ئه‌ڤرۆ نیوز:
رێڤه‌به‌راتیا گشتی یا سه‌قا ناسی و بیڤه‌له‌رزان ل هه‌رێما كوردستانێ، پێشبینیێن سه‌قایی بۆ رۆژێن بهێت به‌لاڤكر.
ئه‌ڤرۆ دوشه‌مه 27/1/2020 رێڤه‌به‌راتیا گشتی یا سه‌قا ناسی و بیڤه‌له‌رزێن هه‌ریما كوردستانێ سه‌قایێ 48 ده‌مژمێرێن بهێت بلاڤكرن و تێدا هاتیه كۆ ل هه‌ولێرێ و سلیمانی و دهۆك ئاسمانی وی ساهی یه ل كه‌ركوكێ ژی.
سه‌قا ناسیا هه‌رێما كوردستانێ دیاركر سوبه ل ته‌ڤایا پارێزگه‌هێن هه‌رێمێ هه‌تاڤه و رۆژه‌كا خۆش دبیت.
ئەڤرۆ نیۆز، قائید میرۆ
نێزیکی چوار ھەیڤانە خۆنیشاندانێن عێراقێ ھاتینە دەستپێکرن و حوکمەتا عێراقێ ژی سێ رۆژە بزاڤان دکەت خۆنیشاندەر رێکێن سەرەکی بەردەن و دەوام بھێتە ئاسایی کرن.
شێروان دوبەردانی، پەرلەمانتارێ فڕاکسیۆنێ پارتی لپەرلەمانێ عێراقێ بۆ ئەڤرۆ نیۆز دیارکر” بالێ سەدر خوە ڤەکێشایە ل مەیدانا خۆنیشاندانێن عێراقێ، بەلێ ھێشتا خەلکێ بێلایەن یێ بەردەوامە لسەر داخوازیێن خوە، واتە نوکە ئێکلا بوویە کی یێ بێلایەنە دناڤا خۆنیشاندانێن عێراقێ و خۆنیشاندانێن سەر ب لایەنێن سیاسی ژی دیاربووینە.
ئەڤی پەرلەمانتارێ کورد ئاماژەکر” پێشبینی دھێتەکرن ل رۆژێن داھاتی رەوشا عێراقێ دژوارتر ببیت، ژبەرکو خۆنیشاندەرێن عێراقێ لسەر دو بەرەیان بەلاف بووینە.
شێروان دوبەردانی دبێژیت” حوکمەتا عێراقێ لبەرە رۆژێن داھاتی دوماھیێ ب خۆنیشاندانا بینیت و فەرمانگەھێن حوکمەتێ دەست ب دەواما خوە ئاسایی بکەن، ژبەرکو ب ئەگەرێ رێڤەچوونا خۆنیشاندانا زۆربەیا رێکێن سەرەکی ھاتینە گرتن.
ئه‌ڤرۆ نیوز، نه‌وزاد هلوری:
ژ ئەگەرێ بەستییبوونا رێیێن سەرەكى و لاوەكیێن سەرسنكێ، سەرۆكاتیا باژێرڤانیا سەرسنكێ رێژەییەكا خوێ بۆ حەلاندنا بەستى و ڤەكرنا رێیا بكاردئینیت. مێهڤان محەمەد، ژ راگەهاندنا سەرۆكاتیا باژێرڤانیا سەرسنكێ بۆ ئەڤرۆ نیوز گۆت: ب مەرەما ڤەكرنا رێیا هەمبەرى هاتن و چوونا وەلاتیان و شوفیرا، ئەم ل سپێدەهیان رێژەییەكا زۆرا خوێ بكاردئینیت بۆ ڤەكرنا رێیێن بەستى ل جاددەیێن سەرەكى و لاوەكى و بەر دەرگەهێ فەرمانگەهـ و قوتابخانەیان داكو چو كێشە بۆ وەلاتیان و شوفێر و قوتابى و فەرمانبەران دروست نەبیت.
زێدەتر گۆت: ژ دەست پێ كا زڤستانێ هەتا نوكە باژێرڤانیا مە دەست ب ڤەكرنا هەموو رێیێن سەرەكى و لاوەكى یێن سەرسنكێ كریە داكو چو كێشە درۆست نەبن، دێ بەردەوام ژى بین ل سەر خزمەتكرنا وەلاتیان.
ژبلى دەڤەرا سەرسنكێ، هەڤدەم ل دەڤەریێن چەمانكێ، كانى ماسێ، بامەرنێ و هەموو ئەوان دەڤەرێن بەفرێ گرتى بەستى درۆست دبیت و دانەكێ رۆژێ دبیتە بەستى ب تایبەتى ل وان جهـ و دەڤەرێن نزار و سیبەر تێدا.
