ئەڤرۆ نیوز:
بەری دەمەکێ سێ مۆشەک ل دەڤەرا کەسک و نێزیک بالیۆزخانا ئەمریکا ل بەغدا کەفتن، ئەڤ شەڤە پێنج موشەک ئاراستەی بالیۆزخانا ئەمریکا ل بەغدا هاتنە کرن هەموو مۆشەک ل نێزیک بالیۆزخانێ کەفتنە خوارێ، لێ چ زیانێن گیانی و ماددی نەبوون.
ژئەگەرێ هەبوونا سیستەکێ دژە موشەکان د بالیۆزخانا ئەمریکا دا، موشەک بەر بالیۆزخانێ نەکەفتینە.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی سەرەپەرشتیا کۆمبوونا تایبەت یا چاکسازیان ل وەزارەتا پێشمەرگەی کر و راگەهاند کو ئەو دێ یا پێدڤی بۆ پێشمەرگەی کەن و گۆت: (چاکسازی ل وەزارەتا پێشمەرگەی گەلەک گرنگە و یا ژ دەستێ وان بهێت وەکو حوکمەت دێ بۆ پێشمەرگەی کەن).
سەرۆکێ حوکمەتا هەرێما کوردستانێ ئەو یەک ژی دیار کر کو وان دڤێت ل سەر بنەمایێ زانستی کار بۆ پێشڤەبرنا شیانێن پێشمەرگەی و رێکخستنا وان بکەن.
ئهڤرۆ نیوز:
پهیڤدارێ وهزارهتا ساخلهمیا حوكمهتا ههرێما كوردستانێ ل سهر ڤایروسێ كورونا دیاركر رێ و ئاوایێن پێدڤی هاتینه بكارئینان.
د. محهمهد قادر پهیڤدارێ وهزارهتا ساخلهمیێ راگههاند: تانوكه ل ناڤخویا ههرێما كوردستانێ بهرههڤكاری هاتینهكرن و ل گهل نهخوشیێن دی دێ هێنه جوداكرن ودێ ل بن چاڤدێریا چر دابن، رێ و ئاوایین پیدڤی هاتینه بكار ئینان و بهردهوامین ژی ل سهر بلاڤكرنا هشیاریا ساخلهمیێ و داخازی ژ خهلكی دكهین دیر بكهڤن ژ چونا دهستێن ئێك و ماچ و بهركهتنا ئێك، لێ تاكو نوكه مهترسی ل سهر ههرێما كوردستانێ و عیراقی نینه.
پهیڤدارێ وهزارهتا ساخلهمیا حوكمهتا ههرێما كوردستانێ گۆت: پشكهك ژ نیشانێن توشبوون ب ڤایروسێ كورونا وهك نیشانێن ئهنفلهوهنزایێ نه، نیشانێن وێ ژی پێكهاتنیه ژ ژانێن سهری، كوخك و تهنگه نهفهس و پهیدا بوونا ئازاری ل ماسولكهیێن لهشی، ههوكرنا سیهان و كاركهڤتنا گولچیسكا.
ئهڤرۆ نیوز:
جێگرێ سهرۆك ئهركانێ هێزێن پێشمهرگهی بۆ مهشق و ئوپراسیونان رادگههینیت ناڤێ دهرچویێن زانكۆ و پهیمانگههان ل تاقیكرنا وهرگرتنا كۆلیژێن سهربازی هاتیه و نوكهژی مژوولی ههلبژارتنا ناڤێن وانین ل ههیڤا شوباتێ یا ئیسال دهست ب خۆلێ هێتهكرن.
لیوا قارهمان شێخ كهمال جێگرێ سهرۆك ئهركانێ هێزێن پێشمهرگهی بۆ مهشق و ئوپراسیونان راگههاند: ل دهمێ بوری ژمارهیكا زۆرا دهرچووێن زانكۆ و پهیمانگههان دناڤ رێزێن هێزا پێشمهرگهی ب مهبهستا پشكداریكرن ل خولا بنهرهتی بۆ تاقیكرنێ چووبوونه كۆلیژێن سهربازی و ناڤێن وان هاتینه وهزارهتێ، بۆ خۆلێ بتنێ دێ 350 قوتابیان بۆ كۆلیژا سهربازی یا چهلاچولان هنێرین و 350 قوتابیان بۆ كۆلیژا سهربازی یا زاخۆ هنێرین، بهلێ ناڤێن هاتین ل دهرچوونا تاقیكرنێ زۆر زێدهتره ژ وێ رێژا وهرگرتنێ، لهورا نوكه مژوولی ههلبژارتنا ناڤاینه بۆ ئهڤێ همهبهستێ دهست نیشان بكهین.
