نووترين نووچه
- دڤێت رەفتارا نە دادپەروەرانەیا ل گەل فەرمانبەرێن هەرێما كوردستانێ دهێتە كرن ب دووماهی بهێت
- مستەفا كازمی: پێدڤییە سیستەمێ كونفیدرالی ل ئیراقێ بهێتە پەیڕەوكرن
- میسال ئالۆسی: سیاسەتا برسیكرنێ سیاسەتەكا فاشییانەیە.
- د. ڤیان سەبری: وەزیرێن كورد بۆ چارەسەركرنا كێشەیا مووچەی دێ ل گەل سۆدانی كۆمبن
- سەروەر هاواری: دەستەکەک د حوكمەتا ئیراقێ دا ناخوازیت كوردستان ببیتە خودانا هیچ تشتەكی
- نێچیرڤان بارزانی و وەزیرێ دەرڤە یێ ئەمریكا پەیوەندیێن هەولێرێ و واشنتۆنێ گەنگەشەكرن
- مەسرور بارزانی و جاكی رۆزن، ل سەر رێزگرتن و پاراستنا قەوارەیێ هەرێما كوردستانێ د هەڤڕابوون
- سەرۆكێ حوكمەتا هەرێمێ دوپاتیێ ل هنارتنا شایستەیێن دارایی یێن خەلكێ كوردستانێ دكەت
- هەتا بەری جەژنێ مووچەیێن خەلكێ كوردستانێ نەهێنە هنارتن دێ مە هەلوەستێ جدی هەبیت
- نەهنارتنا مووچەیێن فەرمانبەرێن كوردستانێ بڕیارەكا سیاسییە دژی ئیرادەیا گەلێ كوردستانێ و قەوارەیێ هەرێمێ
سه‌ره‌كى نووترين نووچه
ئوپێك: به‌رهه‌م ئینانا پترۆلێ ل عیراقێ به‌رده‌وامه
ئه‌ڤرۆ نیوز:
سكرتێرێ گشتی یێ رێكخراوا وه‌لاتێن هنارتنا پترۆلێ ئوپێكێ راگه‌هاند: به‌رهه‌م ئینانا پترۆلێ ل عیراقێ به‌رده‌وامه و سازی و دامه‌زراوێن پترۆلێ ئارام و بێ ئاریشه‌نه.
محه‌مه‌د باركیندو سكرتێرێ گشتی یێ رێكخراوا وه‌لاتێن هنارتنا پترۆلێ كۆ ئوپێكه دیاركر باوه‌ریه‌كا ته‌مام ب به‌رپرسێن رۆژهه‌لاتا ناڤین هه‌یه كۆ هه‌موو شیانێن خۆ بۆ كۆنترولكرنا ره‌وشێ دئێخنه كاری.
سكرتێرێ گشتی یێ ئوپێكێ گۆت: زێده‌باری هه‌ڤركی و دژواریا گه‌فێن شه‌ری و ئالوزیێن زۆر عیراق ب ته‌مامی پێگیرێ رێكه‌تنا ئوپێك پلاسه.
سكرتێرێ گشتی یێ ئوپێكێ گۆت ژی ل گه‌ل ئهوێ چه‌ندێ داخازیا كرینا پترۆلێ كێمه لێ ب نامه‌یه‌كێ ب سه‌رۆكێ ئه‌مریكا گه‌هاندیه كۆ ئوپێك بتنێ نه‌شێت ل بازارێ پترۆلێ هه‌ڤسه‌نگیێ ب پارێزیت.
هژمارەکا وەلاتیان ل چیایێ پیرس هاتنە رزگار کرن
ئەڤرۆ نیوز، نەوزاد هلۆری:
ژئەگەرێ بارینا پێلەکا بەفرێ، کێشە بۆ هاتن و چوونا ترۆمبێلا ل چیایێ پیرس دروست بو، ئەڤ یەک بویە ئەگەر کو پتری چوار ترومبێل ئاسێ ببن، باژێرڤانیا دینارتە پشکەک ژ وان رزگارکرن و کار بۆ رزگارکرنا یێن مای دکەت.
