ئەڤرۆ نیوز:
رێڤەبەرێ گشتی یێ ساخلەمیا سلێمانیێ راگەهاند، پێنج تووشبوویێن دیتر یێن کۆرۆنا یێ چێبوون و بۆ مال هاتینە رەوانەکرن، ب ڤێ چەندێ هەتا نوکە 101 تووشبوویێن کۆرۆنا یێ ل سلێمانیێ چێبووینە.
پێنج تووشبوویێن دیتر یێن کۆرۆنا یێ ل سلێمانیێ چێبوون
نووترين نووچه
- دڤێت بەغدا سیاسەتا نەهنارتنا مووچەیێ خەلكێ كوردستانێ ب دووماهی بینیت
- هەتا دووماهی خولەك مە باوەری هەیە کو بشێین بگەهینە رێككەفتنێ ل گەل بەغدایێ
- بۆ چارەسەركرنا كێشەیێن هەولێرێ و بەغدایێ دڤێت قانوونا پەترۆل و غازێ بهێتە دەركرن
- ئایدن مەعرووف: حوكمەتا ئیراقێ د چارەسەركرنا كێشەیاندا یا رژد نینە
- بابەكر زێباری: ل دووماهییا ئەڤسالە هەرێما كوردستانێ دێ ئێك هێزا پێشمەرگەی هەبیت
- دڤێت كێشەیێن هەولێرێ و بەغدا ل سەر بنەمایێ دستووری بهێنە چارەسەركرن
- خەلكێ ژێهاتی و بسپۆر د ناڤ لیستا بەربژارێن پارتی دا هەنە
- هندەك ئالیێن ئێراقێ كێشەیان بۆ رێككەفتنێ ل گەل كوردستانێ دروست دكەن
- مەسرور بارزانی پشكداری د بەهییا عەبدوللا عەزیز مەلا هەمزە مێرگەسۆری دا كر
- سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
سه‌ره‌كى نووترين نووچه
ساخلەمیا هەولێرێ: 22 تووشبوو یێن دیتر یێن کۆرۆنا یێ چێبوون
ئەڤرۆ نیوز:
رێڤەبەرێ گشتی یێ ساخلەمیا هەولێرێ چێبوونا 22 تووشبوویێن دیتر یێن کۆرۆنا یێ راگەیاند و گۆتیە، بریار هاتیە دان ڤرێکەنە مال.
د. دلۆڤان محەمەد فاتح جەلال، رێڤەبەرێ گشتی یێ ساخلەمیا هەولێرێ دیار کر: ئەڤرۆ ۱۳ نیسانا ۲٠۲٠ ل هەولێرێ (۲۲) تووشبوویێن دیتر یێن ڤایرۆسێ کۆرۆنا یێ پشتی وەرگرتنا چارەسەریێن نۆشداری ب تەمامی چێبووینە و بارێ ساخلەمیا وان تەمام یێ جێگیرە، هەتا نوکە هژمارا چێبوویان ل هەولێرێ گەهشتیە (۷٤) کەسان.
زێرینگرێن دهۆكێ كریا دوكانێن خوه داینه
ئه‌ڤرۆ نیۆز، سالار دۆسكى:
سه‌رۆكێ سه‌ندیكا زێرنگرێن كوردستانێ تایێ دهۆكێ ئاشكراكر كو هه‌موو زێرنگرێن بازارى كریا دوكانێن خوه پێشتر داینه خودانێن مولكى، ئه‌ڤه ده‌مه‌كى دا كو كریێن خوه سالانه د ده‌ن نه‌كو هه‌یڤانه.
شێخ عه‌بدوسه‌لام، سه‌رۆكێ لقێ دهۆكێ یێ كومه‌لا زێرینگرێن كوردستانێ بۆ ئه‌ڤرۆ نیۆز گۆت: ڤه‌كرنا دوكانێن زێرى دێ ب بریاره‌كا حوكمه‌تا هه‌رێما كوردستانێ بیت و چاڤه‌رێى 16 هه‌یڤێ دكه‌ین كو دووماهى مووله‌ته بۆ قه‌ده‌غه‌كرنا هاتنوچوونێ و هه‌تا نوكه ده‌نگ و باسێن ڤه‌كرنا بازارێ زێرنگران نینه.
هێشتا گۆت: نوكه بهایێ زێرى گران بوویه و گرام ب 56 هزار و نیڤایه، بهایێ زێرى گرێدایه ب بازارێ جیهانى ڤه و هیڤى خواست ژیان وه‌ك پێشتر ڤه‌گه‌ریته ڤه و خه‌لكێ بچیته سه‌ر كارێن خوه.
