ئه‌ڤرۆ
وه‌زاره‌تا دارایی و ئابووری یا حكومه‌تا هه‌رێما كوردستانێ خشته‌یه‌كێ نوو یێ موچه‌یێ هه‌یڤا 12 سالا بوری راگه‌هاند.
وه‌زاره‌تا دارایی و ئابووری یا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه كۆ سوبه‌هی موچه‌یێ وه‌زاره‌تا ساخله‌میێ هێته پارڤه‌كرن.
ئه‌ڤه ل ده‌مه‌كی دایه كۆ وه‌زاره‌تا پێشمه‌رگه وه‌ك ئیكه‌م وه‌زاره‌ت موچه وه‌ردگرت، به‌لی ب ئه‌گه‌ری به‌لاڤ بوونا ڤایرۆسێ كورونایێ، وه‌زاره‌تا ساخله‌میێ وه‌ك ئێكه‌م وه‌زاره‌ت دێ موچه‌ی وه‌رگرن.
ئه‌ڤرۆ نیوز:
چین ئێكه‌م وه‌لات بوو ڤایرۆسێ كورونایێ تێدا به‌ربه‌لاڤ بوو، نوكه هه‌تا ئاسته‌كێ ره‌وشا توشبوویێن وێ باش بوویه بوویه سه‌ربوره‌ك بۆ چاره‌كرنا توشبویێن ڤایرۆسێ كورونا، له‌ورا بۆ ریب ری بوونا ڤایرۆسێ كورونایێ شه‌ش ته‌نێن ده‌رمانێن تایبه‌ت بڤێ ڤایرۆسێ و چه‌ندین ئامێرین نوژداری بۆ عیراقێ فرێكرن.
عه‌بدللا لوعێبی وه‌زیرێ ڤه‌گۆهاستنا عیراقێ راگه‌هاند ب فروكه‌یه‌كا عیراقی ل ده‌مێ 36 ده‌مژمێران چون و هاتن زێده‌تری شه‌ش ته‌نێن ده‌رمان و ئامرێن نوژداری بۆ ریب ری بوونا ڤایرۆسێ كورونایێ ژ وه‌لاتێ چینێ گه‌هشتنه عیراقێ.
وه‌زیرێ ڤه‌گۆهاستنا عیراقێ ئه‌و چه‌نده ژی راگه‌هاند: ده‌رمان و ئامێرێن چاره‌كرن و ژناڤبرنا ڤایرۆسێ كورونایێ ل ناڤا ئه‌وان تشتان دانه یێن كۆ ژ وه‌لاتێ چینێ هاتین، كۆ نێزیكی 50 هه‌زار كه‌ره‌سته‌یێن هه‌لگرتن و پاراستنا پشكنینیان دناڤا ئه‌وان ئامێرین ساخله‌میی دا هه‌نه یێن ژ چینێ هاتینه هنارتن بۆ عیراقێ.
ئه‌ڤرۆ نیوز:
ده‌سه‌لاتدارێ ویلایه‌تا نیویورك ل ئه‌مریكا ژ به‌ربلندبوونا هژمارا توشبوویێن ڤایرۆسێ كورونایی ره‌وشا نه ئاسایی راگه‌هاند.
ئه‌ندریه كومو ده‌سه‌لاتدارێ ویلاتیا نیویورك راگه‌هاند: ب ئه‌گه‌رێ بلندبوونا هژمارا توشبوویێن ب ڤایرۆسێ كورونایی، ل ئاستێ ویلایه‌تێ، كۆ گه‌هشتیه 76 كه‌سان، ره‌وشا نا ئاساییی راگه‌هاند.
ناڤبری دیاركر وه‌لاتیێن خۆ ئاگه‌هدار و پالدده‌ین كۆ رێنمایێن ساخله‌میێ بجهـ بكه‌ن و ته‌ڤایا ئه‌وان رێكان بۆ خۆ پاراستنێ هاتینه دانان بجه بكه‌ن.
ئه‌ڤرۆ نیوز:
سه‌رۆكێ حكومه‌تا هه‌رێما كوردستانێ ب هه‌لكه‌فتا 8 مارسێ رۆژا جیهانیا ئافره‌تان، پیرۆزباهیێ ل ئافره‌تێن جیهانێ و كوردستانێ دكه‌ت.