ردوان محیەدین، ژ راگەهاندنا باژێرڤانیا دینارتە بۆ ئەڤرۆ نیوز گۆت: (ژ ئەگەرێ بارینا پێلەکا بەفرێ ل چیایێ پیر، 28 ترومبێلێن وەلاتیان ل چیای ئاسێ بوینە، باژێرڤانیا مە 25 ژ وان رزگارکریە و چوار ژ وان ماینە و نوکە کار بۆ رزگارکرنا وان ژی دهێتەکرن).
زێدەتر گۆت (بارینا بەفرێ بەردەوامە و رێک ژی هاتیە گرتن و هاتن و چوون ب زەحمەت کەفتیە، لەوا دخوازن د نوکە دا وەلاتی نەچنە رێیا پیرس، داکو ژ روودانان بهێنە پاراستن).
سه‌رۆكاتیا باژێرڤانیا دینارته هوشداریێ دده‌ته شوفێران
ئه‌ڤرۆ نیوز، بارزان مزوورى:
نازم محه‌مه‌د ئه‌مین ، سه‌رپه‌رشتێ تیما رامالینا به‌فرێ ل سه‌رۆكاتیا باژێرڤانیا دینارته بۆ ئه‌ڤرۆ نیوز گۆت: ئه‌ڤ شه‌ڤه رێكه‌فتى 8/1/2020 تیمێن مه هاتینە ئاگه‌هداركرن كۆ زێده‌ترى 30 ترۆمبێلا دناڤ به‌فرێ دا ژ لوفێن چیایێ پیرس ل ده‌ڤه‌را دینارته دا ماینه ئاسێ ژ سه‌ده‌ما بارینا به‌فرێ پتریا وان ترۆمبێلا خێزان و زارۆك تێدانه تیمێن مه یێن رامالینا به‌فرێ ل گه‌ل رێڤه‌به‌ریا سه‌خبێریا رێك و پرا یا ئاكرێ به‌رده‌وام یێ به‌فرێ د رێ دا رادكه‌ن به‌لێ ژبه‌ركۆ قاته‌ك یێ وێ به‌فرێ بەستیێ گرتیە و به‌رده‌وام به‌فر ژى یا دباریت و تیمێن مه‌ژى به‌رده‌وامن بۆ پاقژكرنا به‌فرێ د رێ دا.
ناڤهاتى خویاكر زێده‌ترى 14 سه‌نتیمه‌ترا به‌فر باریە باران ژى یا به‌رده‌وامه داخواز ژ وه‌لاتیان دكه‌ین هاتن و چونێ بۆ سه‌ر ڤێ رێكێ نه‌كه‌ن د ئه‌ڤ شه‌ڤه دا.
ناڤهاتى گوت ئه‌و ترۆمبێلێن دناڤ به‌فرێ دا ئاسێ بووین نه‌بۆ گه‌شتێن ناڤ به‌فرێ هاتینه هه‌موو ژ وان رێڤنگن مه بزاڤكریه كۆ وان ترۆمبێلا دناڤ به‌فرێ دا قورتال بكه‌ین.
مووچێ 80 هزار خانه‌نشینان دێ زێده بیت
ئه‌ڤرۆ نیوز:
هیڤیدار ئه‌حمه‌د جێگرێ سه‌رۆكێ لژنا دارایى ل په‌رله‌مانێ كوردستانێ بۆ ئه‌ڤرۆ نیوز دیاركر: بڕیاره رۆژا ئێكشه‌مبیا بهێت خواندنا دویێ بۆ پرۆژه قانوونا چاكسازیێ بهێته كرن و ره‌نگه د ڤێ هه‌یڤێ دا بهێته په‌سه‌ندكرن، كو كێمترین مووچێ خانه‌نشینێ ژ 220 هزاران دێ بیته 300 هزار دینار كو دێ 80 هزار خانه‌نشینكرى مفاى ژێ وه‌رگرن و مووچێ وان دێ زێده بیت و گۆت” پاشكه‌فتێ مووچه‌ى هاتیه گره‌نتیكرن و دێ حسابا بانكى بۆ مووچه‌خوران هێته چێكرن و وه‌زاره‌تا دارایى دێ رێنمایان ل دۆر وێ یه‌كێ ده‌رئێخیت”.
