ئەڤرۆ نیوز:
سەرۆک مەسعود بارزانی ل گەل ئەندامێن فراکسیۆنا پارتی ل خۆلا بۆری یا پەرلەمانێ کوردستانێ کۆمبوو و د کۆمبوونێ دا سەرۆک بارزانی راگەهاند کو ئەندامێن خۆلا بۆری یا پەرلەمانێ کوردستانێ د رەوشێن گەلەک زەحمەت و دژوار دا شیان ئەرکێن خوە ب رەنگەکێ باش بجه بینن و ژ بەر هندێ ژی هەژی رێزگرتنێ یە.
هەر د کۆمبوونێ دا سەرۆک بارزانی بەحسێ رەوشا نها یا عیراقێ و کوردستانێ کر و نێرینێن خوە ل دۆر ئاریشێن د ناڤبەرا هەولێرێ و بەغدایێ و چاوانیا چارەسەرکرنا وان ژی دیار کر.
ئه‌ڤرۆ نیوز، عه‌لی حاجی :
د داخویانیه‌كێ دا به‌رپرسێ ئوفیسا زاخۆ یا ده‌زگایێ خێرخوازیێ بارزانیێ نه‌مر بۆ ئه‌ڤرۆ نیوز دیار كر دبه‌رده‌وامیا گه‌هاندنا هاریكاریان دا ژلایێ ده‌زگایێ مه‌ڤه ل هه‌یڤا نه‌ه دا هاریكاریان ماددی ل سه‌ر 100 زارویێن بێ سه‌میان هاتنه به‌لاڤ كرن و چه‌ندین ئامیره ژی ل سه‌ر په‌ككه‌ڤتیان هاتنه به‌لاڤ كرن .
زێده‌تر محه‌مه‌د مه‌هدی گوت : ژ پروژه‌یێ ئازیزانی كوردستان یێ ده‌زگایێ بارزانیێ نه‌مر كو تایبه‌ته ب به‌لاڤ كرنا كوژمه‌یه‌كێ پاره‌یی ل سه‌ر زارویێن بێ سه‌میان ل سنورێ ده‌ڤه‌را زاخۆ،كو ئه‌ڤ پروژه‌یه هه‌ر ماوه‌یێ سێ هه‌تا چار یان ژی شه‌ش هه‌یڤان كوژمه‌یه‌كێ پاره‌یی ل سه‌ر زاروویێن بێ سه‌میان به‌لاڤ دكه‌ین،ل هه‌یڤا نه‌ه دا بۆ 100 زاروویان كو پرانیا وان زاروویێن شه‌هیدان بون هه‌ر زاروویه‌كێ 200 دولار هاتنه دان وه‌كو پروژه‌یێ ئازیزانی كوردستان و ئه‌ڤ پروژه‌یه دێ یێ به‌رده‌وام بیت ژلایێ ده‌زگایێ مه‌ڤه و ئه‌ڤه بۆ ماوه‌یێ چه‌ندین جارایه ئه‌ڤ هاریكاری یه هاتنه به‌لاڤ كرن .
گوت ژی : هه‌ر دڤێ هه‌یڤێ دا 12 ئامیره‌یێن هاتن وچوونێ ل سه‌ر 12 په‌ككه‌ڤتیان ل سنورێ ده‌ڤه‌را زاخۆ هاتنه به‌لاڤ كرن و زێده‌باری وێ چه‌ندێ ژی چه‌ندین پێدڤیێن دیتر ژی ل سه‌ر وان په‌ككه‌ڤتیان هاتنه به‌لاڤ كرن و ئه‌ڤ پروژه‌یه ژی تایبه‌ته بۆ په‌ككه‌ڤتیان و دێ یێ به‌رده‌وام بیت هه‌تا كو هاریكاری دگه‌هیته هه‌می په‌ككه‌ڤتیێن سنورێ ده‌ڤه‌را زاخۆ .
ئه‌ڤرۆ نیوز،عه‌لی حاجی :
ل بن دروشمێ ب پلان دێ كار كه‌ین،ئێكه‌تیا قه‌تابیێن كوردستانێ لقا زاخۆ په‌نه‌له‌ك ل دور چاره‌سه‌ر كرنا كێشه و گرفتیچن قوتابیان دكه‌رتێ په‌روه‌ردێ دا ساز كر و چه‌ندین خالێن وان كێشه‌یان دێ راده‌ستی نڤێسینگه‌هێن ئه‌ندام په‌رله‌مانترێن عێراقێ و كوردستانێ كه‌ت .
