ئه‌ڤرۆ نیوز:
ریڤه‌به‌راتیا كارگێری ژێده‌رێن مرۆڤاتیێ سه‌ر ب وه‌زاره‌تا ناڤخۆ یا حكومه‌تا هه‌رێما كوردستانێ، هنارتنا هیكان بۆ ده‌رڤه‌ی هه‌ریمێ هاته قه‌ده‌غه‌كرن.
ئه‌ڤرۆ 26/3/2020 رێڤه‌به‌راتیا كارگێریی و ژێده‌رێن مرۆڤی سه‌ر ب وه‌زاره‌تا ناڤخۆ ب نڤیساره‌كا فه‌رمی، ئاراسته‌ی ژوورێن ئوپراسیونێن پارێزگه‌ه و ئیداریێن سه‌ربه‌خو و رێڤه‌به‌راتیێن گومركان و ده‌زگه‌هێ ئاسایشا هه‌رێما كوردستانێ كریه.
د نڤیسارێ دا هاتیه ل سه‌ر داخوازیا وه‌زاره‌تا پیشه‌سازی و بازرگانیا حكومه‌تا هه‌ریما كوردستانێ و ره‌زامه‌ندیا وه‌زیرێ ناڤخۆ، كۆ كارێ پێدڤی بهێته ئه‌نجام دان بۆ قه‌ده‌غه‌كرنا هنارتنا هێكان بۆ ده‌رڤه‌ی هه‌ریما كوردستانێ.
ئه‌ڤرۆ نیوز:
په‌یڤدارێ حكومه‌تا هه‌رێما كوردستانێ د روونكرنه‌كێ دا به‌لاڤكر، كۆ چاڤه‌ریێ هاتنا ته‌مویلا به‌غداین، هه‌رده‌مێ گه‌هشت راسته‌وخو دێ ده‌ست ب پارڤه‌كرنا موچه‌یێ هه‌می وه‌زاره‌تان كه‌ین.
ئه‌ڤرۆ 26/3/2020 د.جوتیار عادل په‌یڤداری حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه، ب به‌لاڤبوونا ڤایرۆسێ كورونایێ ل پرانیا وه‌لاتێن جیهانێ و جڤاكا نێڤ ده‌وله‌تی ریب ری ره‌وشه‌كا گران یا ساخله‌میێ و ئابووری بوویه و هه‌رێما كوردستانێ ژی دوور نه‌بووه ژ ئه‌وێ ره‌وشا گران، حكومه‌تا هه‌رێما كوردستانێ د پێخه‌مه‌تا سه‌لامه‌تیا ساخله‌میا وه‌لاتیان دا هه‌موو شیانێن خۆ ئێخستنه كاری بۆ پاراستنا گیانێ وه‌لاتیان و دابینكرنا خوشگوزه‌رانییێ ل پاشه‌رۆژێ كۆ ئێكه ژ ئه‌ركێن حكومه‌تێ.
ده‌ربارێ پارڤه‌كرنا موچه‌یی په‌یڤدارێ حكومه‌تا هه‌رێما كوردستانێ ئه‌و چه‌نده ژی به‌لاڤكر وه‌زاره‌تێن پێشمه‌رگه و ساخله‌می و دارای و ئابووری و ناڤخۆ موچه وه‌رگرتینه، پاره‌یێ پێدڤی هاتیه دابینكرن و چاڤه‌ریێ هاتنا ته‌مامكه‌را وی پاره‌یێ به‌غداینه، هه‌ر ده‌مێ گه‌هشت دێ راسته‌وخو ده‌ست ب پارڤه‌كرنا موچه‌یێ ته‌ڤایا وه‌زاره‌تان كه‌ین ب میكانزمه‌كێ كۆ بگۆنجیت ل گه‌ل رێنمایێن ساخله‌میێ .
