ئەڤرۆ نیوز:
د. سەباح هەورامی، رێڤەبەرێ گشتی یێ ساخلەمیا سلێمانیێ راگەهاند، کو 16 تووشبوویێن کۆرۆنا یێ ل سلێمانیێ ساخبوون و بۆ مال هاتنە رەوانەکرن.
ساخلەمیا سلێمانیێ: 16 تووشبوویێن کۆرۆنا یێ چێبوون
نووترين نووچه
- دڤێت بەغدا سیاسەتا نەهنارتنا مووچەیێ خەلكێ كوردستانێ ب دووماهی بینیت
- هەتا دووماهی خولەك مە باوەری هەیە کو بشێین بگەهینە رێككەفتنێ ل گەل بەغدایێ
- بۆ چارەسەركرنا كێشەیێن هەولێرێ و بەغدایێ دڤێت قانوونا پەترۆل و غازێ بهێتە دەركرن
- ئایدن مەعرووف: حوكمەتا ئیراقێ د چارەسەركرنا كێشەیاندا یا رژد نینە
- بابەكر زێباری: ل دووماهییا ئەڤسالە هەرێما كوردستانێ دێ ئێك هێزا پێشمەرگەی هەبیت
- دڤێت كێشەیێن هەولێرێ و بەغدا ل سەر بنەمایێ دستووری بهێنە چارەسەركرن
- خەلكێ ژێهاتی و بسپۆر د ناڤ لیستا بەربژارێن پارتی دا هەنە
- هندەك ئالیێن ئێراقێ كێشەیان بۆ رێككەفتنێ ل گەل كوردستانێ دروست دكەن
- مەسرور بارزانی پشكداری د بەهییا عەبدوللا عەزیز مەلا هەمزە مێرگەسۆری دا كر
- سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
سه‌ره‌كى نووترين نووچه
وەزیرێ ناڤخۆ: توشبوویێن بەهیا هەولێرێ دێ هێنە دادگەهـ کرن
ئەڤرۆ نیوز:
وەزیرێ ناڤخۆ یێ هەرێما کوردستانێ راگەهاند، ئەو کەسێن کو هەلگرێ ڤایرۆسێ کۆرۆنا یێ بوون و ئەوێن پشکداری د بەهیا هەولێرێ دا کرین، دەمێ چێببن دێ هێنە دادگەهـ کرن.
ئەڤرۆ دوشەمبی، رێبەر ئەحمەد وەزیرێ ناڤخۆ یێ هەرێمێ د کۆنفرانسەکێ رۆژنامەڤانی دا دیار کر، مە داخواز ژ پارێزگارێ هەولێرێ کریە، کو ب رێیا داخوازکارێ گشتی ئەو کەسێن هەلگرێ کۆرۆنایێ بوون و پشکداری د بەهیا هەولێرێ دا کرین و چێببنە ڤە، لدووڤ قانوونێ دێ مامەلە ل گەل وان دا هێتەکرن و بهێنە دادگەهـ کرن.
گۆت ژی، هەتا نوکە ب ئەگەرێ وێ بەهیێ ٧١ حالەتێن توشبوون ب کۆرۆنایێ هاتینە تۆمار کرن.
وەزارەتا ساخلەمیێ: سێ کەسێن دیتر ل کوردستانێ تووشی کۆرۆنا یێ بوون
ئەڤرۆ نیوز:
وەزارەتا ساخلەمیا هەرێما کوردستانێ ل 6 نیسانا 2020 راگەهاند، کو د بەردەوامیا پشکنینێ و گەریان لدووڤ گومانلێکریان، سێ تووشبوویێن ڤایرۆسێ کۆرۆنا نوو COVID-19 هاتنە دەست نیشانکرن، کو سێ ژنن و خۆجهێن پارێزگەها هەلەبجە و ناحیا حاجی ئاوا و ناحیا بازیانن، دو ژ وان بەرکەفتیێن تووشبوویێن بەری نوکە نە و ئێکا دیتر گەشت بۆ ژ دەرڤەی وەلاتی هەیە.
