ئه‌ڤرۆ نیوز، بارزان مزوورى:

عوده‌ى عه‌بادى، رێڤه‌به‌رێ فیتێرنه‌ریا پارێزگه‌ها نه‌ینه‌وا بۆ ئه‌ڤرۆ نیوز گۆت: لدووڤ ئاماره‌كا رێڤه‌به‌ریا مه‌ كو ئه‌ڤ ساله‌ هاتیه‌ به‌رهه‌ڤكرن، زێده‌ترى 40 هزار سه‌یێن به‌رەلا یێن مه‌ترسى دناڤ سه‌نته‌رێ باژێرێ مۆسل دا هه‌ین و وبوینه‌ جهێ مه‌ترسیێ بۆ خه‌لكێ باژێرى ژبه‌ركو هێرشێ دكه‌نه‌ وه‌لاتیان دیسان مه‌ترسیا به‌لاڤكرنا نه‌خوشیان یا هه‌ى ژلایێ وان سه‌یان ڤه‌ بۆ وه‌لاتیان.

ناڤهاتى خویاكر، مه‌ چەندین تیم ل باژێری به‌ربه‌لاڤ كرینه‌ كو وان سه‌یێن به‌ره‌لا ژناڤ ببه‌ن رۆژانه‌ زێده‌ترى 100 سه‌یێن به‌ره‌لا دكوژن ژ مه‌ترسیا زێده‌بوونا وان.

ناڤهاتى گۆت: به‌رى 2014 ئه‌و رێژا سه‌یێن به‌ره‌لا دناڤ باژێرێ مۆسل دا نه‌بوون د وى ماوێ ده‌ستهه‌لاتداریا رێكخراوا تیرۆرستى یا داعش ئه‌و سه‌یێن به‌ره‌لا زێده‌بووینه‌ هه‌موو ژوانا سه‌یێن درنده‌نه‌.

ئەڤرۆ نیوز، عەلی حاجی :

نوونەرێ قایممقامیا زاخۆ د لژنا دیفچوونا دەرمانخانە و کلینیکێن نۆشداری دا بۆ ئەڤرۆ نیوز دیار کر: ئەڤرۆ پێنچشەمبی ژ ئەگەرێ گران فروتنا دەمامکان د ناڤ بازاری دا دەرمانخانەیەک ژلایێ وان ڤە هاتە دا ئێخستن.

زێدەتر خەلات ئوسمان گوت : پشتی ئەم هاتینە ئاگەهدار کرن دەرمانخاکێ بازار بۆ خوە ب دەلیڤە دیتیە هەر دەمامکەکێ ب ٥٠٠ دیناران دفروشیت، پشتی مە دووڤچوونا ڤێ چەندێ کری بو مە دیار بوو کو ئەو دەرمانخانە ب وی رەنگی دەمامکان د فروشیت و ئێکسەر ژلایێ لژنا مە ڤە هاتە دائێخستن هەتا رۆژا ئێکشەمبی ل حەفتیا داهاتی دا و ژنوو دێ رۆژا ئیک شەمبێ بریارەکێ ل سەر وێ دەرمانخانێ دەین، بەردەوام تیمێن مە دناڤ بازاری دانە و هەر دەرمانخانەیەکا دەمامکان یان ژی دەست گورکان ب پارەیەکێ نەگونجایی بفروشیت بێ دو دلی دێ هێتە دائێخستن و خودانێ وێ بۆ دادگەهێ هێتە رەوانە کرن.

ئەو چەندە ژی گوت : هەر ئەڤرۆ مە سەرەدانا جهەکێ دیتر ژی کر بوو کو پێزانین بۆ مە هات بوون ئەو جهە ژی کەمامان ب گرانی د فروشیت پشتی مە دووڤچوونا وی جهی کری وەسا دەرنەکەڤت لەورا هەر کەسەکێ بازاری بۆ خوە ب دەلیڤە بینیت دێ سەرەدەریەکا توند ل گەل دا هێتە کرن.

ئەڤرۆ نیوز ، زنار تۆڤی:

موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا ترافیکێ دا وەلاتیەک بریندار بوو.
ناڤهاتی زێدەتر دیار کر: ئەڤ شەڤە و ل دەمژمێر (10:40) خولەک ل سەر جادا سـەرەکی یا تەوکێ ترومبێلەکا تایبەت تۆیۆتا لاندکرۆز یا رەنگ سپی ل ژێر کونترولا شوفێری دەرکەفتیە و وەرگەریا یە، د ئەنجامدا کەسەک بریندار بوویە و زیانێن مادی یێن مەزن ژی ب وێ ترۆمبێلێ کەفتینە.