا وه‌لاتیانه و دابینكرنا موچه‌یێ فه‌رمانبه‌رانه، دێ هه‌موو بزاڤ و پێكۆلان كه‌ین بۆ ئه‌وێ چه‌ندێ ژین و ژیارا وه‌لاتیان دابین بكه‌ین و ساخله‌میا وان ب پارێزین، دێ شكه‌ستنێ ب وان بزاڤا ژی ئینین ئه‌وێن دڤێن زیانێ ب ماف و شایسته‌یێن دارایی یێن وه‌لاتیێن هه‌رێمێ بگه‌هینیت.
جێگرێ سه‌رۆكێ حكومه‌تا هه‌رێما كوردستانێ ئه‌و چه‌نده ژی دیاركر ب شه‌فافیه‌ت دێ به‌رده‌وام بین د پویه‌ندیكرنێ ل گه‌ل فراكسیونێن په‌رله‌مانێ كوردستانی و یێن به‌غدا ژبوی دوماهی ئینان ب ئه‌ڤان بزاڤان، ب ئاشكرا و شێوازه‌كێ روون و زه‌لال دوماهی پێشهاتان بۆ خه‌لكێ كوردستانێ روون كه‌ین.
ئه‌ڤرۆ نیۆز، عه‌زیز هه‌ورامی:
به‌ڕێوه‌به‌رایه‌تی گشتی ته‌ندروستی پارێزگای هه‌ڵه‌بجه، ڕای گه‌یاند ئێستا له نه‌خۆشخانه‌كانمان هیچ توشبوویه‌كی تری كۆرۆنا نه‌ماوه ،ئه‌مڕۆ دوواترین توشبووی كۆرۆنا گه‌ڕێندرانه‌وه ماڵه‌وه.
ئازاد مسته‌فا به‌ڕێوه‌به‌ری گشتی ته‌ندروستی پارێزگای هه‌ڵه‌بجه، له كۆنگره‌یه‌كی ڕۆژنامه‌نوسی، ڕایگه‌یاند:” ئه‌مڕۆ دوو كه‌سی تر له توشبووانی كۆرۆنا پشكنینه‌كانیان ده‌ریخست چاك بوونه‌ته‌وه ،ئه‌مڕۆ نه‌خۆشخانه‌یان به‌جێ هێشت و گه‌ڕانه‌وه بۆ ماڵه‌وه.
ئازاد مسته‌فا وتییشی: ئێستا ئێستە هیچ تووشبوویەكی ڤایرۆسی كۆرۆنا لە هەڵەبجە نەماوە و داوا لە هاووڵاتییان دەكەین زیاتر خۆیان بپارێزن تا رووبەڕووی شەپۆلێكی تری كۆرۆنا نەبینەوە.
باسی لەوەش كرد، نەخۆشخانەی تایبەت بە كۆرۆنا بەردەوام دەبێت و پێویستە هاووڵاتییان ئەگەر نیشانەیەكی گوماناوییان هەبێت، سەردانی فریاكەوتن نەكەن، بەڵكو سەردانی ئەو نەخۆشخانەیە بكەن. له پارێزگای هه‌ڵه‌بجه 22 توشبووی كۆرۆنا تۆماركرا و ئه‌مڕۆ ته‌واوی توشبووانی كۆرۆنا چاك بوونه‌وه گه‌ڕانه‌وه ماڵه‌وه.
ئه‌ڤرۆ نیوز:
گرۆپا وه‌لاتێن G20 ئه‌ڤرۆ ده‌ست پێشخه‌ریه‌كا نێڤ ده‌وله‌تی راگه‌هاند، ب مه‌به‌ستا ساناهی گه‌هاندنا پێدڤیێن نوژداری و ده‌رمان بۆ ئه‌وان ده‌ڤه‌رێن كۆ ب ئه‌گه‌رێ ڤایرۆسێ كورنایێ زیان به‌ركه‌تین.
محه‌مه‌د ئه‌لجه‌دعان وه‌زیرێ دارایێ سعودیێ كۆ سه‌رۆكاتیا گرۆپا G20 دكه‌ت د راگه‌هاندنه‌كێ دا به‌لاڤكر G20 تا نوكه دكاری دایه بۆ تژیكرنا ئه‌وێ بوشاهیا وه‌به‌رهێنانا هه‌شت ملیار دۆلاران دایه ب مه‌به‌ستا ریب ری بوونا ڤایرۆسێ كورونایێ، جڤاكا نێڤ ده‌وله‌تی ژی چه‌ندین گۆمان هه‌نه ل سه‌ر ئاستێ مه‌ترسیا قه‌یرانا كورونایێ درێژبوون و به‌رده‌وامیا ئه‌ڤێ قه‌یرانێ.
د به‌یانامه‌یا گرۆپا G20 دا هاتیه كۆ پێدڤیه گرۆپا G20 هه‌ڤكاریێ ل گه‌ل چینێ و جڤاكا نێڤ ده‌وله‌تی موكمتر لێ بكه‌ت، ژ ئه‌ڤێ چه‌ندێ گرنگتر ئه‌وه پێدڤیا بوشاهیا وه‌به‌رهێنانا ساخله‌میێ تژی بكه‌ت.
گرۆپا G20 داخاز ژ حكومه‌تێن وه‌لاتان و كومه‌له‌یێن خێرخواز و كه‌رتێ تایبه‌ت كر هه‌ڤكاریێن دارایی پێشكێش بكه‌ن ژبوی تژیكرنا كێمیا سه‌رمایێ به‌رهنگاربوونا ڤایرۆسێ كورونایێ كۆ پێدڤی ب هه‌شت ملیار دۆلارێن دی هه‌یه.
