ئەڤرۆ نیوز:
ژێدەرەکێ ژ وەزارەتا دارایی و ئابووری یا هەرێمێ راگەهاند: سوبەهی پێنجشەمبی ٧ گولانا ٢٠٢٠ دێ مووچێ هەردو وەزارەتێن ناڤخۆ و دارایی هێتە دابەشکرن و پرۆسا دابەشکرنا مووچەی دێ یا بەردەوام بیت.
سوبەهی دێ مووچێ دو وەزارەتان هێتە دابەشکرن
نووترين نووچه
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
- شاندێن حوكمەتا هەرێمێ و ئیراقێ ل گەل كۆمپانیێن بەرهەمئینانا پەترۆلێ كۆمبوون
- پڕۆژەیێ پارێزگەهبوونا شنگالێ دێ هنێرینە جڤاتا نوونەرێن ئیراقێ
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
سه‌ره‌كى نووترين نووچه
گه‌شتا ئێكێ یا ئاسمانی راسته‌وخو ژ ئه‌مریكا بۆ هه‌ولێرێ هاته ئه‌نجامدان
ئه‌ڤرۆ نیوز:
ئه‌ڤرۆ چارشه‌مبی بۆ جارا ئێكی گه‌شته‌كا ئاسمانی یا راسته‌وخو ژ ئه‌مریكا بۆ هه‌ولێری هاته ئه‌نجامدان.
دڤی بیاڤی دا فرۆكه‌خانه‌یا هه‌ولێرێ راگه‌هاندنه‌ك به‌لاڤكر و تێدا هاتیه فرۆكه‌خانه‌یا هه‌ولێرێ پێشوازی بۆ جارا ئێكێ ل گه‌شتا راسته‌وخو ژ ئه‌مریكا بۆ هه‌ولێرێ كر.
ئه‌ڤرۆ فرۆكه‌خانه‌یا هه‌ولێرێ پێشوازی ل گه‌شته‌كا ئاسمانی یا هێلا مسری كۆ راسته‌خو ل ئه‌مریكا ژ ویلایه‌تا واشنتونێ هات بوو، فرۆكه ژ جورێ بوینگ 787-9 بوو وه‌كو فرۆكه‌یه‌كا دیپلوماتی ب كودێ فرینێ MS3052ده‌مژمێر 10:52 سپێده‌هیا ئه‌ڤرۆ ب ده‌مێ هه‌ولێرێ گه‌هشت، ئه‌ڤه‌ژی پشتی فرینا 9656 كیلۆمه‌تران، ده‌مێ ئه‌ڤێ گه‌شتێ 10 ده‌مژمێر و 33 خوله‌ك ڤه‌كێشان كۆ ب درێژترین گه‌شت دهێته دانان تاكو بگه‌هته فرۆكه خانه‌یا هه‌ولێرێ
ته‌لار فایه‌ق رێڤه‌به‌را گشتی یا فرۆكه‌خانه‌یا هه‌ولێرێ راگه‌هاند: زیده‌باری ئه‌ڤ كاودانین ئه‌م تێدا ده‌رباز دبین ئه‌ڤه ب خاله‌كا گرنگ دهێته دانان د دیرۆكا گه‌شه‌كرنا فرۆكخانه‌یێ دا، ئه‌ڤه جارا ئێكێ یه گه‌شتێن بڤی جوری بهێنه‌كرن، به‌لێ جهه‌كێ دیرۆكی هه‌یه ده‌ڤ مه.
د ده‌مێ نوكه‌دا فرۆكه‌خانه‌یا هه‌ولێری هاتیه گرتن هه‌مبه‌ر گه‌شتێن بازرگانی تاكو 22/5/2020 لگۆری بریاره‌كا ده‌سه‌لاتا فرۆكه‌ڤانیا مه‌ده‌نیا عیراقێ.
ئه‌ڤرۆ جڤاتا نوونه‌ران دێ ده‌نگی ل سه‌ر كابینا نوو ده‌ت
ئه‌ڤرۆ نیوز:
بریاره ئه‌ڤرۆ چارشه‌مبی 6/5/2020 جڤاتا نوونه‌رێن عیراقێ بۆ ده‌نگدان ب كابینا نوو یا حكومه‌تا عیراقێ دێ كۆمبیت.
د كۆمبوونا ئه‌ڤرۆیا جڤاتا نوونه‌رێن عیراقێ دا كۆ دێ ده‌مژمێر نه‌هێ شه‌ڤی هێته سازكرن، باوه‌ری دان ب مسته‌فا كازمی سه‌رۆك وه‌زیرێ راسپاردی و كابینا وی دێ ئیخنه ده‌نگدانێ دا.
