ئەڤرۆ نیوز:
كەنالێ فەرمی یێ عیراقێ كوشتنا قاسم سولەیمانی و ئەبومەھدی موھەندسی راگەھاند.
کوشتنا قاسم سولەیمانی و ئەبومەھدی موھەندس هاتە راگەھاندن
نووترين نووچه
- سەرۆك بارزانی پێشوازی ل جڤاتا پشتەڤانییێ یا پارێزگەها هەلەبجە كر
- سەرۆك بارزانی سەرساخیێ ل محەمەد محسن ئامێدی و بنەمالا وی دكەت
- سەرۆك بارزانی و سەرۆكێ نوونەرایەتییا UN گوهۆڕینێن دەڤەرێ گەنگەشەكرن
- سەرۆكێ هەرێمێ سوپاسییا بالیۆزا فینلەندا كر
- چارەسەرییا كێشەیێن هەولێرێ و بەغدایێ د بەرژەوەندییا هەموو ئیراقێ دایە
- نێچیرڤان بارزانی و مەسرور بارزانی پشكداری د بەهییا محسن سالح ئامێدی دا كر
- وەزارەتا ناڤخوە: چو بنگەهێن ئیسرائیلی ل هەرێما كوردستانێ نینن
- سەرۆكێ حوكمەتێ هەردەم دبێژیت فەرمانبەران ئەرك ل سەر ملێ مە هەنە و ئەم خوە ب قەردارێن وان دزانین
- دڤێت بەغدا سیاسەتا نەهنارتنا مووچەیێ خەلكێ كوردستانێ ب دووماهی بینیت
- هەتا دووماهی خولەك مە باوەری هەیە کو بشێین بگەهینە رێككەفتنێ ل گەل بەغدایێ
سه‌ره‌كى نووترين نووچه
سترانه‌ك ل دۆر په‌نجه‌شێرێ دهێته تۆماركرن
ئەڤرۆ نیۆز، هەرهین محەمەد:
هونەرمەندێ ئاوازدانەر (هەلكەوت زاهر) د پەیجێ خوە یێ تایبەت یێ فیسبووكی دا بەلاڤ كریە كو مژوولی نووترین و ئێكەمین بەرهەمە یێ سالا 2020 بناڤێ (شێرپەنجە) كو هەردو سترانبێژێن گەنج میرا عەلی و دینا ب شێوێ دوقولی گۆتیە و ژپەیڤێن نەوژین سوران و ئاواز هەلكەوت زاهر و دابەشكرنا مۆزیكێ رێناس كورد داخ و ژدەرهێنانا بریار فەتاح و راگەهانكار دلێر تێلی وەكو ئەكتەرپشكداری كریە و ژڤانە ل دەمەكێ نێزیك بهێتە بەلاڤكر.
ناڤهاتی بۆ ئەڤرۆ نیۆز گۆت: مەرەم ژچێكرنا ڤێ كلیپێ ئەوە هەست كرنە ب ئازاركرنا وان كەسان یێن كو توشی نەخوشیا پەنجەشێرێ دبن و ژیان یا بەردەوامە و دڤێت مرۆڤ ژ نەخوشیا پەنجەشێرێ ب هێزتر بیت و ل هەموو وەلاتان ژی ستران ب نەخوشیا پەنجەشێری گۆتینە و ل وەلاتێ مە ئەڤ سترانە نەهاتو چێكرن و گۆتن، لەورا مە حەزكر ئەم ژی سترانەكێ ب وان كەسان چێكەین یێن كو توشی ڤێ نەخوشیێ دبن و ئەڤ كارە دبیتە ئێكەمین كارێ من دئەڤ سالە دا و ب ئانەهیا خودێ من پلان هەنە بۆ جەژنا ئەڤینداران و هەیڤا رەمەزانا پیرۆز و ل هەموو بیرهاتنان مە ستران هەنە.
ناڤێ هوله‌ندا نامينيت
ئه‌ڤرۆ نيوز:
وه‌لاتێ (نێدرلاند) ب ئێكجارى ده‌سته‌بردارى ناڤێ هوله‌ندا بوو و ب فه‌رمى بوونا خوه ب ناڤێ هوله‌ندا ل 1/1/2020 ل سه‌ر نه‌خشه‌ى نه‌هێلا.
