ئەڤرۆ نیوز:
بەری دەمەکێ دیمیتری مێدڤێدێڤ سەرۆک وەزیرێن روسیا راگەهاند کو کابینا حوکمەتێ دەست ژ کارێ خوە کێشایە.
دەزگەهێن راگەهاندنا روسیا ژی دیار دکەن کو کابینا نوو یا حوکمەتێ دێ ژ ئالیێ پوتینی ڤە هێتە ئاڤاکرن.
حوکمەتا روسیا دەست ژ کارێ خوە کێشا
نووترين نووچه
- سەرۆك بارزانی و مەحموود مەشهەدانی دوپاتیێ ل چارەسەرییا ب لەز یا كێشەییا مووچەی دكەن
- سەرۆكێ هەرێمێ و سەرۆكێ جڤاتا نوونەرێن ئیراقێ هەڤبەندیێن هەولێر- بەغدا گەنگەشە دكەن
- سەرۆكێ حوكمەتا هەرێمێ سەرساخیێ ل هەرمان میرزا بەگ دكەت
- دڤێت ب زووترین دەم شایستەیێن دارایی یێن هەرێما كوردستانێ بهێنە هنارتن
- خوە ڤەدزین ژ بەرپرسیاریێ ل بەرانبەر زێدەگاڤیێن ئەمنی یێن دژی هەرێما كوردستانێ هەیە
- ڤیان دەخیل: هەرێما كوردستانێ دخوازیت كێشەیان ل گەل بەغدا ب شێوەیەكێ ئێكلاكەر چارەسەر بكەت
- نابیت مووچەیێ خەلكێ كوردستانێ تێكهەلی كێشەیا سیاسی بهێتە كرن
- پێدڤیە هەبوونا کوردان ب فەرمی ل تورکیا بهێتە قەبوول کرن
- سەرۆك بارزانی پێشوازی ل جڤاتا پشتەڤانییێ یا پارێزگەها هەلەبجە كر
- سەرۆك بارزانی سەرساخیێ ل محەمەد محسن ئامێدی و بنەمالا وی دكەت
سه‌ره‌كى نووترين نووچه
هێرشی لقێ هەدەپێ ل ئستەنبولێ هاتە کرن
ئەڤرۆ نیوز:
هەدەپێ راگەهاند کو ئەڤرۆ پشتی نیڤرۆ چەند کەسان تەقە ل ئاڤاهیێ وان ل ئستەنبولێ کرینە، ژ بەر کو کەس ژ ئەندامێن وان ل دەرڤە نەبوویە زیانێن جانی نەبووینە و نها ژی ڤەکۆلین ل دۆر روودانێ بەردەوامن.
هەدەپە داخواز ژ وەزارەتا ناڤخوە و ئالیێن پەیوەندیدار دکەت کو ئاڤاهیێ وان ل ئستەنبولێ و دەڤەرێن دی یێن تورکیا ژ هێرشێن وەسا بپارێزن.
ئارمانجا چاکسازیێ دابەشکرنا دادپەروەرانە یا داهاتی یە
ئەڤرۆ نیوز:
ئەڤرۆ جڤاتا وەزیران ب سەرۆکاتیا مەسرور بارزانی سەرۆکێ جڤاتا وەزیران و ب ئامادەبوونا قوباد تالەبانی جێگرێ سەرۆک وەزیران کۆمبوو.
د کۆمبوونێ دا بەحسێ چارەسەرکرنا ئاریشێن د ناڤبەرا هەولێرێ و بەغدایێ دا هاتە کرن هاتە راگەهاندن حوکمەتا هەرێما کوردستانێ دڤێت ل گۆر دستووری هەموو ئاریشێن هەی چارەسەر بکەت.
د کۆمبوونا جڤاتا وەزیران دا بەحسێ پرۆژێ چاکسازیێ ژی هاتە کرن و هاتە راگەهاندن کو ئارمانج ژ پرۆژێ چاکسازیێ رێکخستنا مووچەی و هەروەسا دابەشکرنا داهاتی یە ب رەنگەکێ دادپەروەرانە دا مافێ کەسێ نەهێتە خوارن.
بەرپرسەکێ پەکەکێ ل شنگالێ جانێ خوە ژ دەست دا
شنگال هاته بۆردومانكرن
ئەڤرۆ نیوز، له‌زگین جوقی:
به‌رپرسێ راگه‌هاندنێ لقێ 17 پارتێ دیموكراتی كوردستان ل شنگال دیاركر كو ئه‌ڤرۆ 15/1/2020 فرۆكه‌یێن توركیا دووگری سه‌ر ناحیا سنوونێ ڤه ل قه‌زا شنگال بۆردومانكر.
