ئەڤرۆ نیوز:
ئەڤرۆ ئەینیێ جارەکا دی خوە پیشاندانان ل بەغدا دەستپێکرن، هندەک ژێدەرێن پۆلیس و نۆشداران ل باژێرێ به‌غدا راگه‌هاند، کو د خوەپیشاندانێن ئه‌ڤرۆ دا، روو ب رووبوون دناڤبەرا خوەپیشانده‌ران و هێزێن ئه‌منی دا روودایە و د ئه‌نجامدا 2 خوەپیشانده‌ر هاتینە كوشتن و 25 دیتر بریندار بووینە.
ئەڤرۆ ئەینیێ روو ب رووبوون ل سه‌ر رێیا سه‌ره‌كی یا محه‌مه‌د قاسم ل ناڤه‌ڕاستا وی باژێری روودایە و بۆ بەلاڤەکرنا خوەپیشانده‌ران، هێزێن پۆلیسان چه‌ك و گازا رووندک رێژ ب‌كارئینا یە.
ئەڤرۆ نیوز:
وەزارەتا پەروەردێ د راگەهاندنەکێ بەلاڤە کریە، تێدا دەستهالاتا هندێ دایە رێڤەبەرێن گشتی یێن پەروەردێن پارێزگەهان، کو ل دەمێ پێدڤی دا ب ئەگەرێ دابەزینا پلێن گەرماتیێ، رۆژەکێ بکەنە بهێنڤەدان.
راگەیاندنا وەزارەتا پەروەردێ گۆتیە، ب ئەگەرێ دابەزینا پلێن گەرمێ و بارینا بەفرێ، رێڤەبەرێن گشتی یێن پەروەردان ل پارێزگەهان دەستهەلاتا هندێ هەیە کو رۆژەکێ بکەنە بهێنڤەدان ل ناڤەندێن خواندنێ، هەکە سەقای ئاستەنگی بۆ هاتنوچوونا مامۆستا و قوتابیان دروستکر.
ئەڤرۆ نیوز:
بەلاڤبوونا ڤایرۆسێ کۆرۆنا ل باژێێ ووهان یێ چینی بەرپرسێن وی باژێری دەست ب دیتنا جهەکێ پێدڤی بۆ چارەسەرکرنا تووشبویێن وێ ئێشێ کریە، بڕیارە د ماوێ 10 رۆژان دا نەخۆشخانەکا 1000 تەختی بۆ چارەسەرکرنا تۆشبوویان دروست بکەن.
کارێن وێ نەخۆشخانێ دەست پێکریە ل سەر رووبەرێ 25 هزار مەترێن چارگۆشە دهێتە دروست کرن و لدووڤ وێ پلانێ دڤێت ل 3 شواتا داهاتی کارێن وێ تەمام بیت.
کەلوپەلێن بیناسازی بۆ جهێ دروستکرنا وێ نەخۆشخانێ هاتینە ڤەگوهاستن، لدووڤ وان وێنێن هاتینە بەلاڤ کرن، 35 حەفارە و 10 بلدۆزەر ل وی جهی کار دکەن.
ئەڤرۆ نیوز:
ژبەر دژواریا سەقای سوبەهی شەمبیێ 25.1.2020 بهێنڤەدانە ل هەموو قوتابخانێن سنۆرێ قەزا ئامێدیێ.
د پەیامەکێ دا ئیسماعیل مستەفا رەشید قایممقامێ قەزا ئامێدیێ راگەهاند : ژبەر وێ پێلا بارینا بەفرێ ئەوا قەزا ئامێدیێ ب گشتی ڤەگرتی، ژبەر دژواریا سەقایی و ئاستەنگیا رێکێن هاتنوچوونێ، هەروەسا ژ بۆ بەرژەوەندا قوتابیان و دروست نەبوونا چ روودانان سوبەهی رۆژا شەمبیێ رێکەفتی ( ۲٥-۱-۲۰۲۰) بهێنڤەدانە بۆ سەرجەم قوتابخانێن دکەڤنە سنورێ قەزا ئامێدیێ دا.
ئەڤرۆ نیوز، زنار تۆڤی:
ئەمیر ئەترۆشی بەرپرسێ راگەهاندنێ ل رێڤەبەریا گشتی یا باژێرڤانیان ل پارێزگەها دهۆکێ بۆ ئەڤرۆ نیوز دیار کر: رێڤه‌به‌ریا گشتی یا باژێرڤانیان ل پارێزگه‌ها دهۆكێ هوشداریێ ددەتە وەلاتیان کو قه‌ستا رێكێن ده‌رڤه‌ی باژێران نه‌كه‌ن، چونكی سەقا گه‌له‌ك تێكچوویه ژ ئەنجامێ بەفر بارینێ مه‌ترسی ل سه‌ر رێیا هه‌یه.
