ئه‌ڤرۆ ن نیوز، سالار دۆسكی:
شاره‌زایه‌كێ‌ وارێ سیاسه‌تا ئه‌مریكا ل ده‌ڤه‌رێ‌ دیاركر كو گرنگه‌ بۆ پرسێن گرنگ و هه‌ستیار كورد ئێكگرتی بن و پشته‌ڤانیێ‌ ل به‌رنامه‌ و سیاسه‌تا ئه‌مریكا بكه‌ن ل ده‌ڤه‌رێ‌.
نه‌وازد هێتوتی، بسپور و شاره‌زا دسیاسه‌تا ئه‌مریكا ل رۆژهه‌لاتا ناڤه‌راست دا بۆ رۆژناما ئه‌ڤرۆ گۆت: بریارا ده‌ركرنا هێزێن بیانی ژ عیراقێ‌ كو ژ په‌رله‌مانێ‌ عیراقێ‌ ده‌رچوویه‌ دبینم بریاره‌كا ئیرانی یه‌ و د به‌رژوه‌ندا خه‌لكێ‌ عیراقێ‌ دا نینه‌ هێزێن ئه‌مریكا و بیانی ژ عیراقێ‌ ده‌ربكه‌ڤن، مانا ئه‌مریكا ل عیراقێ‌ پشته‌ڤانیه‌كا مه‌زنه‌ بۆ پرۆسێسا دیموكراسی ل عیراقێ‌، به‌رۆڤاژی دێ‌ ئیران و حه‌شدا شه‌عبی پتر ل سه‌ر عیراقێ‌ زال بیت .
ناڤبری گۆت ژی” هه‌كه‌ هات و هێزێن بیانی و تایبه‌ت ئه‌مریكا ژ عیراقێ‌ ده‌ركه‌فتن، سوننه‌ و كورد دێ‌ كه‌ڤنه‌ بن فشارێن مه‌زن، هه‌بوونا هێزێن ئه‌مریكی هه‌ڤسه‌نگیه‌كا مه‌زن ل عیراقێ‌ دروست كریه‌ و بێ هێزێن ئه‌مریكی ئێمناهی ل عیراقێ به‌رقه‌رار نابیت و داعش ب دروستی ناهێته‌ شكاندن و ب هه‌بوونا هێزێن بیانی ژ روویێ‌ له‌شكه‌ری ڤه‌ تیرۆرست نه‌شیان چ بكه‌ن و دبینم ب چوونا هێزێن بیانی دێ‌ گه‌له‌ك كارتێكرن ل سه‌ر عیراقێ‌ هه‌بیت و هه‌تا ژ روویێ‌ ئابووری ژی دێ‌ كارتێكرن هه‌بیت و په‌ترۆلا نوكه‌ ژ عیراقێ‌ ده‌ردكه‌فیت ب سه‌رپه‌رشتیا ئه‌مریكا یا دچیته‌ بازارێن جیهانێ‌ و هه‌ژمارا به‌نكی یا فرۆتنا وێ په‌ترۆلێ یا ل نیویۆرك و هه‌كه‌ هات و ئه‌مریكا ده‌ركه‌فت دێ‌ كارتێكرن ل سه‌ر عیراقێ‌ هه‌بیت “.
زێده‌تر گۆت” چوونا هێزێن ئه‌مریكا گومان نینه‌ مه‌ترسی دێ‌ ل سه‌ر ده‌ڤه‌رێ‌ ب گشتی هه‌بیت ب هه‌رێما كوردستانێ‌ ڤه‌ ، هه‌رچه‌نده‌ نابینم ئه‌مریكا به‌رنامه‌ك بۆ سه‌ربه‌خوه‌یا كوردستانێ‌ د ڤی ده‌مێ‌ هه‌ستیار دا هه‌بیت، هه‌تا نوكه‌ سیاسه‌تا ئه‌مریكا یا زه‌لال نینه‌ وخوه‌ دیار دكه‌ت كو ل گه‌ل ئێك پارچه‌یا عیراقێ‌ یه‌”.
هه‌مان چاڤدێر گۆت: گرنگه‌ كوردان ل ڤێ‌ قوناغێ‌ ئێك په‌یام و ئێك گوتار و ئێك هه‌لویستی هه‌بیت، هه‌تا نوكه‌ نه‌ هاتیه‌ زه‌لالكرن كا ئایه‌ دێ‌ ئه‌مریكا ژ عیراقێ‌ ب گشتی ده‌ركه‌ڤیت یان دێ‌ هێزێن خوه‌ ل كوردستانێ‌ بنه‌جه كه‌ت و ئایا ئه‌ڤه‌ نابیته‌ مه‌ترسی ل كوردستانێ‌ و ئایا جاره‌كا بۆدجه‌ ناهێـته‌ برین و ئیران فشاران ل سه‌ر هه‌رێما كوردستانێ‌ ناكه‌ت؟ دڤێت ل سه‌ر ئاستێ‌ ناڤخوه‌ كورد د ئێكگرتی بن و هه‌كه‌ شه‌رێ‌ ب وه‌كاله‌ت په‌یدا ببیت ، ئه‌م كورد خوه‌ دوور بكه‌ین و ره‌نگه‌ ده‌لیڤه‌ك بۆ كوردستانێ‌ رووبده‌ته‌ ڤه‌، به‌لێ گرنگه‌ بۆ پرسێن ستراتیژی كورد پشته‌ڤانیا