ئەڤرۆ نیۆز، قائید میرۆ
ددەمێ دو رۆژاندا ھژمارەک حالەتێن ڤایرۆسا کۆرۆنا ل ناحیا خەلیفان یا سەر ب قەزا سۆرانڤە ھاتینە تۆمارکرن و رێڤەبەرێ ناحیێ ژی دبێژیت، قەدەغەیا ھاتن وچوونێ ھاتیە بجە ئینان و پشکنین بۆ وەلاتیان دھێتەکرن.
کاروان کەریم، رێڤەبەرێ ناحیا خەلیفان بۆ ئەڤرۆ نیۆز دیارکر” پشتی تۆمارکرنا ھژمارەک حالەتێن ڤایرۆسا کۆرۆنا دوھی بڕیار ھاتەدان باژێڕکێ خەلیفان بتەمامی بھێتە کەرەنتین کرن و ھاتن وچوون ب ھەموو شێوەیەکی دناڤا خەلیفانی ھاتیە قەدەغەکرن، ھێزێن ئەمنی ناڤا خەلیفانێ ھاتینە بەلافکرن و ھەر کەسەکێ پێگیر نەبیت دێ پێڕابوونێن قانوونی ھەمبەر ھێنە وەرگرتن.
کاروان کەریم ئاماژەکر” تیمێن ساخلەمیێ مژۆلی وەرگرتنا پشکنێن وەلاتیانن و ھەموو رێکێن پێدڤی دھێنە بجە ئینان بۆ کۆنتڕۆلکرنا رەوشێ، چونکە وەلاتیەکێ خەلیفانێ ل ئەورۆپا ڤەگەڕیایە و سەرەدانا زۆربەیا خەلکی کریە، لەوڕا داخوازێ ژ وەلاتیان دکەین پێگیریێ ب رێنمایان بکەن بۆ پاراستنا ژیانا خوە.
ئەڤرۆ نیوز:
د. محەمەد قادر پەیڤدارێ وەزارەتا ساخلەمیێ یا هەرێما کوردستانێ دیار کر کو هەتا نها چو حالەتێن مەترسیدار یێن ڤایرۆسێ کۆرۆنایێ ل هەرێما کوردستانێ نینن و ٨٠% ئەوێن تووشی کۆرۆنایێ بووینە حالەتێ وان گەلەک سڤکن و پشتی دەمەکێ دی دێ ڤەگەرنە ڤە مالێن خوە.
ناڤهاتی ئەو یەک ژی دیار کر کو هەتا نها ٥٧ کەس ل هەرێما کوردستانێ ب تەمامی باش بووینە و ئەو یەک ژی نیشا ددەت کو یێن ل هەرێما کوردستانێ تووشی کۆرۆنایێ بووینە پرانیا وان ب سڤکی تووش بووینە و رەوشا وان یا باشە و بارێ ساخلەمیا وان ژی جێگرە.
پەیڤدارێ ساخلەمیا هەرێما کوردستانێ ئەو یەک ژی دیار کر کو هەتا نها چو نەخوشەک یێ کۆرۆنا ل هەرێما کوردستانێ پێدڤی ب ئامیرێ هەناسا دەستکر نەبوویە و ئەو یەک ژی جهێ دلخوشیێ یە.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر ل هه‌رێما كوردستانێ ئێك توشبوویا دی ب ڤایرۆسێ كورونایێ هاته توماركرن.
وه‌زاره‌تا ساخله‌میا حكومه‌تا هه‌رێما كوردستانێ د به‌یاننامه‌یه‌كێ دا به‌لاڤكر و تیدا هاتیه كۆ ل به‌رده‌وامیا پشكنین و لێگه‌ریانا گۆمانلێكریان، ئێك توشبوویا ب ڤایرۆسێ كورونا نو كۆڤید 19 ل باژێرێ هه‌ولێرێ هاتنه ده‌ست نیشانكرن، كۆ ئافره‌ته‌كه ژیێ وێ 22 ساله .
ئه‌ڤرۆ نیوز:
وه‌زاره‌تا پترۆلا عیراقێ راگه‌هاند د ده‌مه‌كی دا وه‌زاره‌تا ساخله‌می و ژینگه‌هێ داخازا پێنج ملیۆن دۆلاران كربوو، لێ ئه‌وان حه‌فت ملیۆن دۆلار پێشكیشی ئه‌وێ وه‌زاره‌تێ كرینه ب مه‌به‌ستا به‌رهنگاربوونا ڤایرۆسێ كورونایێ.
