ئەڤرۆ نیوز، نەوزاد هلۆری:
کاربدەستێن فلمەڤیستەڤالا دهۆک یا نیڤدەولەتی بۆ ئەڤرۆ نیوز دیارکر کو فلمەڤیستەڤالا دهۆک یا نیڤدەولەتی دێ د دەمێ خوە دا هێتە ئەنجامدان و 112 فلمێن درێژ و کورت یێن نافخوە و دەرڤە ژ 75 وەلاتێن جیهانێ پشکدارن و بۆ دەمێ حەفت رۆژان دێ ل سێ هولێن سینەمایێن دهۆکێ هێنە نیشاندان و هەموو بەرهەڤی ب دووماهى هاتینە كو بریاره ل 9/9/2019 فلمه ڤیسته‌ڤال بهێته ڤه‌كرن وهه‌تا 16/9/2019 یا به‌رده‌وام بیت.
ئه‌ڤرۆ نيوز:
د نڤيساره‌كێ دا، مه‌سرور بارزانى سه‌رۆك وه‌زيرێن هه‌رێما كوردستانێ رادگه‌هينيت پشت به‌ستن ب ئه‌حكامێن مادێ هه‌شت ژ قانوونا جڤاتا وه‌زيرێن هه‌رێما كوردستانێ هژمار 3 سالا 1992 يا راستڤه‌كرى، ل به‌ر رۆناهيا نڤيسارا ده‌سته‌يا ده‌ستپاكيێ ل هه‌رێما كوردستانێ، و ل به‌ر رۆناهيا كونووسا كۆمبوونا جڤاتا وه‌زيران هژمار 2 ل 22/7/2019 بريار هاته دان:
1- پێدڤيه هه‌موو وه‌زير وخودان وه‌زيفێن بلند يێن كابينا نه‌هێ يا حوكمه‌تا هه‌رێما كوردستانێ ل به‌ر رۆناهيا قانوونا ده‌ستپاكيێ ل هه‌رێما كوردستانێ هژمار 3 سالا 2011 يا راستڤه‌كرى، فۆرما ئاشكراكرنا به‌رژه‌وه‌نديێن دارايى داگرن.
2- وه‌زاره‌ت ولايه‌نێن په‌يوه‌نديدار ڤێ فۆرمێ دێ داگرن.
ئه‌ڤرۆ نيوز:
نه‌شئه‌ت ئه‌كره‌م ياريكه‌رێ گه‌نج ل ئه‌كاديميا ته‌پا پێ ل زلوغيه د رووبارێ ديجله دا خه‌ندقى.
ئه‌حمه‌د رياز، وه‌زيرێ وه‌رزش ولاوان ل عيراقێ ده‌نگوباسێ وه‌غه‌ركرنا نه‌شئه‌ت ئه‌كرم راگه‌هاند وسه‌ره‌خوه‌شى ل بنه‌مالا وى ياريزانى كر.
په‌ياما وه‌زيرێ وه‌رزش ولاوان ل عيراقێ بوويه جهێ حێبه‌تيا هه‌وادارێن ته‌پا پێ ل عيراقێ، ژبه‌ركو ئه‌و ياريكه‌ر كو ناڤێ وى (نه‌شئه‌ت ئه‌كره‌م)، نه ياريكه‌رێ به‌رێ يێ هه‌لبژارتيێ عيراقێ يه، به‌لكو ياريكه‌رێ ئه‌كاديميا ته‌پا پێ يا زلوعيه يه وياريكه‌ره‌كێ گه‌نج بوو. كو ئه‌ڤرۆ ل ده‌مێ مه‌له‌ڤانيان ل رووبارێ ديجله خه‌ندقى.
ئەڤرۆ نیوز، مەحمود نهێلی
ل ژێر چاڤدێریا لقێ ۱۸ یێ پارتی و ب ئامادەبونا جەماوەرەکی زۆرێ دەڤەرێ و ب هەلکافتا دامەزرادنا پارتی دیموکراتی کوردستان ئاهەنگەکا جەماوەری ل سەیرانگەها زەرزۆر ل دێرەلۆکێ ئێڤاریا ئەڤرۆ ۲۰/۸/۲۰۱۹ هاتە گێران.