ساخلەمیا سه‌رۆك وه‌زیرێن بریتانیا به‌ره‌ف خرابیێ ڤە د‌چیت
ئەڤرۆ نیوز:
سه‌رۆك وه‌زیرێن بریتانیا بۆریس جۆنسن، هاتیە ره‌وانه‌کرن بۆ یه‌كه‌یا چاڤدێریا چر، ب ئەگەرێ تێكچوونا رەوشا ساخلەمیا وی.
پێشتر سەرۆك وەزیرێن بریتانیا ب مەبەستا پشكنینێ هاتبوو رەوانەکرن بۆ نەخۆشخانێ ب ئەگەرێ هندێ کو هەتا نوکە نیشانێن ڤایرۆسێ کۆرۆنا یێ ل سەر وی د بەردەوامن.
نڤێسینگەها سەرۆک وەزیرێن بریتانیا راگەهاند، بۆریس جۆنسن پشتی 10 رۆژان ژ توشبوونێ ب کۆرۆنا و بەردەوامبوونا نیشانێن ڤی ڤایرۆسی، ل سەر رێنمایێن نۆشداری و وەک پێنگاڤەکا خۆپارێزیێ هاتیە رەوانەکرن بۆ نەخۆشخانێ ب مەبەستا پشکنینکرنێ بۆ وی.
حوکمەتا نەرویج کۆنترۆلکرنا بەلاڤبوونا کۆرۆنا یێ ل وەلاتێ خوە راگەهاند
ئەڤرۆ نیوز:
حوکمەتا نەرویج راگەهاند، کو وان بەلاڤبوونا ڤایرۆسێ کۆرۆنا ل وەلاتێ خوە کۆنترۆلکریە.
بێنت هوی، وەزیرێ ساخلەمیا نەرویج د کۆنفرانسەکێ رۆژنامەڤانیدا راگەهاند، نوکە هەر تووشبوویەکێ کۆرۆنا ل نەرویج تێکرا 0.7 کەسێن دیتر دێ تووش کەت، ئەڤە د دەمەکێ دایە، کو پێشتر هەر کەسەکێ تووشبووی تێكرا 2.5 کەسێن دیتر تووش دکر.
وەزیرێ ساخلەمیا نەرویج ب گرنگی ڤە بەحسێ رێکارێن تووند یێن حوکمەتا وەلاتێ وی بۆ رێگرتنێ ل بەلاڤبوونا کۆرۆنا یێ کر و گوتیە، هەکە ئەو رێکارە نەهاتبانە جێبەجێکرن، دا مە ژی هەمان بارودۆخێ هندەک وەلاتێن دیتر یێ ئورۆپا هەبیت، هەر چەندە ئەو پێنگاڤێن وان گرتینە بەر کاریگەریەکا مەزن ل سەر ئابوورێ وەلاتی هەبوو.
1474 گرتی ب مه‌رج هاتنە ئازاد كـرن
ئەڤرۆ نیوز:
جڤاتا دادوه‌ری لیستا گرتی و زیندانیان یێن کو دهێنە ئازاد کرن بۆ سهرۆكاتیا هه‌رێمێ دهنێریت.
جڤاتا دادوه‌ری یا هه‌رێما كوردستانێ د نڤیسارەکێ دا كو بۆ سهرۆكاتیا هه‌رێما كوردستانێ بلند كریه، ئامارا وان گرتیێن یێن کو دهێنە ئازاد کرن ب ده‌سته‌به‌ری و هه‌روه‌سا ئه‌و زیندانیێن كو هاتینە حوكومکرن و ب ئازادكرنا ب مه‌رج، دێ ئازاد کرنا وان هێتە راگەهاندن.
د نڤیسارا جڤاتا دادوه‌ریدا كو ئاراسته‌ی سهرۆكاتیا هه‌رێما كوردستانێ/نڤێسینگه‌ها تایبه‌ت یا به‌رێز سه‌رۆكێ هه‌رێمێ دا هاتیە كرن هاتیە.