د روودانەکێ دا گەنجەکێ گیانێ خوە ژ دەست دا
ئەڤرۆ نیوز، زنار تۆڤی:
هێمن سلێمان بەرپرسێ راگەهاندنا پۆلیسێن پارێزگەها دهۆکێ بۆ ئەڤرۆ نیوز دیار کر: ئەڤرۆ سێشەمبی 13.4.2020 ل تاخێ کێڤلا ل پارێزگەها دهۆکێ گەنجەکێ 20 سالی گیانێ خوە ژ دەست دایە، لدووڤ زانیاریان ئەڤرۆ ئەو گەنجە ل گەل چەند هەڤالان چوویە چیایی، لێ د چیایی دا کەفتیە و ئێکسەر گیانێ خوە ژ دەست دایە.
مەترسیا کەفتنێ ل سەر ڤێ ستوونا کارەبێ هەیە
وەزیرێ بازرگانی دێ سەرەدانا پارێزگەها دهوکێ کەت
ئەڤرۆ نیوز، عەلی حاجی :
رێڤەبەرێ گشتی یێ بازرگانی یێ ل هەرێما کوردستانێ د داخویانیەکێ دا بۆ ئەڤرۆ نیوز دیار کر بریارە سوبەهی سێشەمبی وەزیرێ بازرگانی یێ سەرەدانا پارێزگەرێ دهوکێ و ژوورا بازرگانیێ ل دهوکێ و دەروازێ نێڤدەولەتی یێ ئیبراهیم خەلیل بکەت.
نەوزاد ئەدهەم زێدەتر گوت : مەرەما سەرەدانا وەزیرێ بازرگانیێ بۆ باژێرێ دهۆکێ ژبەر وێ چەندێ ئەوە کو پشتی وەزیری چەندین کومبوون ل گەل بازرگانێن پارێزگەهێن هەولێرێ و سلێمانێی ئەنجام داین ل دەست پێکا سەرەدانا خوە دا بۆ پارێزگەها دهوکێ کومبوونەکێ ل گەل بازرگانێن دهوکێ ل ژوورا بازرگانیا دهوکێ ل دور کێشە و ئاستەنگێن بازرگانان ئەنجام دەت، پشتی وێ کومبوونێ دێ سەرەدانا پارێزگارێ دهوکێ هێتە کرن ل دور بزاڤا بازرگانی ل هەرێمێ و پارێزگەهێ و هەر دیسان هەبوونا رێژا پێدڤێین روژانە یا خەلکی یە دا کو وەزیر ئاگەهدار بیت ل سەر گرانیا بازاری، هەر د بەرنامەیێ سەرەدانا وەزیرێ بازرگانی دێ سەرەدانا دەروازێ نێڤدەولەتی یێ ئیبراهیم خەلیل کەت بۆ چەند مەرەمێن بازرگانی ل وی دەرگەهی، دیسان وەکو پێزانینێن ل بەر دەست ب درێژاهیا ١٤٠ کێلومەتران ل دەرگەهێ وەلاتێ تورکیا ترۆمبێل کەڤتینە د سرایێ دا و ئەڤە ژی مەترسیەکا رژدی یە بۆ کوردستانێ ل دور ڤەگوهاستنا وی ڤایروسی بۆ هەرێما کوردستانێ.
ناڤهاتی گوت ژی : لەورا وەزیرێ بازرگانی یێ دێ بزاڤێ کەت ب رێیا سەرەدانا خوە زێدەتر بەحس ل رێکارێن ساخلەمیێ کەت، داکو دوبارە چاڤ خشاندنەک ل هاتنا وان ترومبێلێن بارهەلگرێن تورکی کەت بۆ ناڤ ئاخا کوردستانێ دا داکو چو مەترسیەک دروست نەبیت.
باوه‌رنامێن مامۆستایێن ئاینى دێ هێنه راستڤه كرن
ئه‌ڤرۆ نیۆز، سالار دۆسكى:
ئه‌ندامه‌كێ په‌رله‌مانێ كوردستانێ ئاشكرا كر كو دێ كومیته‌ك هێـته دروستكرن و نوونه‌رێن هه‌رسێ وه‌زاره‌تێن په‌روه‌ردێ و خواندنا بلند و ئه‌وقافێ تێدابن و دێ كار بۆ راستڤه‌كرنا باوه‌رنامێن مامۆستایێن ئاینى هێته‌كرن.
مه‌لا ئحسان رێكانى، ئه‌ندامێ لژنا ئه‌وقاف و كاروبارێن ئاینى ل په‌رله‌مانێ كوردستانێ بۆ ئه‌ڤرۆ نیۆز گۆت: پتر ژ 40 مامۆستایێن ئاینى كو نوونه‌راتیا هه‌ژماره‌كا زووتر یا مامۆستایێن ئاینى دكه‌ن، یا داشته‌ك پێشكێشكى لژنا ئه‌وقافێ ل په‌رله‌مانى كربوون، داخاز كرینه كو باوه‌رنامێن وا بهێنه راست ڤه‌كرن چنكو چووینه ده‌رڤه خواندینه و مامۆستا هه‌بووینه په‌یمانگه‌ه ب دووماهى ئیناینه ل كوردستانێ و دڤێت باوه‌رنامێن وا بهێنه راستڤه‌كرن.