ل دووڤ راپۆرته‌كا كه‌نالێ NOS يێ وه‌لاتێ نێزه‌رلاندس، ئێدى ئه‌و وه‌لاتى ئورۆپى ناڤێ وى نێدرلاند ( ئه‌ردێن نزم) و ناڤێ وى هوله‌ندا نينه.
ل دووڤ وى كه‌نالى، پێدڤيه ده‌ستهه‌لاتدارێٍن خوه‌جهى و زانكۆ و كومپانيێن تايبه‌ت و ده‌زگه‌هين راگه‌هاندنێ و ده‌زگه‌هێنى چاپه‌مه‌نيێ، ناڤێ (نێدرلاند) ل شوونا هوله‌ندا بكاربينن، چونكى نێدرلاند هه‌موو ده‌ڤه‌رێن وى وه‌لاتى ب خوه‌ڤه دگرن نه‌كو تنێ وان ده‌ڤه‌رێن ب ناڤێ هوله‌ندا ل ده‌رڤه دناڤدارن.
رۆژنامه‌ڤانه‌كا به‌رنياس وه‌غه‌ركر
ئه‌ڤرۆ نيوز:
رۆژنامه‌ڤانا لوبنانى و بێژه‌ر و پێشكێشكارا ناڤدار يا كه‌نالێن (العربيه و العربيه حه‌دس)، نه‌جوا قاسم، ئه‌ڤرۆ پێنجشه‌مبى 2/!/2020 دژيێ 52 ساليێ دا وه‌غه‌ركر.
كه‌ىنالێ العربيه راگه‌هاند كو سپێده‌يا ئه‌ڤرۆ نه‌جوا قاسم ل مالا خوه ل دوبه‌ى وه‌غه‌ركر.
نه‌جوا قاسم، بێژه‌ر و پێشكێشكارا پرۆگرامێن سياسى بوو كو ديارترين وان پرۆگرامان (حدث اليوم) بوو ل كه‌نالێ العربيه و العربيه حه‌ده‌س، وه‌كو په‌يامنێر ژى رۆمالا شه‌رێ ئه‌فغانستانێ و عيراقێ و لوبنانێ كريه و 11 سالان ژى ل كه‌نالێ (المستقبل) يێ لوبنانى كار كريه، به‌رى ل سالا 2003 بچيته كه‌نالێ (العربيه).
باليۆزخانا ئه‌مريكى ل عيراقێ هه‌موو كارێن خوه راگرتن
ئه‌ڤرۆ نيوز:
د به‌ياننامه‌كێ دا باليۆزخانا ئه‌مريكى ل به‌غدا راگرتنا كارێن خوه راگه‌هاند و دووپاتكر كو هه‌موو چاڤپێكه‌فتن ژى يێن هاتينه راگرتن.
د به‌يانناما باليۆزخانا ئه‌مريكا دا هاتيه” كۆنسۆلخانا مه ل هه‌ولێرێ بۆ ڤيزا و خزمه‌تگوزاريێن وه‌لاتيێن ئه‌مريكى ب ڤه‌كرى دێ مينيت”.
باليۆزخانا ئه‌مريكى ل به‌غدا داخواز ژ وه‌لاتيێن ئه‌مريكى ل عيراقێ كر كو ژ ئاڤاهيێ باليۆزخانێ نێزيك نه‌بن.
دووپاتكر ژى” كۆنسۆلخانا ئه‌مريكى ل هه‌ولێرێ دێ به‌رده‌وام بيت د پێدانا ڤيزێ دا”.
کوردەک دبیتە فەرماندێ گشتی یێ هێزێن ئەسمانی یێن عیراقێ
ئەڤرۆ نیوز ، زنار تۆڤی:
ب بریارا فەرماندێ گشتی یێ هێزێن چەکدار یێن عیراقێ، لیوا شەهاب جاهد حەمەخان زەنگەنە کو ئەفسەرەکێ کوردە و خەلکی پارێزگەها هەولێرێ یە وەک فەرماندێ گشتی یێ هێزێن ئەسمانی یێن عیراقێ دەست ب کاربوو.
ل دووڤ نڤیسارەکا وەزارەتا بەرگریا عیراقێ کو ئیمزا وەزیرێ بەرگریێ ل سەرە، ئاماژە ب هندێ هاتیە دان کو لیوا شەھاب زەنگەنە، ب بریارا فەرماندێ گشتی یێ ھێزێن چەکدارێن عیراقێ، پۆستێ فەرماندێ گشتی یێ ھێزێن ئەسمانی وەرگرتیە و گرتنەبەرا رێکارێن پێدڤی بۆ دەست ب کاربوونێ مایە.
