ئه‌ڤرۆ نيوز:
ب وێنه… رێ و ره‌سمێن جه‌ژنا حه‌زره‌تێ مه‌سيح ل دهۆكێ
نووترين نووچه
- چەتینەر چەتین: مەسرور بارزانی دشێت رۆلەكێ كاریگەر د پرۆسەیا چارەسەركرنا كێشەیا كوردی دا بگێڕیت
- دخوازین بەرسڤا باوەری و دەنگێن ب پارتی هاتینە دان بدەین
- گەلێ كورد پێدڤی ب ئێكگۆتاری و پەیڕەوكرنا رێنمایێن سەرۆك بارزانی یە
- ماكرۆن كار دكەت باوەریێ بۆ ترەمپی دروست بكەت دا کو هێزێن ئەمریكی ژ رۆژئاڤایێ كوردستانێ نەڤەكێشیت
- مەسرور بارزانی و سەرۆككۆمارێ توركیا كۆمبوون
- ژ بودجا 2024 ژ 20 ترلیۆن دیناران بەغدا تنێ 10 ترلیۆن بۆ هەرێمێ یێن هنارتین
- پسپۆرەكێ وزێ یێ ئەمریكی: ئیراق خوە بریندار دكەت دا زیانێ ب ئابوورێ كوردستانێ بگەهینیت
- پارتێن سیاسی پشتەڤانیێ ل قۆناغا ئاشتیێ ل تورکیا دکەن
- ل نێزیك كۆنفرانسێن ناڤخوەیی یێن پارتی ل دەڤەرێن كوردستانی دێ هێنە ئەنجامدان
- فراكسیۆنا پارتی: ل گەل درێژكرنا دەمێ كۆمسیۆنێ نینین
سه‌ره‌كى نووترين نووچه
فه‌رمانا دامه‌زراندنا مامۆستايێن گرێبه‌ست دێ هێته ده‌ركرن
ئه‌ڤرۆ نيوز:
ل ده‌ستپێكا سالا نوو سه‌رۆكايه‌تيا جڤاتا وه‌زيران دێ فه‌رمانا دامه‌زراندنا مامۆستايێن گرێبه‌ست ده‌ركه‌ت.
ژێده‌ره‌كێ به‌ربرس ژ وه‌زاره‌تا په‌روه‌ردێ راگه‌هاند” برياره ل ڤان نێزكان فه‌رمانا دامه‌زراندنا مامۆستايێن گرێبه‌ست بهێته ده‌ركرن”.
هه‌روه‌سا عه‌بدلحه‌كيم خسرۆ، سه‌رۆكێ فه‌رمانگه‌ها هه‌ماهه‌نگيێ و پێداچوونێ ل جڤاتا وه‌زيران بۆ باسنيوز گۆت” ل سالا نوو فه‌رمانا دامه‌زراندنا مامۆستايێن گرێبه‌ست دێ هێته ده‌ركرن و مامه‌لێن دامه‌زراندنێ دێ بۆ هێنه ب رێڤه‌برن و ئه‌ڤ بابه‌ته دێ ب دووماهى هێت”.
ل رۆژا 6/11/2019 سه‌رۆكايه‌تيا جڤاتا وه‌زيران ل هه‌رێما كوردستانێ بريار دابوو ب دامه‌زراندنا مامۆستايێن گرێبه‌ست كو هژمارا وان شه‌ش هزار كه‌سن و ده‌مێ كاركرنا وان وه‌كو گرێبه‌ست وه‌كو خزمه‌ت دێ بۆ هێته هژمارتن.
بزانە دێ کەنگی گه‌را دووێ یا گازا سپی ل زاخۆ هێتە بەلاڤ کرن
ئەڤرۆ نیز،عەلی حاجی :
نونەرێ قایممقامیا زاخۆ بۆ ئەڤرۆ نیوز دیار کر پشتی ب دوماهی هاتنا بهێنڤەدانا سەرێ سالا نوو ٢٠٢٠ێ دەست ب بەلاڤکرنا گه‌را دووێ یا گازا سپی دناڤ سەنتەرێ زاخۆ دا هێتە کرن .
