ئه‌ڤرۆ نیوز:
د.ئومێد سه‌باح سه‌رۆكێ دیوانا جڤاتا وه‌زیران راگه‌هاند: سه‌ر هه‌موو كارێن ل گه‌ل په‌رله‌مانی رێكه‌تین و 60 رۆژ پێدڤی نه بۆ ئه‌وێ چه‌ندێ 5په‌یره‌وان دابنین بۆ بجهكرنا یاسایێ، چونكو بجهكرنا ئه‌ڤێ یاسایێ پێدڤی ب په‌یره‌وه‌كی هه‌یه، كۆ 5 په‌یره‌وێن جودا و 60رۆژ دڤێن كۆ حوكمه‌ت ئه‌وی په‌یره‌وی بجه بكه‌ت، پشتی ئه‌و په‌یره‌و ژلایێ په‌رله‌مانی ڤه هاتینه دانان، ئه‌ڤی پرۆژه‌یی 14 سێكته‌ر و بیاڤێن جدا بخوڤه گرتینه، لورا هه‌تا نه‌كه‌فته دبیاڤێ بجهكرنێ نه‌شیێن ژماره‌یێن دروست بێژین كۆ داهات بۆ خزینه‌یا حوكمه‌تێ دزڤریت.
ئومێد سه‌باحی ئه‌و چه‌نده ژی دیاركر دوماهی دارشتنا په‌رله‌مانی ل سه‌ر موچه‌یێ خانه‌نشینێن پله بالا 15% ژ ته‌ڤایا مووچه‌ی و ده‌رماله‌یان دبیت، 1.5 بۆ هه‌ر ساله‌كا خزمه‌تێ دهێته هژمارتن،ل هه‌می بیاڤان نابیت 50% یا مووچه و ده‌رماله‌یان بیت، ئه‌ڤ پیڤه‌ره دێ شێت دادوه‌ریه‌كێ دروست كه‌ن دناڤبه‌را پله بالا و پله‌یێن ئاسایی.
ئه‌ڤرۆ، نیوز:
ئه‌حمه‌د سه‌فار بریارده‌رێ لژنا دارایی ل جڤاتا نوونه‌رێن عیراقێ ئه‌و نفیسارا لژنا ده‌ستپاكیێ بۆ وه‌زاره‌تا دارایی چ گرۆڤه‌كێ یاسایی نینه، نفیسار ژلایێ سه‌رۆكێ لژنا ده‌ستپایێ هاتیه هنارتن و جێگرێ وی ئیمزاكریه، بابه‌ت ژی سزادانا سیاسی یه چونكو كورد پشكداری كۆمبوونا جڤاتا نوونه‌رێن عیراقێ نه‌كریه، هێشتا یاسای بۆدجا 2020 نه‌هاتیه په‌سندكرن كار ب یاسایا بۆدجا 2019 دهێته‌كرن و ئه‌ڤ پێنگاڤێن هاتینه هاڤێتن پێنگاڤێن سیاسی نه.
محه‌مه‌د سه‌عید عه‌باس سه‌رۆكێ لژنا ده‌ستپایێ یا جڤاتا نوونه‌رێن عیراقێ ب نفیسارا ژماره (م/ن/16/25) ل رۆژا 15/1/2020 بۆ نفیسنگه‌ها وه‌زیرێ دارایی یێ عیراقێ هاتیه هنارتن و تێدا داخازا برینا شایسته‌یێن دارایی یێن هه‌رێما كوردستانێ كریه، ب ئه‌گه‌رێ پێگیرنه‌بوونا هه‌رێما كوردستانێ ب هنارتنا پترۆلێ و داهاتێن ناڤخویی بۆ حوكمه‌تا ناڤه‌ندێ.
ئەڤرۆ نیوز:
وه‌زیرێ ده‌رڤە یێ ئهمریكا دیار کر: بۆ هێزێن خوە ل عیراقێ ئەم ل جهەکێ ئارام و گونجای دگهرین. شاره‌زایه‌كێ سه‌ربازی ژی دبێژیت، مه‌به‌ستا ئهمریكا ژ وی جهێ ئارام و گونجای هه‌رێما كوردستانێ یە.
پشتی د دەمێ بوری دا چه‌ندین جاران هێرش هاتیە كرن بۆ سه‌ر هێزێن ئهمریكا ل ناڤا ئاخا عیراقێ، مایك پۆمپیۆ، وه‌زیرێ ده‌رڤە یێ ئهمریكا حەزا وەلاتێ خوە ئاشكرا كر بۆ ڤەگوهاستنا پشکەک ژ هێزێن وان و دبێژیت: لدووڤ جهەکێ گونجای و ئارام دا دگهرین بۆ هێزێن خوە ل ناڤا عیراقێ.
محه‌مه‌د سابر، شاره‌زایەکێ سه‌ربازیە دبێژیت، مه‌به‌ستا ئهمریكا ژ وی جهێ ئارام و گونجای هه‌رێما كوردستانێ یه، چونكی باشترین جهـ بۆ ئهمریكا کو هێزێن وێ تێدا بهێنە پاراستن، هه‌رێما كوردستانێ یه.
هەروەسا مه‌حمود ئۆسمان، سیاسه‌تمه‌دارێ كورد دبێژیت، ڤەگوهاستنا هێزێن ئهمریكا ل ڤێ دەڤەرێ بۆ هه‌رێما كوردستانێ دڤێ قۆناغێ دا یا مه‌ترسیداره و دڤێت كورد ب تنێ ل وی دەمی ب داخوازیا ئەمریکا رازی بن، كو واشنتۆن سه‌ربه‌خۆیا كوردستانێ قەبوول بكەت.
