ئەڤرۆ نیوز،بارزان مزووری:
ئەڤرۆ سپێدێ رێکەفتی ٢٧ى ته‌باخا ٢٠١٩ دکتور “خه‌یری سڤۆ” بەرپرسێ کەرتێ ساخلەمیا شێخان ل نەخوشخانا ئازادی ل پارێزگەھا دھوک وەغەرا دوماھیێ کر.
دکتور خه‌یری ئەڤە ماوێ ٥ ھەیڤە توشی نەخوشیەکا گران بۆ ھات بو رەوانەکرن بۆ نەخوشخانێن دەرڤەی وەلاتی ئەڤە ماوەیەک بۆ ڤەگەریا بۆ کوردستانێ د نەخوشخانا ئازادی پارێزگەھا دھوک لبن چاڤدێریا نوژداران بۆ ئەڤرۆ وەغەرا دوماھیێ کر.
دکتور خه‌یری سڤۆ تایبەتمەندێ پێستی بۆ ئێکەم نوژدار بۆ ل قەزا شێخان بۆ چارەسەریا نەخوشیێن پێستی.
ئه‌ڤرۆ نیوز:
سه‌رۆكێ ره‌وتێ سه‌درى وهه‌ڤپه‌یمانیا سائیرون، موقته‌دا سه‌در داخواز ژ هه‌موو لایه‌نان كر هه‌تا ده‌مێ پشتراستبوونێ ل وێ چه‌ندێ كو ئیسرائیلێ بوردومانا حه‌شدا شه‌عبى یا كرى، تاكلایانه بریارێ نه‌ده‌ن.
سه‌در ل سه‌ر به‌رپه‌رێ خوه ل تۆرا جڤاكى یا تویته‌ر به‌لاڤكر” ئیسرائیل یا دوور نینه ژ تاوانێن تیرۆرستى ل عیراقێ، به‌لێ ئه‌ز یێ د وێ باوه‌ریێ دا ئه‌و چو جاران كاره‌كێ ژ ڤى جۆرى ناكه‌ت، چونكى ئه‌و ب خوه باش ئه‌نجامێن ڤان جۆره پێنگاڤان دزانیت كو چه‌نده، ئیسرائیلى ژى باش دزانن كو دووماهیا وان یا ل عیراقێ، له‌وما خوه نا ئێخنه یاریه‌كا ب ڤى شێوه‌ى كو گه‌له‌ك ژ قه‌بارێ وان مه‌زنتره”.
دیاركر ژى” پێدڤیه ل سه‌ر حوكمه‌تا عیراقێ ب سه‌رپه‌رشتیا جڤاكێ نێڤده‌وله‌تى له‌زێ د ڤه‌كۆلینێ ل دۆر ڤى بابه‌تى بكه‌ن، هه‌كه هاته پشت راستكرن كو ئیسرائیلێ ئه‌و تاوان یا ئه‌نجامداى، پێدڤیه هه‌موو لایه‌ك دان ب خوه دا بگرن و ب تاكلایانه بریارێ نه‌ده‌ن، عیراق ئێدى ته‌حه‌مولا وان كاران ناكه‌ت”.
ئەڤرۆ نیوز، نەوزاد هلۆری:
پتری 30 سالە وەلاتیەکێ ئێزدی کو خەلکێ شنگالێ یە و ل کەمپا کەبەرتو ئاکنجی یە، جلكێن تایبەت ب کوردێن ئێزدی د دوریت.
ئەڤرۆ نیوز:
لەیلا زانا ئەنداما بەرێ یا پەرلەمانێ تورکیا و سیاسەتمەدارا ناڤدارا باکورێ کوردستانێ د پەیامەکێ دا راگەهاند کو ئەو باوەر دکەت بەرێز مەسرور بارزانی سەرۆکێ حوکمەتا هەرێما کوردستانێ دێ شێت هەموو ئاریشێن هەی چارە بکەت و د کارێ خوە دا سەرکەفتی بیت.
لەیلا زانا هەروەسا دیار دکەت کو ئەو باوەر دکەت مەسرور بارزانی دێ شێت هەموو دەستکەفتیێن گەلێ کوردستانێ ب باشترین شێوە بپارێزیت.
ئەڤرۆ نیوز، نیوار محەمەد سەلیم:
بڕياره رۆژا چارشه‌مبى جڤاتا پارێزگه‌ها دهۆكێ كۆمبوونا خوه يا ئاسايى ئه‌نجام بده‌ت و تێدا هه‌ر ئێك ژ رێڤه‌به‌را فه‌رمانگه‌ها دادنڤيسيێ، نيدار محه‌مه‌د موفتى و نوونه‌رێ كۆمپانيا “INFO RR LTD” يا په‌يوه‌نديدار هاتينه داخوازكرن.