رۆژا 9/4/2020 به‌رهه‌م سالح سه‌رۆك كۆمارێ عیراقێ مسته‌فا كازمی سه‌رۆكێ ده‌زگه‌هێ هه‌والگریێ بۆ پێك ئینانا كابینا نوو یا حكومه‌تا عیراقێ راسپارد و لگۆری دستوری دڤێت هه‌تا رۆژا 9/5/2020 كابینا نوو بهێته پیك ئینان.
مووچێ پلێن بلند دێ هێتە کێم کرن
ئەڤرۆ نیوز:
ل هەیڤا بهێت دێ مووچێ پلەیێن بلند و رێڤەبەرێن گشتی هێتە کێم کرن ب رێژا ژ 30% هەتا 50% ێ.
ئەڤە د دەمەکێ دایە، ئەڤرۆ سێشەمبی 5 گولانێ ب سەرپەرشتیا مەسرور بارزانی، سەرۆک وەزیرێن حوکمەتا هەرێما کوردستانێ و قوباد تالەبانی، جێگرێ سەرۆک وەزیران، کۆمبوونا جڤاتا وەزیران برێڤەچوو، تێدا بەحس ل دەمێ دەستپێکرنا دەواما فەرمانگەهان و هنارتنا شاندێ حوکمەتا هەرێما کوردستانێ بۆ بەغدا هاتیە کرن.
ب ئەگەرێ بەلاڤبوونا ڤایرۆسێ کۆرۆنا یێ، ل 14 ئادارێ دەواما فەرمانگەهان هاتیە راگرتن و قەدەغەیا هاتنوچوونێ هاتیە راگەهاندن ب مەبەستا رێگریێ ل بەلاڤبوونا ڤایرۆسێ کۆرۆنا یێ.
ل 11 گولانێ دێ دەواما سەرجەم فەرمانگەهان دەست پێکەت
تووشبوویەکێ کۆرۆنا یێ ل گەرمیان چێبوو
ئەڤرۆ نیوز:
رێڤەبەریا ساخلەمیا گەرمیان راگەهاند، ئەو وەلاتیێ ل شارۆچکێ رزگاری یێ سەر ب قەزا کەلار تووشی کۆرۆنا یێ بووی چێبوو، ئەو تووشبوویێ کۆرۆنا یێ ل گەرمیان د ژیێ 29 سالیێ دایە و خۆجهێ ناحیا رزگاریە یا سەر ب قەزا کەلار ڤە، ل 24-4-2020 وەزارەتا ساخلەمیێ نووچەیێ تووشبوونا وی راگەهاند بوو.
هەروەسا گۆتیه، سێ جار ل سەر ئێک پشکنینا ڤایرۆسێ کۆرۆنا بۆ هاتیە کرن، ھەرسێ پشکنین نێگەتیڤ بوون و دەرکەفتیە ب تەمامی چێبوویە، ئەڤ شەڤە دێ نەخۆشخانێ بجهـ هێلیت.
داعش حكوومڕانی ده‌ست پێده‌كاته‌وه
ئه‌ڤرۆ نیۆز، عه‌زیز هه‌ورامی:
گروپی تیرۆرستی داعش ئێستا به سه‌رۆكایه‌تی سه‌ركرده‌ی نوێ ئه‌بو ئیبراهیم هاشمی قوڕه‌یشی بۆ ئه‌وه‌ی پێگه‌ی به‌هێزبكات و جێگه‌نفووسی هه‌بێت ده‌ستی كردووه به ڕێكخستنه‌وه‌ی هێزه‌كانی و په‌لاماردانی چه‌كداری بۆسه‌ر هێزه عێراقییه‌كان.
جه‌عفه‌ر شێخ مسته‌فا به‌رپرسی لقی 15ی خانه‌قینی پارتی، به ئه‌ڤرۆ نیۆزی ڕاگه‌یاند:” دووای وه‌ستاندنی هێرشه ئاسمانییه‌كانی هێزه‌كانی هاوپه‌یمانان چه‌كدارانی داعش له خانه‌قین و ده‌وروبه‌ری فراوان بوون، به ئاشكرا له ناوچه‌كه جوڵه ده‌كه‌ن، له سنووری نه‌فت خانه تاوه‌كو گونده‌كانی باقوبه و پاشان حه‌وزی حمه‌رین بووه‌ته موڵگه‌ی مانه‌وه‌یان”.
شێخ جه‌عفه‌ر شێخ مسته‌فا وتیشی:” چه‌كدارانی داعش عه‌ره‌به‌كانی گونده‌كان هاوكاریانن وه به‌شێكی ئه‌م چه‌كدارانه له‌و چه‌كدارانه‌ی حه‌شدی شه‌عبی پێكدێن پێشتر چه‌كداری حه‌شی شه‌عبی بوون ئێستا چه‌كداری حه‌شدی شه‌عبین و به‌تایبه‌تی هۆزی كوڕییه‌كان هاوكاری سه‌ره‌كی چه‌كداره‌كانن ، به‌شێكی تریشیان به‌ڕۆژدا به‌ناوی جووتیار له سنووره‌كه ده‌سوڕێنه‌وه هه‌ده‌فی كاره‌تیرۆرستییه‌كانیان دیاری ده‌كه‌ن و به‌شه‌ویشدا به چه‌كی قه‌ناسی زۆر پێشكه‌وتوو هێرش ده‌كه‌نه سه‌ر هێزه عێراقییه‌كان”.