د پەیڤەکی دا عومەر ئورەی، بەرپرسێ لقێ ۱۸ یێ پارتی دیار کر، کو ئەڤ ئاهەنگە ب هەلکه‌فتا دامەزراندنا پارتی دیموکراتی کوردستان و ساخکرنا ۷۳ سالێن پری خەبات و بەرخودان ، هاتیە گێران و گۆت : پارتی دیموکراتی کوردستان هێزەکا نیشتیمانی و دیموکراسی هاتە د قادا خەباتێ دا و جەماوەرەکی زۆر ل دۆر خوه كۆمكر و سەدان سەروەری ژبۆ ئازادیا کوردستانێ تومارکرن و ب هزارهان عەگیدان خوە کرە قوربانی بو ڤێ ئازادیێ و سەروەریا ئەڤرۆ ئەم تێدا.
دیار ژی کر، کو نوکە ژی هەر پارتى ژبۆ پاراستنا دەستکەفتێن هەرێما کوردستانێ خەبات و بەرخودانێ دکەت.
ل دووڤ دا ژ لایێ هەلبەستڤان بورهان زێباری چەند هەلبەستەک هاتنە خواندن زپاشى ژلایێ سترانبێژان (هێلینا کوردی) و (رێکێش سەیرانی) و چەند سترانبێژێن دی چەند ستران هاتنە گۆتن و ئاهەنگەک و گۆڤەندەکا بەرفرە هاتە گێران.
ئه‌ڤرۆ نيوز:
ل دووڤ نڤيساره‌كا ده‌سته‌يا ده‌ستپاكيێ ل هه‌رێما كوردستانێ، كو ل هه‌يڤا بۆرى ده‌رچوويه ئاماژه ب برياره‌كێ بۆ فه‌رمانبه‌ران هاتيه كرن.
د وێ نڤيسارێ دا هاتيه” نابيت فه‌رمانبه‌ر ل ده‌مێ ده‌واما فه‌رمى كاره‌كێ دى بكه‌ت، ب تايبه‌ت ئه‌وێن هه‌لگرێن باوه‌رنامێن بلند”.
وه‌كو پشكا قانوونى ل ده‌سته‌يا ده‌ستپاكيێ ئاماژه بۆ كرى، ئه‌و برياره ب رامانا قه‌ده‌غه‌كرنا كاركرنا فه‌رمانبه‌رى نينه، به‌لكو بۆ وى هه‌يه پشتى ده‌واما فه‌رمى كارێ تايبه‌ت يێ خوه بكه‌ت. دووپات كريه ژى كو ل ده‌مێ فه‌رمى دا پێدڤيه فه‌رمانبه‌ر پێگير بيت ب كارێ ده‌واما فه‌رمانگه‌ها خوه.
ئه‌ڤرۆ نيوز:
برياره وه‌زيرا به‌رگرييا ئه‌لمانيا پشتى ب دووماهى ئينانا سه‌ره‌دانا خوه بۆ به‌غدا پايته‌ختێ عيراقێ دێ سه‌ره‌دانا هه‌ولێرێ پايته‌ختێ هه‌رێما كوردستانێ كه‌ت.
ئه‌نگرێت كرامپ وه‌زيرا به‌رگرييا ئه‌لمانيا ئه‌ڤرۆ رۆژا سێشىمبى 20/8/2019 سه‌ره‌دانا به‌غدا كريه دگه‌ل به‌رپرسێن بلندێن عيراقێ ژى كومبوويه، دهێته زانين پشتى سه‌ره‌دانا خوه بۆ به‌غدا ب دووماهى دئينت دێ به‌ر ب هه‌ولێرێ ژى هێت ديسان دێ دگه‌ل به‌رپرسێن بلند يێن هه‌رێمێ ژى كومبووم بيت.
ئەڤرۆ نیوز ، زنار تۆڤی:
ئەڤرۆ سێشەمبی 20 تەباخا 2019 ێ فرۆکێن سۆپایێ تورکی ترۆمبێلەکا بیکاب یا گەریلایێن پەکەکێ ل نێزیک گوندێ بابیرێ کرە ئارمانج و د ئەنجامدا زیانێن مەزن گەھاندنە وێ بیکابێ و ھەروەسا ئاگر بەردایە ھندەک زەڤیێن گوندیان ژی.
