ئەڤرۆ نیوز:
رێڤەبەرێ ساخلەمیا هەولێرێ راگەهاند، 11 تووشبوویێن کۆرۆنا یێ چێبوون و ب ڤێ چەندێ سەرجەمێ گشتی یێن ئەوێن ب کۆرۆنا یێ ل هەولێرێ چێبووین گەهشتنە 40 کەسان.
د. بژار موسا عەلی، پەیڤدارێ رێڤەبەریا گشتی یا ساخلەمیا هەولێرێ گۆت، ل هەولێرێ 11 تووشبوویێن ڤایرۆسێ کۆڕۆنا یێ پشتی وەرگرتنا چارەسەریێن نۆشداری ب تەمامی چێبووینە و بارێ ساخلەمیا وان تەمام جهگیر بوویە و هاتینە رەوانەکرن بۆ مال.
ئەڤرۆ نیوز:
وەزارەتا ساخلەمیا هەرێما کوردستانێ تووشبوویەکا دیتر ب کۆرۆنا یێ ل سلێمانیێ راگەهاند، کو ژنەکا د ژیێ 65 سالیێ دایە.
هەروەسا گۆتیە، د بەردەوامیا پشکنینان و لێگەریانێ لدووڤ گومانلێکریان، تووشبوویەکا نوو ب ڤایرۆسێ کۆرۆنا یێ ل سلێمانیێ هاتیە دەست نیشانکرن، کو ژنەکا د ژیێ 65 سالیێ دایە و خۆجها باژێرێ سلێمانیێ یە.
ئەڤرۆ نیوز:
وه‌زاره‌تا ڤەگوهاستن و گه‌هاندنا حكومه‌تا هه‌رێما كوردستانێ راگه‌هاند، ده‌ستهەلاتا فرۆكه‌ڤانیا مه‌ده‌نی یا عیراقی دەمێ راگرتنا گه‌شتێن ئەسمانی یێن عیراقێ و هه‌رێما كوردستانێ هەتا 18 ڤێ هەیڤێ درێژ كرن.
ده‌قێ راگه‌هاندنا وه‌زاره‌تا ڤەگوهاستن و گه‌هاندنێ:
د نڤیسارەکێ دا ده‌ستهەلاتا فرۆکه‌ڤانیا مەدەنی یا عیراقی بۆ جارا سیێ دەمێ راگرتنا گەشتێن ئەسمانی ل سه‌رجه‌م فرۆکخانێن عیراقێ و هەرێما کوردستانێ هەتا رۆژا ٢٠٢٠/٤/١٨ درێژ کرینە.
ئەڤ بریاره گه‌شتێن هاتنوچوونا فرۆکێن هەیڤا سوور و سەربازى و هاریکاریێن ساخلەمیێ و بارهه‌لگرێن (کارگۆ) ڤەناگریت.
ئەڤرۆ نیوز:
بەرۆڤاژی په‌یاما دۆنالد تره‌مپی، شاره‌زایێن نۆشداری دبێژن: كۆرۆنا ب گه‌رمێ ژناڤ ناچیت و دێ به‌رده‌وام بیت ژ گه‌شه‌كرنێ.
پێشتر دۆنالد تره‌مپێ سەرۆکێ ئەمریکا گۆتبوو، كو ب هاتنا گه‌رمێ كۆرۆنا خوا ناگریت و دێ ژناڤ چیت، به‌لێ ئه‌و گۆتنا سه‌رۆكێ ئه‌مه‌ریكا ژ ئالیێ زانستی ڤە بەرۆڤاژی هاتیە سه‌لماندن.
د. ویلیام شاڤنز، شاره‌زایەکە ل سه‌نته‌رێ نۆشداری ل زانكۆیا ڤاندربیلت، راگه‌هاندیه، نابیت پشت ل سەر هاتنا گه‌رمێ ببه‌ستین، چونكی دبیت ڤێ چەندێ مفا یێ خوە نەبیت و ب تنێ دابرانا جڤاکی و كه‌ره‌نتین چاره‌سه‌رن.
ئەڤرۆ نیوز، عەلی حاجی:
سەروکێ لژنا کارگێریا تایفا ئەرمەنان ل زاخۆ بۆ ئەڤرۆ نیوز دیار کر، ب هەلکەفتا هاتنا جەژنا رابوونێ یا حەزرەتێ مەسیح ژ ئەگەرێ ڤایروسێ کورونایێ رێ و رەسمێن ب کوم ناهێنە ئەنجام دان.