ئاشكراكر ژی، كو دێ لژنه‌ك ژ نوونه‌رێن هه‌رسێ وه‌زاره‌تێن خواندنا بلند، ئه‌وقاف و كاروبارێن ئاینى و په‌روه‌رده هێته پێكئینان ب مه‌ره‌ما ده‌ركرنا هنده‌ك رێنما ل سه‌ر راستڤه‌كرنا ئه‌ڤان باوه‌رناما و ژڤان بوو هه‌رسێ وه‌زیر بۆ رونشتنه‌كا په‌رله‌مانى بهێنه داخواز كرن به‌لێ ژ به‌ر نه‌خوشیا كورونایێ ئه‌ڤ چه‌ندە هاتیه راوستاندن.
هه‌مان ئه‌ندامێ په‌رله‌مانى ئه‌و ژى خۆیاكر كو داخواز ژ وه‌زاره‌تا خواندنا بلند هاتیه‌كرن كو راستڤه‌كرن ل باوه‌رنامان دا بهێته‌كرن.
کەرەنتینا ناحیا خەلیفان ب دووماهی هات
ئەڤرۆ نیوز:
کاروان شێرزاد رێڤەبەرێ کارگێری ل نەخوشخانا خەلیفان راگەهاند کو دەمێ کەرەنتیا ناحیا خەلیفان کو ١٤ رۆژ بوون ب دووماهی هات و گۆت: (د ماوەیێ ١٤ رۆژێن بۆری دا ل ناحیا خەلیفان پشکنینا کۆرۆنایێ بۆ ٧١٥ کەسان هاتیە کرن یێن کو گومان دهاتە کرن بەرکەفتیێ نەخوشێن کۆرۆنایێ بن، لێ خوشبەختانە هەموو ژی نێگەتیڤ دەرچوون).
ناڤهاتی ئەو یەک ژی دیار کر کو سوپاسیا خەلکێ خەلیفانێ و دەوروبەران دکەین کو د ماوەیێ ١٤ رۆژێن بۆری دا هاریکاریا مە کرن و نەهێلان ڤایرۆسێ کۆرۆنایێ بەلاڤ ببیت.
د ٢٤ دەمژمێرێن بۆری دا چو حالەتێن کۆرۆنایێ ل هەرێما کوردستانێ نەهاتینە تۆمار کرن
ئەڤرۆ نیوز:
د. سامان بەرزنجی وەزیرێ ساخلەمیێ یێ حوکمەتا هەرێما کوردستانێ راگەهاند کو خوشبەختانە د ماوەیێ ٢٤ دەمژمێرێن بۆری دا پشکنین بۆ ٧٩٢ کەسان هاتیە کرن و د ئەنجام دا دیار بوو کو چو کەسەک ل هەرێما کوردستانێ تووشی کۆرۆنایێ نەبوویە.
ناڤهاتی ئەو یەک ژی دیار کر کو نابیت قەدەغەیا هاتنوچوونێ ب ئێکجاری ل هەرێما کوردستانێ بهێتە راکرن و گۆت: (بێگومان دێ گەلەک ئاسانکاری بۆ باشترکرنا رەوشا ژیانا وەلاتیان هێتە کرن، لێ نابیت ب ئێکجاری قەدەغەیا هاتنوچوونێ بهێتە راکرن، چونکو هێشتا مەترسیا کۆرۆنایێ ل هەرێما کوردستانێ یا هەیە).
چینێ دو توشبوویێن ئه‌نفلوه‌نزا به‌رازان راگه‌هاند
ئه‌ڤرۆ نیوز:
وه‌زاره‌تا چاندنا چینێ را گه‌هاند: دو توشبوویێن ئه‌نفلونزا به‌رازان ل دو هه‌رێمێن وه‌لاتی هاتینه تووماركرن.
وه‌زاره‌تا چاندنا چینێ د راگه‌هاندنه‌كێ دا به‌لاڤكریه، رۆژا ئێك شه‌مبێ دو توشبوویێن ئه‌نفلونزا به‌رازان ل هه‌رێمێنGansu و Shaanxi هاتینه توماركرن، كۆ ب شیوه‌یه‌كێ به‌رده‌وام كارێ ڤه‌گۆهاستنێ ل گه‌ل به‌رازان دابوون.
وه‌زاره‌تا چاندنا چینێ ئه‌و چه‌نده ژی دازانین كۆ توشبوویێ ئێكێ ل هه‌رێما Gansuیێ كۆ ده‌ڤ بارهه‌لگره‌كی دا هاتیه تووماركرن كۆ 320 به‌راز بۆ هه‌رێمه‌كا دی یا چینێ ڤه‌دگۆهاستن و سێ ژ وان به‌رازان ژی مری بوون، حاله‌تێ دوێ ل زه‌ڤیه‌كا بچوك دا ل هه‌رێما Shaanxiكۆ سه‌ره‌ده‌ری ل گه‌ل كرین و فرۆتنا به‌رازان دكر.
نيشاندان
WP Facebook Auto Publish Powered By : XYZScripts.com