ئەڤرۆ نیوز:
وەزارەتا ساخلەمیا هەرێمێ راگەهاند، حالەتێ ئێکێ یێ توشبوون ب کۆرۆنا یێ ل هەلەبجە هاتە تۆمار کرن.
د راگەهاندنەکێ دا وەزارەتا ساخلەمیا هەرێما کوردستانێ دیارکر، د کڤانێ بەردەوامیا پشکنینان دا ل هەێمێ، کەسەکێ دیتر یێ د ژیێ ٤٨ سالیێ دا، کو خەلکێ باژێرکێ تەوێلە یێ سەر ب پارێزگەها هەلەبجەیە توشی ڤایرۆسێ کۆرۆنا یێ بوویە.
هەروەسا گۆتیە، د نوکە دا ٢٨ حالەت هاتینە تۆمارکرن و د ناڤا وان ژی دا ئێک مرن هەبوویە و کەسەک ژی چێبوویە.
ئەڤرۆ نیوز:
ئەڤ شەڤە روودانەکا ترافیکێ ل گوندێ قایماوا یێ سەر ب ناحیا باشیک ڤە روودایە، کو د وێ روودانێ دا ترۆمبێلەک وەرگەریایە و د ئەنجامێ دا کەسەکل ژیانا خوە ژ دەستدایە.
ئەڤ شەڤە و ل دەمژمێر 10:30 خولەک، ل نێزیک پرا مەندان رووانەک ژ جۆرێ وەرگەیان روودایە، کو سێ کەس د وێ ترۆمبێلێ دابوون و ئێک ژ وان ژیانا خوە ژدەستدایە، ئەو کەسێ ژیانا خوە ژ دەستدای ئاکنجیێ قەزا بەردەرەشە.
ئەڤرۆ نیوز:
دۆنالد ترەمپی سەرۆکێ ئەمریکا ژبەر بەلاڤبوونا ڤایرۆسێ کۆرۆنا بارێ نە ئاسایی ل ئەمریکا راگەهاند.
د کۆنگرەکێ رۆژنامەڤانی دا دۆنالد ترەمپی سەرۆکێ ئەمریکا دیار کر: ئەم رەوشا نە ئاسایی ل ئەمریکا رادگەهینین و و دێ پشکنینا پێدڤی بۆ گۆمانلێکریان ژی کەین، دیسان بۆ روو ب رووبوونا ڤایرۆسێ کۆرۆنا دێ 50 ملیار دۆلاران مەزێخین، دێ هەموو رێکارێن پێدڤی گرینە بەر، ژ پێخەمەت رێکێ ل ڤی ڤایرۆسی بگرین.
ئەڤرۆ نیوز:
ئەڤرۆ ئەینیێ وەزارەتا ساخلەمیا بریتانیا دیار کر، ل سەرانسەری وەلاتی دا ٢٠٨ حالەتێن توشبوون ب کۆرۆنا یێ هاتنە تۆمار کرن.
ئەڤرۆ 13.3.2020 وەزارەتا ساخلەمیا بریتانیا تۆمار کرنا ٢٠٨ حالەتێن دی یێن تۆشبوون ب کۆرۆنا یێ راگەهاندن، ب ڤێ چەندێ هژمارا توشبوویان ب ڤایرۆسێ کۆرۆنا ل وى ولاتی گەهشتە ٧٩٨ کەسان.
هەروەسا وەزارەتا ساخلەمیا بریتانیا دیار کریە، پشکنین بۆ ٣٢ هزار و ٧٧١ کەسان هاتیە کرن، هەروەسا ژ ٣١ هزار و ٧٩٣ ئەنجامێن پشکنینان نێگەتیف بووینە.
ئەڤرۆ نیوز:
وەزارەتا ساخلەمیا عیراقێ راگەهاند، ئەڤرۆ 10 تووشبوویێن دیتر ب کۆرۆنا یێ هاتینە تۆمار کرن، کو ئێک ژ وان ل نەجەفە و ئەڤرۆ گیانێ خوە ژ دەستدایە.
هەروەسا گۆتیە، ل بەغدا ب گشتی پێنج تووشبوو هاتینە تۆمارکرن، کو سێ ژ وان ل رەسافە نە، ئێک ژی ل شارێ نۆشداری و ئێک ژی ل کەرخە، هەروەسا ئەوێن دیتر ل کەربەلا نە، ئێک ل بابلە و دو یێن دیتر ژی ل واستن.
ئەڤرۆ نیوز:
سەرۆکێ رێکخراوا ساخلەمیا جیهانى راگەهاند، نوکە ئورۆپا ژێدەرێ بەلاڤبوونا ڤایرۆسێ کۆرۆنا یە و ب دژواری و ب تایبەتى ژی وەلاتێ ئیتالیا ڤەگرتیە.
