ئه‌ڤرۆ نیوز:
په‌یڤدارێ چه‌كدارێن حوسیێن یه‌مه‌نێ راگه‌هاند هێزێن به‌ره‌ڤانیا ئاسمانی فرۆكه‌یه‌كا ژ جورێ تورنیدو یا سعودیێ د ده‌مێ هێرشه‌كێ دا ل پارێزگه‌ها جه‌وف ئێخسته خارێ.
یه‌حیا سه‌ریع د كۆنگره‌یه‌كێ رۆژنامه‌ڤانی دا راگه‌هاند: ئه‌و فروكه‌یا ب موشه‌كا زه‌مین ب ئاسمانی ئێخستیه، كۆ ب ب ته‌كنیكه‌كا پێشكه‌ڤتی هاتیه دروستكرن.
حوسی گرۆپه‌كا چه‌كدارێن شیعه یێن یه‌مه‌نی و پرانیا ده‌ڤه‌رێن وه‌لاتی كۆنترولكرینه، ژلایێ ئیرانێ ڤه دهێنه پشته‌ڤانیكرن و ماوه‌یێ پێنج سالانه شه‌رێ چه‌كداری یێ حكومه‌تا یه‌مه‌نێ دكه‌ن.
ئه‌ڤرۆ نیوز:
به‌نكا رافیده‌ین راگه‌هاند: رێنمایین نوو هاتینه بۆ ئه‌وێ چه‌ندێ 50 ملیۆن دیناران وه‌ك قه‌ر ده‌نه وه‌لاتیان ژبوی خانیه‌كی بۆ خۆ پێ دوست بكه‌ن.
به‌نكا رافیده‌ین د راگه‌هاندنه‌كێ دا به‌لاڤكر ئه‌و پاره‌ییێ دهێته دان ب شیوه‌یێ دو پشكان دهێته دان كۆ هه‌ر جارێ 25 ملیۆن بۆ دروستكرنا خانی و تا دگه‌هته بانی 25 ملیۆن دینارێن دی بۆ ته‌مامكرنا ئاڤاهیی هێته دان.
مه‌به‌ستا حكومه‌تا عیراقێ ژ پێدانا ئه‌ڤێ پێشینه‌یێ بۆ ئه‌وێ چه‌ندێ یه وه‌لاتی ب شێن ب شیوه‌یه‌كێ یاسایی خانیان ئاڤا بكه‌ن ئاریشا ئاكنجیبوونی بڤێ رێكێ چاره بكه‌ت.
زاخۆ،عه‌لی حاجی :
د داخویانیه‌كێ دا نوونه‌رێ قایممقامێ زاخۆ د لژنا سامانێن سروشتی دا بۆ ئه‌ڤرۆ نیوز دیار كر زێده‌تری دو هزار پلێتێن گازا سپی گه‌هشتینه به‌ر ده‌ستێ مه و بریاره د ماوه‌یێ دو روژێن بهێت تاخه‌كێ دی گازا سپی ل سه‌ر وه‌لاتیان بهێته به‌لاڤ كرن .
زێده‌تر نیشان بوغوش گۆت : پشتی ب بریارا مه‌سرور بارزانی سه‌رۆكێ حكومه‌تا هه‌رێما كوردستانێ 10 ملیۆن لترێن گازا سپی بۆ پارێزگه‌ها دهۆكێ هاتینه دابین كرن ،ئه‌ڤرۆ ل رۆژا شه‌مبیێ دو هزار و 42 پلێتێن گازا گه‌هشتینه به‌ر ده‌ستێ مه و بریاره ئه‌و پلێت ل سه‌ر چار برێكاران ل زاخۆ د ماوه‌یێ دو رۆژان دا بهێنه به‌لاڤ كرن و پشتی وان دورۆژان ب رێیا 20 ترۆمبێلان ئه‌و گازا سپی ل سه‌ر وه‌لاتیان بهێته به‌لاڤ كرن و هه‌كه ئه‌و 20 ترۆمبێل به‌رده‌وام بێ گیرو بوون بگه‌هنه ده‌ستێ مه دێ د ماوه‌یێ چار رۆژان دا وێ گازا ده‌ست نیشان كری به‌لاڤ كه‌ین .
زاخۆ،عه‌لی حاجی :
رێڤه‌به‌رێ ئاسایشا ئیبراهیم خه‌لیل د داخویانیه‌كێ دا بۆ ئه‌ڤرۆ نیوز دیار كر ل شه‌ڤا پێنچ شه‌مب ل سه‌ر ئه‌ینیێ ب رێیا پێزانێن تایبه‌ت تیمێن مه شیان ل سه‌نته‌رێ باژێرێ دهۆكێ پێنچ بازرگانان دگه‌ل 30 كێلویێن ژ جورێ هێروین ده‌سته سه‌ر بكه‌ن .