زێدەتر نیشان بوغوس گوت : نوکە دا گەرا ئێکێ یا بەلاڤ کرنا گازا سپی ل سەر وان ١٦ برێکارێن هاتینە دەست نیشان کرن ب دوماهی هات کو ئەو پلێتێن د گەرا ئێکێ دا هاتینە بەلاڤ کرن دبوونە چار هزار پلێت و گەرا ئێکێ ب دوماهی هات،ژبەر کو پلێتێن گازا سپی ل پارێزگەها دهوکێ بۆ هەژمارەکا دیترا برێکارێن گازا سپی نەهاتینە چاپ کرن دێ گەرا دووێ پشتی دەست پێکرنا دەواما فەرمی ل دەست پێکا سالا نوو هێتە بەلاڤ کرن ژبەر کو دێ پلێت هێنە چاپ کرن و ل دووف دا دێ وان پلێتان ل سەر هەژمارەکا برێکارێن دیتر بەلاڤ کەین،ئەم ب هێڤی بوین د ماوەیێ بهێن ڤەدانێ ژی داگازا سپی بەلاڤ بکەین بەلێ ژبەر نەبونا پلێتان گەرا دووێ نەهاتە بەلاڤ کرن.
گوت ژی : گەرا دووێ دێ ل گەرکا فرقێ بیت و دگەل هندەک برێکارێن دیتر ل نەخوشخانا سەعید پیرانی و ژبەرکو هاولاتیێن ل ڤان تاخان بەهرا خوە یا گازا سپی ل سالا بوری وەرنەگرت بوون وبریارە ل سالا ٢٠٢٠ دا بەهرا خوە یا گازا سپی وەربگرن.
دەزگایێ بارزانی هەژمارەکا هاریکاریان بەلاڤ کرن
ئەڤرۆ نیوز،عەلی حاجی :
بەرپرسێ نڤێسینگەها زاخۆ یا دەزگایێ خێرخوازیێ بارزانی د داخویانیەکێ دا بۆ ئەڤرۆ نیوز راگەهاند ل هەیڤا ١٢ دا هندەک پێدڤیێن ئازوقەیی و پاقژکرنێ ل سەر هەژمارەکا هاولاتیان هاتنە بەلاڤ کرن و زێدەباری وێ چەندێ ژی هەژمارەکا ئامیرەیێن خودان پێدڤیێن تایبەت ژی هاتنە بەلاڤ کرن.
زێدەتر محەمەد مەهدی گوت : نڤێسینگەها زاخۆ یا دەزگایێ خێرخوازیێ بارزانی ب هەماهەنگی دگەل نڤێسینگەها هەوار هاتنا قەیرانان ئازوقە و کەل و پەلێن پاقژکرنێ ل سەر ٢٠٠ خێزانان بەلاڤ کرن کو بۆ هەر خێزانەکێ ٣٥ کێلویێن ئازوقەی پێک هات بون و هەر دیسان دەزگایی بارزانیێ نەمر ٣٠ کارتونێن ئازوقەیی ل سەر ٣٠ خودان پێدڤیێن تایبەت بەلاڤکرن و زێدەباری و چەندێ د بەردەوامیا هاریکاکرنا خودان پێدڤیێن تایبەت ١٠ ئامیرە ( عەرەبانێن ڤەگوهاستنێ) هاتنە بەلاڤ کرنێ و هەر د ناڤ کەمپێن باژێرێ زاخۆ دا چەندین خولێن فێرکرنێ و وەرزشی هاتنە ڤەکرن.