ب گۆره‌ى نڤيساره‌كێ كو جڤاتا پارێزگه‌ها دهۆكێ به‌لاڤكريه ئاشكه‌را كريه كو ژبۆ به‌رژه‌وه‌نديا گشتى و ل گۆر بڕگا (1) ماددێ (28) ژ په‌يره‌وێ ناڤخۆ يێ جڤاتا پارێزگه‌ها دهۆكێ و پشتى بڕيارا ئه‌لكترۆنيكرنا فه‌رمانگه‌هێن دادنڤيسيێ بوويه جهێ نه‌رازيبوونێ ل ده‌ف وه‌لاتيێن پارێزگه‌هێ جڤاتا پارێزگه‌هێ دێ كۆمبوونا خوه يا ئاسايى يا ژماره 99 ل رۆژا چارشه‌مبى ل هۆلا جڤاتێ گێريت.
هه‌ر د وێ نڤيسارێ دا ئاماژه ب وێ چه‌ندێ ژى كريه كو ئه‌ڤ كۆمبوونه دێ يا تايبه‌ت بيت ب بابه‌تێ “سيسته‌مێ ئه‌لكترۆنيكرنا فه‌رماهه‌نگێن دادنڤيسێ” ل پارێزگه‌ها دهۆكێ ب ئاماده‌بوونا لايه‌نێن په‌يوه‌نديدار كو هه‌ر ئێك ژ رێڤه‌به‌را فه‌رمانگه‌ها دادنڤيسيێ، نيدار محه‌مه‌د موفتى و نوونه‌رێ كۆمپانيا “INFO RR LTD” يا په‌يوه‌نديدار.
ئەڤرۆ نیۆز، ئەمیر ئەترووشی:
باژێرڤانیا شێلادزێ ھەوەک بۆ دەستەسەرکرنا وان دەواران دەستپێکریە ئەوێن ب سەر شێلادزێ دا گرتی و 70 دەوار دەستەسەرکرن.
سەربەست حسێن، سەرۆکێ باژێرڤانیا شێلادزێ بۆ ئەڤرۆ نیۆز دیار کر، ئەڤە ماوێ چەند رۆژانە ھژمارەکا زۆر یا دەواران کەفتینە دناڤا باژێرکێ شێلادزێ دا و بوویە ئەگەر دیمەنەکێ نە شارستانی دایە دەڤەرێ و دلگرانی ل دەڤ وەلاتیان ژی پەیداکریە، لەوما د ڤان دوو رۆژان دا وان ھەوەکا بەرفرەھـ دەستپێکریە بۆ دەستەسەرکرنا وان دەواران و ھەتا نوکە نێزیکی 70 دەواران دەستەسەرکرینە.
ناڤبری زێدەتر دبێژیت: ئەم نیازین ڤان دەواران بکەینە د ترێلەکێ دا و ببەینە جھەکێ دوور ژ باژێری بدانین، بۆ ھندێ جارەکا دی نە ڤەگەرنە دەڤەرا مە.
ئەڤرۆ نیوز؍عەلی حاجی :
پشتی بۆ ئێکەم جار قارەمانیا لەشجوانیێ ل باژێرێ زاخۆ هاتیە ئەنجامدان؍هولێن باژێرێ زاخۆ شیان کونترولێ ل سەر قارەمانیێ بکەن و رێزێن باش ب دەست خوەڤە بینن.
ئازاد سالح؍ سەروکێ ئێکەتیا خوە لێکدانێ ل پارێزگەها دهوکێ بۆ ئەڤرۆ نیوز دیار کر ئەڤ قارەمانی یە ب چاڤدێریا ئێکەتیا لەش جوانیێ ل پارێزگەهێ ب هەڤکاریا یانا زاخۆ یا وەرزشی هاتە نجامدان ل باژێرێ زاخۆ؍ بۆ ئێکەم جارە قارەمانیا لەش جوانیێ ل سەر ئاستێ پارێزگەها دهوکێ بهێتە ئەنجام دان؍دل خوەش بوین ئەڤ قارەمانی یە ل باژێرێ زاخو هاتیە ڤەکرن؍د ڤێ قارەمانیێ دا ۲۰ تیم پشکدار ببون و ۸۰ یاریزانان ل سەر ۱۰ کێشەێن جودا هەڤرکی دکر؍پشتی هەڤرکیەکا دژوار د ناڤبەرا تیمێن پشکدار دا؍هولا نەزیر عەلی ل زاخۆ شیا رێزا ئێکێ ب دەست خوەڤە بینیت و هولا وار ژ ژباژێرێ دهوکێ ل رێزا دویێ هات و هولا ئولومپی ل باژێرێ زاخۆ ل رێزا سیێ هات .