ئه‌حمه‌د سه‌عید به‌رپرسێ لقا زاخۆ یا ئێكه‌تیا قوتابیێن كوردستانێ بۆ ئه‌ڤرۆ نیوز دیار كر ئارمانجا مه یا سه‌ره‌كی ژ وێ په‌نه‌لێ ئه‌و بوو ل ده‌ست پێكا هاتنا وه‌رزێ نوویێ هانا خواندنا مه دخاست ئه‌م وان كێشه و گرفتان ده‌ست نیشان بكه‌ین یێ دناڤ كه‌رتێ په‌روه‌ردێ و خواندنا بلند دا دروست دبن و ئه‌م وه‌كو ئێكه‌تیا قوتابیان فوكسا خوه دانینه سه‌ر وان ئاریشه‌یان و رێكێن چاره‌سه‌ریێ ببینن، ب رێیا نڤێساره‌كێ ئه‌م وان ئاریشه‌یا راده‌ستی نڤێسینگه‌ها ئه‌ندام په‌رله‌مانتارێن كوردستانێ و عێراقێ بكه‌ین كو هه‌ر چو نه‌بیت 10% ئه‌و ئاریشه‌یه بهێنه چاره‌سه‌ر كرن،هه‌ر دیسان ب رێیا وێ په‌نه‌لێ ژی مه پلانا خوه یا سالێ راگه‌هاند و كو ئێدی ئه‌م پێخه‌مه‌تی باشتر كرنا ره‌وشا قوتابیلن ب پلان كار بكه‌ین .
گوت ژی : پرلنیا وان ئاریشه‌ییچن دكه‌رتێ په‌روه‌ردێ دا ل زاخۆ هه‌ین كێمیا میلاكێ ماموستایان و نه‌بونا رێژه‌یه‌كا پیچدڤی یا قوتابخانه‌یان و هه‌ر دیسان رێكێن قوتابخانه‌یان،ژبه‌ر كو هنده‌ك قوتابخانه هه‌نه ل وه‌رزێ زڤستانێ دا هاتن و چوونا وێ زورا ب زه‌حمه‌ته بۆ قوتابیان و ئه‌ڤ چه‌نده ژی كارتێكرنه‌كا خراب ل سه‌ر قوتابیان دكه‌ت، پێتشر ژی ئاریشه‌یا كێم بونا په‌رتوكان ژی هه‌بوو به‌لێ هه‌تا راده‌یه‌كێ ئه‌و ئاریشه‌یه هاتیه چاره‌سه‌ر كرن و زێده‌باری وێ چه‌ندێ ژی چه‌ندین كێماسیێن دیتر ژی هه‌نه .
ئه‌ڤرۆ نيوز، نيوار محه‌مه‌د سه‌ليم:
چه‌نده‌كێ به‌رى نها، كۆمبوونا لايه‌نێن سياسى ل هه‌رێما كوردستانێ ب مه‌ره‌ما پشكداريكرن د هه‌لبژارتنێن پارێزگه‌هێن عيراقێ دا ده‌ستپێكر.
كۆمبوون ل باره‌گايێ جڤاتا سه‌ركرداتيا هه‌ولێر يا پارتى ب رێڤه دچيت و تێدا ژماره‌كا زۆر يا حزب و لايه‌نێن سياسى يێن كوردستانى د پشكدارن.
بڕياره د كۆمبوونا ئه‌ڤرۆ دا، دانوستاندن ل دۆر دروستكرنا ليسته‌كا هه‌ڤپشك بۆ پشكداريكرن د هه‌لبژارتنێن جڤاتێن پارێزگه‌هێن عيراقێ دا بكه‌ن.
پشتى 16ى ئوكتۆبه‌رێ و هه‌تا نها ده‌ڤه‌رێن كوردستانى ل پارێزگه‌هێن (كه‌ركووك، نه‌ينه‌وا، ديالا و سه‌لاحه‌دين) روو ب روويێ بزاڤه‌كا زۆر يا ته‌عريبكرنێ دبن و ده‌ركرنا كوردان ل وێرێ ل بن فشارێن جودا يا به‌رده‌وامه.
ئه‌ڤرۆ نيوز:
د پێناڤى ئاماده‌كارى بۆ هه‌لبژارتنێن جڤاتێن پارێزگه‌هان ل عيراقێ، كو دێ ل ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ ب رێڤه چن، ئه‌ڤرۆ لايه‌نێن كوردستانێ ل هه‌ولێر دێ كۆم بن.