په‌یڤدارێ حكومه‌تا هه‌رێما كوردستانێ ئه‌و چه‌نده ژی دیاركر ته‌ڤایا پاره‌یێ بۆ موچه‌یێ هه‌ر هه‌یڤه‌كێ ل هه‌رێما كوردستانێ 894 ملیار دینارن ژ وی پاره‌یی 453 ملیار دینار ژ به‌غدا وه‌ك ته‌مامكه‌ر دهێت كۆ دبیته نێزیكی 51% یا پاره‌یێ پێدڤی بۆ پارڤه‌كرنا موچه‌ی، به‌لێ ب ئه‌گه‌رێ هاتنا ڤایرۆسی راوه‌ستاندنا دوامان ل به‌غدا، هاتنا ئه‌وێ ته‌مامكه‌ریێ پاش كه‌ت، بۆ ئه‌وێ مه‌به‌ستێ وه‌زیرێ دارای و ئابووری یێ حكومه‌تا هه‌رێما كوردستانێ د په‌یوه‌ندیه‌كێ ل گه‌ل وه‌زاره‌تا دارایی یا حكومه‌تا فیدرال بۆ چاره‌كرنا ئه‌وان گرفتان، چاڤه‌ریێ نه ل چه‌ند رۆژێن بهێت ئه‌و پاره بگه‌هیت و بۆ ته‌مامكرن و پارڤه‌كرنا موچه‌یێ خشته‌یێ ته‌ڤایا وه‌زاره‌تان.
ئه‌ڤرۆ نیوز:
وه‌زاره‌تا ده‌رڤه‌یا عیراقێ ئاشكراكر تانوكه 19 وه‌لاتی یێن عیراقی ژ ده‌رڤه تووشی ڤایرۆسێ كورنا بووینه.
د راگه‌هاندنه‌كا وه‌زاره‌تا ده‌رڤه‌یا حكومه‌تا عیراقی دا هاته به‌لاڤكرن، 10 حاله‌ت ل ئوردنی شه‌ش حاله‌ت ل ئیتالیا و دو حاله‌ت ل لبنانێ و حاله‌ته‌ك ژی ل كه‌نه‌دا هاتیه توماركرن.
وه‌زاره‌تا ده‌رڤیا عیراقی ئه‌و چه‌نده راگه‌هاندیه كۆ ب رێكا وه‌زاره‌تا ده‌رڤه به‌رهه‌ڤی هاتیه نیشان دان بۆ هه‌ڤكاریكرنا پێدڤی بۆ ئه‌وان عیراقیان بكه‌ت هه‌كه ئه‌و وه‌لاتیێن عیراقێ ل ئه‌وان وه‌لاتێن لی ئاكنجی ره‌زامه‌ندیێ نیشان بده‌ن.
ئه‌ڤرۆ نیوز:
رێڤه‌به‌راتیا گشتی یا سه‌قاناسیێ و بیڤه‌له‌رزان یا حكومه‌تا هه‌رٍێما كوردستانێ پێشبینیێن سه‌قایی به‌لاڤكرن.
ئه‌ڤرۆ 26/3/2020 رێڤه‌به‌راتیا گشتی یا سه‌قاناسی و بیڤه‌له‌رزان یا حكومه‌تا هه‌رێما كوردستانێ، پێشبینیێن سه‌قایی ل 48 ده‌مژمێرێن بهێت به‌لاڤكرن و تێدا ئاماژه ب وێ چه‌ندێ دایه كۆ ئه‌ڤرۆ ل ته‌ڤایا پاریزگه‌هێن هه‌رێمێ ئاسمانێ وان دێ عه‌ور بیت و باران باران بارین ژی هه‌یه.
سه‌قاناسیا هه‌رێما كوردستا كورستانێ ئه‌و چه‌نده ژی دا دیاركرن، رۆژا هه‌ینیێ كۆ 27/3/2020 ل هه‌ولێرێ و سلێمانێ و كه‌ركوكێ نیڤ عه‌ور دبیت و ل دهۆكێ ژی ئاسمانێ وێ عه‌وره ئه‌گه‌ر هه‌یه باران بارین ژی هه‌بیت.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ راگه‌هاند: كه‌سێ توشبوویێ نوو یێ ل هه‌ولێرێ، كه‌س و كارێن ئه‌وی توشبووی نه ئه‌وێ رۆژا 25 ئادارێ هاتیه راگه‌هاندن.