تیمێن 122 شوفێرەك ل چیایەكێ شێخان ژ مرنێ رزگاركر
ئەڤرۆ نيوز،بارزان مزووری:
سەروار نزار،هاریكارێ نوژداری ل تیما 122 قەسرۆك بۆ ئەڤرۆ نیوز گوت:ئەڤرۆ دەمژمێر سێشه‌مبى 24/12/2019 تیما مە هاته ئاگەهداركرن كۆ ترۆمبێلەكا بارهەلگر ل چیایێ چیاپانگی د ناڤبەرا سنورێن هەردو ناحیێن قەسرۆك و ئەترۆش وەرگەریا وشوفێر دناڤ دا ئاسێ مايه، ئێكسەر گەهشتین جهێ رویدانێ بۆ ده‌مێ ئێك دەمژمێر هەتا شیاین شوفێرێ ژناڤ ترۆمبێلێ دا بینەدەر و برینێن وى چارەسەربكەین وبۆ نەخوه‌شخانا تەنگاڤیان ل شێخان ڤەدگوهێزین،هه‌كه تیمێن مە د هەوارا وی شوفێری نەچوبان، دا دناڤ ترۆمبێلێ دا گیانێ خوه ژ دەست دەت،
ناڤهاتی خویاكر ئەو ترۆمبێلا بارهەلگر بارێ خوه باركربۆ دا چیتە چیایێ چیاپانك دگەهیتە نیڤا رێكێ ستوپ نامینیت ئێكسەر ترۆمبێل ژدەستا دەردكەڤیت و وەرگه‌ريت و زیانێن مەزن ب ترۆمبێلێ دكەڤن،
گوت ژى، شوفێرێ برينداربووى بناڤێ”عبدالرەحمان مەحموود رەشد” ژیێ وی 45 سالە ئاكنجیێ گوندێ زیناڤایە سەر ب ناحیا كەلەكچی ڤە.
سه‌رۆك بارزانى په‌يامه‌كێ به‌لاڤ دكه‌ت
ئه‌ڤرۆ نيوز:
ب هه‌لكه‌فتا جه‌ژنا ژ دايكبوونا حه‌زره‌تێ مه‌سيح، سه‌رۆك مه‌سعود بارزانى په‌يامه‌كا پيرۆزباهيێ ئاراسته‌ى سه‌رجه‌م مه‌سيحيان دكه‌ت و دووپاتيێ ل سه‌ر ب هێزكرنا فه‌رهه‌نگا پێكڤه‌ژيانا پێكهاتێن هه‌رێما كوردستانێ دكه‌ت.
سه‌رۆك بارزانى د په‌ياما خوه دا دبێژيت”ب هه‌لكه‌فتا سه‌رێ سالا نوو يا زايينى و جه‌ژنا ژ دايكبوونا حه‌زره‌تێ عيسايێ مه‌سيح، گه‌رمترين پيرۆزباهيێن خوه ئاراسته‌ى خوشك و برايێن مه‌سيحى ل كوردستانێ و عيراقێ وجيهانێ دكه‌م و هيڤيا شاديێ و به‌خته‌وه‌ريێ بۆ دخوازم”.
سه‌رۆك بارزانى گۆت ژى” ب ڤى هه‌لكه‌فتێ دووپاتيێ ل سه‌ر ب هێزكرنا فه‌رهه‌نگا پێكڤه‌ژيانێ و برايه‌تيێ دناڤبه‌را پێكهاتێن هه‌رێما كوردستانێ دكه‌م و ئومێدا وێ چه‌ندێ ژى دخوازم خوشك و برايێن مه يێن مه‌سيحى هه‌موو جه‌ژن و هه‌لكه‌فت و خوه‌شيێن خوه ب ئارامى و ته‌بايى ب رێڤه ببه‌ن و ئاشتى و برايه‌تى ژى ل ده‌ڤه‌را مه به‌رقه‌رار بيت”.
ب ڤیدیو … ساخلەمیا زاخۆ ئامارا سالا 2019 راگەهاند
ئەڤرۆ نیوز،عەلی حاجی :
ئەڤرۆ سێ شەمبێ 24/12/2019 رێڤەبەریا ساخلەمیا زاخۆ د كونگرەیەكێ روژنامەڤانی دا ئامارا سالا 2019 ل باژێرێ زاخۆ راگەهاند و د وێ ئامارێ دا بەحس ل رێژەیا ژ دایك بون و گیان ژدەست دان خەلكێ زاخۆ ئاوارەیان هاتە كرن و ئەڤ سالە رێژەیا ژ دایك بونا زاروویێن خوەجهیێن زاخۆ زێدەتر بوو ژ ئاوارەیان،دكتور قەرەنی هەر د وی كونگرەیی دا دیار كر 241 كەس دناڤ نەخوشخانەیێن زاخۆ دا و 518 كەس دەرڤەی نەخوشخانێ گیانێ خوە ژدەست داینە .