بڕياره ئه‌ڤرۆ هه‌موو لايه‌نێن كوردى ل هه‌ولێر كۆم ببن و پرسا هه‌لبژارتنێن پارێزگه‌هێن عيراقێ گه‌نگه‌شه بكه‌ن، هه‌روه‌سا خوه ئاماده بكه‌ن بۆ هه‌لبژارتنان و دروستكرنا ئێكده‌نگيا لايه‌نان.
پارتى و ئێكه‌تى و په‌رله‌مانێ كوردستانێ ل دادگه‌ها فيدرال دژى قانوونا هه‌لبژارتنێن جڤاتێن پارێزگه‌هێن عيراقێ سكالا تۆمار كريه و دخوازن هنده‌ك ژ ماددێن وێ بهێنه راستڤه‌كرن.
ئه‌ڤرۆ نيوز، نيوار محه‌مه‌د سه‌ليم:
گه‌شتيا په‌ترۆل هه‌لگر يا بريتانيا پشتى نێزيكى دو هه‌يڤان ژ ده‌سته‌سه‌ركرنێ ژ لايێ سۆپايێ پاسداران ڤه، ئه‌ڤرۆ كه‌نارێن ئيرانێ بجهـ هێلان.
ب گۆره‌يى داتايێن پێگه‌هێ “رێڤينيتيف” يێ تايبه‌ت ب لڤينێن ده‌رياڤانى، گه‌شتيا په‌ترۆل هه‌لگرا بريتانى “ستينا ئيمپرۆى” ئه‌ڤرۆ رۆژا ئه‌ينى به‌نده‌ر عه‌باس يێ ئيرانێ ب جهـ هێلا و به‌ر ب ئاڤا نێڤده‌وله‌تى ڤه ب رێكه‌فت.
ئه‌ڤرۆ نيوز، نيوار محه‌مه‌د سه‌ليم:
دادگه‌ها كه‌ركووك ياداشنامه‌ك بۆ ته‌ده‌سته‌سه‌ركرنا رێبۆرا ته‌له‌بانى، سه‌رۆكێ جڤاتا پارێزگه‌ها كه‌ركووك ب وه‌كاله‌ت ده‌ركر، ئه‌و ژى دبێژيت مه‌ره‌مێن سياسى ل پشتن و نه‌ڤێت جڤاتا پارێزگه‌ها كه‌ركووك كۆم ببيت.
رێبۆرا ته‌له‌بانى، سه‌رۆكێ جڤاتا پارێزگه‌ها كه‌ركووكێ ب وه‌كاله‌ت راگه‌هاند كو ل 16ى ئۆكتۆبه‌را 2017ێ دو ترۆمبێلێن حكومى د ناڤ مالا من دا هه‌بوون ل كه‌ركووك و ژ لايێ وان هێزان ڤه هاتنه دزين يێن هاتينه ناڤ باژێرى”.
گۆتژى: “وى ده‌مى ل دادگه‌ها هه‌ولێر و كه‌ركووك من سكالا تۆمار كربوو و ئاگه‌هدار كربوون كو ئه‌و دو ترۆمبێله هاتينه دزين، به‌لێ دادگه‌ها كه‌ركووك و ئه‌و دادوه‌ر كو هه‌ر ئه‌و دادوه‌رێ به‌رێ يه، ب مه‌ره‌مه‌كا سياسى و ب مه‌ره‌ما فرامۆشكرنێ ياداشناما ده‌سته‌سه‌ركرنا من يا ده‌ركرى”.
سه‌رۆكێ جڤاتا پارێزگه‌ها كه‌ركووك ب وه‌كاله‌ت ئاماژه ب وێ چه‌ندێ ژى دكه‌ت كو پارێزه‌رێ خوه راسپارديه ئه‌وان به‌لگان راده‌ستى دادگه‌هێ بكه‌ت يێن وى ده‌مى وى ب سكالا تۆماركرى.
ل دووڤ گۆتنێن رێبۆار ته‌له‌بانى “ئێكرێزيا پارتێن كوردستانى، نێزيك بوويه و ئێكه‌تى و پارتى و كێشا پارێزگارى هه‌موو ل سه‌ر وێ چه‌ندێ مايه جڤاتا پارێزگه‌هێ كۆم ببيت و بهێته كارا كرن، كه‌سێ ئێكانه ژى يێ بشێت وێ كۆمبوونێ بكه‌ت، سه‌رۆكێ جڤاتا پارێزگه‌هێ يه كو ئه‌زم، ژ به‌ر هندێ ئه‌ڤان كێشان دروست دكه‌ن دا كو كۆمبوون نه‌هێته كرن و هه‌تا پشتى هه‌لبژارتنان ره‌وشا كوردان ب وى ره‌نگى بمينيت”.