به‌ریا ده‌مه‌كێ كێم د پرێس كۆنفرانسه‌كی دا د. سامان به‌رزنجی وه‌زیڕی ساخله‌میا حكومه‌تا هه‌رێما كوردستانێ راگه‌هاند: ئه‌و سێ كه‌سێن ئه‌ڤرۆ ده‌ركه‌تی توشبوویێن ڤایرۆسێ كورونایێ نه، هه‌ر سێ خه‌لكێ گۆندێ گاینجن ل توخیبێ باژێركێ قه‌زا خه‌بات ل رۆژ هه‌لاتا باژێرێ هه‌ولێرێ.
وه‌زیرێ ساخله‌مێ ئه‌و چه‌نده ژی دیاركر كۆ ئیك ژ توشبوویان هه‌ڤژینا وی كه‌سی یه یێ دهێ هاتیه راگه‌هاندن، ئه‌ڤێن دی ژی پسمام و مرۆڤێن ئیكن ژ ئه‌نجامێ تێكه‌لێ توشبووینه.
ئه‌ڤرۆ نیۆز، عه‌زیز هه‌ورامی:
ئه‌مڕۆ 26/3/2020 دكتۆر سامان به‌رزنجی وه‌زیری ته‌ندروستی حكوومه‌تی هه‌رێمی كوردستان سه‌ردانی پارێزگای هه‌ڵه‌بجه‌یی كرد، له‌گه‌ڵ به‌رپرسانی ئیداری شاره‌كه كۆبویه‌وه به‌مه‌به‌ستی ئاگابوونی به‌ڕێوه‌چونی به‌رنامه و پلانه‌كانی حكوومه‌ت بۆ ڕوبه‌ڕوبه‌نه‌وه‌ی كۆرۆنا له‌و شاره.
دكتۆر سامان به‌رزنجی وه‌زیری ته‌ندروستی حكوومه‌تی هه‌رێم له پارێزگای هه‌ڵه‌بجه‌وه به ڕۆژنامه‌نوسانی ڕاگه‌یاند:” سوپاس هه‌موو تیمی ته‌ندروستی له به‌ڕێوه‌به‌رایه‌تی ته‌ندروستی هه‌ڵه‌بجه، ئێستا به‌چاوی خۆمان بینیمان تیمه‌كان له ناو شار بڵاو بونه‌ته‌وه بۆ جێبه‌جێ كردنی ڕێكاره ته‌ندروستییه‌كان، أنشاألله هه‌ڵه‌بجه‌ی خۆشه‌ویست دوور ده‌بێت له بڵاوبونه‌وه‌ی كۆرۆنا ئێمه‌ش وه‌ك وه‌زاره‌تی ته‌ندروستی و له‌سه‌ر ڕاسپارده‌ی سه‌رۆك وه‌زیران مه‌سروور بارزانی، به‌رده‌وام ده‌بین له چاودێری كردنی ڕه‌وشه‌كه دوو جار بوودجه بۆ كه‌رتی ته‌ندروستی هه‌ڵه‌بجه دابینكراوه، ئاماده‌ین بۆ دابینكردنی هه‌موو پێداویستییه‌كانیان.