لیوا شەھاب چەندین سالە وەکو سەرپەرشتیار ل فەرماندا ھێزێن ئەسمانی یێن عیراقی بوویە، پشتی کو ل دەستپێکا ڤێ هەیڤێ فەریق ئەنوەر حەمەئەمین، فەرماندێ گشتی یێ ھێزێن ئەسمانی خانەنشین بوو، لیوا شەھاب ل جهێ وی دەست ب کاربوو، هەر ژ سالا 2003 هەتا نوکە پۆستێ فەرماندێ ھێزێن ئەسمانی یێن عیراقێ د دەستێ کوردان دایە.
ئاگر ب ترومبێلەکێ دکەڤیت
ئەڤرۆ نیوز،عەلی حاجی :
ئه‌ڤ شەڤه ل تاخێ ئاشی چەمی ل زاخۆ ئاگر بەر ب ترومبێلەکێ دکەڤیت و دسوژیت.
رائید بێوار عەبدولعەزیز بەرپرسێ راگەهاندنا بەرەڤانیا باژێری ل پارێزگەها دهۆكێ بۆ ئەڤرۆ نیوز گوت : ئەو روودان ل ده‌مژمێر 11 ئه‌ڤ شه‌ڤه ل تاخێ ئاشی چەمی ژ ئەگەرێ شورتەکێ کارەبێ ئاگر بەر ب مەکینا وێ ترومبێلێ دکەڤیت و دهێتە سوتن،پشتی پەیوەندی ب تیمێن مەیێن ئاگر ڤەمراندنێ ل بەرەڤانیا باژێری ل زاخۆ هاتیە کرن ئێکسەر گەهشتنە جهێ روودانێ و شیان وی کونترولێ ل سەر وی ئاگری بکەن و بتنێ زیانێ ماددی بەر ب وێ ترومبێلێ کەڤتن و چو زیانێن گیانی نەبوون .
مه‌سرور بارزانى په‌يامه‌كێ به‌لاڤ دكه‌ت
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى ب هه‌لكه‌فتا سه‌رێ سالا نوو يا زايينى 2020 په‌يامه‌كا پيرۆزباهيێ به‌لاڤ دكه‌ت.
مه‌سرور بارزانى د په‌ياما خوه دا دبێژيت” ب هه‌لكه‌فتا سه‌رێ سالا زايينى، پيرۆزباهيه‌كا گه‌رم ل وه‌لاتيێن كوردستانێ و عيراقێ و جيهانێ دكه‌م، ئومێده‌وارم سالا نوو، ساله‌كا پر خوه‌شى و ئاشتى و دووماهى ئينان بيت ب نه‌هامه‌تيێ و نه ئاراميێ ل ده‌ڤه‌رێ”.
گۆت ژى” هيڤيدارم د سالا نوودا، حوكمه‌تا هه‌رێما كوردستانێ ب هه‌ڤكاريا هه‌موو لايه‌نێن كوردستانى و خه‌لكێ هه‌رێما كوردستانێ بشێت كارناما خوه ب باشترين شێوه بجهبينيت و خوه‌شگوزه‌رانى و گه‌شه‌پێدانه‌كا ئابوورى يا هه‌مه‌لايه‌نه په‌يدا ببيت، بۆ وێ چه‌ندێ خزمه‌ته‌كا هه‌ژى بۆ وه‌لاتيێن هه‌رێما كوردستانێ بهێته كرن، بێگۆمان ئه‌ڤه‌ژى يا گرێداى سه‌قامگيريا ره‌وشا عيراقێ يه و جێگيربوونا ئاشتيێ و ئاراميێ يه ل ده‌ڤه‌رێ و هيڤيدارم ب پشته‌ڤانيا خودێ مه‌زن و خه‌لكێ نيشتمانپه‌روه‌ر و دلسۆز، كوردستان ژ هه‌موو پێشهاتێن نه‌خوه‌ش يا پاراستى بيت”.