د په‌یامه‌كێ دا كۆ ئه‌ڤرۆ 8/3/2020 به‌لاڤ بوویه، مه‌سرور بارزانی سه‌رۆكێ حكومه‌تا هه‌رێما كوردستانێ راگه‌هاند: ئافره‌تێن كوردستانێ رۆله‌كێ كاریگه‌ر و شكودار ل بزاڤا رزگاریخوازیا گه‌لێ كوردستانێ دا دیتی یه .
ئه‌ڤه ژی ده‌قێ ئه‌وێ په‌یاما سه‌رۆكێ حكومه‌تا هه‌رێما كوردستانێ یه:
د رۆژا جیهانیا ئافره‌تان دا پیرۆزباهیێ ل ئافره‌تێن هه‌رێما كوردستانێ و جیهانێ دكه‌م، ساخكرنا هه‌شتێ مارس رێزگرتنه ل ئه‌وێ خه‌بات و تێكوشینا ئافره‌تان د پێخه‌مه‌تا یه‌كسانیێ و دادپه‌روه‌ریێ و جڤاكی و نه‌هێلانا سته‌م و بن ده‌ستیێ دایی.
ئافره‌تێن كوردستانێ رۆله‌كێ كاریگه‌ر و شكودار ل بزاڤا رزگاریخوازیا گه‌لێ كوردستانێ دا دیتی یه ل دژی داگیركاریێ و سته‌ما جڤاكی خه‌باتكریه، له‌ورا ئه‌م ژی تێكوشینا ئافره‌تێن كوردستانێ، ب تایبه‌تی ئافره‌تا پێشمه‌رگه و ل شوره‌شێن كوردستانێ رۆله‌كێ به‌رچاڤ ل ریب ری بوونا تیرۆریستێن داعشێ بلند دنه‌رخینین و پیگیربوونا حكومه‌تا هه‌رێما كوردستانێ د پاراستن و داكوكیكرن ل مافێن مرۆڤی ب گشتی و مافێن ئافره‌تان ب تایبه‌ت و دروستكرنا ده‌لیڤه‌یا یه‌كسانیا كاركرنێ و پشكداربوونا وێ ل هه‌موو بیاڤێن ژیانێ دو پان دكه‌ین.
داخازێ ژ ئافره‌تێن هه‌رێما كوردستانێ دكه‌م، كۆ رۆلێ كارایێ خۆ د به‌لاڤبوونا هشیاریا ساخله‌میێ و بجهكرنا رینمایێن ساخله‌میێ بۆ ریب ری بوون و خۆ پاراستن ژ ڤایرۆسێ كورونایێ بگێرن و پشته‌ڤانیا ئه‌ندامێن خێزانێ و كه‌س و كارێن خۆ بكه‌ن، بۆ پاراستنا پاقژی و بژینیا ژینگه‌هێ كۆ ئه‌ركه‌كێ نیشتمانی و به‌رپرسیاریا مه هه‌میانه.
مه‌سرور بارزانی
سه‌رۆكێ حكومه‌تا هه‌رێما كوردستانێ
8/3/2020
ئه‌ڤرۆ نیوز:
ب ئه‌گه‌رێ به‌لاڤبوونا ڤایرۆسێ كورونا ل ئیتالیا، ئه‌ڤرۆ حكومه‌تا ئیتالیا بۆ رێگرتن ژ به‌لاڤبوونا ڤایرۆسێ كورونایێ چه‌ندین بریار ده‌رخستن.
لگۆری زانیاریان ل ئیتالیا ب هزاران وه‌لاتی چاره‌سه‌ركرینه، ته‌ڤایا سینه‌ما و موزه‌خانه و هۆلێن شانویێ گرتن.
جوزیپی كونتی سه‌رۆك وه‌زیری ئیتالیا راگه‌هاند: گرتنا جهێن گشتی بۆ ریگرتنه ژ به‌لاڤبوونا ڤایرۆسێ كورونایێ.
لگۆری زانیاریان، ئیتالیا ئیكه ژ ئه‌وان وه‌لاتێن زۆر ب له‌ز ڤایرۆس تێدا به‌لاڤ بووی و تانوكه 6 هه‌زار كه‌س تووشی ئه‌ڤی ڤایرۆسی بوون و 233 كه‌س ژی پێ مرینه.