ئه‌ڤۆ نیوز:
سه‌رۆكێ لژنا دارایی ل په‌رله‌مانێ كوردستانێ راگه‌هاند پاره‌یێ پێدڤی بۆ پارڤه‌كرنا موچه‌یێ فه‌رمانبه‌رێن هه‌رێما كوردستانێ به‌رهه‌ڤه، به‌لێ بۆ پارڤه‌كرنێ چاڤه‌ریێ گه‌هشتنا ئه‌و پاره‌یێ ژ به‌غدا بگه‌هیت.
زیاد جه‌بار سه‌رۆكێ لژنا دارایی ل په‌رله‌مانێ كوردستانێ راگه‌هاند: لگۆری دووڤچوونێن مه پاره ل وه‌زاره‌تا دارایی بۆ پارڤه‌كرنا موچه‌یێ به‌رمانبه‌ران به‌رهه‌ڤه، بۆ پارڤه‌كرنا ئه‌وی پاره‌ی، چاڤه‌ریێ گه‌هشتنا پاره‌یێ به‌غدا دهاته‌كرن كۆ پشكا بودجێ 453 ملیار دیناران ره‌وانه بكه‌ت، به‌لێ بۆ هه‌یڤا بهێت ئالوزی دێ دروست بن، رۆژ ب رۆژ داخوازیێن به‌غدا ل سه‌ر هه‌رێمێ زێده دبن.
سه‌رۆكێ لژنا دارایی ل په‌رله‌مانێ كوردستانێ ئه‌وچه‌نده ژی راگه‌هاند سه‌ره‌دانا شاندێ هه‌رێمێ كۆ ل ده‌ستپێكا هه‌یڤا پێنج دێ چیته به‌غدا، ل سه‌ر پرسا پترۆل و بودجێ بیت، باشترین بژارده بۆ كوردان ئه‌وه كۆ هه‌تا ئه‌وی ده‌می كازمی ده‌ستبكار بیت و پێدڤیه راسته‌وخو ل سه‌ر پترۆل و بودجێ رێكه‌تنه‌ك بهێته‌كرن ل گه‌ل چونكو نابین فه‌رمانبه‌رێن هه‌رێمێ د دودلیێ دا بن.
ئه‌ڤرۆ نیوز:
گرۆپه‌كا چه‌كدار ل باشوورێ یه‌مه‌نێ، حكومه‌ته‌كا سه‌ربه‌خو راگه‌هاند.
شه‌رێ ناڤخویێ یه‌مه‌نێ ل ده‌ستپێكا سالا 2015 ده‌ستپێكریه و تانوكه شه‌روپه‌ڤچوون به‌رده‌وامن.
بزاڤا باشوور ژلایێ ئیماراتێ ڤه دهێته پشته‌ڤانیكرن، ئه‌ڤرۆ حكومه‌ته‌كا سه‌ربه‌خو بناڤێ جڤاتا بكاربه‌را باشوور راگه‌هاند و د راگه‌هاندنا وان دا هاتیه كۆ جڤاتا بكاربه‌ر یا باشوور وه‌ك ئیداره‌یه‌كا سه‌ربه‌خو هاته راگه‌هاندن.
بزاڤا ناڤبری ده‌مه‌كه داخازا سه‌ربه‌خویێ دكه‌ت، هه‌ڤده‌م ل گه‌ل ئه‌وێ چه‌ندێ دایه یه‌مه‌ن ڤه‌گه‌ریته ڤه بۆ قوناغا به‌ری سالێن نوتا كۆ ئێك گرتنا یه‌مه‌نا باكور و باشوور.
بزاڤا باشوور كۆ گرۆپه‌كا چه‌كداره حكومه‌تا دان پێدای كۆ ژلایێ سعودیێ ڤه دهێته پشته‌ڤانیكرن ب گه‌نده‌ل و نائیداری ده‌نه دیاركرن و هه‌ر ئه‌ڤ چه‌نده ژی بوویه بهانه یا جودابوونێ و راگه‌هاندنا حكومه‌تێ.
ل باكور حوسی و ل باشوور حكومه‌تا دانپێدایی و گرۆپه‌كا چه‌كدار بناڤێ بزاڤا باشوور حكومێ ئه‌وێ ده‌ڤه‌رێ دكه‌ت و كه‌س دانپێدانێ ب یێ دی ناكه‌ت.
ئه‌ڤرۆ نیوز:
لگۆری دوماهی ئامارا توشبوویێن ڤایرۆسێ كورونایێ ل جیهانێ گه‌هشته دو ملیۆن و 923 هزار كه‌سان.
لگۆری ئامارێن جیهانی، هه‌تا ئه‌ڤرۆ ده‌مژمێر 10 سپێدێ، ژماره‌یا توشبوویێن كورونایی ل جیهانێ گه‌هشته دو ملیۆن و 923 هزار و 9 كه‌سان، ژڤێ ژمارێ ژی دو سه‌د سێ هزار و 307 كه‌س مرینه.
ل سه‌ر ئاستێ جیهانێ، ئه‌مریكا زۆرترین رێژه‌یا توشبوونێ ب ڤایرۆسی توماركریه و گه‌هشته نه‌هسه‌د و شه‌ست هزار و 896 كه‌سان و پێنچ و چار هزار و 265 كه‌س ژی مرینه.
نيشاندان