زێدەتر داود ماردیروسیان گوت : ل روژا ئێکشەمبیا بهێت جەژنا رابوونێ یا حەزرەتێ مەسیح ل دووف سالناما ئەرمەنان و ژبەر بەلاڤ بونا ڤایروسێ کورونایێ و پێگری کرن ب رێنمایێن حکومەتا هەرێما کوردستانێ و مەترانیا ئەرمەنیێن ئەرپوژوكس بو پاراستنا ئیمانداران ژ وی ڤایروسی بریار هاتیە رێ و رەسمێن ب کوم ب هەلکەڤتا جەژنا رابونێ ل دێرێن ئەرمەنان ل کوردستانێ ناهێنە گێران،لەورا داخازێ ژ هەمی گەلێ خوەیێ ئەرمەن دکەین ل کوردستانێ د مالێن خوە دا ل روژانێن جەژنێ دوعایێن دوور کرنا ڤی ڤایروسی ژ هەمی جیهانێ بکەن دا کو رەوشا جاران ڤەگەریتە دناڤ باوەشا کوردستانێ و جیهانێ دا و هەر دیسان ب رێیا پەیوەندیێن تەلەفونی و تورێن جڤاکی جەژنێ ل ئێک پیروز بکەن ژبو سەرەدانێن مالا دویر بن دا کو د پاراستی بن ژ ڤی ڤایروسی.
و گوت ژی : وەکو گەلێ ئەرمەن ب تایبەتی ئەرمەنێن ل زاخۆ سوپاسیا حکومەتا هەرێما کوردستانێ دکەین ب دەزگایێن ئەمنی و ساخلەمیێ باژێرڤانیێ ژبەر وی رولێ ئەکتیف گێراین د پاراستنا وەلاتیان دا بێ جیاوازی و هیڤی خازین ئەڤ جەژنە ببیتە جەژنا ناڤ چونا ڤایروسێ کورونایێ و ئێدی ئەم ب دیتنا کەس و کار و خوەشتڤیێن خوە شاد ببین و خوەشتڤیێن خوە ژ دەست نەدەین .
ئەڤرۆ نیوز، عەلی حاجی :
د داخویانیەکێ ئەندامەکێ لژنا دووڤچوونا بازاری ل زاخۆ بۆ ئەڤرۆ نیوز ئاشکرا کر د بەردەوامیا چاڤدێریکرنا رەوشا بازارێ زاخۆ لژنەیا وان شیا دو مارکێت و نانپێژەکێ سزا بدەن ژ ئەگەرێن جودا.
زێدەتر وەلات هەجەر گوت : لدووڤ فەرمانا هەرێمدارێ زاخۆ ب هەماهەنگیا لژنا دیفچوونا بازاری و ئاسایش و پولیسێن زاخۆ لژنا هەڤپشک، ئەڤرۆ ل روژا ئەینیێ ١٠/٤/٢٠٢٠ لژنا دیفچوونا بازاری سەرەدانا ١٥ جهان ژ مارکێت و نانپێژ و جهێن فروتنا کەسکاتیان ل زاخۆ کرن و ژ ئەگەرێ هەبونا کەرەستەیێن ئێکسپایەر دناڤ دو مارکێتان دا،ئەو دو مارکێتە ب کوژمەیەکێ پارەی هاتنە سزادان و دگەل دا ژی دەست ب سەر ١٧٠ کێلو گرامێن کەرەستەیێن ئێکسپایەر دا هاتە گرتن،ژبەر کو بۆ جارا ئێکێ بوو مە ئەو جهە سزادان بتنێ سزایێن ماددی مە دانانە بەر وان دو مارکێتان و بەرامبەر دوبارە وی کاری دێ سزایێن توندتر کەڤنە بەر وان دو مارکێتان،هەر دیسان ژبەر نەپێگیریا نانپێژەکێ ب رێنمایێن ساخلەمیێ ئەو نانپێژە ب کوژمەیەکێ پارەیی هاتە سزادان.
ناڤهاتی دا دیار کرن ” خەلکێ گازندەە ژ بلند بونا کەرەستەیێن فێقی و زەرزەواتی هەبون و پشتی مە دیفچوونەکا هویر یا بهایان کری وەسا دیار بوو ئەڤ بهایە ل وەلاتێ تورکیا کو سەرچاوەیێ ئینانا وان پێدڤی یایە یێ گران بوویی و هیچ کەسەکێ ژدەڤ خوە ئەو بهایە گران نەکری یە ژبەر ڤێ چەندێ ئەم نەشێن دەست کاریێ د بهایان دا بکەین و دێ بەردەوام ژی دیفچوونا بازاری کەین هەکە دەوامێن فەرمی ژی نەبن.