عاسم جیهاد په‌یڤدارێ وه‌زاره‌تا پترۆلا عیراقێ راگه‌هاند وه‌زاره‌تا پترۆلێ حه‌فت ملیۆن دۆلار پێشكیشی وه‌زاره‌تا ساخله‌میێ كریه ب مه‌به‌ستا به‌رهنگاربوونا ڤایرۆسێ كورونایێ د ده‌مه‌كی دا به‌ریا نها وه‌زیرێ ساخله‌میێ داخازا پێنج ملیۆن دۆلاران كربوو، دانا ئه‌وی پاره‌یی ب وه‌زاره‌تا ساخله‌میێ د چارچوڤه‌یێ هه‌وه‌كا نیشتمانی بۆ به‌رهنگاربوونا ڤایرۆسێ كورونایێ بوویه.
عاسم جیهاد په‌یڤدارێ وه‌زاره‌تا پترۆلا عیراقێ ئه‌و چه‌نده ژی دیاركر كۆ پاره ب سه‌ر چه‌ند جهه‌كان دا پاره‌ڤه‌كرینه كۆ 2.4 ملیۆن دۆلار بۆ هوتێله‌كا تایبه‌ت ب توشبوویێن ڤایرۆسێ كورونایێ، دو ملیۆن دۆلار بۆ پشته‌ڤانیكرنا كه‌رتێ ساخله‌میێ ل پاریزگه‌ها میسان ، دۆ ملیۆن دۆلار بۆ سندوقا پشته‌ڤانیكرنا كه‌رتێ ساخله‌میێ ل پارێزگه‌ها زیقار هاتینه ته‌رخانكرن، ژبلی 200 ملیۆن دینار بۆ پارێزگه‌ها كه‌ركوكێ كۆ 50 ملیۆن دینار بۆ به‌ره‌ڤانیا باژێرێ كه‌ركوكێ.
ئه‌ڤرۆ نیۆز، عه‌زیز هه‌ورامی:
شاسوار عه‌بدولواحید سه‌رۆكی نه‌وه‌ی نوێ و كه‌ناڵه‌كانی ئێن ئاڕتی له كۆبونه‌وه‌یه‌كی له‌گه‌ڵ به‌رپرسان و كارمه‌ندانی ته‌له‌فزیۆنه‌كانی ئێن ئاڕتی، پێ ڕاگه‌یاندوون %25 موچه‌ی مانگانه‌یان ده‌بڕێت به‌هۆكاری ئه‌وه‌ی توشی قه‌یرانی دارایی بوون كارمه‌نده‌كانیش ڕه‌تیان كردووه‌ته‌وه هه‌ڕه‌شه‌ی وه‌ستاندنی په‌خشتی ته‌له‌فزیۆنه‌كه ده‌كه‌ن، له ڕێگه‌ی وه‌زهێنانی به‌كۆمه‌ڵ.
سه‌رچاوه‌یه‌كی تایبه‌ت له ئێن ئاڕتییه‌وه بۆ ئه‌ڤرۆ نیۆز، ڕاگه‌یاند:” شاسوار عه‌بدولواحید ده‌ست بۆ بڕینی قوتی كارمه‌ندانی كه‌ناڵه‌كه بردووه به‌رده‌وام به‌بیانوی جۆراوجۆر موچه‌ی مانگانه‌ی كارمه‌ندانی ته‌له‌فزیۆنی ئێن ئاڕتی كه‌م ده‌كاته‌وه، له‌م مانگه‌وه موچه‌ی كارمه‌ندانی ئێن ئاڕتی به‌بڕیاری شاسوار عه‌بدولواحید بڕدراوه بڕینه‌كه جیاوازه به‌شێكی كارمه‌نده‌كان %25 به‌شێكی تریشیان %50 موچه‌كانیان بڕدراوه.
سه‌رچاوه‌كه‌ی ئه‌ڤرۆ نیۆز وتیشی:” له كۆبوونه‌وه‌ی شاسوار عه‌بدولواحید و كارمه‌ندانی ئێن ئاڕتی بۆ كه‌مكردنه‌وه‌ی موچه‌ی كارمه‌ندانی كه‌ناڵه‌كه، گرژی زۆری لێ كه‌وتووه، زۆرینه‌یان وتویانه په‌خشی كه‌ناڵه ڕاده‌گرن كارناكه‌ن بێت و موچه‌كانیان كه‌م بكرێته‌وه، شاسوار عه‌بدولواحید له وه‌ڵامدا وتویه‌تی كێ پێ ناكرێت ئه‌توانێت ده‌ست له‌كاركێشانه‌وه بنوسێت.
