ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د روودانەکا ترافیکێ دا ترۆمبێلەک وەرگەریا.
ناڤهاتی زێدەتر دا دیار کرن: ئەڤرۆ پێنجشەمبی ۱۳/۲/۲۰۲۰ د دۆخەکێ بەفر و بارانی دا سەر رێیا سەرەکی یا دناڤبەرا دهۆک هەولێر دا و ل سنۆرێ ناحیا رووڤیا یا سەر ب قەزا بەردەرەش ڤە روودانەک ژ جۆرێ وەرگەریان روودایە و زیان گەهشتینە ترۆمبێلەکا تەکسی، لێ چ زیانێن گیانی نەبوون.
ئەڤرۆ نیوز:
ژ ئەگەرێ بارینا بەفرێ ل پارێزگەهێن وان، هه‌كاری، بدلیس و مووشێ ل باکورێ کوردستانێ رێکێن هزار و ٣٠٢ گوند و دەڤەرێن ئاکنجیبوونێ هاتینە گرتن.
باژێرڤانیا وانێ دیار کریە، ژبەر بەفر بارینێ رێکێن ٦٨۷دەڤەرێن ئاکنجیبوونێ ل ناڤەندا باژێڕ و باژێڕۆکێن وێ هاتینە گرتن، تیمێن ڕامالینا بەفرێ ژی بەردەوامن ل سەر کارێن خۆ بۆ ڤەکرنا رێکێن داخستی.
ل پارێزگەها هەکاری ژی رێک و پرێن ٣٧ گوند و ١١٣ دەڤەران هاتینە داخستن و ڕێژەکا زێدە یا بەفرێ باریە و تیمێن باژێڕڤانیێ ژی بزاڤێ دکەن بۆ ڤەکرنا ڕێیان.
هەروەسا ل پارێزگەها بدلیسێ رێکێن ٢٥٧ گوندان هاتنە داخستن و هاتنوچوون تێدا ناهێتە کرن، ل پارێزگەها مووشێ ژی رێکێن ٢٠٨ گوندان هاتنە گرتن.
ئه‌ڤرۆ نیوز:
بالیوزێ روسیا ل عیراقێ روونكر تانوكه حكومه‌تا عیراقێ ب فه‌رمی داخازا كرینا سیسته‌مێ به‌ره‌ڤانیا ئێس 400 ژ موسكویێ نه‌كریه.
ماكسیم ماكسموڤ بالیوزی روسیا ل عیراقێ راگه‌هاند: ب ئه‌گه‌ری روودانێن ئه‌ڤێ داویێ، خواست ل سه‌ر كرینا سیسته‌مێ به‌ره‌ڤانیا ئێس 400 ژلایێ حكومه‌تا عیراقێ هاتیه دیتن، لی تا نوكه به‌غدا ب فه‌رمی داخازا كرینا ئه‌وی جورێ سیسته‌می ژ موسكویێ نه‌كریه.
بالیوزی روسیا ل عیراقێ دیاركر ژی حكومه‌تا موسكویێ به‌رهه‌ڤه دبیاڤێ به‌ره‌ڤانیا ئاسمانی هه‌ڤكاریا سوپایێ عیراقێ بكه‌ت بۆ ئه‌ڤێ مه‌به‌ستێ چه‌ند بانگهێشتنامه بۆ به‌رپرسه‌كێن عیراقێ بۆ سه‌ره‌دانكرنا چه‌ند پێشانگه‌هه‌كێن چه‌كی یێن روسی كرینه.
ئه‌ڤرۆ نیوز:
عه‌بدلئه‌میر حه‌مدانی وه‌زیرێ روشه‌نبیری و شینوارێن عیراقێ راگه‌هاند: ژ هه‌شت وه‌لاتێن جیهانێ هه‌ڤكاریا وان كرینه بۆ ڤه‌گه‌راندنا 20 هه‌زار پارچه‌یێن شینواری كۆ ل ده‌مێن بوری هات بوونه دزین.
حه‌مدانی ئه‌و ژه‌نده ژی راگه‌هاند: ل بالیوزخانه‌یا عیراقی ل واشنتونێ گه‌له‌ك شینوار لێ نه، كۆ ل ده‌مێ بوری هاتینه ڤه‌گه‌راندن و بریاره ژلایێ تیمه‌كا شاره‌زاڤه بهێنه ڤه‌گه‌راندن بۆ عیراقێ.
پشتی ژ ناڤچونا رژێما به‌رێ یا عیراقێ شینوارێن عیراقێ هاتنه تالانكرن و دزین بۆ چه‌ند وه‌لاته‌كێن جیهانێ چوون ب پاره‌یه‌كێ زۆر فروتن.