ئەڤرۆ نیوز:
لدووڤ راسپاردێن پارێزگارێ دهۆکێ، ل رۆژا ئێکشەمبی و ل دەمژمێر 9:00 سپێدێ، رێڤەبەریا ڤیتێرنەری ب هەڤکاری ل گەل رێڤەبەریا بەرەڤانیا باژێری ل پارێزگەها دهۆکێ، دێ رابیت ب هەوەکا بەرفرەهـ یا تافیلکرنا هەموو بازاڕ و جادە و جهێن گشتی، ب مەرەما پاراستنا سلامەتیا وەلاتیان ژ ڤایرۆسێ کۆرۆنا یێ.
دڤێ هەوێ دا حەفت تیم هاتینە پێکئینان بۆ سەرانسەرێ پارێزگەها دهۆکێ، دێ هەموو حەفتیان جارەکێ تافیلکرنێ ئەنجام دەن، ب تایبەتی جادە، بازاڕ، سەربرخانە، باخچە، پروژێن ئاژەلان، چاکسازیی، جهێن فروتنا بالندەیان، دێ ئێکەمجار ژی ل بنگەهێ ئاگرڤەمراندنا گەلیێ دهۆکێ دەست پێ کەت.
ئەڤرۆ نیوز:
ب ئەگەرێ هژمارەکا زۆر یا گیان ژ ده‌ستدان و توشبوویان ب ڤایرۆسێ كۆرۆنایێ، حوکمەتا ئیرانێ، حالەتێ ئامادەباشیێ ل هەر سێ پارێزگەهێن ( قوم، جه‌یلان و مازنده‌ران) راگەهاند.
ئاماژه ب هندێ دایە کو ئەڤ بڕیارە ب تنێ وان سێ پارێزگەهان ڤەدگریت.
ئەڤ بڕیارە پشتی هندێ هات، کو هژمارا تووشبوویێن كۆرۆنا ل ئیرانێ بلند دبیت، پەیڤدارێ وه‌زاره‌تا ساخلەمیا ئیرانێ راگه‌هاندیه: هەتا نوکە پێنج هزار و 823 كه‌س ل ئیرانێ تووشی كۆرۆنایێ بووینە.
ئەڤرۆ نیوز:
وەلاتێ چینێ تیمەکا نوشداری ل گەل چەندین کەل و پەلێن پێدڤی شاندنە عێراقێ.
ئەڤرۆ شەمبیێ، ئەحمەد بەرواری بالیۆزێ عێراقێ ل چینێ ڕاگەهاند، چینێ تیمەکا نۆشداری و شەش تەن پێدڤیێن نۆشداری بۆ عێراقێ شاندینە، کو ئەو ژی د چارچۆڤێ ڕێکارێن بەرهەنگاربوونا کۆرۆنا یێ دایە.
هەروەسا گۆتیە، پێدڤیێن نۆشداری شەش تەنن و د ناڤ وان ژی دا ١٥ هزار دەرمان و کەرەستێن دەستنیشانکرنا کۆرۆنایێ تێدا هەنە.
دیار کری ژی، ئەو تیم ژ چەندین نۆشدار و شارەزایان ژ ساخلەمیا گشتی و بەرپرسێ ڕێکخراوا خاچا سورا چینێ پێکهاتیە، هەموو ئەڤ پێدڤیە بۆ هاریکاریکرنا عێراقێ یە د بەرهەنگاربوونا کۆرۆنایێ دا.
ئەڤرۆ نیوز:
ئەڤ شەڤە وەزارەتا ساخلەمیا حوکمەتا هەرێما کوردستانێ راگەهاند کو ل باژێرێ هەولێرێ حالەتێ دویێ یێ تووشبوون ب ڤایرۆسێ کۆرۆنا یێ هاتە تۆمار کرن.
وەزارەتا ساخلەمیا ئاماژە ب هندێ دایە، کو د دەمێ ٢٤ دەمژمێرێن بوری دا حالەتەکێ دیتر یێ تووشبوون ب ڤایرۆسێ کۆرۆنا یێ ل باژێرێ هەولێرێ هاتیە تۆمارکرن، کو ژنەکا د ژیێ ٤٩ سالیێ دایە.
نيشاندان