ئەڤرۆ نیوز:
د کۆنفرانسەکێ رۆژنامەڤانی دا، جێگرێ سەرۆک کۆمارێ تورکیا راگەهاند، ژ ئەنجامێ وێ ئەردهەژا روودای، هەتا نوکە ٣٦ کەسان ل باژێرێ خارپێتی ل باکورێ کوردستانێ ژیانا خوە ژ دەست دایە.
فوئاد ئۆکتای جێگرێ سەرۆک کۆمارێ تورکیا د کۆنفرانسەکێ رۆژنامەڤانی دا ل بارەگەهێ فەرمانگەها کارەساتێ و رەوشا ئاوارتەیا تورکیا ل ئەنقەرا پایتەخێ تورکیا گۆت، هژمارا کوشتیێن عەردهەژێ بۆ ٣٦ کەسان بلند بوویە و تیمێن هەوارهاتنێ ژی د بزاڤێن بەردەوام دانە بۆ دەرئینانا تەرمێ وان کەسێن کو ل ژێر ئاڤاهی و خانیێن کاڤل بووی داماین.
هەروەسا هەتا نوکە ٤٥ کەس ل ژێر دار و خانیێن هەرفتی دا هاتینە دەرخستن.
ئەڤرۆ نیوز:
پشتی راگرتنێ ژبەر ئالۆزیێن د ناڤبەرا ئەمریکا و ئیرانێ دا، هێزێن ئەلمانیا دوبارە دەست ب راهێنانکرنا هێزێن پێشمەرگەی کرن.
پەیڤدارێ هێزێن ئەلمانیا بۆ ئاژانسا ئەسۆشێتد پرێس یا ئەمریکی راگەهاند، ئەڤرۆ ئێکشەمبیێ ، جارەکا دی هێزێن ئەلمانیا ل هەولێرێ دەست ب راهێنانکرنا هێزێن پێشمەرگەی کر، ئەڤە ژی پشتی ڕاوەستاندنێ بۆ دەمێ سێ حەفتیان، ژبەر ئالۆزیێن ئەمریکا و ئیرانێ و دەڤەری ب گشتی.
هەروەسا گۆتیه ژی، هێزێن ئەلمانیا کارێن خوە ل عێراقێ دەست پێنەکرینەڤە، ژبەرکو پشتی کوشتنا قاسم سلێمانی، هێزێن ئەلمانیا کو هژمارا وان ٣٥ لەشکەر بوون، ل حەفتێ ڤێ هەیڤێ خوەژ دەڤەرێن عێراقێ بەر ب کوەیت و ئوردن ڤەکشیان.
ئەڤرۆ نیوز:
رێکخراوا شەفافیەتا نێڤدەولەتی راپۆرتا سالا 2019 دەربارەی گەندەلیا وەلاتان بەلاڤە کریە و وەلات ب سەر 180 پلان دا پۆلینکرینە و عیراق ژی شەش پلان ئاستێ وێ بلندتر بوویە ژ ئالیێ روو ب رووبوونا گەندەلیێ، هەر چەندە هێشتا پێنگاڤێن روو ب رووبوونا گەندەلیێ ل سەر ئاستێ جیهانێ د سستن و بەرەف پێشچوونەکا کێم د روو ب رووبوونا گەندەلیێ هەیە.
وێ راپۆرتێ، پێنج شەفافترین وەلات ل سەر ئاستێ جیهانێ بەلاڤ کڕینە، ژ ئێکێ هەتا پێنجێ، ئەو ژی دانیمارک، نیوزلەندا، فینلەندا، سەنگافوور و سویسرا.
هەروەسا گۆتیە، گەندەلترین وەلاتێن جیهانێ ئەو وەلاتن، کو نوکە روو ز روو قەیرانێن مەزن و هندەک ژی تۆشی شەرێ نافخۆیی بووینە، ژ وان ژی سۆمال ل پلا 180 دهێت، گەندەلترین وەلاتە، پاشی سوودانا باشوور دویەم گەندەلترین وەلاتێ جیهانێ یە و ل پلا 179 دهێت، سووریا ل پلا 178، یەمەن ل پلا 177 و ڤەنزوێلا ل پلا 176 وەلاتیدا دهێت، ئیران ژی ل پلا 146 دهێت، عیراق ژی ل پلا 162 دهێت.