تێدرۆس ئەدهانوم سەرۆکێ رێکخراوا ساخلەمیا جیهانی د کونفرانسەکێ رۆژنامەڤانی دا راگەهاند، نوکە حالەتێن توشبوون ب ڤایرۆسێ کۆرۆنا رۆژانە ل ئورۆپا بەرەف زێدەبوونێ یە وەکی بەرى نوکە ل چینێ هەی.
دیار کر ژی، پێدڤیە هەموو وەلات پشکنینا وەلاتیان و لدووڤ هەلگرێن تووشبوویان بکەن و وەلاتیان گەرەنتین بکەن و رێکاران باش بگرنە بەر، چونکی هەتا نوکە پێنج هزار کەسان گیانێ خوە ژ دەستدایە.
هەروەسا گوت ژی، هەر وەلاتەکێ تەماشەی وەلاتێن توشبووین بکەت و وەسا هزر بکەت ژ ئالیێ وان ڤە روونادەت، ئەو شاشیەکا کوژەک دکەن.
سەرۆکێ رێکخراوا جیهانى داخواز ژ هەموو وەلاتیێن جیهانێ کر، کو تێکەلیێ و پێکڤەبوونی کێم بکەن، هەتاکو سیستەمێ ساخلەمیا وەلاتان بشێن کونترۆلێ ل سەر بەلاڤبوونا ڤی ڤایرۆسی بکەن.
ئەڤرۆ نیوز:
وەزارەتا ساخلەمیا عیراقێ راگەهاند، ب مەبەستا بەرهنگاربوون و رێگریکرنێ ژ بەلاڤبوونا ڤایرۆسێ کۆرۆنا، هاتنوچوون دێ داڤبەرا سەرجەم پارێزگەهێن عیراقێ ژ 15 ئادارێ هەتا 25 هەمان هەیڤ هێتە راگرتن.
لدووڤ راگەهاندنەکا وەزارەتا ساخلەمیا عیراقێ، ژ رۆژا ئێکشەمبی 15 ئادارێ دێ قەدەغەیا هاتنوچوونێ دناڤبەرا پارێزەهان چیتە وارێ جێبەجێکرنێ و بۆ ماوێ 10 رۆژان دێ یا بەردەوام بیت، دێ هەتا 25 ڤێ هەیڤێ بیت.
هەروەسا سەرەدانێن ئایینی هاتینە قەدەغەکرن، ئەو وەلاتیێن نە عێراقی نەشێن بهێنە سەر ئاخا عیراقێ، خوارنگەهـ ژی دشێن ب بەشێوێ گەهاندنێ خوارنێ بدەنە وەلاتیان.
هەروەسا گۆتیە، دێ رێک ب هاتنوچوونا تایبەت بۆ کارێن بازرگانی و دۆخێن نەخواستی هێتە دان.
ئەڤرۆ نیوز:
مالپەرێ (دی دەبلیو) د بابەتەکێ ساخلەمیێ دا نڤێسیە، نەخۆش دشێت بێ دەرمان باش ببیت، ھەرچەندە کۆرۆنا نەخوشیەکا مەترسیدارە، ژبەر درەنگ دەرکەفتنا نیشانێن وێ، لێ پرانیا نەخۆشان چێبووینە.
ژ 80% یا توشبوویێن ڤایرۆسێ کۆرۆنا بێ وەرگرتنا دەرمانان چێبووینە، رێژا مرنێ ژی ژ ۱٪ بۆ 5 بوویە، پرانیا وان کەسێن رزگاربووین ژ نەخوشیێ نیشانێن وان سڤکتر بووینە، وەکو شێوی نەخوشیا پەرسیڤ و سەرما یێ بوویە، نیشانێن وێ تا رادەکێ ژ ھەڤدو نێزیکن.
ژ نیشانێن ڤی ڤایرۆسی، تا، کۆخکا ھشک و دژوار، بھێن تەنگی، دەرمانێ تایبەت ب کۆرۆنا یێ نینە ھەتا کو بۆ نەخۆشان بھێتە کارئینان.
ب ڤان رێیان دێ مرۆڤ خوە پارێزیت و بێ دەرمان:
. وەرگرتنا بھێنڤەدانێ بۆ دەمەکێ درێژ .
. ڤەخوارنا ئاڤێ و شلەمەنیان ب رادەکێ زێدە.
. بکارئینانا دەرمانێن نەھێلانا ئێشانێ.
. نەخوارنا دەرمانێن ئەنتی بایۆتیک.
ڤی ڤایرۆسی کێمتر باندۆر ل سەر ساخلەمیا زارۆیان ھەیە، زێدەتر بۆ کەسێن ب تەمەن یێ مەترسیدارە ژبەرکو وان ئاریشێن ھەناسەدانێ ھەنە.
ئەگەر تۆ توشبووی و چێبووی، ئەرێ دێ دووبارە توشبی؟
ب دیتنا نۆشداران ئەڤ چەندە ب رادەکێ یا کێمە، نموونە ژی بۆ وێ ژنا ژاپۆنی، پشتی چێبوونێ دووبارە تووشی ڤایرۆسی بوویە ڤە.
نيشاندان