هەروەسا گۆت: رێڤه‌به‌ریا گشتی یا باژێرڤانیان ل پارێزگه‌ها دهۆكێ ب رێیا باژێرڤانیێن خوه یێن قه‌زا و ناحیان، پتر ژ 20 تیمان پێكئیناینه و نوکە ل ناڤ جهێن به‌فر دباریت كار دكه‌ن بۆ ڤه‌كرنا رێكێن ناڤ باژێركان و رێكێن سه‌ره‌كی و به‌رده‌وام د هانا وان وەلاتیان دچن ئه‌وێن دناڤ به‌فرێ دا ئاسێ بووین و هاریكاریا وان دكه‌ن بۆ قورتالبوونێ.
ناڤهاتی زێدەتر گۆت: رێڤه‌به‌ریا گشتیا باژێرڤانیان ل پارێزگه‌ها دهۆكێ ئاگه‌هداریا هه‌موو شۆفێر و هاوولاتیان دكه‌ت ب چو ره‌نگان نه‌چنه رێكێن ده‌رڤه‌ی باژێری، چونكو به‌فر ژ شه‌ڤا بۆری وه‌ره به‌رده‌وام دباریت و پتریا رێكان هاتینه داخستن، سه‌ره‌رای هندێ پتر ژ 20 تیمان به‌رده‌وام د كاركرنێ دانه بۆ ڤه‌كرنا رێكا.
ل هه‌موو ده‌ڤه‌را ئامێدیێ و پشكه‌كا ده‌ڤه‌را ئاكرێ به‌فر باری یه، كێشه بۆ هاتن و چوونا شوفێر و وه‌لاتیان دروستكریه، بویه ئه‌گه‌رێ ژكاركه‌فتن و گرتنا هنده‌ك ژ رێكێن سه‌ره‌كی و لاوه‌كی، تیمێن رامالینا به‌فرێ ژلایێ هه‌موو وان باژێرڤانیێن كو به‌فر ل ده‌ڤه‌رێن وان باری، ل سه‌ر ڤه‌كرنا رێیا ژ به‌فرێ به‌رده‌وامن ب تایبه‌تی ل چیایێ پیرس و كانی ماسێ و چه‌مانكێ و سه‌رسنكێ و دێره‌لووكێ و قه‌دشێ و زاویته و باگێرا و مانگێش و ئه‌ترووش.
ئه‌ڤرۆ نیوز:
سه‌رۆكێ هه‌رێما كوردستانێ ئه‌گه‌رێ دانانا ئالایێ كوردستانێ ل ده‌می كۆمبوونا ل گه‌ل سه‌رۆكێ ئه‌مریكا دیاركر دانانا ئالایێ كوردستانێ په‌یامه‌كه بۆ هه‌مو كوردان نه بتنێ بۆ كوردێن عیراقێ.
نێچیرڤان بارزانی سه‌رۆكێ هه‌رێما كوردستانێ د پرێس كۆنفرانسه‌كی دا ل داڤوس راگه‌هاند: دانانا ئالایێ كوردستانێ ل كۆمبوونا ل گه‌ل سه‌رۆكێ ئه‌مریكا ئاماژه‌یه‌كه بۆ گرنگی و پێته پێدان ب خه‌بات و قوربانیێن نه‌ته‌وه‌یا كورد و په‌یامه‌كه ژی بۆ هه‌موو كوردان.
سه‌رۆكێ هه‌رێمێ ل سه‌ر ڤه‌كێشانا هێزێن ئه‌مریكا راگه‌هاند هه‌لویستێ هه‌رێما كوردستانێ ل سه‌ر مانا هیزێن بیانی ل عیراقێ روونه، ئه‌ڤ هێزه بۆ هه‌ڤكاریكرنا عیراقێ ل سه‌ر داخازیا به‌غدا هاتینه، مانا وان بۆ به‌رهنگاربوونا داعشێ پێدڤیه، چونكو داعش بۆ كوردستان و عیراقێ مه‌ترسیه‌كا مه‌زنن و دڤێت ئه‌و هیز بمینن تا ئه‌وی ده‌می ئه‌م هه‌می ب باوه‌ری بێژین داعش نه‌ما.
نێچیرڤان بارزانی ل سه‌ر كۆمبوونا ل گه‌ل ترمپ به‌حسێ په‌یوه‌ندیێن هه‌ولێر و به‌غدا راگه‌هاند سه‌رۆكێ ئه‌مریكا رێزه‌كا مه‌زن هه‌بو بۆ قوربانیدانا هێزا پێشمه‌رگه‌یێ و هه‌رێما كوردستانێ بوویه جهه‌كێ ئارام بۆ ئاواره و رزگاربوویان.