داعش ده‌یه‌وێت ناوچه‌یه‌كی جوگرافی به‌ده‌سته‌وه‌بێت و بۆئه‌وه‌ش ئه‌و سنووره‌ی له نێوان هێزه‌كانی پێشمه‌رگه و هێزه عێراقییه‌كان به‌بێ بوونی هێزی ئه‌منی ماوه‌ته‌وه بووه‌ته مۆڵگه‌ی داعش، حكوومڕانی به‌سه‌ر ئه‌وناوچانه‌دا ده‌كات.
به‌رپرسی لقی 15ی خانه‌قینی پارتی ، وتیشی:” چه‌كدارانی داعش له ناوچه‌كه وه‌ك ئه‌لقه‌یی پێوه‌ندییه‌كانی خۆیان به‌ستووه‌ته‌وه ، ئه‌شكه‌وت و باخه‌كان بووه‌ته موڵگه‌ی مانه‌وه‌یان ، به‌پێ ئه‌و زانیاریانه‌ی ئێمه هه‌مانه زیاتر له 300 چه‌كداری داعش بوونیان هه‌یه و به‌رده‌وامیش له فراوان بووندان چه‌كی پێشكه‌وتوشیان پێده‌گات.
کۆنترۆلا کارەبا ھەرێمێ ئاگەھداریەک بەلاڤکر
ئەڤرۆ نیوز:
کۆنترۆلا کارەبا ھەرێمێ ڕاگەھاند، ئاگەھداریا ھەڤبەشێن کارەبایێ دکەین کو ب ئەگەرێ ئاریشەکا تەکنیکی ل دو یەکەیێن ھەلمێ یێن وێستگەھا ھەولێر یا غازێ کو ب وێ چەندێ بەرھەمئینانا کارەبێ ب رێژا ۳۰۰ مێگاۆاتان کێم بوویە ، ب وێ چەندێ ل ھەر چار پارێزگەھێن کوردستانێ دێ سێ دەمژمێران کارەب کێم بیت.
هەروەسا گۆتیە، پشتی چارەسەرکرنا ئاریشێ و ڤەگەراندنا ھەردو یەکەیان دێ رەوشا پێدانا کارەبێ ئاسایی بیتە ڤە.
ڤی وەلاتی کۆنترۆلکرنا کۆرۆنا یێ راگەهاند
ئەڤرۆ نیوز:
وەزارەتا ساخلەمیا نەمسا کۆنترۆلکرنا کۆرۆنا یێ راگەھاند و دیار کریە، نوکە هژمارا چێبوویان زێدەترە ل هژمارا توشبوویان.
مالپەرێ سکای نیۆز بەلاڤکریە، وەزارەتا ساخلەمیا نەمسا راگەھاندیە ، ڤایرۆسێ کۆرۆنا یێ ل وی ولاتی ھاتیە کۆنترۆلکرن، دەمێ چەند رۆژانە هژمارا چێبوویان ژ یا تووشبوویێن د بن چاڤدێریا نۆشداری دا زێدەترە.
دیار کر ژی، قوناغا ئێکێ یا ئاسایکرنا رێکارێن بەرھنگاربوونا کۆرۆنا یێ سەرکەفتی بوویە و ژ ئەڤرۆ وێڤە دێ قۆناغێن دی دەستپێکەن.
ل هەولێرێ سێ کەسێن دی تووشی کۆرۆنا یێ بوون
ئەڤرۆ نیوز:
وەزارەتا ساخلەمیا هەرێما کوردستانێ تووشبوونا سێ کەسێن دی ل شارۆچکێ سێبیران یێ هەولێرێ ب ڤایرۆسێ کۆرۆنا یێ راگەهاند.
هەروەسا گۆتیە، زەلامەکێ د ژیێ 37 سالیێ و ژنەکا د ژیێ 27 سالیێ و زارۆیەکێ د ژیێ 9 سالیێ دایە.
وەزارەتا ساخلەمیێ گۆتیە ، سەرجەم تووشبوویی خۆجهێن شارۆچکێ سێبیران یێ سەر ب قەزا خەباتن ل پارێزگەها هەولێرێ و بەرکەفتیێن تووشبوویێن ئەڤرۆ نە.
هەتا نوکە ل هەرێما کوردستانێ 391 کەس تووشی ڤایرۆسێ کۆرۆنا یێ بووینە، ژ وان ژی 347 کەس چێبووینە و پێنج کەسان ژی گیانێ خوە ژ دەستدایە.
نيشاندان
WP Facebook Auto Publish Powered By : XYZScripts.com