ئه‌ڤرۆ نیوز:
سیناتوره‌كی كۆماری جڤاتا پیران ل ئه‌مریكا پرۆژه یاسایه‌ك پێشكێشكریه بۆ ڤه‌كێشانا هێزێن ئه‌مریكا ژ سعودیێ، ئه‌ڤه ژی ب مه‌به‌ستا زێده‌كرنا فشارانه بۆ سه‌ر سعودیێ تاكو به‌رهه‌م ئینانا پترۆلێ كێم بكه‌ت، كۆ بڤێ چه‌ندێ كۆمپانیێن پترۆلی یێن ئه‌مریكا زیانه‌كا مه‌زن به‌ركه‌تی یه، پترۆلا زێده‌یا سعودیێ وه‌كریه كۆمپانیێن ئه‌مریكا یێن دبیاڤێ پترۆلێ دا نه‌شێن هه‌ڤركیێ بكه‌ن د بازاری دا.
سیناتور بیل كاسید د پرۆژه‌یێ خۆ دا دیاركریه كۆ پشتی 30 رۆژان ژ په‌سندكرنا پرۆژه‌یی دڤێت هیزێن ئه‌مریكا ژ سعودیێ بهێنه ڤه‌كێشان.
ئه‌ڤ پرۆژه‌یێ كاسیدی هه‌ڤده‌مه ل گه‌ل نێزیك بوونا رێكخراوا ئوپێكی ژ ئیمزاكرنا رێكه‌تنه‌كێ بۆ كێمكرنا به‌رهه‌م ئینانا پترۆلێ.
پرۆژه یاسایا كاسیدی ریب ری شه‌ره‌كی مه‌زن دبیت كۆ دڤێت ژلایێ هه‌ردو جڤاتان ڤه بهێته په‌سندكرن پاشی سه‌رۆكێ ئه‌مریكا ئیمزایێ ل سه‌ر بكه‌ت و ب بیته یاسایا كار پێكری.
ئه‌ڤرۆ نیوز:
ریڤه‌به‌رێ گشتی یێ سكرێن هه‌رێما كوردستانێ راگه‌هاند: رێژه‌یا باران بارینا ئیسال كێمتره ل چاڤ سالێن بوری، به‌لێ ئاستێ ئاڤا سكران جهێ دلخوشیێ یه پرانیا سكرێن بچیك ژی تژی ئاڤ بووینه.
ئه‌ندازیار ئه‌كره‌م سالح رێڤه‌به‌رێ گشتی یێ سكرێن هه‌رێما كوردستانێ راگه‌هاند: زۆرینه‌یا سكران ب ئه‌گه‌رێ باران بارینا ئیسال تژی بووینه، هه‌ر چه‌نده وه‌ك پار نه‌باریه،هه‌رێما كوردستانێ خودانا 17 سكرانه كۆ سێ ژ وان مه‌زنن چوارده ژی سكرێن بچووكن، پرانیا سكران ئه‌ڤ ساله تژی بووینه ژ ئاڤێ و سكرێن مه‌زن ژی زێده‌تر ژ نیڤیێ، ب شێوه‌یه‌كی دوكان 4 ملیار و چوار سه‌د و سێ ملیۆن مه‌تر چارگوشه ئاڤ تێدایه كۆ دبیته زێده‌تری 60% ، سكرێ ده‌ربه‌ندیخان ژی ملیاره‌ك و نیڤ مه‌ترێن چارگوشه یا ئاڤی تێدایه.
رێڤه‌به‌رێ گشتی یێ سكرێن هه‌رێما كوردستانێ ئه‌و چه‌نده ژی راگه‌هاند ئاڤا ئه‌ڤان سكران دبیاڤێ ئیسگه‌هێن كاره‌بێ و چاندنێ و خودانكرنا ماسیان و ژبلی ڤه‌ژاندنا گه‌شت و گوزارێ، زێده‌باری ئه‌ڤی چه‌ندێ سێ سكرێن دی ژلایێ حكومه‌تا هه‌رێما كوردستانێ د بن بجهكرنێ دانه به‌لێ كاركرن تێدا هاتیه راوه‌ستاندن ب ئه‌گه‌رێ كورونایی، بریاره حكومه‌تا فیدرال ژی چه‌ند سكره‌كێن مه‌زن ل هه‌رێما كوردستانێ درۆست بكه‌ت، كۆ دێ مفایه‌كێ مه‌زن بۆ ژێرخانا ئابوورا هه‌رێما كوردستانێ هه‌بیت.
نيشاندان