هه‌روه‌ها ئاماژه‌ی بۆ ئه‌وه‌كرد: له كوردستان كه‌مبوونه‌وه‌ی ژماره‌ی هه‌ڵگرانی ڤایرۆسی كۆرۆنا یان زیاد بونی، ئێمه كاتێك كه‌سێك توشی كۆرۆنا ده‌بێت ئه‌وه ته‌واوی خێزانه‌كه‌ی و ئه‌وانه‌شی به‌ركه‌وتنیان له‌گه‌ڵی هه‌بوه، پشكنینی كۆرۆنا یان بۆ ده‌كه‌ین، دڵخۆشین به‌وه‌ی له كوردستان ژماره‌ی گه‌وره‌ی توشبوانی كۆرۆنا تۆمار ناكرێت، ژماره‌ی توشبووان به‌ره‌و كه‌م بونه‌وه ده‌چێ به‌تایبه‌ت ئه‌و شار و كۆمه‌ڵگانه‌ی كه‌ره‌نتین كراون، ئێستا له كوردستان ئاستی گواستنه‌وه‌ی كۆرۆنا ته‌نها له گه‌شتیاران نییه، بۆیه تیمه ته‌ندروستییه‌كان هه‌ركه‌س كێشه‌ی كۆئه‌ندامی هه‌ناسه‌ی هه‌بێت پشكنینی بۆ ده‌كرێت، له هه‌ڵه‌بجه نه‌خۆش هه‌یه داخل كراوه وه‌ك گومان لێكراو
. وه‌زیری ته‌ندروستی ده‌ڵێ: زیاد نه‌كردنی ژماره‌ی توشبووانی كۆرۆنا و ته‌شه‌نه‌نكردنی هاوكاری هاوڵاتیانه بۆ حكوومه‌ت سوپاسیان ده‌كه‌ین پابه‌ندن به قه‌ده‌غه‌ی هاتوچۆ، له كوردستان له ئاستی كۆنتڕۆڵكردن و چاره‌سه‌ری كۆرۆناین، ده‌مانه‌وێت ئیدی زیاد نه‌بێت و كۆنتڕۆڵی بكه‌ین، به‌شی زۆری ئه‌وانه‌ی له كوردستان هه‌ڵگری ڤایرۆسی كۆرۆنان ڕه‌وشی ته‌ندروستیان زۆر باشه.
د.سامان به‌رزنجی گوتی: ئه‌وده‌نگۆیانه ڕه‌ت ده‌كه‌ینه‌وه جیاوازی له پشكنین له نێوان پارێزگاكان بكرێت بۆ ئه‌وكه‌سانه‌ی گومانی حاڵه‌تی كۆرۆنایان لێ ده‌كرێت، بۆ نمونه هه‌ردوو ناوچه‌ی ده‌ربه‌ندیخان و سێبیران پشكنینی زیاتر ده‌كرێن چونكه ئه‌وانه گومانی زیاتر هه‌یه، دكتۆرێكیش له هه‌ولێر توشی كۆرۆنا بوو مه‌جبورین ئێمه ته‌واوی ئه‌وكه‌سانه‌ی كۆنتاكی له‌گه‌ڵی هه‌بوه پشكنینیان بۆ بكه‌ین، لایه‌نێكی تریش سێ سه‌رچاوه‌مان هه‌یه پۆ پشكنین، یه‌كه‌م له لایه‌ن پزیشكه‌وه دووه‌م پشكنین بۆ ئه‌وانه ده‌كرێت كه‌ره‌نتینمان كردوون پێش ئه‌وه‌ی بڕۆنه‌وه ماڵه‌وه، سێییه‌م ئه‌وكه‌سانه پشكنینیان بۆ ده‌كرێت به‌ركه‌وته‌نیان له‌گه‌ڵ توشبووه‌كان هه‌یه.
ئه‌ڤرۆ نیوز:
وه‌زاره‌تا ساخله‌میا هه‌رێما كوردستانێ د راگه‌هاندنه‌كێ دا به‌لاڤكریه ل ده‌مێ 48 ده‌مژمێرێن بوری 18 حاله‌تێن نوو هاتنه توماركرن بڤێ چه‌ندێ ژی ته‌ڤایا توشبوویێن هه‌رێمێ گه‌هشته 103 كه‌سان.