هه‌ر به‌پێ سه‌رچاوه‌كه‌ی ئه‌ڤرۆ نیۆز، ئه‌و كه‌سانه‌ی زیاتر له گه‌ڵ شاسوار عه‌بدولواحید توند بون، پاش ڕۆشتنه وه‌ی له كۆبونه‌وه‌كه بڕیاری ده‌ركردنیانی داوه.
له ئێستادا وه‌ك گوشارێك بۆ سه‌ر بڕیاره‌كه‌ی شاسوار عه‌بدولواحید زۆرینه‌ی په‌یام نێر و كامیره مانه‌كانی ئێن ئاڕتی ئاماده‌نین ڕاپۆرت و هه‌واڵ، ئاماده‌بكه‌ن ئه‌وه‌ش وای كردووه كه‌ناڵه‌كه زیاتر هه‌واڵی جیهانی په‌خش بكات، باس له‌وه‌ده‌كرێت جگه له‌وانه‌ی ده‌ركراون 45 كارمه‌ندی تری كه‌ناڵه‌كه هه‌ڕه‌شه‌ی وه‌زا هێنانی به‌كۆمه‌ڵ ده‌كه‌ن.
شاسوار عه‌بدولواحید خاوه‌نی كه‌ناڵی ئێن ئاڕتی یه‌ك هه‌واڵ و دوو هونه‌ری سێ منداڵان چوار ئاینی پێنچ په‌روه‌رده‌ی، وه خاوه‌نی دوو ڕادۆیه له‌گه‌ڵ كۆمه‌ڵێك سایت و په‌یجی جۆراوجۆر،به‌رپرسان و كارمه‌ندانی نالیا ده‌ڵێن، شاسوار عه‌بدولواحید له كاتێكدا بۆ موزایده به‌رده‌وامه له كردنه‌وه‌ی كه‌ناڵ، به‌ڵام ناتوانێت موچه‌ی و شایسته‌ی دارایی مانگانه‌ی كارمه‌نده‌كان دابین بكات، له‌گه‌ڵ كردنه‌وه‌ی هه‌ر كه‌ناڵێك ده‌ست بۆ بڕینی قوتی كارمه‌نده‌كانی ئێن ئاڕتی ده‌بات.
ئه‌ڤرۆ نیوز:
سه‌رۆكێ ئه‌مریكا راگه‌هاند نوكه رزگاركرنا ژیانا وه‌لاتیان ژ كوڤید 19 ژ كارێن سه‌ره‌كی یێن مه‌یه، پاشی ئابوورا وه‌لاتی د پله‌یا دوێ دهێت .
سه‌رۆكێ ئه‌مریكا د كۆنگره‌یه‌كێ رۆژنامه‌ڤانی دا دیاركر زێده‌تری ملیۆنه‌كا وه‌لاتیان پشكنینا ڤایرۆسێ كورونایێ ئه‌نجامدایه، داخازێ ژ ته‌ڤایا وه‌لاتیان دكه‌م پێگیر بن ب وان رێنمایێن كۆ بۆ به‌رهنگاربوونا ڤایرۆسێ كورونایی ل ئه‌مریكا هاتینه دانان، هه‌ر تاكه‌ك ژی دشێت رۆلێ خۆ هه‌بیت د سه‌ركه‌فتنا شه‌رێ كورونایێ كۆ هه‌موو خێزان یان جڤاك كار بكه‌ن داكۆ ب شێن ژلایێ خۆ ڤه به‌رهنگاربوون و به‌لاڤ بوونا ڤایرۆسێ كورونایێ بكه‌ن.
د كۆنگرێ رۆژنامه‌ڤانیێ سه‌رۆكێ ئه‌مریكا دا، ئامێره‌كێ پشكنینا ڤایرۆسێ كورونایێ ئێخسته ری، كۆ ل ده‌مێ چه‌ند ده‌قیقه‌یه‌كان دا دشێت ئه‌نجامێ پشكنینێ ئاشكرا بكه‌ت، ئه‌ڤه‌ژی رۆله‌كێ كاریگه‌ر دبینیت ژ له‌ز ده‌ست نیشانكرنا حاله‌تێن توشبوون ب ڤایرۆسێ كورونایێ.
ئەڤرۆ نیوز:
ژنەکا توشبوویا ڤایرۆسێ کۆرۆنایێ جێمکەک بوویە و ناڤی ئێکێ کریە ڤایرۆس و یێ دی ژی کریە کۆرۆنا.