باليۆزخانا ئه‌مريكى ل به‌غدا كارمه‌ندێن خوه بۆ هه‌رێما كوردستانێ د ڤه‌گوهێزيت
ئه‌ڤرۆ نيوز:
ل دووڤ ده‌نگوباسه‌كێ مالپه‌رێ (بغداد اليوم)، ئه‌ڤرۆ سێشه‌مبى 31/12/2019 ژ ژێده‌ره‌كێ باوه‌رپێكرى به‌لاڤكر كو كارمه‌ندێن باليۆزخانا ئه‌مريكا ل به‌غدا ب دو كاروانان به‌ر ب هه‌ولێرێ هاتنه ڤه‌گوهاستن.
ل دووڤ وى ژێده‌رى، شه‌ڤا توپبارانكرنا ئه‌مريكى بۆ بنگه‌هێن ميليشيێن حه‌شدا شه‌عبى ل قائيم ل پارێزگه‌ها ئه‌نبار، باليۆزخانا ئه‌مريكى ل به‌غدا ب ده‌هان كارمه‌ندێن خوه بۆ هه‌ولێرێ ڤه‌گوهاتسبوون و ل شه‌ڤا بۆرى ئه‌وێن ماين ژى ب هه‌مان شێوه هاتنه ڤه‌گوهاستن.
وى مالپه‌رى دياركر ژى كو به‌رپرسێن ئه‌مريكى ل فرۆكخانا هه‌ولێرێ يا نێڤده‌وله‌تى كۆمبوونه‌ك گرێدا و دئه‌نجامدا گه‌هشتنه رێككه‌فتنێ كو باليۆزخانا ئه‌مريكا ل به‌غدا بهێته چۆلكرن.
هه‌ڤده‌م ئه‌ڤرۆ سێشه‌مبى 31/12/2019 لايه‌نگرێن حه‌شدا شه‌عبى بۆ دياركرنا دژايه‌يتيا خوه بۆ هێرشێن ئه‌مريكا ل سه‌ر كه‌تيبێن حزبوللا ل عيراقێ و سووريێ هێرش كره سه‌ر باليۆزخانا ئه‌مريكا ل به‌غدا و ئێك ژ ده‌رگه‌هێن باليۆزخانێ سووت و چه‌ند لايه‌نگرێن حه‌شدا شه‌عبى ل سه‌ر ديوارێ باليۆزخانێ نڤيسى (يا گرتيه ب فه‌رمانا ملله‌تى).
هادى عامرى ئه‌ميندارێ گشتيێ رێكخراوا به‌در و قه‌يس خه‌زعه‌لى ئه‌ميندارێ گشتيێ عه‌سائيب ئه‌هلولحه‌ق پشكدارى د حوه‌نيشادانان كر و نه‌رازيبوونا خوه ل به‌رامبه‌ر هێرشێن ئه‌مريكا دياركر، هه‌روه‌سا دناڤ خوه‌نيشانده‌ران دا فالح فه‌ياز سه‌رۆكێ ده‌سته‌يا حه‌شدا شه‌عبى و جێگرێ وى ئه‌بو مه‌هدى ئه‌لموهه‌ندس پشكداربوون و نه‌رازيبوونا خوه ل گه‌ل خوه‌نيشانده‌ران ده‌ربرى و خوه‌نيشانده‌ران ژى ئالايێ حه‌شدا شه‌عبى و كه‌تائيبێن حزبوللا ب سه‌ر ديوارێ باليۆزخانا ئه‌مريكا دا بلندكرن.
تۆپخانا تورکی دەڤەرا بەرواری بالا تۆپباران کر
ئەڤرۆ نیوز ، زنار تۆڤی:
ئەڤرۆ سێشەمبی 31.12.2019 ، تۆپخانا له‌شكرێ تورکیا دەوروبه‌رێن گوندێ کێستە ل سنورێ ناحیا کانی ماسێ تۆپباران کر.
ژ ئه‌نجامێ وێ توپبارانكرنێ تۆپ ل نێزیک گوندێ كێسته کەفتینە، هەروەسا ژبەر نێزیکیا وان تۆپان بۆ گوندی سەچمە و بەرمایکێن وان گەهشتینە ناڤ گوندى، هەر چەندە چو زیانێن گیانی نەبووینە.
نوکە گوندێ کێستە یێ ئاڤایە و وھژمارەکا خێزانان تێدا دژین، د ئەڤ سالە دا ئەڤە جارا چەندێ یە ئەڤ گوندە دهێته تۆپباران کرن، ڤێ جارێ ژی تۆپبارانێ ترس و نە ئارامی د ناڤ خەلکێ گوندی دا پەیداکریە.
نيشاندان
WP Facebook Auto Publish Powered By : XYZScripts.com