ئەڤرۆ نیوز،عەلی حاجی :
زێدەتری سالەكێ یە جادەك ل نێزیك زانكویا زاخۆ مایە نیڤ تەمام و قوتابیێن زانكویێ ژی داخوازا تەمام كرنا وێ جادێ دكەن و ژبەر نە تەمام كرنا وێ چەندین روودانێن هاتنوچوونێ دروست بوینە .
ئەركان تاهر، بەرپرسێ لقێ زانكو و پەیمانگەها یا ئێكەتیا قوتابیێن كوردستانێ ل زاخۆ بۆ ئەڤرۆ نیوز دیار كر ئەڤە زێدەتری سالەكێ یە ئەڤ جادە مایە نیڤ تەمام كری ژلایێ باژێرڤانیا زاخۆ و هەر ژبەر نە دروست كرنا ڤێ جادێ ل بەر دەرگه‌هێ سه‌ره‌كى یێ زانكویا زاخۆ، چەندین روودانێن هاتنوچوونێ دروست بوینە ، وەكو زانكویا زاخۆ داخوازا دروست كرنا ڤێ جادەێ هاتیە كرن، بەلێ بێ مفا بوویە و نەهاتیە دروست كرن و ژبەر قەرەبالغیا ل دەمێ دەوامێ دا دروست دبیت، ئەم نەچار دبین بچینە سەر جادا سەرەكی و قەستا مال بكەین ب ڤێ چەندێ مەترسی دكەڤیتە سەر ژیانا قوتابیان .
گوت ژی” هەكە ئەڤ جادە بهێتە دروست كرن دێ خزمەتەكا مەزن گەهینیتە قوتابى و وه‌لاتیان، ب تایبه‌تى ئەڤە دەست پێكا ڤەكرنا دەواما فەرمی یە ل زانكویێ داكو چو روودانێن مەزن دروست نەبن ودخوازین ئەڤ جادە بهێتە دروست كرن كو ئەو سیمایێ نەجوان دایە زانكویێ و ده‌رگه‌هێ زاخۆ بهێتە دروست كرن و ئەم ژ وێ مەترسیێ رزگار ببین .
سالەكه جادەكا زاخۆ نەهاتیە تمام كرن
نيشاندان