سەلمان وەلاتیەکێ گوندێ بابیرێ یە بۆ ئەڤرۆ نیوز گۆت: بەری نیڤرۆیا ئەڤرۆ سێشەمبی فرۆکێن سۆپایێ تورکی ھێرش کرە سەر ترۆمبێلەکا بیکاب یا گەریلایێن پەکەکێ و د ئەنجامدا زیانێن مەزن گەھاندنە ترۆمبێلا وان، لێ ئەو نەشیاینە بچنە جھێ روودانێ ژ ترسا بۆمبەبارانکرنا فرۆکان و زیانێن وێ بۆمبەبارانێ نەھاتینە زانین، لێ ئاگر یێ بەربوویە ترۆمبێلێ و ھندەک زەڤیێن گوندیان.
ھەروەسا ئەو جھێ ترۆمبێل لێ ھاتیە بوردۆمانکرن نێزیکی خانیێن وەلاتیانە و ڤێ چەندێ ترس ل دەف خەلکێ دەڤەرێ پەیدا کریە.
ئه‌ڤرۆ نيوز:
وەزارەتا دارایی یا حۆکمەتا ھەرێما کوردستانێ بریارا خەرجکرنا 30% ژ دەرمالەیێن مەترسیێ ژ مۆچەیێ بنەرەت بۆ ھژمارەکا فەرمانبەرێن وەزارەتا شارەوانی و گەشتۆگۆزار دەرکریە.
ل گۆرەی نڤیسارەکا وەزارەتا دارایی و ئابووری یا حۆکمەتا ھەرێما کوردستانێ کو ل حەفتیناما (باس) بلاڤبوویە، بریارا خەرجکرنا 30% ژ دەرمالەیێن مەترسیێ ژ مۆچەیێ بنەرەت بۆ فەرمانبەرێن (ئەندازیارێن چاندنێ و ڕابەرێ چاندنێ و چاڤدێران و باخچەڤانان) ئەوێن گرێدای وەزارەتا شارەوانی و گەشتۆگۆزار یا حۆکمەتا ھەرێما کوردستانێ.
ل گۆرەی زانیاریان، ئەڤ دەرمالە بەری نھا ژی ئەڤ دەرمالەیە بۆ باخچەڤانان ھەبوویە، بەلێ ب تنێ ئەو فەرمانبەر بخۆڤەدگرتن ئەوێن دناڤا پرۆژەیان دا و ئەوێن دی ڤەنەدگرتن، بەلێ ژ نھا و وێڤە دێ ھەموویان بخۆڤەگریت و ئەڤ دەرمالەیە دێ ژ 1/1/2019 بۆ وان کەسێن مفادار ھێتە خەرجکرن و ئاشکرا ژی بوویە، ئەگەر بۆ نموونە مۆچەیێ فەرمانبەرەکی 500 ھزار دینار بیت، واتە دێ 150 ھزار دینار ل سەر مۆچەیێ وی زێدەبن.
ئه‌ڤرۆ:
ئەندامەکێ پەرلەمانێ کوردستانێ راگەھاند، خواندنا دوویێ دێ پرۆژەقانوونا خانیێن زێدەگاڤی ل ھەرێما کوردستانێ ھێتە کرن و ل گۆرەی برگێن وێ قانوونێ ب تنێ دێ وان وەلاتیان ڤەگریت ئەوێن چو مۆلک و مال ل سەر ناڤێ وان نەبیت و گۆت: ئەگەر ئەڤ پرۆژە قانوونە سەربگریت دێ ب تنێ خانیێن وان وەلاتیان ھێنە تاپۆکرن ئەوێن ھیچ مۆلک و مال ل سەر ناڤی نەبیت و د راستی دا مرۆڤەکێ دەستکورت بیت و ئاشکرا ببیت کو ژ دەستکورتیا خوە ناچاربوویە ئەو خانیە ب شێوەیەکێ زێدەگاڤی ئاڤاکریە و بریار ب تنێ بۆ خەلکێ ھەژار و دەستکورتە.
ھیڤیدار ئەحمەد، ئەندامێ پەرلەمانێ کوردستانێ بۆ رۆژناما ئه‌ڤرۆ دیار کر، ل ھەرێما کوردستانێ ب ھزارەھا خانیێن زێدەگاڤی ھەنە و فراکسیونا پارتی ل پەرلەمانێ کوردستانێ ژی پرۆژە قانوونەک بەرھەڤکریە بۆ تاپۆکرنا وان خانیان و خواندنا ئێکێ بەری ھەیڤەکێ بۆ ھاتیە کرن و بزاڤ دھێنە کرن د ھەیڤا بھێت دا خواندنا دوویێ ژی بۆ ڤی پرۆژە قانوونێ بھێتە کرن و ئەڤ بابەتە بھێتە رێکخستن و چارەسەرکرن.