ئه‌ڤه ژی ده‌قێ راگه‌هاندنا وه‌زاره‌تا ساخهله‌میێ یه:-
ژماره 28
سه‌باره‌ت نه‌خوشیێن ڤایرۆسێ كورونا نوو كوڤید 19 ل هه‌رێما كوردستانێ، تیه‌مه‌كا ساخله‌میێ بۆ ڤه‌دیتن و پشكنینا گۆمانلێكری و هه‌لگرێن ئه‌ڤی ڤایرۆسی رۆژانه به‌رده‌وامن ل سه‌ر كاری بڤێ چه‌ندێ ژی :-
ا پارێزگه‌ها هه‌ولێرێ 11 نه‌خوشێن پوزه‌تیڤ هه‌بوون 4 چار ئافره‌ت و 5 زه‌لام و 2 زارۆك.
پاریزگه‌ها سلێمانێ 7 پوزه‌تیڤ كو 3 ئافره‌ت و 2 زه‌لام و 2 زارۆك.
زێدابه‌ری ده‌ست خوشیێ ل تیمێن وه‌زاره‌تا ناڤخۆ و تیمێن نوژداری كۆ ل كاركرنێ دانه و هیڤیدارین وه‌لاتی ب چ شیوه‌یه‌كی نه‌هێنه ده‌رڤه و ل مالێن خۆدا ب مینن و پیگیری رێنمایێن ساخله‌میێ و نێزیك بوون و تێكه‌لێ نه‌كه‌ن و ل ده‌مێ پیدڤی بوونێ دا ژی په‌یوه‌ندیێ بكه‌ن ب هێلا گه‌رم ژماره 122
وه‌زاره‌تا ساخله‌میێ
حكومه‌تا هه‌رێما كوردستانێ
26 ئادارا 2020
ئەڤرۆ نیوز:
سکرتێرێ گشتی یێ نەتەوەیێن ئێکگرتی دیار کر، بۆ پشتەڤانیکرن و بەرهنگاربوونا ڤایرۆسێ کۆرۆنا یێ ل وەلاتێن هەژارێن جیهانێ دا، ئەو دێ دو ملیار دۆلاران وەکو هاریکاری بۆ وەلاتێن هەژار تەرخان کەن ل جیهانێ.
ئەنتۆنیۆ گوتیرێس، د راگەهاندنەکێ دا گۆت، نوکە ئەو ولاتێن سیستەمەکێ ب هێز یێ ساخلەمیێ هەین، ل ژێر گڤاشتنا ڤایرۆسێ کۆرۆنا یێ دانە و کۆرۆنا گەهشتیە وان وەلاتان ژی یێن کو شەر تێدا، نوکە کۆرۆنا گەفێ ل هەموو مرۆڤایەتیێ دکەت و بزاڤێن تەک ئالی یێن ولاتان ژی تێرا هندێ ناکەن، لەوما پێدڤیە هەموو جیهان هەڤبەند بن ل سەر بەرهنگاربوونا ڤی ڤایرۆسی.
ناڤهاتی گۆت ژی، خەلکێ چەندین وەلاتان د رەوشەکا مەترسیدار دانە، خەلکێ وان وەلاتان نەشێن ئاڤا پاقژ و سابوونێ ب دەست خوە بێخن، د نەخۆشخانێن وان دا تەخت د کێمن و ئامیرێن هەناسەدانێ نین، لەوما دڤێت ئەڤرۆکە هەموو جیهان هەڤکاریا وان بکەن.
ئەڤرۆ نیوز:
وەزارەتا ساخلەمیا هەرێمێ تۆمار كرنا سێ حالەتێن نوو یێن تۆشبوونێ ب ڤایرۆسێ كۆرۆنا یێ ل هەولێرێ راگەهاندن.
وەزارەتا ساخلەمیا هەرێما کوردستانی دراگەهاندنەكێ دا دیار كر، ئەڤرۆ سپێدێ سێ حالەتێن نوو یێن تۆشبوون ب كۆرۆنا ل هەولێرێ هاتینە دەست نیشانكرن، كو ئێك ژوان ژنەكا 32 سالیە و هەردو یێن دیتر ژی زەلامن و ژیێ وان 32 و 35 سالن، و هەرسێ تۆشبوویی ژی كەسوكارێن وی وەلاتی نە ئەوێ دوهی چارشەمبی ل هەولێرێ هاتیە دیار كرن.
نيشاندان