هیڤیدار ئه‌حمه‌د، ئاماژه ب وێ یه‌كێ ژى كر كو ل دووڤ پرۆژه‌ى هه‌ر كه‌سێ ته‌مه‌نێ وى ببیته 45 سال و 15 سال خزمه‌ت هه‌بن، دشێت داخوازا خانه‌نشینێ بكه‌ت.
سەرۆکێ هەرێمێ: هەموو بزاڤەکێ بۆ ئارامیا هەرێما کوردستانێ دکەین
ئەڤرۆ نیوز:
سەرۆکێ هەرێما کوردستانێ نێچیرڤان بارزانی راگەهاند کو ئەو هەموو بزاڤەکێ دکەن دا ئالۆزیێن نها ل دەڤەرێ دوور ژ شەری بهێنە چارەسەرکرن و دیار کر کو هەموو بزاڤان دکەن دا هەرێما کوردستانێ یا پاراستی بیت.
سەرۆکێ هەرێما کوردستانێ ئەو یەک ژی دیار کر کو هەرێما کوردستانێ ژ بەر رەوشا نها یا ئالۆز گەلەک دلگرانە چونکو ئەو یەک کارتێکرنا خوە ل عیراقێ و هەرێما کوردستانێ کریە و گۆت: (مە داخواز ژ هەموو ئالیەکێ کریە کو بزاڤان بکەن دا کار بۆ ئارامیا دەڤەرێ بکەن).
نێچیرڤان بارزانی هەروەسا دیار کو ئەو ل دژی هندێ نە کو عیراق و هەرێما کوردستانێ ببنە مەیدانا ئاریشێن نها و ژ بۆ هندێ ژی ئەو وەکو هەرێما کوردستانێ ل گەل هەموو ئالیەکێ ل جیهانێ و دەڤەرێ د پەیوەندیێ دانە دا رەوش ئارام ببیت.
هه‌رسێ سه‌رۆكاتیێن هه‌رێمێ: رێكارێن سه‌ربازی ب چ شێوه‌یه‌كی ئاریشان چاره ناكه‌ت
ئه‌ڤرۆ نیوز:
پشتی كۆمبوونا سیێ سه‌رۆكاتیێن هه‌رێما كوردستانێ د راگه‌هاندنه‌كێ دا دلته‌نگیا خو ل سه‌ر ئه‌وان روودانێن ده‌ڤه‌رێ ده‌ربری و مه‌ترسیا تیرۆرێ به‌رفره‌هـ بوویه و گه‌فێن راسته‌قینه بۆ سه‌ر هه‌رێما كوردستانێ و عیراقێ و ده‌ڤه‌رێ هه‌یه.
سێ سه‌رۆكاتیێن هه‌رێما كوردستانێ ل سه‌ر پێشهاتێن سپێده‌هیا ئه‌ڤرۆ، ئاماژه ب وێ چه‌ندێ دایه كۆ رێكارێن سه‌ربازی ب چ شێوه‌یه‌كی ئاریشان چاره ناكه‌ت، هه‌ڤده‌م داخاز ژ هه‌موو لایه‌نان دكه‌ین هه‌رێما كوردستانێ ژ هه‌ڤركیان دوور بێخن.
د چارچوڤێ كۆمبوونێن خول یێن خودا، ئه‌ڤرۆ 8/1/2020 هه‌ر سێ سه‌رۆكاتیێن هه‌رێما كوردستانێ كۆمبوون.