پشتی هه‌ردو نڤێسینێن مە یێن ژماره (فق ل 28/3/2020) و (فق ل 5/4/2020) ئامارا وان گرتیێن کو دهێنە ئازادكرن ب ده‌سته‌به‌ری (كفاله) ل سنورێ هه‌رچار سه‌رۆكاتیێن دادگەها تێهه‌لچوونێ یا ناڤچێن (هه‌ولێر، سلێمانی، دهۆك، كه‌ركوك-گه‌رمیان) و هه‌روه‌سا ئامارا ئازادكرنا ب مه‌رج (الافراج الشرطی) ئه‌و زیندانیێن (محكوم) كو ل چاكسازیێن پارێزگەهێن (هه‌ولێر، سلێمانی و دهۆكن، ل رۆژانێن (30/3/2020 هەتا 5/4/2020) بۆ هەوە دهنێرین.
سەرجەمێ گشتی یێ ئازادكرنا گرتیان و به‌ردانا ب مه‌رج ل هه‌ر چار دادگەهێن تێهه‌لچوونا هه‌رێمێ 1474 كه‌سن.
ل سهرۆكاتیا دادگەها تێهه‌لچوونا هه‌ولێرێ 812 گرتی، دهێنە ئازادكرن و ژ وێ هژمارێ به‌ردانا ب مه‌رج 26 كه‌سن.
ل سهرۆكاتیا دادگەها تێهه‌لچوونا سلێمانیێ 440 گرتی دهێنە ئازاد كرن و ژ وێ هژمارا به‌ردانا ب مه‌رج 12 كه‌سن.
ل سهرۆكاتیا دادگەها تێهه‌لچوونا دهۆكێ هژمارا ئازادكرنا گرتیان 170 كه‌سن و 30 كه‌س ژی ب مەرج هاتینە به‌ردان.
ل سهرۆكاتیا دادگەها تێهه‌لچوونا ناڤچا كه‌ركوك-گه‌رمیان 21 گرتی هاتنە ئازاد كرن ل گه‌ل سنێلەکێ.
هه‌روه‌سا پرۆسا به‌ردانا گرتیان و ئازادكرنا ب مه‌رج دێ به‌رده‌وام بیت و ل رۆژانێن بهێن دێ ئامارا نوو هێتە بەلاڤ کرن.
راگه‌هاندنا جڤاتا دادوه‌ری
6/4/2020
ئەڤ رێنمایێن نوو بۆ پارێزگەها دهۆکێ هاتنە دەرکرن
ئەڤرۆ نیوز:
جێگرێ پارێزگارێ دهۆکێ چەندین رێنمایێن نوو بۆ دهۆکێ دەرکرن، کو سوبەهی سێشەمبی ل دەمژمێر ٧ سپێدێ دێ چنە د وارێ جێبەجێ کرنێ دا.
ماجد سەید سالح جێگرێ پارێزگارێ دھۆکێ د کونگرەکێ رۆژنامەڤانی دا دیار کر، کو پلانا وان بۆ قەدەغەیا ھاتنوچونێ ل دهۆکێ دێ ب ڤی رەنگی بیت.
گۆت ژی، سەمونخانە و نانپێژی دێ ل دەمژمێر ٤ سپێدێ هەتا ٤ ئێڤاری د ڤەکری بن، هەروەسا مارکێت ژ دەمژمێر ٦ سپێدێ هەتا ٦ ئێڤاری و کوشت فروش ژ دەمژمێر ٨ سپێدێ هەتا ٥ ئێڤاری و گومرکێن فێقی ژ دەمژمێر ٥ هەتا ٢ پشتی نیڤرۆ دێ هێنە ڤەکرن.
هەروەسا دیار کر ژی، غاز دێ ل دەمژمێر ٩ سپێدێ ھەتا ٩ شەڤێ و دەرمانخانێن نوبەدار دێ ھێنە راگەھاندن، هەروەسا دێ بانزینخانێن نوبەدار ژی ھەبن.
وەزیرێ نافخۆ رێنمایێن نوو دەربارەی قەدەغەیا هاتنوچوونێ راگه‌هاندن
ئەڤرۆ نیوز:
وەزیرێ نافخۆ یێ هەرێما کوردستانێ راگەهاند، ئەڤ شەڤە دێ رێنمایێن نوو دەربارەی قەدەغەیا تەمام یا هاتنوچوونێ راگەهینن و داخواز ژ وەلاتین کریە، ل دەمێ دەردکەڤن دەست گورک و دەمامکان وەکو دو هۆکارێن خۆپارێزیێ بەرامبەر کۆرۆنا یێ ب کاربینن.<br>
رێبەر ئەحمەد، وەزیرێ نافخۆ یێ هەرێما کوردستانێ د کۆنفرانسەکێ رۆژنامەڤانیدا گۆت، بڕیارا قەدەغەیا تەمام یا هاتنوچوونێ ل دەمژمێر شەشێ ئێڤارێ هەتا دەمژمێر 12 شەڤێ دێ بەردەوام بیت، ڤەدەر ژ ڤێ چەندێ پارێزگار و سەرپەرشتیارێن ئیداران هاتینە سەرپشک کرن، کو کارێ وەلاتیان رێکبێخن.