ئه‌ڤرۆ نیوز:
سه‌رۆكێ ئه‌مریكا ل سه‌ر بریارا سه‌رۆكی فلپینێ بۆ دوماهی ئینان ب هه‌ڤكاری یێن سه‌ربازی یێن دناڤبه‌را فلپینێ دیاركر ده‌ڤ وان گرنگ نینه و دێ پاره‌یه‌كێ زۆر ژی بۆ وان ڤه‌گه‌ریت.
دونالد ترمپ سه‌رۆكێ ئه‌مریكا راگه‌هاند: د راستی دا زۆر بۆ مه گرنگ نینه و گه‌له‌ك مه هاریكاریا فلپینێ ژی كر ئه‌و هه‌ڤكاریكرنه ژی د پێخه‌مه‌تا دوماهی ئینان ب داعشێ بوو، ئه‌ڤ چه‌نده ژی پاره‌یه‌كێ زۆر بۆ وه‌لاتی ڤه‌گه‌ریت.
سه‌رۆكێ فلپینێ رودریگۆ دوتێرتی راگه‌هاند بوو هه‌ڤكاریكرنا سه‌ربازی ل گه‌ل ئه‌مریكا دێ ب دوماهی ئینیت كۆ ماوه‌یێ بیست سالانه ئه‌و هه‌ڤكاریكرنه یا به‌رده‌وام بوو.
وه‌زیرێ به‌ره‌ڤانیا ئه‌مریكا راگه‌هاندیه جهێ داخێ یه بۆ ئه‌وێ بریارێ.
ئه‌ڤرۆ نیوز:
به‌رپرسێ ده‌زگه‌هێ هه‌لبژارتنان یی پارتی دیموكراتی كوردستانی دیاركر زه‌حمه‌ته هه‌لبژارتنێن پێش وه‌خت ل عیراقێ بهێنه‌كرن.
خه‌سرۆ گۆران بۆ میدیایێن كوردی راگه‌هاندیه لگۆری یاسایا نوو یا هه‌لبژارتنان ژ روویێ هونه‌ری ڤه زه‌حمه‌ته كومسیونا بلندا سه‌ربه‌خویا هه‌لبژارتنێن عیراقێ ب شێن هه‌لبژارتنێن پێش وه‌خت ئه‌نجام بده‌ن.
خه‌سرو گۆران راگه‌هاند ژی یاسایا نوو ب ئه‌گه‌رێ رێڤه‌به‌رێن گشتی و به‌رپرسێن پشك و هوبێن كومسیونێ هاتینه لادان و خه‌لكێ چوینه وێرێ د بێ ئه‌زمونن ل هه‌لبژارتنان دا كار نه‌كریه له‌ورا ده‌مێ زۆر دڤێت هه‌تا ب شێن بكارێ هه‌لبژارتنان را بن.
ئه‌ڤرۆ نیوز:
حكومه‌تا ئه‌مریكا بۆ نووكرنا بریارا لێخوشوونا عیراقێ بۆ كرینا غازا ئیرانێ،45 رۆژێن دی موله‌ت دایه عیراقێ.
وه‌زاره‌تا ده‌رڤه‌یا ئه‌مریكا راگه‌هاند: هیڤی خازین عیراق دوماهیێ ب پشت به‌ستنا خو ب غازا ئیرانێ بینیت پشت به‌ستنێ ل سه‌ر شیان و ده‌رگه‌هێن دی یێن بده‌ستڤه ئینانا غازێ بكه‌ت.
لده‌مێ ده‌ستپێكرنا خۆلا نوو یا دورپێچێن سه‌ر ئیرانێ تا نوكه ئه‌مریكا ل سه‌ر كرینا غازێ ژ ئیرانێ چار جاران بریارا لێخوشبونی بۆ عیراقێ ده‌رخست بوو، كۆ به‌ریا ماوه‌یه‌كی موله‌تا 90 رۆژان پاشی 120 رۆژان دابوو.
دوماهی موله‌ت كۆ ئه‌مریكا دایه به‌رپرسێن عیراقێ تایبه‌ت كه‌رتێ ووزه‌یێ 45 رۆژێن دی داییێ دڤێت دوماهیێ ب كرینا غازا ئیرانێ بهینیت و پێگیری دوورپێچێن ئه‌مریكا بیت ل سه‌ر ئیرانێ.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی بۆ پشکداری کرن د کۆنفرانسێ جیهانی یێ ئاسایشێ ل میونشن بەر ب ئەلمانیا برێکەفت.
سەرۆکێ حوکمەتی بەری کو بچیتە ئەلمانیا بۆ دەزگەهێن راگەهاندنێ دیار کر کو د چارچۆڤێ کۆنفرانسێ میونشن دێ ل گەل گەلەک بەرپرسێن وەلاتێن جیهانێ کۆمبیت و دێ بەحسێ رەوشا دەڤەرێ و هەرێما کوردستانێ هێتە کرن.
نيشاندان