ئەڤرۆ نیوز:
د پەیوەندیەکا تەلەفۆنیدا عادل عەبدولمەهدی و سەرۆک بارزانی دوماهی پێشهات و روودانێن عێراقێ گوتۆبێژ کرن.
لدووڤ راگەهاندنەکا نڤێسینگەها سەرۆکوەزیرێن عێراقێ، عادل عەبدولمەهدی سەرۆکوەزیرێن کاربرێکەر یێ عێراقێ پەیوەندیەکا تەلەفۆنی ب سەرۆک بارزانی کریە و گوتۆبێژ دەربارەی دوماهی پەرەسەندنا روودانێن ڤێ دەڤەرێ و عێراقی کرینە.
هەر د وێ پەیوەندیا تەلەفۆنیدا، سرووشتێ پەیوەندیێن نوکە و هەلویستێ عێراقێ و بەردەوامبوونا کارێ هەڤبەش یێ نیشتمانی و هاریکاریا ب هێز بۆ پاراستنا ئاسایشا عێراقێ و بەرژوەندی و سەروەریا نیشتمانی گوتۆبێژ کرینە.
ئەڤرۆ نیوز:
د پەیوەندیەکا تەلەفۆنیدا عادل عەبدولمەهدی و سەرۆک بارزانی دوماهی پێشهات و روودانێن عێراقێ گوتۆبێژ کرن.
لدووڤ راگەهاندنەکا نڤێسینگەها سەرۆکوەزیرێن عێراقێ، عادل عەبدولمەهدی سەرۆکوەزیرێن کاربرێکەر یێ عێراقێ پەیوەندیەکا تەلەفۆنی ب سەرۆک بارزانی کریە و گوتۆبێژ دەربارەی دوماهی پەرەسەندنا روودانێن ڤێ دەڤەرێ و عێراقی کرینە.
هەر د وێ پەیوەندیا تەلەفۆنیدا، سرووشتێ پەیوەندیێن نوکە و هەلویستێ عێراقێ و بەردەوامبوونا کارێ هەڤبەش یێ نیشتمانی و هاریکاریا ب هێز بۆ پاراستنا ئاسایشا عێراقێ و بەرژوەندی و سەروەریا نیشتمانی گوتۆبێژ کرینە.
ئەڤرۆ نیوز ، زنار تۆڤی:
هەتا نوکە كۆمپانیێن كەرتێ نەفتێ ل هەرێما کوردستانێ ل سەر کارێ خوە د بەردەوامن، هەر چەندە ل گەل پەیدابوونا ئالۆزیێن عێراقێ، پشکەک ژ كۆمپانیێن بیانی كارێن خوە ل عێراقێ راگرتینە.
جێگرا سه‌رۆكێ لیژنا سامانێن سروشتی ل په‌رله‌مانێ كوردستانێ ژی دبێژیت: چ كۆمپانیان ھەرێما كوردستانێ بجهنەهێلایە و ھەرێما کوردستانێ بۆ كاركرنێ گەلەک یا ئارامە.
گولیزار رەشید سندی، جێگرا سه‌رۆكێ لیژنا سامانێن سروشتی ل په‌رله‌مانێ كوردستانێ، تایبەت بۆ ئەڤرۆ نیوز گۆت: ھەرێما كوردستانێ دەڤەرەکا ئارامە، ئەو وەلاتێن کو داخواز دکەن خەلکێ وێ عیراقێ چول بکەن و نە میننە ل وی وەلاتی، لێ وان وەلاتان بەحسێ ھەرێما كوردستانێ نەكریە، ژبەر هندێ چ کێشە و ئاریشە ل ھەرێما كوردستانێ نینن، لەوما کوردستان یا ئارامە بۆ كۆمپانیێن بیانی و دشێن ب ئارامی تێدا کار بکەن.
جێگرا سه‌رۆكێ لیژنا سامانێن سروشتی ل په‌رله‌مانێ كوردستانێ ئاشکرا کر ژی: ب ئەگەرێ هەبوونا وێ سەقامگیریا ل هەرێما گوردستانێ هەی، هەتا نوکە چ كۆمپانیان ھەرێما كوردستانێ بجهنەهێلایە و هەموو كۆمپانیێن كەرتێ نەفتێ ل سەر کارێن خوە د بەردەوامن.
ئه‌ڤرۆ نیوز:
ب هه‌لكه‌فتا ژ دایكبوونا حه‌زره‌تى مه‌سیح، نێچیرڤان بارزانى سه‌رۆكێ هه‌رێما كوردستانێ پیرۆزباهى ل په‌یره‌وێن كه‌نیسا ئه‌رمه‌نى ئورتودوكس ل كوردستانێ و عیراقێ و جیهانێ كر و رژدى ل سه‌ر وێ یه‌كێ كر كو كوردستان لاندكا پێكڤه‌ژیان و لێبوورین و ماف و ئازادیێن هه‌موو پێكهاتێن نه‌ته‌وه‌یى و ئاینى یه.