د وێ كۆمبوونێ دا دوماهی پێشهاتێن هه‌رێما كوردستانێ و عیراقێ و ده‌ڤه‌رێ ئێخستنه به‌ر دانوستاندنان و هه‌لسه‌نگاندنێن هوور بۆ روودا و هه‌لویستێن حوكمه‌تا هه‌رێما كوردستانێ كرن، دڤی چارچوڤه‌یی دا هه‌ر سێ سه‌رۆكایه‌تیێن هه‌رێمێ، دلته‌نگیا خۆ بۆ گه‌شه‌كرنا روودانێن ده‌ڤه‌رێ ده‌ربری د ده‌مه‌كیدایه مه‌ترسیا تیرۆرێ به‌رفره‌هـ بوویه و گه‌فێن راسته‌قینه بۆ سه‌ر هه‌رێما كوردستانێ و عیراقێ و ده‌ڤه‌رێ هه‌نه.
ده‌ربارێ روودانێن چه‌ند رۆژێن بوری ب تایبه‌تی پێشهاتێن سپێده‌هیا ئه‌ڤرۆ، هه‌رێما كوردستانێ ته‌ئكید دكه‌ت كۆ رێكارێن سه‌ربازی ب چ ئاوایی ئاریشه‌یان چاره ناكه‌ت.
هه‌رێما كوردستانێ ل گه‌ل ئارامكرنا ره‌وشێ و دانوستاندنێ و چاره‌كرنا دیپلوماسیانه ئاریشه و سه‌قامگیری و ئارامیێ دایه، داخازێ ژ هه‌موو لایه‌كی دكه‌ین هه‌رێما كوردستانێ ژ هه‌ڤركیان دوور بێخن.
هه‌رێما كوردستانێ ب پشته‌ڤانیا هیزێن هه‌ڤپه‌یمانێن نێڤ دوله‌تی ل عیراقێ و هه‌رێماكوردستانێ بۆ به‌رده‌وامیا به‌رهنگاربوونا تیرۆرێ و ریب ری بوونا وان ب پێدڤی دزانیت، تایبه‌ت ل چه‌ند هه‌یڤێن بوری لڤینێن تیرۆری زۆر بووینه، له‌ورا داخازێ ژ جڤاكا نێڤ دوله‌تی ب چ شێوه‌یه‌كی رێكێ نه‌ده‌ت تیرۆر سه‌رهلبده‌ته‌ڤه.
د.ئه‌حمه‌د سه‌فار: كۆنترولا ئابوورێ عیراقێ د ده‌ستێ ئه‌مریكا دایه
ئه‌ڤرۆ نیوز، ناجی به‌ده‌ل:
ئه‌ندامێ لژنا دارایی یا جڤاتا نوونه‌رێن عیراقێ دیاركر به‌نك و رێكخراوێن نێڤ دوله‌تی یێن دارایی و ئابووری ل بن كونترۆلا ئه‌مریكادانه هه‌رده‌ما بڤێت دشێت ره‌وشا هه‌ر وه‌لاته‌كی ژلایێ ئابووری ڤه لاواز بكه‌ت.
د. ئه‌حمه‌د سه‌فار ئه‌ندامێ لژنا دارایی یا جڤاتا نوونه‌رێن عیراقێ دیاركر ل سالا 2008 رێكه‌تنا چارچوڤه‌یێ ستراتیژی كو رێكه‌تنه‌كا ئه‌منی و دارای و ئابووری و ته‌كنولوژی بوو، عیراقێ ئیمزاكریه ل گه‌ل ئه‌مریكا لگۆری وێ رێكه‌تنێ عیراقێ چاره‌نڤیسێ خۆ ژلایێ ئابووری و دارایی و ئه‌منی ڤه راده‌ستی ئه‌مریكا كر، چونكو وی ده‌می دو ژمارێن به‌نكی ل به‌نكا فیدرالیا ئه‌مریكاڤه‌كرن، ژماره‌یا به‌نكی ل سه‌ر ناڤێ وه‌زاره‌تا دارایی یا عیراقێ بناڤێ سندۆقا پشته‌ڤانیا عیراقێ و پاراستنا وێ ژ لایێ ئه‌مریكاڤه، ژمارا دی یا به‌نكا مه‌ركه‌زیاعیراقێ یه، یا دیار و رونه داهاتێ عیراقێ پشت به‌ستن ل سه‌ر پترۆلێ كریه و هه‌موو ئه‌و پترۆلا عیراق دفرۆشیت پاره‌یێ وێ دچیته به‌نكا فیدرالیا ئه‌مریكا ل سه‌ر ئه‌ڤان ژمارێن به‌نكێ و به‌نكا ناڤه‌ندیا عیراقێ ڤه دگوهیزیت وه‌ك دۆلار و دكه‌ته دینار بۆ وه‌زاره‌تا دارایی بۆ دابینكرنا مووچه و پێدڤێن حوكمه‌تێ، پاراستنا وێ سندۆقێ د ستویێ ئه‌مریكا دایه.