ناڤبری ئهو چهنده ژی دیاركر خۆل بۆ ماوهیی دو سالان دێ بهردهوام بیت و قوتابی باوهرنامهیا بكالوریوسا سهربازی وهردگریت و دبیته میلازم دناڤ ریزێن هێزا پێشمهرگهیێ كوردستانێ.
ئهڤرۆ نیوز:
زێدهباری بكارئینانا توندوتیژیێ بۆ دوماهی ئینان ب خونیشاندانان، لێ خونیشاندانێن بهغدا بهردهوامن ل سهر نهرازیبوونێ بهرههڤ نینن دوماهیێ ب خونیشاندانێن خۆ بینن.
لگۆری میدیایێن عیراقی، سپیدههیا ئهڤرۆ خونیشاندهر ل بهغدا بهرهڤ مهیدانا تهحریر و خهلانی بهردهوامی داینه نهرازیبوونێ، پشكهك ژ قوتابیان ژبوی پشتهڤانیا خونیشاندهران هاتنه مهیدانا تهحریر.
سپێدههیا ئهڤرۆ ل مهیدانی و وهسبه ل بهغدا شهرۆپهڤچوون و توندوتیژی دناڤبهرا خونیشاندهران و هیزێن ئهمنی روودایه هێزین ئهمنی گوله و گازا روندك رێژ بكار ئینا بۆ بهلاڤكرنا خونیشاندهران و خونیشاندهرهكی ژی گیانێ خۆ ژ دهست دا و 19 كهسین دی ژی بریندار بوون.
رژدبوونا خونیشاندهران بۆ بهردهوامیدان ب نهرازیبوونێن خۆ پشتی دهی وهره هێزێن ئهمنی توندوتیژی هێز بۆ نههێلانانا خونیشاندان بكار ئینان، ل بهغدا هێزێن ئهمنی چوونه مهیدانێن خونیشاندانێ ل چهند باژێرێن دی خیڤهتگههێن خونیشاندهران سوتن و راكرن.
ئهڤرۆ نیوز:
بهنكهكا رافیدهین سهر ب حوكمهتێ راگههاند: ب مهبهستا دروستكرنا ئاڤاهیان ل سهر پارچهكه ئهردهكێ ئاكنجیبونێ بناڤێ ئهوی كهسی بیت یێ داخوازیا وهرگرتنا قهران خو توماركری بیت كۆ 50 ملیۆن دینار ب قهر پێ دهێنه دان.
لگۆری راگههاندنا نڤیسینگهها راگههاندنا بهنكا رافیدهین كۆ بهنك سهر ب حوكمهتا عیراقێ ڤهیه، بریار دایه 50 ملیۆن دیناران بدهته ههركهسهكی وهك قهر كۆ داخازا بكهت، د ههمان دهم دا ئهو ئهردێ ئاكنجیبونێ ههبیت و بناڤێ وی بخو بیت دشێت داخوازا وهرگرتنا قهری بكهت.
د راگههاندنا بهنكا رافیدهین دا هاتیه كۆ دڤێت ئهو ئهرد ب تاپویا نوو هات بێتهكرن، ژلایێ فهرمانگهها تومارا خانوبهره بهێته پشت راستكرن، تاكو بشێت بۆ بهرژهوهندا بهنكێ ئهوی عهردی بكهته رههن.
ههروهرسا ل وێ راگههاندنێ ژی دا هاتیه كۆ دڤێت ئهو كهسێ داخازا وهرگرتنا قهری دكهت، نهخشهیێ ئاڤاهی و مولهتا دروستكرنا ئاڤاهی بناڤێ داخازكهرێ قهری ڤه بیت، بهنكا رافدهین خزمهتگۆزاریێن خۆ ل تهڤایا پارێزگههێن عیراقێ پێشكیِ دكهن، بهلێ ب ئهگهرێ نهبوونا لقێ بهنكێ ل ههرێما كوردستانێ تاكو نها قهرێن ئهڤێ بهنكێ ههرێما كوردستانێ بخوڤه نهگرتیه.