ئیدریس زۆزانی، به‌رپرسێ راگه‌هاندنێ لقێ 17 پارتێ دیموكراتی كوردستان ل شنگال بۆ دیاركركو بنگه‌هه‌كێ هێزین چه‌كدار ل شنگال ژلایێ فرۆكه‌یێن توركیا ڤه هاتیه بۆردومانكرن دووڤ زانیاریان ژی كوشتی و بریندار هه‌نه لێ هیشتا ناسنامه‌یێن هه‌موویان ئاشكرا نه‌بووینه.
سه‌رۆك كۆمارێ ئیرانێ: ئه‌مریكا تاوانباره ژ تێكدانا ئاسایشا ده‌ڤه‌رێ
ئه‌ڤرۆ نیوز:
سه‌رۆك كۆمارێ ئیرانێ راگه‌هاند روودانا ئێخستنا باله‌فرا ئوكرانیا نابیت دووباره بیت، پێدڤیه پێداچون بۆ یاسایێن سیسته‌مێ به‌ره‌ڤانیا وه‌لاتێ داخۆدا بكه‌ین.
حه‌سه‌ن روحانی سه‌رۆك كۆمارێ ئیرانێ ئه‌و چه‌نده ژی راگه‌هاند: ئه‌وێن باله‌فرا ئوكرانیا ئێخستنینه خوارێ هه‌ر ئه‌ون یێن ئاسایشا وه‌لاتی مسوگه‌ر كرین، به‌لێ دڤێت به‌رپرسێن وێ روودانێ بهێنه‌دادگه‌هكرن، ئیران دێ به‌رسڤا كۆشتنا قاسم سلێمانی فه‌رمانده‌یێ به‌رێ یێ سوپایێ پاسدارێن ئیرانێ ده‌ت ژی ب ده‌رئێخستنا ئه‌مریكا ل ده‌ڤه‌رێ گرنگ نینه ئه‌و كار چه‌ند ده‌می ڤه‌كێشیت و هێرشا مه بۆ سه‌ر بنگه‌هێ عه‌ین ئه‌سه‌د یێن هێزێن ئه‌مریكا ل عیراقێ رامانا وێ ئه‌و نینه خلاس و ده‌ستا دابهێلین ژ تولڤه‌كرنێ، به‌لكو دێ به‌رده‌وام بین بۆ تولڤه‌كرنێ ژ ئه‌مریكا.
سه‌رۆك كۆمارێ ئیرانێ ئه‌و چه‌نده ژی گۆت: ئه‌مریكا تاوانباره ژ تێكدانا ئاسایشا ده‌ڤه‌رێ و ده‌ستێوه‌ردانا كارۆبارێن لبنان و عیراقێ و لیبیا و سوریا و ب تالانبرنا پترۆلا وان وه‌لاتان، ئه‌و كار ل به‌رژه‌وه‌ندا چ لایه‌نه‌كی دی نابیت ژی زیان بۆ به‌رژه‌وه‌ندیێن ئاسیا و ئه‌ورۆپا ئه‌مریكا ژی هه‌نه.
سه‌ر رێكه‌تنا ئه‌تومی، سه‌رۆك كۆمارێ ئیرانێ ره‌خنه ل داخازیا بوریس جونسن سه‌رۆك وه‌زیرێ بریتانیا گرت گۆت:ب هه‌لوه‌شاندنا رێكه‌تنا ئه‌تومی و گوهورینا وێ بۆ رێكه‌تنا ترمپ ئه‌و داخازیا وی زۆرا سه‌یره چونكو هه‌رتم ئه‌مریكا ژ رێكه‌تنا خو ڤه دكێشیت.
عیراق سیسته‌مێ (S-400) بكریت دی سزا ب سه‌ر هێنه سه‌پاندن
عیراق سیسته‌مێ (S-400) بكریت دی سزا ب سه‌ر هێنه سه‌پاندن
ئه‌ڤرۆ نیوز:
جێگرێ هاریكارێ وزیرێ ده‌رڤه‌یێ ئه‌مریكا بۆ كارۆبارێن رۆژهه‌لاتا ناڤین راگه‌هاند: ئه‌مریكا سزایێن توند ل سه‌ر عیراقێ دێ سه‌پینیت هكه سیسته‌مێ موشه‌كێ ئاسمانیێ یێ (S-400) بكریت.
جودی هود جێگرێ هاریكارێ وه‌زیرێ ده‌رڤه‌یێ ئه‌مریكا بۆ كارۆبارێن رۆهه‌لاتا ناڤین راگه‌هاند: هه‌كه موشه‌كێن ئاسمانی یێن روسی ژلایێ عیراقێ بهێنه كرین، ئه‌ریكا سزایان ب سه‌ر عیراقێ سه‌پینیت، د وی چارچوڤه‌یی دا شیره‌ت ل كۆمپانیێ كریه ئه‌وان جورێن چه‌كان نه‌فرۆشنه عیراقێ.
سه‌عید جه‌واد بالیوزێ عیراقێ ل تارانێ راگه‌هاند بوو، عیراق ل دانوستاندنا دایه ل گه‌ل روسیا بۆ ئه‌وێ چه‌ندێ سیسته‌مێ به‌ره‌ڤانیا موشه‌كێن ئاسمانی ژ جورێ 300 و S400 بكریت.
