ئەڤرۆ نیوز:
پشتی کو کامیل عەبدولقادر ئێک ژ قوربانیێن چەکێ کیمیاوی ل هەلەبجە داخواز ژ سەرۆکێ حوکمەتا هەرێما کوردستانێ کربوو کو هاریکاریا وی بکەت، چونکو ژ خێزانا وی نەه کەس شەهید بووینە و ئەو ژی نەخوەشە.
سەرۆکێ حوکمەتا هەرێما کوردستانێ ژی بەرسڤا داخوازیا ناڤهاتی دا و بریار دا پارێ پێدڤی بۆ چارەسەریێ وی بهێتە دابینکرن.
ئه‌ڤرۆ نیوز:
وه‌زاره‌تا دارایی و ئابووری یا حوكمه‌تا هه‌رێما كوردستانێ خشته‌یێ پارڤه‌كرنا مووچه‌ی دڤێ هه‌فتیێ دا به‌لاڤكر.
وه‌زاره‌تا دارایی و ئابووری یا حوكمه‌تا هه‌رێما كوردستانێ ب فه‌رمی خشته‌یێ پارڤه‌كرنا مووچه‌ی د ئه‌ڤێ هه‌فتیێ دا كۆ یێ هه‌یڤا 10/2019 یێ فه‌رمانبه‌رێن هه‌رێما كوردستانێ یه بلاڤكریه و بڤی شیوه‌یێ خارێ:
– رۆژا دوشه‌مبێ 13/1/2020 وه‌زاره‌تا پێشمه‌رگه‌ی و دیوان و لیوایێن سه‌ر ب وه‌زاره‌تێ ڤه.
– رۆژا سێ شه‌مبێ 14/1/2020 یه‌كه‌یێن 70 و 80 یێن وه‌زاره‌تا پێشمه‌رگه‌ی.
رۆژا چارشه‌مبی 15/1/2020 وه‌زاره‌تا په‌روه‌ردێ یه.
رۆژا پێنج شه‌مبێ 16/1/2020 وه‌زاره‌تا دارایی و ئابووری یه.
ئه‌حمه‌د عه‌بدلره‌حمان په‌یڤدارێ فه‌رمی یێ وه‌زاره‌تا دارایی و ئابووری راگه‌هاند: سوبه دێ ده‌ست ب پارڤه‌كرنا مووچه‌یێ هێته‌كرن و ئه‌گه‌رێ گیرۆبوونا مووچه‌ی ژی بۆ چه‌ند ئه‌گه‌ره‌كێن هونه‌ری ڤه‌گه‌راند.
ئه‌ڤرۆ نیوز:
میرێ قه‌ته‌رێ ته‌میم بن حه‌مه‌د ئال سانی ب سه‌ره‌دانه‌كا فه‌رمی گه‌هشته وه‌لاتێ ئیرانێ.
میرێ قه‌ته‌رێ پشتی سه‌ره‌دانا عومانێ و پشكداری ل تازیا سولتان قابوسی دا كری سه‌ره‌دانا ئیرانێ كر، ئه‌ڤ سه‌ره‌دانا میرێ قه‌ته‌رێ هه‌ڤ د گه‌ل پێشهاتێن ئه‌مریكا و ئیرانی و ئێخستنا باله‌فرا ئوكرانی ژلایێ پاسدارێن ئیرانێ ڤه.