ئه‌ڤرۆ نیوز:
مۆزه‌خانا (ئه‌منه سوره‌كه) یا نیشتمانى ل باژێرێ سلێمانیێ كو ب ده‌هان وێنه و په‌یكه‌ر و جهێن زیندانیان و خوراگریا وى باژێرى دژى سیاسه‌تا زورداریا رژێما به‌عس ب خوه‌ڤه گرتبوو، ژ ئه‌گه‌رێ نه نه‌دانا مووچێ كارمه‌ندێن وێ هاته داخستن.
د به‌رپه‌رێ مۆزه‌خانا (ئه‌منه سوره‌كه) دا ل تۆرا جڤاكى یا فه‌یسبووكى دا رۆهنكرنه‌ك ل دۆر داخستنا وێ هاتیه به‌لاڤكرن و تێدا هاتیه” پشتى خوراگریه‌كا زۆر یا كارمه‌ندێن مۆزه‌خانێ، كو زێده‌تر ژ چار هه‌یڤانه مووچه و بودجا مۆزه‌خانێ هاتینه راگرتن و دشیان دا نه‌بوو سێرڤزێن پشك و هۆلێن مۆزه‌خانێ بهێنه دابینكرن، ژ ئه‌گه‌رێ ڤێ چه‌ندێ ژى كێشێن هونه‌رى و ته‌كنیكى بۆ دروست بوون”.
هه‌روه‌سا دیاركریه” گه‌له‌ك ژ كارمه‌ندێن مۆزه‌خانێ كرێدار و خودان زارۆكن و پێدڤى ب ژێده‌رێ ژیارا خوه‌نه كو ب نه‌چارى رۆژانه دچن بۆ كارێ كرێكاریێ تاكو بشێن درێژیێ ب ژیانا خوه یا رۆژانه بده‌ن”.
ئه‌منه سوره‌كه كو ژ لایێ رژێما به‌عس یا ژ ناڤچووى وه‌كو زیندان و سه‌نته‌رێ ئه‌شكه‌نجه‌دانێ ل سلێمانیێ دهاته بكارئینان، ل سالا 1995 بوویه مۆزه‌خانه‌یه‌كا نیشتمانى، نوكه ژى ژ به‌ر دابین نه‌كرنا بودجێ وێ مۆزه‌خانێ و مووچێن كارمه‌ندێن وێ، بریارا داخستنا وێ ژ لایێ ستافێ وێ ڤه هاته دان.
ئه‌ڤرۆ نیوز:
پشتى بریارا وه‌زاره‌تا ناڤخوه ل هه‌رێما كوردستانێ ل دۆر قه‌ده‌غه‌كرنا هاتنوچوونا ترومبێلێن حكومى پشتى ده‌وامێ، په‌یڤدارێ رێڤه‌به‌ریا هاتنوچوونا هه‌ولێرێ پێزانینه‌كا نوو ل دۆر وێ بریاره‌كێ ئاشكرا دكه‌ت و دبێژیت دێ لژنه‌كا تایبه‌ت هێته پێكئینان بۆ جوداكرنا وان ترومبێلێن رێپێدان بۆ دهێته دان.
ل دووڤ بریاره‌كا وه‌زاره‌تا ناڤخوه پشتى ده‌واما فه‌رمى نابیت ترومبێلێن حكومى بهێنه بكارئینان و هاتنوچوونێ بكه‌ن و ئه‌ڤ بریاره ل 1/10/2019 دێ چیته د وارێ ب جهئینانێ دا.
فازل حاجى، په‌یڤدارێ رێڤه‌به‌ریا هاتنوچوونا پارێزگه‌ها هه‌ولێرێ بۆ (وشه) رۆهنكر كو رێپێدان ب ترۆمبێلێن حكومى دێ ل ده‌مژمێر 7 سپێدێ تاكو 5 ئێڤارێ وگۆت” له‌وما ئه‌و ده‌مه هاتیه ده‌ستنیشانكرن چونكى شۆفێرێن فه‌رمانگه‌هێن حكومى ژ ده‌مژمێر 7 سپێدێ دچنه د دووڤ فه‌رمانبه‌ران را تاكو ب گه‌هینن ده‌وامێ، ژ به‌ر كو ده‌وام ل ده‌مژمێر 3 پشتى نیڤرۆ ب دووماهى دهێت، ل سه‌ر شۆفێری یه فه‌رمانبه‌ران بگه‌هینیته مالێن وان ژى، له‌وما ڤێ چه‌ندێ ژى ده‌م بۆ دڤێت”.
نيشاندان