ئهڤرۆ نیوز:
سهرۆكێ ئهمریكی دونالد ترامپ كار ل سهر پرۆژهكی دكهت كو ب (گرێبهستا چهرخی) یێ ناڤداره و بهحس ل وێ چهندێ دهێته كرن كو ژ ئهنجامێ وی پرۆژهی عیراق دێ ل سهر سێ دهولهتان دا هێته دابهشكرن.
ئهڤ پرۆژه كو چهندین ساله بهحس لێ دهێته كرن، د بنهرهتدا ناڤێ پرۆژێ ئاشتیێ یه د ناڤبهرا فلستین و ئیسرائیلێ دا، بهلێ ل نیسانا سالا 2017 دهمێ سهرۆكێ مسرێ عهبدولفهتاح سیسی سهرهدانا واشنتۆن كری، راگههاند” پرۆژێ ئاشتیێ د ناڤبهرا ئیسرائیلێ و فلستینێ دێ بیته گرێبهستا چهرخی”.
پرۆژێ گرێبهستا چهرخی هێشتا ب رۆهنی نههاتیه بهرچاڤكرن، بهلێ ل دهزگههێن راگههاندنێ یێن ئهمریكی و وهلاتێن دی چهند پێزانین هاتینه ئاشكراكرن و تێدا دهردكهڤیت كو ئهو ئهو پرۆژه وهكو چارهسهریهك بۆ ب دووماهی ئینانا ململانێیا د ناڤبهرا فلستینێ وئیسرائیلێ دا هاتیه بهرچاڤكرن”.
ئێك ژ خالێن چارهسهریا ناكۆكیێ، ڤهگهراندنا ئاوارێن فلستینی یه ژ وهلاتێن جیهانێ بۆ وهلاتێن عهرهبی، ب تایبهتی ژی بۆ ئوردنێ و مسرێ و عیراقێ، ل بهرامبهر پشتهڤانیا ئابووری یا ئهمریكا، بۆ ڤی پرۆژهی ژی وهلاتێن كهنداڤی گۆژمێ 10 ملیار دۆلار بۆ ئاڤاكرنا دهولهتا فلستینێ و ژێرخانا وێ وهكو “( فرۆكخانه، بهندهرێن دهریای، پرۆژێن ئاكنجیكرنێ، چاندن، باژێرێن نوو و دهڤهرێن پیشهسازی”.
پێشتر ل سالا 2019، جهزا جنگیانی، مامۆستا ل ئێك ژ زانكۆیێن رووسیا، د پرۆژهكی دا ئاماژه ب وێ چهندێ كربوو ههكه عیراق بهێته پارچهكرن بۆ سێ دهولهتان(كورد ل باكوور، عهرهبێن سوننه ل ناڤهراست و رۆژئاڤا و عهرهبێن شیعه ل باشووری). دێ دشیان دا بیت ب ئێكگرتنا دهولهتا عهرهبێن سوننه ل گهل ئوردنێ، دهڤهرهكا بهرفرهه بۆ چارهسهركرنا كێشا فلستینی بهێته دیتن.
ههر د ڤی چارچۆڤهی دا، باقر جهبر زوبهیدی، وهزیرێ بهرێ یێ ناڤخوهیی و دارایی یێ عیراقێ و سهركردێ جڤاتا بلند یا ئیسلامی ل عیراقێ، ل دووماهیا گۆلانا 2018 راگههاندبوو كو دهڤهرا قائیم ل رۆژئاڤایێ پارێزگهها ئهنبار، خالێن گرنگێ پێدانێ یه ژلایێ گرۆپێن چهكداری یێن توندرهو ڤه، ئهڤه ژی بهلگهیه ل سهر پهیوهندیا عیراقێ ب پرۆژێ (گرێبهستا چهرخی) ڤه”.
ههروهسا ل دووڤ پرۆژێ (گرێبهستا چهرخی) یا ئاشكرابووی كو رۆژئاڤایێ رووبارێ فوراتێ ل عیراقێ، دێ بیته وهلاتهكێ شوونگر بۆ فلستینیان كو دێ ب ئوردنێ و دهڤهرا كهرتێ رۆژئاڤا ل فلستینێ پێكڤه هێنه گرێدان.
ب دیتنا باقر جهبر زوبهیدی، بهغدا پشكهك نینه ژ (گرێبهستا جهرخی) بهلێ راستی تشتهكێ دی یه، ژبهر گهلهك هۆكاران، وهلاتێ دو رووباران بربرا پشتا وی پرۆژهیه”.