وه‌زیرێ ده‌رڤه‌یێ قه‌ته‌ر سه‌ره‌دانا عیراقێ دكه‌ت
ئه‌ڤرۆ نیوز:
بریاره ئه‌ڤرۆ وه‌زیرێ ده‌رڤه‌یێ قه‌ته‌رێ سه‌ره‌دانا عیراقێ و هه‌ولێرێ بكه‌ت.
محه‌مه‌د عه‌لی وه‌زیرێ ده‌رڤه‌یێ عیراقێ راگه‌هاند ئه‌ڤرۆ پێنج شه‌مبی 15/1/2020 محه‌مه‌د عه‌بدلره‌حمان جێگرێ سه‌رۆك وه‌زیران وو هه‌ڤده‌م وه‌زیرێ ده‌رڤه‌یێ قه‌ته‌ره ژی سه‌ره‌دانا به‌غدا دكه‌ت.
ئارمانج ژ ڤێ سه‌ره‌دانا وه‌زیرێ ده‌رڤه‌یێ قه‌ته‌رێ شرۆڤه‌یا پرس و ئالوزیێن ده‌ڤه‌رێ سه‌ر هلداین بۆ ئارامكرنا روشێ دهێت.
د چارچوڤه‌یێ وێ سه‌ره‌دانا خودا ژی وه‌زیرێ ده‌رڤه‌یێ قه‌ته‌رێ سه‌ره‌دانا هه‌رێما كوردستانێ ژی بكه‌ت چه‌ندین دیدار و دانسوتاندنان بكه‌ن.
په‌رله‌مان دێ سوبه پرۆژه یاسایا چاكسازیێ په‌سند كه‌ت
ئه‌ڤرۆ نیوز:
سه‌رۆكا په‌رله‌مانێ كوردستانێ بۆ جڤینا سوبه‌هی رۆژا پێنجشه‌مبێ داخازیا ته‌ڤایا ئه‌ندامان دكه‌ن بۆ به‌رهه‌ڤبوونێ.
رێواز فایه‌ق سه‌رۆكا په‌رله‌مانێ كوردستانێ دخازنامه‌یه‌ك به‌لاڤكر و تێدا هاتیه كو داخازێ ژ هه‌موو ئه‌ندامێن په‌رله‌مانێ دكه‌ت بۆ به‌رهه‌ڤبوونێ د ریشنتنا ژماره 15 ئاسایی سالا ئێكێ، ل خۆلا هه‌لبژارتنا پێنجێ یا په‌رله‌مانی ده‌مژمێر 11 سپێده‌هیا پێنجشه‌مبی 16/1/2020 .
سەرۆکێ هەرێما کوردستانێ دێ پشکداریێ د كوربەندێ ئابووری یێ داڤۆس دا کەت
ئەڤرۆ نیوز:
سەرۆکێ هەرێما کوردستانێ دێ پشکداریێ د کوربەندێ ئابووری یێ داڤۆس دا کەت، کو دێ ل 21 هەتا 24 ڤێ هەیڤێ ل سویسرا برێڤە چیت، سەرۆکێ هەرێمێ دێ بەحسێ ئاڵۆزیێن دناڤبەرا ئەمریکا و ئیرانێ و دەرهاڤێژێن وێ ل سەر سەقامگیریا عیراقێ کەت.
لدووڤ بەرنامێ وێ کوربەندی، نێچیرڤان بارزانی، سەرۆکێ هەرێما کوردستانێ ل 23 کانوونا دویێ د پانێلەکێ دا ل گەل هەر ئێک ژ فوئاد حوسێن، وەزیرێ دارایێ عیراقێ، رۆبین نیبلێت، رێڤەبەری سەنتەرێ ڤەکولینێن چاتەم هاوسا بریتانی، جێنین پلاسخارت، نوونەرێ تایبەت یێ سکرتێری گشتی یێ نەتەوێن ئێکگرتی ل عیراقێ و عادل جوبەیر، وەزیرێ دەولەتا سعوودیە بۆ کاروبارێن دەرڤە، دێ ئاخفتنێ دەربارەی کاریگەریا گرژیێن دناڤبەرا ئەمریکا و ئیرانێ دا، کو قەیرانەکا جیهانییە و کاریگەریێن وێ ل سەر ئاشتی و سەقامگیریا عیراقێ کەن.
رۆژا سێشەمبی 21-1-2020 کوربەندێ سالانە یێ ئابووری یێ جیهانێ ل داڤۆس ل وەلاتێ سویسرا دێ دەست ب کارێن خوە دکەت و هەتا رۆژا 24 ڤێ هەیڤێ دێ یێ بەردەوام بیت.
نيشاندان
WP Facebook Auto Publish Powered By : XYZScripts.com