ئه‌ڤرۆ نیوز، ناجی به‌ده‌ل:
بێوار موسا رێڤه‌به‌رێ راگه‌هاندنا زانكۆیا دهۆك ل سه‌ر پولینكرن و رێزبندیا زانكۆیێن كۆردستانێ و زانكۆیا دهۆك جهگرتنا وێ ل رێزبه‌رندێ دیاركر زانكۆیا دهۆك ژ زانكۆیێن پێشەنگە ل رێزبەندیا نشتیمانی یا زانكۆیێن هەرێمێ ئه‌وا وەزارەتا خواندنا بلند و ڤەكۆلینێن زانستی ل حكومەتا هەرێما كوردستانێ ل رۆژا 9/1/2020 بو سالا چارێ رێزبەندیا نیشتیمانی یا زانكۆیێن هەرێما كوردستانێ هاتیه‌كرن گرۆپێ ئه‌ی چ زانكۆ ل سه‌ر ئاستێ كوردستانێ نه شیان بگه‌هنه ئه‌وێ قوناغیێ، لێ ل گرۆپێ بی زانكۆیا دهۆك جهێ خو تێداكر و ئه‌و ناڤێن ل گرۆپی داهه‌می ئیك ئاست و خودان شیانن رێكخستن و چونا پێش و دوماهی هاتنا ناڤێ زانكۆیێ لگۆری رێزبه‌ندیا پیتان بویه هه‌كه چ جوداهی نینه.
ریڤه‌به‌رێ راگه‌هاندنا زانكۆیا دهۆك ل سه‌ر پیڤه‌ر و بنه‌مایێ رێزبه‌ندیێ دیاركر ل دیف رێزبەندیا وەزارەتێ كو پشت بەستن ل سەر كری ڤەكۆلێن زانستی و ستافێ ئەكادیمی و پەیوەندیێن زانكۆیێ دگەل جڤاكی و چالاكیێن كلتووری و نێڤدەولەتی و گەهشتن ب ژێدەرێن زانستی و پشكا زۆر بەر ب ڤەكۆلینێن زانستی دكەڤیت ب تایبەت ئەوێن ل گوڤارێن كاریگەرێن جیهانی دا دهێنە بەلاڤ كرن.
فه‌رسه‌ت مه‌حمود ره‌زیكی رێڤه‌به‌رێ راگه‌هاندنا زانكۆیا نه‌ورۆز ل سه‌ر بلند بوونا ئاستێ شیانێن زانكۆیا وان بۆ پێشڤه دیاركر گرۆپی بی ژ گرۆپێ ئێكێ دهێته هژمارتن ل هه‌رێما كوردستانێ چونكو گرۆپێ ئه‌ی چ زانكۆ نه‌بووینه بشێن بگه‌هنه ئه‌وی ئاستی و ئه‌و زانكۆیێن ل گرۆپێ بی دا هاتینه دانان بێ جوداهی ل سه‌ر پولینا پیتا ناڤێن وان هاتینه‌دانان هه‌ر شه‌ش زانكۆ وه‌ك ئیكن د ئاستێ شیان و پێشڤه‌چونێ، زانۆكیا نه‌ورۆز دوساله ل دیڤ ئێك ئه‌ڤی ناسناڤی ل بده‌ستڤه دئینیت.
رێڤه‌به‌رێ راگه‌هاندنا زانكۆیا نه‌ورۆز گۆت ئه‌و پیڤه‌ر و بنه‌مایێن هاتینه دانان هه‌موو ئه‌و رێزبه‌ندیا ب خال هاتینه كرن زانكۆیا نه‌ورۆز لگۆری شیانێن خو جهێ خو ل پێشیا زانكۆیان وه‌ربگریت و دێ یا به‌رده‌وام ژی بت ل سه‌ر پێشڤه‌برن و بلندكرنا ئاستێ شیانێن زانستی.
ئه‌ڤرۆ نیوز:
په‌یڤدارا وه‌زاره‌تا دهرڤهیا ئه‌مریكا راگه‌هاند كریارا گرتنا بالیوزێ بریتانیا ل ئیرانێ شه‌رمزار دكه‌ین و پێدڤیه تاران داخازا لێبۆرینێ ژ وی كارێ ئه‌نجامدای بكه‌ت.
مورگان ئورتیگس په‌یڤجارا وه‌زاره‌تا دهرڤهیا ئه‌مریكا راگه‌هاند: حوكمه‌تا ئیرانێ بالیوزێ بریتانیا ل تارانێ ده‌سته‌سه‌ركریه، ئه‌ڤه ژی به‌رۆڤاژیا رێكه‌تنا كۆنگرێ ڤیه‌نایه و ب شێوه‌یه‌كێ فه‌رمی ئیران داخازا لێبۆرینێ ژ بریتانیا بكه‌ت و رێزێ ل مافێن دیپلوماسی ل وه‌لاتێ خۆ بگریت.