ب ڤیدیو- گەشتوگۆزارا دهۆکێ ئامارێن 2019 و پلانا 2020 بەلاڤکر
ئەڤرۆ نیوز، نەوزاد هلۆری:
رێڤەبەریا گشتی یا گەشتوگۆزارێ ل پارێزگەها دهۆکێ ئامارا کار و چالاکی و هژمارا گەشتیاران د سالا 2019 دا بۆ پارێزگەها دهۆکێ د کونفرانسەکێ رۆژنامەڤانی دا بەلاڤکر، ب گورەی ئامارا وان ئەڤ سالە نێزیکێ نیڤ ملیون گەشتیاران قەستا پارێزگەها دهۆکێ کریە، هەر د کونفرانسی دا پلانا 2020 ژی بۆ باشترکرنا کەرتێ گەشتوگۆزار راگەهاند.
ب ڤیدیو … ئامارا رێڤه‌به‌ريێن زاخۆ يا سالا 2019 هاته راگه‌هاندن
ئەڤرۆ نیوز،عەلی حاجی :
ئەڤرۆ سێ شەمبێ 24/12/2019 د كونگرەیەكێ روژنامەڤانی دا بوتان محسن قايمقامێ زاخۆ ئامارا رێڤەبەریێن دەڤەرا زاخۆ راگەهاند كو د وی كونگرەیی دا قايمقامێ زاخۆ تیشك ئێخستە سەر وان خزمەتگوزاری و پرۆژەیێن حوكمه‌تا هەرێما كوردستانێ پێشكێشی خەلكێ زاخۆ كرین.
بوتان محسن د كونگرەیێ روژنامەڤانی دا بۆ دەزگایێن راگەهاندنێ دیار كر ژ وان پروژەیێن هاتینە پێشكێش كرن 99% ژ لایێ حوكمه‌تا هەرێما كوردستانێ ڤە بوینە و 1% ژلایێ رێكخراو و كومپانیا ڤە هاتینە ئەنجام دان .
پێله‌كا به‌فر و بارانێ دێ هه‌رێما كوردستانێ ڤه‌گريت
ئه‌ڤرۆ نيوز:
ده‌سته‌يا گشتى يا كه‌شناسيێ ل عيراقێ راگه‌هاند، سوباهى سێشه‌مبى ژ ئه‌گه‌رێ كاريگه‌ريا نزمه پاله‌په‌ستويێ جه‌مسه‌رێ له‌زاتيا باى دێ چالاك بيت و گه‌هيته نێزيكى 30 كيلۆمه‌تران د ده‌مژمێره‌كێ دا و پلێن گه‌رمێ دێ نزم بن و ل رۆژێن چار شه‌مبى و پێنجشه‌مبى له‌زاتيا باى دێ گه‌هيته 40 كيلۆمه‌تران.
دياركر ژى” ل رۆژا چارشه‌مبى ژ ئه‌گه‌رێ نزمه پاله‌په‌ستويێ ده‌ريا ناڤه‌راست، پێله‌كا بارانێ دێ ده‌ڤه‌رێن هه‌رێما كوردستانێ ڤه‌گريت و بريسى ژى دێ دگه‌لدا بن و ل رۆژا پێنجشه‌مبى ل ده‌ڤه‌رێن چيايى دێ ئه‌و پێله زێده‌تر بيت”.
كه‌شناسيا عيراقێ راگه‌هاند ژى” ل رۆژا پێنجشه‌مبى دێ پێله‌كا به‌فر بارينێ ده‌ڤه‌رێن چيايى ل هه‌رێما كوردستانێ ڤه‌گريت و پلێن گه‌رمێ كو زێده‌تر هێنه خوار و له‌زانيت باى ژى دێ زێده‌تر بيت و گه‌هيته 30 – 40 كيلۆمه‌تران د ده‌مژمێره‌كێ دا و دێ ئاستێ ديتنێ ژى كێم بيت”.
نيشاندان
WP Facebook Auto Publish Powered By : XYZScripts.com