نێچیرڤان بارزانى د په‌یاما خوه‌دا ئاماژه ب وێ یه‌كێ كریه كو ئه‌و رژدیێ ل سەر پاراستن و بهێزكرنا بنه‌مایێن ڤى كلتورى و بهایان دكه‌ن و هه‌موو پێكڤه بۆ پاراستن و كووركرنا ڤان بنه‌مایان كار دكه‌ن.
ئەڤرۆ نیوز، سەباح زوهێر زێباری:
د. سالح مستەفا رێڤەبەرێ ساخلەمیا ئاکرێ ددەتە دیارکرن کو پشتی دەنگ و باسێ ئەنفلوەنزا بەرازا بەلاڤ بووی کو چەند حالەت ل هەرێما کوردستانێ هاتینە تۆمارکرن ل ئاکرێ ژی سێ حالەت ل سەر ئەنفلوەنزا بەرازا کو بەرنیاس ڤایروسێ(H1N1) هاتینە تۆمارکرن، کو هەمی خەلکێ دەوروبەرێن ئاکرێ نە، کو هەرسێ ژی گەنجن و ئێک ژوان ئافرەتە.
رێڤەبەرێ ساخەمیا ئاکرێ گۆت ژی: ئێک ژوان حالەتان کو ئافرەتە نوکە ل نەخۆشخانا گۆلانە ل بن چاڤدێریا نۆشدارانە و جهەکێ تایبەت بۆ هاتیە دانان، هەروەسا ئێک ژحالەتێن دی هاتیە رەوانەکرن بۆ مال، چونکی رەوشا وی یا باشبوو و چارەسەری بۆ هاتەکرن، نەخۆشێ سێیێ یێ هاتیە رەوانەکرن بۆ پارێزگەها دهۆکێ.
ئاماژە دا وێ چەندێ کو ب گشتی رەوشا وان یا باشە چ مەترسی سەر ژیانا وان نینە، داخازا مە ئەوە یێن کو توشی ئەنفلوەنزێ بن سەرەدانا نەخۆشخانا بکەن داکو زوو چارەسەری بۆ وان بهێتەکرن و نەخۆشیا وان گرانتر لێ نەهێت.
گۆت ژی: پشکنینێن وان نەخۆشان هاتینە رەوانەکرن بۆ پارێزگەها دهۆکێ و دێ چنە بەغدا ل تاقیگەها مەرکەزی دێ پشکنین بۆ هێنەکرن، بۆ وێ چەندێ کو پشت راستن کا ئایا ئەنفلوەنزا بەرازایە یان نە چونکی گۆمان یا تێدا هەی.
ئه‌ڤرۆ نیوز:
حوكمه‌تا هه‌رێما كوردستانێ سێ ملیارن دینار بۆ خیزانێن شه‌هیدێن شه‌رێ داعشێ ته‌رخانكرن، ئه‌مینداری وه‌زاره‌تا پێشمهرگهی گۆت: سوبه‌هی ده‌ست ب پارڤه‌كرنا ئه‌وی پاره‌ی هێته‌كرن.
فه‌ریق جه‌بار یاوه‌ر ئه‌میندارێ وه‌زاره‌تا پێشمهرگهی یا حوكمه‌تا هه‌رێما كوردستانێ راگه‌هاند: به‌ریا نها وه‌زاره‌تا پێشمهرگهی داخازا دابینكرنا پێنج ملیون دیناران بۆ خێزانێن هه‌ر شه‌هیده‌كێ شه‌رێ داعشێ بهێته ته‌رخانكرن، لێ ب ئه‌گه‌رێ قه‌یرانا دارایی نه‌شیان بجه بكه‌ت و هه‌تا دوماهیێ، ئه‌وی كۆژمێ پاره‌ی بۆ خێزانێن شه‌هیدیێن شه‌رێ داعشێ بده‌ن، نوكه ره‌وش باشتره و ل سه‌ر داخازیا وه‌زاره‌تا پێشمهرگهی سێ ملیار دینار بۆ ئه‌وێ مه‌به‌ستێ هاتینه ته‌رخانكرن.
ئه‌مینداری وه‌زاره‌تا پێشمه‌رگه‌یێ ئه‌و چه‌نده ژی گۆت: سوبه‌هی رۆژا سێ شه‌مبی 7/1/2020 پێنج ملیۆن دینار بۆ هه‌ر خێزانه‌كا شه‌هێدێن شه‌رێ داعشێ هێته‌دان كۆ به‌ریا نها ئه‌و پاره وه‌رنه‌گرتین.
فه‌ریق جه‌بار یاوه‌ر ئه‌میندارێ وه‌زاره‌تا پێشمهرگهی یا حوكمه‌تا هه‌رێما كوردستانێ دازانین لیستا شه‌هیدان به‌رهه‌ڤه و هه‌ر شه‌هیده‌كێ ل وه‌زاره‌تا پێشمهرگهی هاتیه توماركرن به‌ریا نوكه خێزانێن وان وه‌رنه‌گرتین ئه‌و پاره سوبه‌هی دشێن بهێن وی پاره‌یی وه‌ربگرن.