ئه‌ڤرۆ نیوز:
دونالد تره‌مپ سه‌رۆكێ ئه‌مریكا راگه‌هاند ل ده‌ستپێكا وه‌رگرتنا سه‌رۆكاتیێ ل گه‌ل وه‌لاتیێن ئیرانی بووم و هایداری ئازاێن وانم و دێ د پشته‌ڤانیكرنا خه‌لكێ ئیرانی دا به‌رده‌وام بین و ژ نێزیكڤه چاڤدێریا خونیشاندانێن ئیرانی دكه‌ین و سه‌رسامین ب وێ وێره‌كیا وه‌لاتیێن ئیرانێ هه‌ی.
سه‌رۆكێ ئه‌مریكا ئه‌ڤ گۆتنێن خۆ ب زمانێ ئینگلیزی و فارسی ل سه‌ر هژمارا تویته‌رێ خو به‌لاڤكریه.
ترمپ ئه‌و چه‌نده ژی دازانین دڤێت حوكمه‌تا ئیرانێ رێكێ بده‌ته مافێن مرۆڤی و چاڤدێریا خونیشاندانان بكه‌ت و راپۆرتێن خۆ ل سه‌ر خونیشاندانان به‌لاڤ بكه‌ن.
سه‌رۆكێ ئه‌مریكا ئه‌و چه‌نده ژی د تویتا خۆدا دیاركر نابیت كۆمه‌لكۆژی دژی خونیشاندانێن ئاشتیخوازی بهێته‌كرن یان هێلێن ئه‌نته‌رنێتێ بهێنه برین چونكو جیهان دنێرته كردارێن وه.
ئه‌ڤرۆ نیوز:
په‌رله‌مانێ كوردستانێ ئه‌ڤرۆ دانوستاندنا پرۆژه‌یێ یاسایا چاكسازیێ ل مووچه و ده‌رماله و ئیمتیازاتان بكه‌ت.
بریاره ده‌مژمێر 11 به‌ری نیڤرۆیا ئه‌ڤرۆ كۆ رۆژا 12/1/2020 په‌رله‌مانێ كوردستانێ خاندنا دوێ بۆ پرۆژه‌یێ یاسایا چاكسازیێ ل مووچه و ده‌رماله و به‌خشین و ئیمتیازاتان بكه‌ت.
رۆژا دو شه‌مبێ 16/12/2019 په‌رله‌مانێ كوردستانێ خاندنا ئیكێ بۆ پرۆژه‌یێ یاسایا چاكسازیێ كر و ب زۆرینه ده‌نگ پێ دا، تاكو ل ده‌مه‌كێ كورت دا بهێته په‌سندكرن.
رۆژا چارشه‌مبی 11/12/2019 جڤاتا وه‌زیرێن هه‌رێما كوردستانێ پرۆه‌ژیێ یاسایا چاكسازیێ په‌سند كر.
رۆژا 12/12/2019 حوكمه‌تا هه‌رێما كوردستانێ ب رێا ڤالا فه‌رید وه‌زیرا هه‌رێمێ بۆ كارۆبارێن په‌رله‌مانی پرۆژه‌یێ یاسایا چاكسازیێ ره‌وانه‌ی په‌رله‌مانێ كوردستانێ هاته‌كرن.
مه‌حسن دۆسكی ئه‌ندامێ په‌رله‌مانێ كوردستانێ راگه‌هاند رینشتنا په‌رله‌مانێ كوردستانێ كۆ بریاره ئه‌ڤرۆ بهێته‌كرن یا ڤه‌كری بیت ل میدیایێ بهێته په‌خشكرن و لگۆری په‌یره‌وێ ناخۆیێ په‌رله‌مانێ كوردستانێ هه‌كه بهێته پێشنیازكرن رینشتنا په‌رله‌مانی ڤه‌كری بیت، ئه‌ڤه دڤێت ب ده‌نگێ 56 په‌رله‌مانتران هه‌یه.
