ئه‌ڤرۆ نیوز:
جینین هێنیس پالاسخارات نوونه‌را نه‌ته‌وه‌یێن ئێكگرتی ل عیراقێ داخازێ ژ عیراقێ دكه‌ت ده‌ست ب چاكسازیێ بكه‌ت، دلته‌نگین ب پێشیلكارێن مافین مرۆڤی و ته‌ئكید ل سه‌ر گرنگییا پێنگاڤێن به‌ره‌ڤ بجهكرنا داخازیێن خه‌لكی عیراقێ بهێنه هاڤێتن.
جینین هێنیس پالاسخارات نوونه‌را نه‌ته‌وه‌یێن ئێكگرتی ل عیراقێ راگه‌هاند: دڤێ هه‌یڤێ دا سه‌دان هزار عیراقی ل هه‌مو ته‌خ و چینێن جڤاكی بۆ ده‌ربرینا هیڤی و پاشه‌رۆژه‌كا بێ گه‌نده‌لی و به‌رژه‌وه‌ندیێن حزبی و ده‌ستێوه‌ردانێن ده‌رڤه‌ی هاتنه سه‌ر جاده‌یان، ژلایه‌كێ دی، كۆشتن و برینداركرنا خونیشانده‌رێن ئارام و چه‌ندین سوزێن بجه نه‌كری یێن سالێن بوری بوونه جهێ سه‌رهلدانا قه‌یرانا بێ باوه‌ریی.
ناڤبریێ گۆت: ئه‌و پێنگاڤێن نوكه هاتینه هاڤیتن ۆ دلته‌نگیێن خه‌لكی، هه‌كه بهێت و كار ل سه‌ر نه‌هێته‌كرن، ئه‌ڤه دێ ئه‌و ژی بێ بها بنه‌ڤه.
جینین هێنیس ئه‌و چه‌نده ژی دازانین كۆ بهێزبوونا ئالوزیێن هه‌رێمایه‌تی یێن ئه‌ڤێ داویێ بووینه جهێ تێبینیێن ل سه‌ر ئه‌وان كارێن نه هاتینه ته‌مامكرن، هه‌ر چه‌وا بیت پێشڤه‌چونێن جیوپولیتیكی نابن ب بیته جهی پشت گوه هاڤێشتنا داخازیێن ره‌وایین خه‌لكی چونكو بتنێ ئه‌ڤه دبنه جهی توره‌ی و بێ ئارامیێ.
ناڤبریێ ئه‌و چه‌نده ژی روونكریه:بكار ئینانا توندوتیژیێ بۆ بێ ده‌نگكرنا خو نیشانده‌ران، هه‌رتم ئه‌ڤه جهێ رازیبونێ نینه و دڤێت رێگری ژی ژڤان كریارا بهێته گرتن، چ تشته‌ك وه‌ك كه‌توارێ ترسێ زیانێ ناگه‌هینیت، هه‌روه‌سا لێپێچین و دادوه‌ری د پێخه‌مه‌تا قوربانیان بۆ ئاڤاكرنا باوه‌ری و ره‌وا و رابوونێ زۆر گرنگن.
نيشاندان