زێده‌تر عه‌بدولوه‌هاب محه‌مه‌د عیسا گۆت: ئه‌ڤ هه‌وه ب هه‌ڤكاری دگه‌ل ئاسایشا دهۆكێ ب سه‌ركه‌ڤتیانه رێڤه چوو و ژبه‌ریا نوكه‌ی دادگه‌ها زاخۆ ژی ل سه‌ر ڤێ چه‌ندێ هات بۆ و ئاگه‌هدار كرن، ئه‌ڤ گرۆپێ پێنچ كه‌سی پیلانه‌كا رێك و پێك دانا بوون ژبه‌ر كو پیلانا وان د سێ قوناغان دا ده‌رباز دبوو كو قوناغا ئێكێ وه‌رگرتنا ڤی ماده‌ه‌یی بوو و قوناغا دووێ ژی وه‌رگرتنا پاره‌یی بوو و قوناغا سیێ ژی تاقیكرنا ڤی جوری مادده‌یی بوو و ل وان سێ جهان مه شیا وان كه‌سان ده‌سته‌سه‌ربكه‌ن و سێ ژ ڤان كه‌سان خوه جهێن پارێزگه‌ها دهۆكێ نه و دو كه‌سێن دیتر ژی خه‌لكێ مه‌خمورێ نه و مه په‌یوه‌ندیه‌كا باش هه‌یه ل دور چاڤدێریكرنا ڤان تورێن بارزگانی كرن ب مادده‌یێن بێ هوشبه‌ر و ئارمانجا ڤان بارزگانان ژی ڤه‌گۆهاستنا ڤی مادده‌یی یه بۆ وه‌لاته‌كێ دیتر .
ناڤهاتی ئه‌و چه‌نده ژی گۆت: د ماوه‌یێ شه‌ش بوری جودا ژ ڤێ هه‌وێ نێزیكی 100 مادده‌یێن بێ هوشبه‌ر ژ جورێن هێروویێن و كریستال ژلایێ ئه‌فسه‌ر و كارمه‌ندێن ئاسایشا ئیبراهیم خه‌لیل ڤه دهێنه ده‌ست سته‌ر كرن .
ئه‌ڤرۆ نیوز:
بهایێ پترۆلێ ل بازارێن جیهانێ بلند بوویه، ئه‌ڤه ژی پشتی ئه‌وێ چه‌ندێ دهێت كۆ چه‌ندین داكه‌تن ل رۆژێن بوری توماركر بوون.
لگۆری ئاژانسا رویته‌رز، ل ته‌ڤایا كرین و فرۆتنا رۆژێ ب بهایێ پترۆلێ یا برێنت 98 سه‌نت ب رێژه‌یا 1.74% بلند بوویه هه‌ر به‌رمیله‌كا برێنت بۆ 57.32 دۆلاران كرین و فرۆتن پێڤه هاتیه‌كرن.
هه‌ر لگۆری ئاژانسا ناڤبری بهایێ پترۆلا ئه‌مریكی یا ته‌كساس 63 سه‌نتان ب رێژا 1.23% بلند بوو هه‌ر به‌رمیله‌كا وێ ب 52.05 دۆلاران كرین و فرۆتن پیڤه هاتیه كرن.
بلندبوونا بهایێ پترۆلێ په‌یوه‌ندی ب زێده بوونا داخازیێ هه‌یه كۆ ره‌نگه ب وێ چه‌ندێ بهایێ وێ بلند بیت.
ئه‌ڤرۆ نیوز:
وه‌زاره‌تا پێشمه‌رگه‌ی 8 خال بۆ رێكه‌تنێ داینه وه‌زاره‌تا به‌ره‌ڤانیا عیراقێ، بۆ ئیمزاكرنا رێكه‌تنێ ژی چاڤه‌ریێ به‌رسڤا وه‌زاره‌تا به‌ره‌ڤانیا عیراقێ دكه‌ن.
راوێژكاره‌كێ وه‌زاره‌تا پێشمه‌رگه‌ی راگه‌هاند: كۆ ژلایێ وه‌زاره‌تا پێشمه‌رگه‌ی 8 خال هاتینه دان بۆ وه‌زاره‌تا به‌ره‌ڤانیا عیراقێ.
به‌ختیار ئه‌مین راوێژكارێ وه‌زاره‌تا پێشمه‌رگه‌ی یا حكومه‌تا هه‌رێما كوردستانێ راگه‌هاند ئێك ژ ئه‌گه‌رێن پاش كه‌تنا بجهكرنا خالێن رێكه‌تنێ ره‌وشا عیراقێ و خونیشاندانێن به‌غدا بوون.