ئەڤرۆ نیوز:
كەساتیێن سوننی د وێ باوەریێ دانە، باشترین چارەسەری بۆ ڤی دۆخێ نوکە ل عیراقێ، دابەشبوونا عیراقێ یە بۆ سێ ھەرێمێن سەربەخۆ، شیعە، سوننە، كورد، بۆ ڤێ ژی سوننی دخوازن ھەرێما وان دەربارەی ئاسایش و سەقامگیریێ ھەڤشێوێ ھەرێما كوردستانێ بیت.
پێكئینانا ھەرێمەکا سەربەخۆ بۆ سونیان، یا ب ساناهی نابیت، بەلێ داخوازیان ئەوە ئەڤ خەونە ببیتە راستی، چونكی شیعە وەسا ب ساناهی خوە ب ده‌ست دابەشكرنا عیراقێ ناده‌ن، چونکی شیعی زۆرینەنە ل عیراقێ، ب تنێ فشارێن دەرڤە دشێن وان رازی بكەن.
ئەڤرۆ نیوز:
پەرلەمانێ كوردستانێ دێ دەنگ ل سەر پڕۆژە قانوونا چاكسازیێ دەت و لیژنێن تایبەتمەند دێ راپۆرتا دوماهیێ ل سەر پێشنیازێن خواندنا دویێ تەمام کەن.
پرۆژە قانوونا چاکسازیێ ژ 21 مادان پێكهاتیە پشتی پەسەندکرنێ، دێ پەرلەمان ره‌وانه‌ی سەرۆکاتیا هەرێما کوردستانێ کەت و پشتی بەلاڤبوونێ، دڤێت جڤاتا وەزیران د ماوێ دو مەهان دا دەست ب جێبەجێکرنا وێ قانوونێ بکەت، ب ڤێ چەندێ دێ پێنگاڤێن رێکخستنا خانەنشینیێ، مووچەی، پێدانا دەرمالە و ئیمتیازاتان و ئێکخستنا هێزێن پێیشمەرگەی دەست پێ کەت.
ئەڤرۆ نیوز:
رۆژناما وول ستریت جۆرنال یا ئەمریکی راپۆرتەک ل سەر عیراقێ بەلاڤە کریە و تێدا ئاماژە ب هندێ دایە، کو هەردو وەزارەتێن دەرڤە و بەرگریا ئەمریکا مژوولی پلانا کێمکرنا هاریکاریێن سەربازینە بۆ عیراقێ.
هەروەسا وێ رۆژنامێ بەلاڤە کریە، ژ ئەگەرێ جێبەجێکرنا وێ بریارا پەرلەمانێ عیراقێ، ئەمریکا دێ ب گۆژمێ 250 ملیۆن دۆلاران د سالا 2020، هاریکاریێن سەربازی بۆ هێزێن عیراقی کێم کەت.
پێشتر دۆنالد ترەمپی سەرۆکێ ئەمریکا هرشێن ژ ناڤبرنا ئابوورێ عیراقێ کربوو، کو هەکە بریارا دەرکرنا هێزێن ئەمریکا ل عیراقێ بهێتە دان، ئەمریکا دێ هەموو پارێ عیراقێ ل بانکا فیدرالی یا ئەمریکا سر کەت.
ئەڤرۆ نیوز، نەوزاد هلۆری:
شلێر بارزانی، ئەنداما تیپا کانی بوت ل بارا ڤەکرنا موزەخانا کانی بوت بۆ ئەڤرۆ نیوز گۆت: (ب مەرەما گرنگیدان و ساخکرنا کەلتوور و هونەر و داب و نەریتێن کور و کوردستانێ ب گشتی و دەڤەرا بارزان ب تایبەتی، موزەخانەکا کەلتوری و هونەری بناڤێ موزەخانا کانی بوت ل ناوچەیا کانی بوت یا سەر ب دەڤەرا بارزان هاتەدانان).
زێدەتر گۆت: (تیپا کانی بوت پێشتر ژی چەندین خزمەتێن هونەری و کەلتوری و جوراوجور ئەنجام داینە و دخوازین ب رێیا موزەخانێ و تیپا کانی بوت ژی زێدەتر خزمەتا دەڤەرێ بکەین).
ئەڤرۆ نیوز، زنار تۆڤی:
هێشتا رێژا باران بارینێ د ئەڤ ساله دا نەگەهشتیە رێژا سالا بوری، پار هەتا ڤی دەمی پتری 500 ملیمێن بارانێ ل سەنتەرێ ناحیا کانی ماسێ باری بوون، لێ ئەڤ سالە ئەو رێژە گەلەک کێمترە.
مستەفا چەلکی ژ هۆبا چاندنا کانی ماسێ بۆ ئەڤرۆ نیوز دیار کر: د ئەڤ سالە دا ل سەنتەرێ ناحیا کانی ماسێ 203 ملیمێن بارانێ بارینە، هەروەسا 135 سەنتیمێن بەفرێ ژی بارینە، لێ ل سالا بوری هەتا ڤی دەمی پتری 500 ملیمێن بارانێ ل ناحیا کانی ماسێ باری بوون، هەر چەندە هێشتا وەرزێ زڤستانێ گەلەک یێ مایی و ئەم ب هیڤی نە ئەڤ سالە ژی رێژا باران بارینێ وەکو سالا بوری یا باش بیت.
نيشاندان