راپۆرتێن رێکخراوا شەفافیەتا نێڤدەولەتی باوەریەکا نێفدەولەتی هەیە و زانیاریێن خوە ژ پرانیا سازی و ناڤەندێن گرنگ یێن وەلاتان و جیهانێ ب هەند وەردگریت.
ئەڤرۆ نیوز:
ئالیێن شیعی ل سەر كاندیدكرنا مستەفا كازمی سەرۆكێ بەرێ یێ دەزگەهێ هەوالگریا عێراقێ رێككەفتینە بۆ وەرگرتنا پۆستێ سەرۆك وەزیران.
میدیایێن عێراقی بەلاڤکرینە، ئەڤرۆ ئێكشه‌مبی 26-1-2020 پرانیا ئالیێن شیعی گەهشتینە رێككەفتنێ ل سەر پێدانا پۆستێ سەرۆك وەزیرێن عیراقێ ب مستەفا كازمی و بریارە ب فه‌رمی ناڤێ دی پێشكێشی سه‌رۆك كۆماری بكه‌ن، ب مه‌به‌ستا راسپاردنێ بۆ پێكئینانا كابینا نوو یا حوکمه‌تێ.
هەروەسا ئالیێن شیعان ل بەرە ناڤێ وی كاندیدی پێشكێشی سه‌رۆك كۆمارێ عیراقێ بكه‌ن، بۆ هندێ کو ب فه‌رمی بهێتە راسپاردن بۆ پێكئینانا كابینا نوو یا حوکمه‌تێ.
ئەڤرۆ نیوز:
بەری دەمەکێ سێ مۆشەک ل دەڤەرا کەسک و نێزیک بالیۆزخانا ئەمریکا ل بەغدا کەفتن، ئەڤ شەڤە پێنج موشەک ئاراستەی بالیۆزخانا ئەمریکا ل بەغدا هاتنە کرن هەموو مۆشەک ل نێزیک بالیۆزخانێ کەفتنە خوارێ، لێ چ زیانێن گیانی و ماددی نەبوون.
ژئەگەرێ هەبوونا سیستەکێ دژە موشەکان د بالیۆزخانا ئەمریکا دا، موشەک بەر بالیۆزخانێ نەکەفتینە.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی سەرەپەرشتیا کۆمبوونا تایبەت یا چاکسازیان ل وەزارەتا پێشمەرگەی کر و راگەهاند کو ئەو دێ یا پێدڤی بۆ پێشمەرگەی کەن و گۆت: (چاکسازی ل وەزارەتا پێشمەرگەی گەلەک گرنگە و یا ژ دەستێ وان بهێت وەکو حوکمەت دێ بۆ پێشمەرگەی کەن).
سەرۆکێ حوکمەتا هەرێما کوردستانێ ئەو یەک ژی دیار کر کو وان دڤێت ل سەر بنەمایێ زانستی کار بۆ پێشڤەبرنا شیانێن پێشمەرگەی و رێکخستنا وان بکەن.
ئه‌ڤرۆ نیوز:
په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ ل سه‌ر ڤایروسێ كورونا دیاركر رێ و ئاوایێن پێدڤی هاتینه بكارئینان.
د. محه‌مه‌د قادر په‌یڤدارێ وه‌زاره‌تا ساخله‌میێ راگه‌هاند: تانوكه ل ناڤخویا هه‌رێما كوردستانێ به‌رهه‌ڤكاری هاتینه‌كرن و ل گه‌ل نه‌خوشیێن دی دێ هێنه جوداكرن ودێ ل بن چاڤدێریا چر دابن، رێ و ئاوایین پیدڤی هاتینه بكار ئینان و به‌رده‌وامین ژی ل سه‌ر بلاڤكرنا هشیاریا ساخله‌میێ و داخازی ژ خه‌لكی دكه‌ین دیر بكه‌ڤن ژ چونا ده‌ستێن ئێك و ماچ و به‌ركه‌تنا ئێك، لێ تاكو نوكه مه‌ترسی ل سه‌ر هه‌رێما كوردستانێ و عیراقی نینه.
په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ گۆت: پشكه‌ك ژ نیشانێن توشبوون ب ڤایروسێ كورونا وه‌ك نیشانێن ئه‌نفله‌وه‌نزایێ نه، نیشانێن وێ ژی پێكهاتنیه ژ ژانێن سه‌ری، كوخك و ته‌نگه نه‌فه‌س و په‌یدا بوونا ئازاری ل ماسولكه‌یێن له‌شی، هه‌وكرنا سیهان و كاركه‌ڤتنا گولچیسكا.
نيشاندان