ههر ل دۆر چارهنڤیسێ عیراقێ ژ ئهنجامێ پرۆژێ (گرێبهستا جهرخی)، هیوا سهید سهلیم شارهزا د پهیوهندیێن نێڤدهولهتی دا د نڤیسینهكا كورت دا ب چهند خالان بهحس ل وێ چهندێ كریه كو پرۆژێ (گرێبهستا جهرخی) ب مهرهما چارهسهركرنا ئێكجاری یا كێشا عهرهبی – ئیسرائیلی هاتیه بهرچاڤكرن ووهلاتێ سعودیێ ژی ب پارهی پشتهڤانیێ ل وی پرۆژهی دكهت كو د ئهنجامێ وی پرۆژهی دا دێ دهستكاری د سنوورێن وهلاتێن ئیسرائیل- فلستین- سعودیه – مسر و عیراقێ دا هێته كرن كو (جارید كوشنهر) زاڤایێ ترامپی ئهندازیار و جێبهجێكارێ وی پرۆژهیه.
ههروهسا دبێژیت” ههكه ئهو پرۆژه بهێته بجهئینان دێ عیراق بیته سێ دهولهتێن بچووك و یێن سهركهفتی ژ ڤی پرۆژهی دێ ئیسرائیل و مسر و سعودیه و كورد بن”.
ئهڤه د دهمهكی دایه كو بریاره ل رۆژا سێشهمبیا داهاتی 28 كانوونا دویێ 2020، بنیامین ناتانیاهۆ سهرۆك وهزیرێن ئیسرائیلێ بگههیته واشنتۆن و ل گهل دۆنالد ترامپ، سهرۆكێ ئهمریكا دانوستاندنێ ل دۆر (گرێبهستا جهرخی) بكهت”.
ل رۆژا ئهینیێ 24 كانوونا دویێ 2020، ترامپی راگههاندبوو كو دبیت بهری كۆمبوونێ ل گهل ناتانیاهۆی، ب فهرمی (گرێبهستا جهرخی) بهێته راگههاندن و ههرچهنده ل دهستپێكێ دێ كارڤهدانا فلستینیان بۆ پرۆژهی یا نێگهتیڤ بیت، بهلێ پاشی دێ كارڤهدانهكا ئهكتیڤ بینین، چونكه گهلهك خالێن باش ب رێیا ڤی پرۆژهی دێ بۆ وان هێنه دهستهبهركرن.
ئهڤرۆ نیوز:
سهرۆكێ حزبا ئوممه یا عیراقی دهولهتا عیراقێ ب شكهستی ل قهلهم ددهت و رادگههینیت كو عیراقێپێدڤی ب هاریكاریا نێڤدهولهتی یا ههی. ههڤدهم بهحسێ سهرۆك بارزانی دكهت و ب سومبۆلهكێ دزانیت كو ژ بلی كوردان، بارزانی بهرگری ژ عهرهبان و ههموو پێكهاتێن عیراقێ ژی یا كری.
میسال ئالۆسی، سهرۆكێ حزبا ئوممه یا عیراقی كو ب دۆستهكێ نێزیك یێ گهلێ كورد دهێته نیاسین گۆت” چهند لیستێن پهرلهمانێ عیراقێ وهكو (بیناو) و (سائیروون)، مهزنترین ئاستهنگن ل بهردهم دیتنا كهسایهتیهكی بۆ پۆستێ سهرۆكێ وهزیران”.
ئالۆسی رۆهنكر ژی كو حوكمهت و حزبێن عیراقی و میلیشیا یێن كهفتینه دحالهتێ شهركرنێ دا و ههموو ب چهكی ل بهرامبهر خوهنیشاندانێن ئاشتیانه یێن راوهستاین و خهلكێ دبن ژیێ 18 سالیێ دا دهستهسهر دكهن و ئهشكهنجه ددهن و بزاڤێ دكهن ژی راستیان بهرۆڤاژی بكهن و ئهڤ جۆره كاره بهرۆڤاژی دستووری و مافێن مرۆڤی یه و عیراق دهولهتهكه شكهستن یا خواری و پێدڤی ب هاریكاریا نێڤدهولهتی یا ههی”.
ئالۆسی دیاركر كو ههرێما كوردستانێ باشترین كار كریه كو راگههاندی ئهو یا رازی نینه هێزێن ههڤپهیمانان ژعیراقێ دهركهڤن و گۆت” پێدڤیه ههڤپهیمان وێ چهندێ بزانن كو ههبوونا میلیشیان مهترسیهكا مهزنه ل سهر عیراقێ”.
