ئەڤرۆ نیۆز: محەمەد عەلی نوری:
كارگێریا یانا دهۆك یا وەرزشی بەردەوامە ل سەر ئیمزاكرنا گرێبەستا دگەل یاریزانا ژبۆ خوە بەرهەڤكرن بۆ وەرزێ نوو یێ خولا عیراقێ یا باسكت بۆلێ ل سەر ئاستێ یانێن پلا نایاب و ئەڤرۆ گرێبەست دگەل شەش یاریزانێن خوە یێن پارێزگەهێ ئیمزاكرن.
قاسم سالح، سكرتێرێ یانا دهۆك وسەرپەرشتێ تیما باسكت بۆلێ بۆ ئەڤرۆ نیۆز راگەهاند كو ب فەرمی گرێبەست دگەل هەر شەش یاریزانان، ئیسماعیل عەلی، قوسەیی جاسم، رێزا حاجی، وارشین لوتفی، سۆبارا داوود رەبەن و وارچین بەشیر بۆ ماوێ وەرزەكی ئیمزاكر، ژبۆ پشكداریێ دگەل تیما باسكت بۆلا یانێ بۆ وەرزێ نوو یێ خولا پلا نایابا عیراقێ و كوردستانێ.
هەروەسا ناڤهاتی گوت: پێخەمەت بەردەوامی دان ب شیانێن یاریزانێن نافخو هەتا نەهـ یاریزان ژ پارێزگەهێ نە و ئەڤە لدووڤ نەخشێ مە یە بۆ پشتەڤانیا كورێن پارێزگەهێ.
نيشاندان