ئەڤرۆ نیوز، عەلی حاجی:

بەرپرسێ بنگەهێ زاخۆ یێ چاڤدێریا بازرگانی د داخویانیەکێ دا بۆ ئەڤرۆ نیوز دیار: کر هەیڤانە وەکو نەسریە ب تنێ ١٠٠ هزار دینار بۆ مە دهێنە تەرخان کرن و سالا بوری ب زێدەتری سێ ملیون دیناران جهـ هاتینە سزادان.
زێدەتر جەگەر خوین عەلی گوت : ل سالا بوری بنگەهێ مە یێ چاڤدێریا بازرگانی ل زاخۆ شیا ٢٨ جهێن بازرگانی بۆ ماوێ چەند روژەکان دائێخیت ژ ئەگەرێ وان جهان ب رێنمایان ڤە کو پرانیا وان جهان ژی مارکێت بوون، دیسان مە شیا ١٩ جهان ب گوژمەکێ پارەی سزا بدەن کو ٩ ژ وان مارکێت بوون و دیسان ٢ کۆمپانی بوون کو سەرجەمێ گشتیێ کوژمێ پارەیی یێ سزایێن سالا بوری دگەهشتە سێ ملیۆن ٦٨٥ ملیون دیناران، دیسان زێدەتری ١٤٠ تەنان ژ کەرەستێن هشک و زێدەتری ٤ تەن و ٨٩٤ لترێن کەرەستێن روون و دیسان ٢٥٠ پلاستەر ١٤٩ تەکێن پاکێتان و ٧٧٨ یەکێن حەفازان ژلایێ مەڤە هاتنە ژناڤبرن کو پرانیا وان ژی ئێکسپایەر و ب کێر بکار هاتنێ نەدهاتن.
زێدەتر ناڤهاتی گوت : ب تنێ چار کەس ل بنگەهێ مە کار دکەن و ئەڤە ژی بارگرانیەکا مەزنە ل سەر ملێ مە ژبەر کو باژێرێ زاخۆ مەزنە و بنگەهێ بازرگانی یە و ئەڤە ژی وەدکەت ئەم نەشین ب دروستی بازاری کونترول بکەن و سەر هندێ را ژی مەهانە ب تنێ ١٠٠ هزار دینار مەهانە وەکو مەسری یە بۆ بنگەهێ مە دهێتە خەرچ کرن و براستی ژی ئەم نوزانین پێدڤیێن بنگەهی بکرین یان ژی کارێن دیتر بکەین و هەتا نوکە مە ترۆمبێلەکا حکومی نینە بشێن کارێن بنگەهی پێ ب رێڤە بەین و ئەم نەچارین ترومبێلەکێ ب کرێ بگرین.

 
ئەڤرۆ نیوز، عەلی حاجی :

 
ئەنداما پەرلەمانێ عێراقێ وەسفیا شێخو وەکو کارەکێ ئەخلاقی و مرۆڤایەتی ل سنورێ دەڤەرا زاخۆ پێدڤیێن قوتابخانێ بۆ ١٠٢ قوتابیێن سێ قوتابخانان دابین کرن.
کەسەکێ نێزیک ژ وێ ئەنداما پەرلەمانا عێراقێ یا ب سەر فراکسیونا پارتی ڤە بۆ ئەڤرۆ نیوز گوت : د دەما بانگەشا هەلبژارتنێن پەرلەمانێ عێراقێ دا وەسفیایێ سوز دا بوو نیڤا مووچێ خوە بۆ خەلکێ و ب تایبەتی تەخا کێم دەرامەتان دابین بکەت لەورا د بەردەوامیا بجهـ ئینانا سوزا خوە پەرلەمانتارا ناڤبری وەکو کارەکێ مروڤایەتی و ئەخلاقی رابوو ب دابین کرنا پێدڤیێن قوتابخانێ بۆ ١٠٢ قوتابیێن کور و کچ ل هەر ژ ئێک قوتابخانەیێن ل گوندێن ( دارهوزان و ئاڤگەنی و کەرپت تەیمور ) و هەر دیسان پەرلەمانتارا ناڤبری سوز دا بەردەوام بیت ل سەر وێ سوزا دایی و مەهانە نیڤەکا موچەیێ خوە بدەتە خەلکی پێخەمەتی وێ چەندێ خزمەتەکا ژ هەژیتر بۆ خەلکی بکەت.

ئەڤرۆ نیوز، عەلی حاجی :

ئەنداما لژنا تەندروستی و مافێ بکار بەر ل پەرلەمانێ کوردستانێ بۆ ئەڤرۆ نیوز دیار کر: ل هەیڤا هەشت یا سالا بوری مە دووڤچوونا ئاریشەیا نەراکرنا گلێشی ل زاخۆ کربوو بەلێ لدووڤ ئاخڤتنا جهێن پەیوەندیدار دیار کرن کۆ ماوێ دو هەیڤان لدووڤ هەڤبەستێ کومپانیێ دەلیڤە هەیە ئامیرەیان دابین بکەت.
زێدەتر رۆژان ئیبراهیم گوت : مە وەزارەتا باژێرڤانیان ل حکومەتا هەرێما کوردستانێ ژی ئاگەهدار کری یە لدووڤ وێ چەندێ کو کومپانیا راکرنا گلێشی ل زاخۆ ژ سەرجەمێ ٦٥ ترومبێلان هەتا نوکە بتنێ ٣٧ ترومبێل ئیناینە و وەزارەتا باژێرڤانیێ ژی بتنێ هەیڤەک وەک مولەت دایە کومپانیێ ئامیرێن مایی ژی بێخیتە د کاری دا و هەر دیسان کومپانیێ دیار کری یە کو د ماوەیێ دو روژێن بوری دا هندەک ترومبێلێن دیتر ژی ئیناتینە بۆ کارکرنێ،ل گەلەک تاخان هەتا ٧ روژان ژی بەرمایک ناهێنە راکرن ئەڤە ژی بویە جهێ گازندێ ل دەف هاولاتیان و ئەم دێ بەردەوام دیڤچوونا ڤێ کێشەیێ کەین.
ناڤهاتیێ ئەو چەندە ژی گوت : نوکە دا ئاریشا کومپانیێ ل وەزارەتا دارایی مایە و ڤێ حەفتیێ هەتا حەفتیا بهێت دێ سەرەدانا وەزارەتا دارایی کەم دا کو پارەیێ کومپانیێ بهێتە دان و ئەو ژی ژلایێ خوەڤە دروستی کارێ خوە بکەت و هەکە ب دروستی کارێ خوە ئەنجام نەدا دێ هەولێن لادانا هەڤبەستا کومپانیێ کەین،هەر دیسان پارچە زەڤیەک ژی بۆ بن ئەرد کرنا گلێشی هاتیە دابین کرن بەلێ کومپانی ل وی ئەری گلێشی بن ئەرد ناکەت هەر چەند بن ئەرد کرنا گلێشی ژ کارەساتایە و کومپانیا جێبەجێ کار رادبیت ب سوتنا گلێشی و پێدڤی یە ئەو بەرمایک بهێنە ریسایت کلین کرن،کێماسیێن زور د کارێ کومپانیێ دا هەنە و دێ بەردەوام بین ل سەر دووڤچوونێ بۆ ئێکلا کرنا ڤی بابەتی .