گوت ژی : ۱۰ یاریزان هاتنە دەست نیشان کرن بۆ هەلبژارتیێ پارێزگەها دهوکێ؍ بریارە ل هەیڤا ۱۱ یا ئەف سالە ئەو تیم پشکدار ببیت د قارەمانیا کوردستانێ دا یا یاریا لەش جوانیێ ؍ ژهەمی روویەکێ ڤە ئەڤ قارەمانی یە یاسەرکەڤتی بوو و هەڤرکیەکا دژوار دهاتەکرن؍ زێدەباری وێ چەندێ ژی هەر د ڤێ قارەمانیێ دا مە چەندین خەلات پێشکێشی قارەمانێن کەڤن و نوکە کرن وەکو پشتەڤانیەکا بۆ خزمەتا وان یاریزانان.
ئەڤرۆ نیوز، نەوزاد هلوری:
کچەکا باژێرێ دهوکێ، بناڤێ (هێلین ئیسماعیل) کوا کچه‌كا مەسیحی یا گوندێ کوسەیە، هەموو ئەندامێن خێزانا خوە ژ دایك و باب و خوشک و برا د ئەنفالا سالا 1988 یا دەڤەرا بەهدینان ژ دەست داینە، ئەو بۆ ئەڤرۆ نیوز بەحس ل ئەنفالکرنا خێزانا خوە دکەت و دخوازیت جهێن شولەژێ پروسا ئەنفالێ ب بچوکی نەبینن.
ئه‌ڤرۆ نیوز:
رۆژنامه‌كا بریتانى به‌لاڤكر، ئیسرائیلێ شه‌ره‌كێ نهێنى ل عیراقێ یێ ده‌ستپێكرى.
رۆژناما (تایمز) یا بریتانى د راپۆرته‌كێ دا به‌لاڤكر” به‌رپرسێن ئه‌مریكى ئاشكراكریه كو ئیسرائیلێ كۆگه‌هێن چه‌ك وته‌قه‌مه‌نیا حه‌شدا شه‌عبى ل عیراقێ كریه ئارمانج كو ئه‌ڤه ره‌وشا ئاسایشا عیراقێ دێ تێكده‌ت”.
بنیامێن ناتانیاهۆ، سه‌رۆك وه‌زیرێن ئیسرائیلێ راگه‌هاندبوو كو وه‌لاتێ وى ل پشت وان هێرشێن دژى حه‌شد شه‌عبى بوو ل عیراقێ.
ئه‌ڤرۆ نیوز:
فه‌رمانگه‌ها په‌یوه‌ندیێن ده‌رڤه ل هه‌رێما كوردستانێ د رۆهنكرنه‌كێ دا ره‌تكر رێككه‌فتنه‌ك د ناڤبه‌را وێ و وه‌زاره‌تا ده‌رڤه یا حوكمه‌تا فیدرالى یا عیراقى هاتبیته ئیمزاكرن.
فه‌رمانگه‌ها په‌یوه‌ندیێن ده‌رڤه د رۆهنكرنه‌كێ دا به‌لاڤكر” د هنده‌ك ده‌زگه‌هێن راگه‌هاندنێ دا هاتیه به‌لاڤكرن كو رێككه‌فتنه‌ك د ناڤبه‌را فه‌رمانگه‌ها په‌یوه‌ندیێن ده‌رڤه ل حوكمه‌تا هه‌رێمێ و وه‌زاره‌تا ده‌رڤه ل حوكمه‌تا فیدرالى یا عیراقى هاتیه به‌لاڤكرن، ئه‌م ل فه‌رمانگه‌ها په‌یوه‌ندیێن ده‌رڤه رادگه‌هینین كو چو رێككه‌فتنه‌ك ل گه‌ل وه‌زاره‌تا ده‌رڤه یا عیراقا فیدرال نه‌هاتیه كرن، به‌لكو تنێ په‌یوه‌ندیه‌كا ته‌له‌فۆنى یا ئاسایى د ناڤبه‌را وه‌زیرێ ده‌رڤه یێ عیراقا فیدرال وبه‌رپرسێ فه‌رمانگه‌ها په‌یوه‌ندیێن ده‌رڤه ل حوكمه‌تا هه‌رێمێ بوو كو د وێ په‌یوه‌ندیێ دا ب هه‌لكه‌فتا ده‌ستبكاربوونا وى، وه‌زیرێ ده‌رڤه‌یێ عیراقا فیدرال پیرۆزباهى ل سه‌فین دزه‌یى كریه”.
دیاركر ژى” ژبه‌ر سروشتێ كار وئه‌ركێن مه، ب شێوه‌كێ به‌رده‌وام ل گه‌ل وه‌زاره‌تا ده‌رڤه یا عیراقا فیدرال د هه‌ماهه‌نگیێ داینه و په‌یوه‌ندیێن مه د ئاسایى نه”.
نيشاندان