ئه‌ڤرۆ نیوز:
وه‌زیرێن ده‌رڤه‌یێن پێنچ وه‌لاتێن ئه‌ورۆپی و عه‌ره‌بی ل دژی ده‌ربازبوونا توركیانه بۆ لیبیا دێ كۆمبن.
بریاره كۆمبوون ل رۆژا 8/1/2020 ل قاهیره‌یا پایته‌ختێ مسرێ برێڤه بچیت و تێدا چه‌ند پرسه‌كێن په‌یوه‌ندیدار ب وان وه‌لاتان ڤه بهێته شرۆڤه‌كرن.
وه‌زیرێ ده‌رڤه‌یێ فه‌ره‌نسا و ئیتالیا و یونان و قوبرسا یونانی و مسر پشكداری كۆمبوونێ دبن كۆ پشتی سه‌ربازێن توركیا ژلایێ ره‌جه‌ب ته‌یب ئه‌ردوغان سه‌رۆك كۆمارێ توركیا بۆ هه‌ڤكاریكرنا حوكمه‌تا ویفاقا نیشتمانیا لیبیا بهێنه شاندن ئه‌و جڤین دهێته‌كرن.
دوێ كۆمبوونا چاڤه‌رێكریا وه‌زیرێن ده‌رڤه‌یێن ئه‌وان وه‌لاتان شرۆڤه‌یا چه‌ند ته‌وه‌ره‌كان بهێته‌كرن ئه‌و ژی ره‌وشا رۆژهه‌لاتا ناڤین ب گشتی و ره‌وشا گشتی یا لیبیا و رێكێن چاره‌كرنا ئاریشه‌یێن وێ و ریب ری بوونا ئه‌وان پێنگاڤێن ئاریشه‌یا لیبیا ئالوز تر دكه‌ن.
رۆژا 2/1/2020 په‌رله‌مانێ توركیا ره‌زامه‌ند ل سه‌ر داخازا هنارتنا هێزا سه‌ربازی یا توركیا بۆ هه‌ڤكاریكرنا حوكمه‌تا ویفاقا لیبیا كو ره‌جه‌ی ته‌یب ئه‌ردوغان سه‌رۆك كۆمار ژ په‌رله‌مانێ كر بوو.
ئه‌ڤرۆ نيوز:
جێگرێ سه‌رۆكێ په‌رله‌مانێ عیراقێ، به‌شیر حه‌داد راگه‌هاند، ده‌نگدان ل سه‌ر پرۆژه قانوونا ده‌ركرنا هێزێن بیانی د به‌رنامێ كارێ دوهی یێ په‌رله‌مانی دا نه‌بوو و ئه‌و پرسه ژی كارێ په‌رله‌مانی نینه.
به‌شیر حه‌داد، جێگرێ سه‌رۆكێ په‌رله‌مانێ عیراقێ گۆت ژی” كۆمبوونا په‌رله‌مانی روونشتنه‌كا نه ئاسایی بوو كو ل سه‌ر داخوازا هژماره‌كا په‌رله‌مانتاران هاته ئه‌نجامدان و یا تایبه‌ت بوو ب روودانا كوشتنا قاسم سلێمانی و ئه‌بو مه‌هدی ئه‌لموهه‌ندس”.
حه‌داد گۆت ژی” پرۆژه قانوونا ده‌ركرنا هێزێن بیانی د به‌رنامێ كارێ دوهی یێ په‌رله‌مانی دا نه‌بوو، به‌لێ دبیت هنده‌ك په‌رله‌مانتار ئیمزایان كۆمبكه‌ن بۆ وێ چه‌ندێ پێشنیازا قانوونه‌كێ بهێته كرن بۆ ده‌ركرنا هێزێن بیانی ب تایبه‌تی هێزێن ئه‌مریكی ژ عیراقێ، به‌لێ وێ پرسێ په‌یوه‌ندی یا ب هه‌موو پێكهاتێن عیراقێ ڤه هه‌ی و پێدڤیه رێككه‌فتن ل سه‌ر بهێته كرن وئه‌و بابه‌ته یێ په‌یوه‌ندیدار ب لایه‌نه‌كی ب تنێ ڤه نینه”.
جێگرێ سه‌رۆكێ په‌رله‌مانێ عیراقێ دیاركر ژی” رێككه‌فتنا نێڤده‌وله‌تی د ناڤبه‌را ئه‌مریكا و عیراقێ دا یا هه‌ی، هه‌كه عیراق دخوازیت ژ وێ رێككه‌فتنێ ده‌ربكه‌ڤیت، دڤێت ل دووڤ میكانیزمان بیت و پێشتر ئه‌مریكا پێ ئاگه‌هدار بكه‌ت، به‌لێ ئه‌و بابه‌ته كارێ په‌رله‌مانی نینه، چونكه پێشتر حوكمه‌تا عیراقێ ئه‌و رێككه‌فتنه یا ئه‌نجامدای و پێدڤیه نوكه ژی حوكمه‌ت بریارێ ل سه‌ر بده‌ت”.
نيشاندان