د پشكهكا دی یا ئاخڤتنێن خوه دا میسال ئالۆسی بهحسێ رۆلێ سهرۆك بارزانی د سهقامگیریا رهوشا سیاسی ل عیراقێ و ههرێما كوردستانێ كر و گۆت”بارزانی شۆرهشگێرێ سهردهمێ چیایه و سیاسهتمهدارهكێ مرۆڤ دۆسته و ههكه دلفرههیا وی نهبا، دا هندهك سنێلێن سیاسی رهوشێ بهر ب ئاقارهكی دێ بهن”.
رۆهنكر ژی” پێگههێ ههرێمایهتی و نێڤدهولهتی یێ سهرۆك بارزانی دشیان دایه ببیته هۆكارێ پاراستنا بهرژهوهندیێن ههرێما كوردستانێ و عیراقێ”.
دووپات كر ژی كو سهرۆك بارزانی ژ بلی وێ چهندێ داخوازا مافێ رهوا یێ گهلێ خوه كریه، بهرگری ژ عهرهبێن عیراقێ و ههموو پێكهاتێن دی یێن عیراقێ كریه تاكو مافێن خوه وهربگرن، لهوما بارزانی یێ بوویه سومبۆل”.
ئەڤرۆ نیوز:
ڤایرۆسێ كۆرۆنا ل باژێرێ ووهان ل ههرێما هۆبی ل ناڤهندا چینێ بەری دەمەکێ دهركهفتیه و پاشی ل باژێرێن پهكین و شهنگههای و مهكاو بەلاڤبوویه.
رۆژناما وول ستریت جۆرنال راگەهاندیه، کو ئەمریكا سوبەهی ئێکشەمبی دێ گەشتەکا ئاسمانی رێك ئێخیت بۆ ڤەگوهاستنا وەلاتی و دبلۆماتكارێن ئەمریكا ل باژێڕێ ووهان یێ چینی، هەروەسا ئەو فڕۆکە دێ نێزیكی 230 دبلۆماتكاران ژ كونسوڵخانا ئەمریكا، هەروەسا وەلاتیێن ئەمریكی ل گەل خێزانێن وان دێ ڤەگۆهێزیت.
ئەڤرۆ نیوز:
ئەڤرۆ هەشت گەشتیاران ب مەرەما گەشت و گۆزار قەستا چیایێ گاروکی ل سنورێ ناحیا سەرسنکێ کربوو، بەلێ ب ترومبێلڤە ئاستێ بوون و مانە دناڤ سر و سەرما و بەفرێ دا، تیمەکا باژێرڤانیا سەرسنکێ پشتی هەول و بزافەکا زور شیان هەر هەشت کەسان ب سلامەتی رزگار بکەت.
ئەمیر ئەترۆشی، بەرپرسێ راگەهاندنا رێڤەبەریا گشتی یا باژێرڤانیان ل پارێزگەها دهۆکێ بۆ ئەڤرۆ نیوز گۆت: (ئەڤرۆ هژمارەکا گەشتیارێن سنورێ پارێزگەها دهۆکێ ب مەرەما گەشت و گۆزار قەستا چیایێ گاروکی ل سەرسنکێ کربوو، بەلێ جهێ داخێ یە ژ ئەگەرێ بارینا بەفرەکا زۆر ئاسێ ببوون).
زێدەتر گوت: (تیمەکا رامالینا بەفرێ یا باژێرڤانیا سەرسنکێ پشتی هەول و بزاڤەک زۆر شیان خوە بگەهینن چیایی و وان گەشتیاران رزگار بکەن کو هژمارا وان هەشت کەس بوون، ئەڤە زێدەباری کو ئەم زویکا ئاگتهدار نەکرین و ئەو دەمەکێ زور بو ئەو ئاسێ ببوون).
ناڤبری دیارکر ژی کو تیمێن وان ددەما 24 دەمژمێران دا دخزمەتا وەلاتیان دانە بۆ ڤەکرنا رێیا و گۆت ژی: (داخوازێ ل هەموو گەشتیار و وەلاتیان دکەین کو بێ زاییاری قەستا جهێن مەترسی و بەفرین نەکەن داکو چوو کێشە بۆ دروست نەبن، دیسان هەر وەلاتیەک ژی پێدڤی ب هەڤکاریێ بیت دخوازین بلەز مە ئاگەهدار بکەن داکو بشێن وان بێ کێشە رزگار بکەین).
نيشاندان