ئاشکرا ژی کر، ئەگەر ئەڤ پرۆژە قانوونە سەربگریت دێ ب تنێ خانیێن وان وەلاتیان ھێنە تاپۆکرن ئەوێن ھیچ مۆلک و مال ل سەر ناڤی نەبیت و د راستی دا مرۆڤەکێ دەستکورت بیت و ئاشکرا ببیت کو ژ دەستکورتیا خوە ناچاربوویە ئەو خانیە ب شێوەیەکێ زێدەگاڤی ئاڤاکریە و بریار ب تنێ بۆ خەلکێ ھەژار و دەستکورتە و ب تنێ دێ وان خانیان ڤەگریت ئەوێن ل ژێر دەستھەلاتا حۆکمەتا ھەرێما کوردستانێ.
خویاژی کر کو ئەڤ پرۆژەقانوونە خزمەتگۆزاریە و پێدڤی ب گەنگەشێ یە و ھەردەمێ پەرلەمانێ کوردستانێ ب شێوەیەکێ فەرمی ئەڤ پرۆژەیە پەسەند کر، دێ دەست ب تاپۆکرنا وان خانیێن زێدەگاڤی ل گۆرەی رێنمایان ھێتە کرن.
مافپەروەر سەرکار سبغەتۆللا، بەرپرسێ مولک و زەڤیان ل رێڤەبەریا گشتیا باژێرڤانیان ل پارێزگەھا دھۆکێ دیار کر، ل گۆرەی پرۆژەیاسایا پەرلەمانێ کوردستانێ ئەوا گرێدای تاپۆکرنا خانیێن زێدەگاڤی ل ھەرێما کوردستانێ ئەو خانیێن ھەتا سالا 2018 ب زێدەگاڤی ھاتینە چێکرن دێ ھێنە تاپۆکرن.
سەرکار سبغەتوللا ئاشکرا ژی کر، ھژمارەکا خانیێن زێدەگاڤی کو نێزیکی چوار ھزار خانیانە ل گۆرەی یاسایەکێ بەری نوکە ھاتینە چارەسەرکرن، بەلێ نێزیکی 21 ھزار خانیێن زێدەگاڤی چو یاسا ژێ نەگرتینە و ھەتا نوکە نەھاتینە تاپۆکرن و گۆت: ل سالا 2018 یاسایا ژمارە 3 ژ پەرلەمانێ کوردستانێ دەرچوویە ژ بۆ مەرەما رێگرتنێ ل زێدەگاڤیان و نھا پرۆژەیاسایەکا دی ل پەرلەمانێ کوردستانێ دھێتە گەنگەشەکرن ژ بۆ مەرەما تۆمارکرنا وان خانیێن ب زێدەگاڤی ھاتینە ئاڤاکرن بەری دەرچوونا یاسایا ژمارە 3 یا سالا 2018 و ھەردەمێ ئەڤ پرۆژە یاسایە ھاتە پەسەندکرن و کەفتە د بوارێ جێبەجێکرنێ دا، دێ کار ھێتە کرن ژ بۆ تۆمارکرنا خانیێن ب زێدەگاڤی ھاتینە ئاڤاکرن.
ئه‌ڤرۆ نيوز:
د كۆمبوونا ئه‌ڤرۆ دوشه‌مبى 19/8/2019 يا جڤاتا وه‌زاره‌تا په‌روه‌ردێ، بريار هاته دان كو ل رۆژا شه‌مبيێ 21/9/2019 ئێكه‌م رۆژا ده‌ستپێكا سالا خواندنێ (2019 – 2020) بيت.
هه‌روه‌سا بريار هاته دان ب هه‌لوه‌شاندنا پرۆسا ب ئينگليزى كرنا هه‌ردو بابه‌تێن (بيركارى وزانسته گشتيه‌كان) يێن تايبه‌ت ب قۆناغا فێركرنا بنه‌ره‌تى كو ل سالا خواندنێ 2015 – 2016 ده‌ستپێكربوو.
نيشاندان