ئەڤرۆ نیوز:
ئاری جەلال سەرۆکێ دەزگەهێ لۆتکە کو یێ تایبەتە ب ئاوارە و پەنابەران ڤە دیار کر: ل کنارێن وەلاتێ یۆنانێ گەمیەکا کۆچبەران کو پتری 50 کەسان تێدابوون ژێر ئاڤ بووینە، کو کۆچبەرێن هەرێما کوردستانێ ژی دناڤدا هەنە.
ئەڤرۆ سپێدێ گەمیەکا کۆچبەران، دڤیا ل کنارێن یۆنان خوە بگەهیننە کنارێن ئیتالیا، ل نێزیک دوورگەیا پاکسوس ل یۆنانێ تووشی روودانەکێ بوویە، کو پتری 50 کەسان د وێ گەمیێ دابوون، هندەک ژ وان خەلکێ هەرێما کوردستانێ بوون، بەلێ ناهێتە زانین کو وان گیانێ خوە ژ دستدایە یان نە؟.
گۆت ژی، پشتی وێ روودانێ پۆلیێن دەریایی یێن یۆنانێ دەست ب لێگەریانێ کریە، شیاینە 21 کۆچبەران رزگار بکەن و تەرمێ 12 کەسان ژی ئینایە دەر، نێزیکی 17 کۆچبەرێن دیتر ژی بێسەروشین بووینە.
ئه‌ڤرۆ نیۆز، ره‌مه‌زان هه‌رنى:
چه‌ند ساله ل وه‌رزێ زستانێ رێژه‌كا باش گه‌شتیارا قه‌ستا كوردستانێ دكه‌ن ژبه‌ر ئارامى و جهێن وێ یێن گه‌شتیاریا زستانێ ئه‌ڤ چه‌نده بۆیه ده‌لیڤه‌ك به‌رهه‌مێ خوماڵیێ كوردستانێ ب رێژه‌كا باشتر بهێته فروتن.
ئه‌لیسا محه‌مه‌د گه‌شتیاره‌كا عه‌ره‌به ل كوردستانێ بۆ ئه‌ڤرۆ نیۆز گوت : گه‌له‌ك سه‌رسامم ب كوردستانێ ب جوانى و ئارامیا وێ كوردستان یا ده‌وله‌مه‌نده ب كه‌رتێ چاندنێ بله‌ز دكه‌ڤم سه‌ردانا كوردستانێ بكه‌م داكو تێر تشتى َخوماڵیێ كوردستانێ بكرم.
رێباز ئه‌حمه‌د هاولاتیه‌كێ كوردستانێ یه بۆ ئه‌ڤرۆ گوت : پێدڤیه حوكمه‌ت زێده‌تر گرنگیێ به‌رهه‌مێ خوماڵى و نافخوه‌یێ بده‌ت و بۆ وێ چه‌ندێ به‌رهه‌مێ كوردستانێ یێ خومالى بچیته هه‌موو پارێزگه‌هێن عیراقێ ، كوردستان یا ده‌وله‌مه‌نده ب رهه‌مێن خوارنا روژانه یێن خومالێ بتنێ ل نافخوه دهێن فروتن به‌لێ ژبه‌ر رێژا زورا گه‌شتیارا خواسته‌كا باش كه‌فتیه سه‌ر.
سه‌رده‌م عارف فروشیاره‌كێ به‌رهه‌مێن خوماڵیه ل كوردستانێَ بۆ ئه‌ڤرۆ نیۆز گوت : چه‌ندین ساڵه دوكانا فروتنا كه‌ره‌سته‌و كه‌ل و په‌لێن خوارنا روژانه‌یا خوماڵى دفروشم به‌لێ ئه‌ڤه چه‌ندین ساڵه ژبه‌ر رێژا زورا گه‌شتیارێن بیانى ب گشتى و عیراقى ب تایبه‌ت خواسته‌كا باشتر كه‌فتیه سه‌ر تایبه‌ت ل وه‌رزێ زڤستانێ دا .
نيشاندان