مالپەرێ world news د نووچەکێ دا بەلاڤکریە، کو ئەناماریا خوسیە یا د ژیێ ٣٤ سالێی دا، کو خەلکا وەلاتێ مەکسیکە بریار دایە کو ناڤێن هەردو زارۆیێن خۆ یێن جێمک بکەتە ڤایرۆس و کۆرۆنا، جەخت ل سەر هندێ ژی کریە، کو ساخلەمیا هەردو زارۆیان یا باشە زێدەباری وێ چەندێ کو دایکا وان تووشی ڤایرۆسێ کۆرۆنا یێ بوویە.
دایکا هەردو زارۆیان گوتیە، چ ناڤ ل سەر هزرا وێ نەبوونە و نۆشدارەکێ نەخۆشخانێ پێشنیار بۆ وێ کریە کو ناڤێ هەردو زارۆیێن وێ ب ڤی ڕەنگی بن، ژبەر کو ڤێ ڤایرۆسێ نوکە هەموو ژیان ب خوەڤە مژوول کریە.
هەر چەندە وی نۆشداری گوتیە کو وی ژی ئەڤ پێشنیارە بۆ خۆشیێ کریە، لێ د دووڤدا وەک سۆپرایز لێهاتیە بۆ وی دەما دیتیە کو براستی ژی ناڤێن وان کرینە ڤایرۆس و کۆرۆنا.
ئه‌ڤرۆ نیوز:
پشتی دهی بۆ كێمترین ئاست داكه‌تی پشتی هه‌یڤا 11 یا سالا 2002 هاتیه توماركرن، جاره‌كا بهایێ پترۆلێ ل بازارێن جیهانێ بلند بوو، پشتی رێكه‌تنا تره‌مپی و پوتنی ل سه‌ر ئه‌نجامدانا دانوستاندنی بۆ سه‌قامگیریكرنا بهایێ پترۆلێ ل بازارێن جیهانێ.
لگۆری ئاژانسا رویته‌رز، ئه‌ڤرۆ بهایێ پترۆلا برێنت 43 سه‌نتان بلند بوویه كرین و فرۆتن ب 23.19 دۆلاران هاتیه‌كرن ئانكۆ ب رێژا 1.9 زێده‌كریه، بهایێ هه‌ر به‌رمیله‌كا پترۆلا ته‌كساس 1.16 دۆلاۆ بلند بوویه كۆ بوویه 21.26 دۆلار كرین و فرۆتن پێڤه هاتیه‌كرن، كۆ ب رێژا 5.8 زێده‌كریه.
ئەڤرۆ نیوز:
بەرپرسێن سەربازی یێن ئەمریکا و عیراقێ دبێژن، ئەمریکا دێ سیستەمێ بەرگریێ یێ پاتریۆتی بۆ دو بنگەهێن سەربازی ل هەرێما کوردستانێ و عیراقێ ڤەگوهاستینە.
بەرپرسەکێ سەربازی یێ ئەمریکی و ژێدەرەکێ سەربازی یێ عیراق بۆ ئاژانسا نووچەیێن فرانس پرێس گۆتیە، ل حەفتیا بوری سیستەمەکێ دژی مووشەکان یێ پاتریۆت بۆ بنگەهێ سەربازی یێ عەین ئەسەد ل پارێزگەها ئەنبار هاتیە ڤەگوهاستن و دێ هێتە جهگیر کرن.
وی بەرپرسێ ئەمریکی گۆتیە ژی، سیستمەکێ دیتر یێ پاتریۆت بۆ هەولێرا پایتەختێ هەرێما کوردستانێ هاتیە ڤەگوهاستن، دو پاتریۆتێن دیتر ل کوێتێ نە و د وێ پلانێ دا هەیە ئەو ژی بهێنە ڤەگوهاستن بۆ عیراقێ.
سیستەمێ پاتریۆت رادارێن پێشکەفتی هەنە و ل دەمێ نێزیکبوونا مووشەکان سیستەمێ وێ یێ مووشەکی چالاک دبێت بۆ تێکشکاندنا هەر مووشەکەکا ب وی ئاراستەی ڤە دهێت.
ل چەند رۆژێن بوری دا حکومەتا ئەمریکا هژمارەکا بنگەهێن سەربازی رادەستی هێزێن عێراقی کرینە.
دپلۆماتەکێ رۆژئاڤا ل بەغدا بۆ فرانس پرێس گۆتیە، ئارمانجا ئەمریکا ژ ڤێ پێنگاڤێ پێکهاتیە ژ پاراستنا سەربازێن وان، کو د نوکە دا ل هژمارەکا کێمتر یا بنگەهێن سەربازی دانە.
نيشاندان