ناڤبری ئه‌و چه‌نده ژی راگه‌هاند: ئه‌و خالێن گرنگ داینه وه‌زاره‌تا به‌ره‌ڤانیا عیراقێ كۆ پێكهاتینه ژ هه‌ڤكاریكرنا ئه‌منی و هه‌والگری و لوجستی و مه‌شقێن هه‌ڤبه‌ش، بابه‌تێ بودجا پێشمه‌رگه‌ی و هه‌ماهه‌نگیا ل گه‌ل وه‌زاره‌تا به‌ره‌ڤانیا عیراقێ بوون.
به‌ختیاری دازانین كۆ ته‌ڤایا 8 خالان به‌رهه‌ڤین ده‌ست پێ بكه‌ین، چاڤه‌ریێ وه‌زاره‌تا به‌ره‌ڤانیا عیراقێ دكه‌ین، سه‌ره‌دانا هه‌رێما كوردستانێ و وه‌زاره‌تا پێشمه‌رگه‌ی بكه‌ن.
ئه‌ڤرۆ نیوز:
ئانا كوزنیتسوڤان كومسیارا مافین زارۆكان ل روسیا راگه‌هاند: زێده‌تری 600 زارۆكێن چه‌كدارێن بیانیان یێن داعشێ ل زیندانێن عیراقی و ب هزاران ژی ل كه‌مپێن رۆژئاڤادا نه.
ئانا كوزنیتسوڤان كومسیارا مافین زارۆكان ل رۆسیا رگه‌هاند ل ماوه‌یێ سالێن بوری 156 زارۆكێن چه‌كدارێن داعشێ ل عیراقێ و سوریا ڤه‌گه‌راندینه روسیا كۆ خه‌لكێ روسیا بوون.
به‌ریا چه‌نده‌كێ رۆژئاڤا داخاز ژ چه‌ندین وه‌لاتێن كۆ چه‌كدارێن داعشێ خه‌لكێ وان وه‌لاتانه كر بوون كۆ ژن و زارۆیێن وان ب به‌نه وه‌لاتێن وان، هه‌ڤده‌م هژماره‌كا زۆر ژ چه‌كدارێن داعشێ ل زیندانێن رۆژاڤا دا هه‌نه.
ئه‌ڤرۆ نیوز:
تاد ولته‌رز فه‌رماندێ بلندێ هه‌ڤپه‌یمانیا ناتو راگه‌هاند: تیما ناتو كۆ كه‌نه‌دا سه‌رپه‌رشتیا وێ دكه‌ت ژ 500 كه‌سان پێكهاتیه و ره‌زه‌ماندیا به‌غدا ژی وه‌رگرتیه بۆ ده‌ستپێكرنا راهێنانێن سه‌ربازی ب هێزێن عیراقی.
ناڤبری گۆت: پشتی ئه‌وێ به‌رسڤا ئه‌رینی یا ژلایێ عیراقێ ڤه دێ ل چه‌ند رۆژه‌كێن دی ناتو ده‌ست ب ئه‌ركێن خۆ ل عیراقێ كه‌ت.
ئه‌ڤه د ده‌مه‌كی دابوو پشتی كۆشتنا قاسم سلێمانی ده‌ستپێكا كانوونا دوێ یا ئیسال هه‌ڤپه‌یمانیا ناتو ب ئه‌گه‌رێ مه‌ترسیا كارڤه‌دانێن ئه‌وێ روودانێ مه‌شق و راهێنان ب هێزێن سه‌ربازیێن عیراقێ راوه‌ستاند بوون.
ئه‌ڤرۆ نیوز:
سوپایێ توركیا به‌رده‌وامه ژ هنارتنا هێزێن سه‌ربازی بۆ سه‌ر توخیبێ سوریا بۆ پشته‌ڤانیكرنێ ژ چه‌كدارێن سوری یێن سه‌ر ب وێڤه ل باژێرێ ئدلبێ و روسیا ژی راگه‌هاند ل گه‌ل توركیا د دانوستاندان دایه ل سه‌ر باژێرێ ئدلبێ.
سوپایێ توركیا د كاروانه‌كێ دی یێ سه‌ربازی كۆ 60 ترۆمبێلێن سه‌ربازی و 10 بارهه‌لگر ژ زریپوش و هژماره‌كا تانك و چه‌كێن گران پیك هاتی بوون هاتنه سه‌ر توخیبێ سوریا كۆ رۆژ بو رۆژێ هێزێره‌وانه‌ی سه‌ر توخیبی سوریا دكه‌ت، هێزا سوپایێ توركیا ل سه‌ر توخیبی زۆر بوویه ب هه‌می ئالاڤێن شه‌ری د به‌رهه‌ڤیێ دانه.
نيشاندان