ئه‌ندامێ لژنا دارایی یا جڤاتا نوونه‌رێن عیراقێ دیاركر ژی هه‌كه
پاراستنا ئه‌مریكا بهێته راكرن ل سه‌ر وان پاره‌یێن عیراقێ ل ئه‌مریكا، ئه‌ڤه ئه‌و ده‌و‌له‌تێن عیراق قه‌ردارا وان دێ ده‌ست ب سه‌ر دا گرن كو پتری 60 ده‌وله‌تانن، زێده‌تری 1250 ملیار دۆلاران عیراق قه‌ردارا وانه.
د. ئه‌حمه‌د سه‌فار ئه‌ندامێ لژنا دارایی یا جڤاتا نوونه‌رێن عیراقێ گۆت: ئه‌و بریارا جڤاتا نوونه‌رێن عیراقێ دایی، كو بریاره و نه‌شێت وه‌ك یاسایێ كار بكه‌ت و یاسا بهێزتره، ئه‌و بریار دێ چیت بۆ حوكمه‌تێ كۆ حوكمه‌تێ ئه‌و ریكه‌تن ئیمزاكریه و دڤێت ئهوێ رێكه‌تنێ هه‌لوه‌شینیت، لێ حوكمه‌تا نوكه یا كاربرێكه‌ره و ده‌سه‌لاتێن نه ئیمزاكرنا چ رێكه‌تنان یان هه‌لوه‌شاندنا وان نینه، دڤێرێ دا وێ بریارا جڤاتا نوونه‌ران چ رامان و بهایێ خو نینه، ئه‌و بریار بتنێ لایه‌نێ سه‌ربازی گرتیه و گرێدایی ئابوور و دارایی نینه.
د. ئه‌حمه‌د سه‌فار گۆت ژی هه‌كه ئه‌مریكا ڤیا سزاییێ دانیته سه‌ر عیراقێ ئه‌وی ده‌می دێ كاره‌ساته‌كا مه‌زن سه‌ر هه‌لده‌ت و ئابوورا عیراقێ بخو هه‌لوه‌شایه و دێ وێرانتر لێ هێت و بهایێ دراڤێ عیراقێ ژی داكه‌ڤیت.
ئه‌ندامێ لژنا دارایی یا جڤاتا نوونه‌رێن عیراقێ دازانین ئه‌مریكا مه‌زاختیێن زۆرقوربانیێن زۆرداینه ل عیراقێ هوسا ب ساناهی ده‌رناكه‌ڤیت و راده‌ستی لایه‌نه‌كێ دی بكه‌ت، یان سزایا بێخته سه‌ر عیراقێ هه‌ر ده‌ما ئه‌مریكا پێنگاڤه‌كا هوسا هاڤێت دێ ده‌لیڤه بۆ هنده‌ك وه‌لاتێن دی خوش بیت مایتێكرنێ و جهێ خۆ ل عیراقێ بكه‌ن، ئه‌ڤ چه‌نده پتر كۆ گۆتن و به‌حسكرنا سزایان پتر ترساندن و فشاره‌كه و نه‌زێده‌تر.