گۆتیە، وەسا بریارە ئەڤ شەڤە پارێزگار و سەرپەرشتیارێن ئیداران رێنمایێن نوو بۆ هاریکاریا وەلاتیان و پەیڕەوکرنا رێنمایان بەلاڤە بکەن، ب جۆرەکێ دێ کارێ بازرگانی، مارکێت و نانپێژان رێک ئێخن.
وەزیرێ نافخۆ دیار کر ژی، ئەو کەسێن سەرپێچی کرین و بەهی دانای، مە داخواز ژ پارێزگەهێن هەولێر کریە و ئەوێن د وێ بەهیێ دا تووشبووین، دەمێ ساخ دبن بهێنە سزادان، چونکی وان سەرپێچی کریە، چونکی ژ ئەگەرێ وێ بەهیێ 67 کەس ل وێ گەرەکێ تووشی کۆرۆنا یێ بووینە.
وەزارەتا ساخلەمیێ دووماهی ئامارێن تووشبویێن كۆرۆنا یێ راگه‌هاندن
ئەڤرۆ نیوز:
وه‌زاره‌تا ساخلەمیا حكومه‌تا هه‌رێما كوردستانێ، ئەڤرۆ دوشەمبی 6.4.2020 راگەهاندنەک بەلاڤکریە تێدا هاتیە، د ماوێ 24 دەمژمێرێن بوری دا (721) پشکنین هاتینە ئەنجام دان، (540) هەولێر، (124) سلێمانی، (57) دهۆك، دەرئەنجام (44) تووشبوویێن نوو هاتینە تۆمارکرن و ب ڤی رەنگی:-
. پارێزگەها هەولێرێ (41) پۆزەتیڤ، (17) ژن، (15) زەلام، (9) زارۆکن، کو دو ژ وان ل قەزا سۆران و سێ ل ناحیا سیدەکان و ئێك ل گوندێ ھەلەجەیا بچووك، یێن دیتر ژی ل ناڤا ھەولێرنگێ نە و ل گەرەکێج (کانی گەلی، ئالتون سیتی، شێخ ئەحمەد، کارێزان، زانکۆ، چنار، مامۆستایان، 121 گولان، ژیان، زیلان سیتی)، پرانیا وان بەرکەفتیێن تووشبوویێن ھەردو بەهیێن گەرەکا کارێزن ل ھەولێرێ ودو یێن دیتر پێشینەیا گەشتکرنێ ھەبوو.
. پارێزگەها سلێمانیێ (3) پۆزەتیڤ، هەموو ژنن و ژیێ وان دناڤبەرا (28)، (24)، (20) سالیێ دانە و هەموو بەرکەفتیێن تووشبووین بەری نوکە نە.
سەرجەمێ گشتی یێ تووشبوویان ب کۆڕۆنا یێ ل هەرێما کوردستانێ گەهشتە (277) تووشبوویان، هەتا نوکە (88) نەخۆش چێبووینە.
د روودانەکا ترافیکێ دا کەسەکێ گیانێ خوە ژ دەست دا
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا ترافیکێ دا کەسەکێ گیانێ خوە ژ دەستدا.
ناڤهاتی زێدەتر دیار کر: ئەڤرۆ دوشەمبی ٦⁄٤⁄٢٠٢٠ ل گوندێ مامەری ل زاخۆ ترۆمبێلەک ژ جورێ ھوندا ئەلنترا تایبەت یا رەنگ سپی وەرگەریا یە و د ئەنجامدا شوفێری گیانێ خوە ژ دەست دایە.
نيشاندان
WP Facebook Auto Publish Powered By : XYZScripts.com