ئه‌ڤرۆی نیوز:
سه‌رۆكێ هه‌رێما كوردستانێ ل گه‌ل ئه‌نتونیو گۆتێرێس سكرتێرێ گشتی یێ نه‌ته‌وه‌یێن ئیكگرتی كۆمبوو،دوێ كۆمبوونێ دا پێشهات و گوهورینێن ده‌ڤه‌رێ شرۆڤه‌كرن.
سپده‌هیا ئه‌ڤرۆ 24/1/2020 نێچیرڤان بارزانی سه‌رۆكێ هه‌رێما كوردستانێ ل گۆپیتكا داڤوسێ ل گه‌ل ئه‌نتوتیوگۆتێرێس سكرتێرێ گشتی یێ نه‌ته‌وه‌یێن ئێكگرتی كۆمبوو به‌حسێ خونیشاندان و ره‌وشا عیراقێ و ده‌ڤه‌رێ و بزاڤ بۆ ئارامكرنا ئالوزیان و رۆلێ نه‌ته‌وه‌یێن ئێكگرتی كرن.
هه‌ر دوێ كۆمبوونا سه‌رۆكی هه‌رێمێ دا ل گه‌ل سكرتێری گشتی یێ نه‌ته‌وه‌یێن ئیكگرتی دا دانوستاندن ل سه‌ر كار و چالاكیێن یوئێنێ و ده‌زگه‌هـ و ئاژانسێن ل عیراقێ و هه‌رێمێ و ره‌وشا ئاوارێن عیراقی و سوریا ل هه‌رێمێ و هاریكاریكرنا وان و پرۆسه‌یا سیاسی و بزاڤێن بۆ پێك ئینانا كابینا نوویا حوكمه‌تا عیراپی كرن.
ئەڤرۆ نیوز، مەحمود نهێلی:
قایمقامێ قەزا ئامێدیێ ب رێکا ئەڤرۆ نیوز داخازێ ژ هاولاتیێن دەڤەرێ دکەت هەکە کاره‌کێ زۆرێ پێدڤی نەبیت هاتن و چونێ نەکەت.
ئیسماعیل موستەفا رەشید قایمقامێ قەزا ئمامێدیێ دیار کر، هەر چەندە تیمێن وان یێن بەردەوامن ل سەر ڤەکرنا رێکان ژ بەفرێ لێ ژ بەر بارینا بەفرێ ب شێوەیەکی بەردەوام و زۆر تا لایەکی ڤەدکەن لایەکی دی یێ رێکێ دەهێتە گرتن. و گۆت :ئەم داخازێ ژ هاولاتی و خەلکێ خوە دکەین هەکە کەرەکێ زۆرێ پێدڤی و گرنگ نەبیت هاتن و چونێ نەکەن چونکە رێک گەلەک دنە خوەشن و بەفر بارین یا بەردەوامە و ل هند جهان رێژەکا گەلەک یا بەفرێ باریە.
ئەڤرۆ نیوز، مەحمود نهێلی:
قایمقامێ قەزا ئامێدیێ بو ئەڤرۆ نیوز دیار کر، پشتی بارینا پێلەکا بەفرێ ب سەر دەڤەرێ دا، تیمێن پاقژکرنا رێیان ل سەرانسەرێ دەڤەرێ بەلاڤبووینە و تەڤایا رێیێن سەرەکی هاتینەڤەکرن.
ئسماعیل موستەفا رەشید قایمقامێ قەزا ئامێدیێ دیار ژی کر ، تیمێن وان بەردەوامن ل سەر ڤەکرنا جادەیان و گۆت : تەڤایا تیمێن باژێرڤانیێن سەر ب قەزا ئامێدیێ ڤە نوکە د دکاری دانە بو ڤەکرنا رێیێن نافخوەیێن باژێر و کومەلگەهان و هەروەسا تیمەکا رێڤەبەریا سەخبێرکرنا رێک و پران یا دهوکێ ژی دکاری دایە بو ڤەکرنا رێیێن دەرڤە و سەرەکی و گوندێن نێزیک یێن دەڤەرا ئامێدیێ وتەڤایا رێیان دنهادا ڤەکرینە. هەروەسا تەکەز ژی کر ، زێدەباری برینا بەفرێ ب بەردەوامی لێ تیمێن وان بەردەوامن ل سەر ڤەکرنا رێیان و بتنێ ریێن چەند گوندان ماینە نەهاتیە ڤەکرن و ئەو ژی دیارە گەلەک دووری رێ یێن سەرەکی نە. لێ داخازا ژ هاولاتیان کر، هەکە کارەکی فەر نەبیت بلا هاتن و چونێ نەکەن ژ بەر داکو توشی روودانان نەبن .
نيشاندان