د.ئه‌حمه‌د سه‌فاری ل سه‌ر به‌نكا ناڤه‌ندی دیاركر به‌نكا ناڤه‌ندیا عیراقێ رۆژانه 250 ملیۆن دۆلاران دئیخته بازاری بۆ هه‌ڤسه‌نگكرنا بهایێ دۆلاری هه‌مبه‌ر دینارێ عیراقی كۆنترۆلا ره‌وشا دارایی پێ دكه‌ت، هه‌رده‌ما به‌نكا ناڤه‌ندی ئه‌و پاره نه ئێخسته د بازاری دا دێ دۆلار كێم بیت و بهایێ وێ بلند بیت و بهایێ دینارێ داكه‌فیت.
پومپیو و مه‌سرور بارزانی د په‌یوه‌ندیه‌كێ دا به‌حسا ره‌وشا نوكه كرن
ئه‌ڤرۆ نیوز:
مورگان ئورتاكوس په‌یڤدارا وه‌زاره‌تا ده‌رڤه‌یا ئه‌مریكا راگه‌هاند: مایك پومپیو وه‌زیرێ ده‌رڤه‌یێ ئه‌مریكا و مه‌سرور بارزانی سه‌رۆكێ حوكمه‌تا هه‌ریما كوردستانێ ل سه‌ر هێرشێن ئیرانێ بۆ سه‌ر هێزێن ئه‌مریكا و هه‌ڤپه‌یمانان ل هه‌رێما كوردستانێ و عیراقێ په‌یوه‌ندیه‌كا ته‌له‌فونی ئه‌نجام داینه.
دوێ راگه‌هاندنێ دا ئه‌و چه‌نده هاتیه دیاركر پومپیو و مه‌سرور بارزانی به‌حسێ دوماهی پێشهاتێن ده‌ڤه‌ری و ئه‌و هێرشیێن هاتینه كرن بۆ سه‌ر بنگه‌هێن سه‌ربازی یێن ئه‌مریكان ل عیراقێ رێكه‌تن ل په‌یوه‌ندیێ دا بن ل سه‌ر ئه‌ڤێ ره‌وشێ.
تره‌مپ: موشه‌ك ژ ئیرانێ هاتینه ئاراسته‌كرن و دێ ئاخفتنه‌كا روون مه هه‌بیت
ئه‌ڤرۆ نیوز:
پشتی هه‌ر ئێك ژ بنگه‌هێن سه‌ربازی یێن ئه‌مریكی ل عه‌ین ئه‌سه‌د ل ئه‌نبار و هه‌ولێر ب هاتنه موشه‌ك بارانكرن، سه‌رۆكێ ئه‌مریكا راگه‌هاند: موشه‌ك ژ ئیرانێ هاتینه ئاراسته‌كرن و دێ مه‌ژی ئاخڤتنا خۆ هه‌بیت.
دونالد تره‌مپ سه‌رۆكێ ئه‌مریكا د تویته‌كێ دا راگه‌هاند: هه‌موو تشت باشن، موشه‌ك ژ ئیرانێ ئاراسته‌ی دو بنگه‌هێن سه‌ربازی ل عیراقێ هاتینه‌كرن، دێ ئامارێ زه‌ره‌ر و زیانێن وان وه‌رگرین، مه سوپایه‌كێ هه‌ی ل هه‌ر جهه‌كێ جیهانێ بهیزترین و باشترین كه‌ره‌سته و ئالاڤێن شه‌ری ل به‌رده‌ستن، بۆ ئه‌ڤێ چه‌ندێ دێ مه ئاخڤتنا خو هه‌بیت.
وه‌زاره‌تا به‌ره‌ڤانیا ئه‌مریكا به‌لاڤكریه دیاره ئه‌و موشه‌ك ژ ئیرانێ هاتینه ئاراسته‌كرن بۆ بنگه‌هێن سه‌ربازی ل ئه‌نبار و هه‌ولێرێ و هه‌موو رێ و ئاوایێن خۆ پاراستنێ بۆ سه‌رباز و هه‌ڤپه‌یمانان ل ده‌ڤه‌رێ ئێخستینه كاری.
نيشاندان
WP Facebook Auto Publish Powered By : XYZScripts.com