ئه‌ڤرۆ نیوز:
وه‌زاره‌تا په‌روه‌ردێ ل هه‌رێما كوردستانێ رێنمایێن وه‌رگرتنا مۆله‌تا خواندنا ماسته‌ر ودكتۆرایێ ژ لایێ مامۆستا وفه‌رمانبه‌ران ڤه به‌لاڤكرن.
ل دووڤ نڤیساره‌كا وه‌زاره‌تا په‌روه‌ردێ، مۆله‌ت وه‌رگرتن دێ ب مووچێ بنه‌ره‌تى بیت وچه‌ند مه‌رج ژى بۆ ده‌مێ خزمه‌تێ وكونمرا گشتى و وارێ خواندنێ دیار كرینه.
ئه‌ڤرۆ نیوز:
حوكمه‌تا هه‌رێما كوردستانێ راگه‌هاند، شایستێ دارایى وپشكا هه‌رێمێ ژ بودجا عیراقێ دا 12.84 ترلیۆن دیناره، به‌لێ به‌غدا تنێ 5.44 ترلیۆن دیناران د ده‌مێ ساله‌كێ دا بۆ هه‌رێمێ دهنێریت.
جوتیار عادل، په‌یڤدارێ حوكمه‌تا هه‌رێما كوردستانێ گۆت” ئه‌و پارێ ژ پشكا هه‌رێما كوردستانێ ژ بودجا گشتى یا عیراقێ دهێته برین، گه‌له‌ك زێده‌تره ژ بهایێ وى داهاتێ ژ ئه‌گه‌رێ فرۆتنا رۆژانه 250 هزار به‌رمیلێن په‌ترۆلێ دگه‌هیته هه‌رێما كوردستانێ”. و گۆت” هه‌رێما كوردستانێ یا به‌رهه‌ڤه وێ رێژا په‌ترۆلێ راده‌ستى به‌غدا بكه‌ت”.
گۆت ژى” د نوكه دا سالانه 7.39 ترلیۆن دینار پشكا هه‌رێما كوردستانێ هاتیه برین وحوكمه‌تا هه‌رێمێ ئه‌و داخوازیه ئاراسته‌ى به‌غدا كریه وخوه‌شبه‌ختانه تێگه‌هشتنه‌كا ئه‌رێنى ل دۆر وێ پرسێ یا هه‌ى”.
ئەڤرۆ نیوز:
ئه‌ڤرۆ به‌هزاد علی ئاده‌م پارێزگه‌رێ دهوكێ ب وه‌كاله‌ت سه‌رپه‌رشتیا كومبونه‌كا به‌رفره دگه‌ل قایمقامێن سنورێ پارێزگه‌ها دهوكێ و یه‌كه‌یێن ئیدارى یێن گرێداى پارێزگه‌ها دهوكێ كر.
دكومبونێ دا ب ئاماده‌بونا جێگرێن پارێزگه‌رێ دهوكێ به‌حسێ پلانا چوار سالێنڕ بهێت یێن وه‌زاره‌تا نافخو یا هه‌رێما كوردستانێ هاته كرن.
دكومبونێ دا به‌حسێ پلانا هاتیه دانان بو وه‌زاره‌تا نافخو كو كار پێ بهێته كرن پشتى گه‌نگه‌شه و دان و ستاندن ل سه‌ر دهێته كرن و په‌سه‌ند دبیت دڤێ پلانێ هژماره‌كا خالا هاتیه دانان وه‌كو مانا سه‌روكێ یه‌كه‌یا ئیدارى ل قه‌زا و ناحیه و پارێزگه‌ها پشتى ده‌وامى دخزمه‌تا وه‌لاتیان و كارى دا و به‌رهه‌فكرنا جهه‌كێ تایبه‌ت بو مانه‌ڤه‌یا وى سه‌روكێ یه‌كه‌یا ئیدارى.
هه‌روه‌سا به‌لافكرنا فه‌رمانبه‌را ل دیف پێدڤیا هه‌ر ده‌ڤه‌ر و قایمقامیه‌كا پێدڤى پێ هه‌ى
وه‌ك هه‌ڤى كرنا پێشینه‌یێن خزمه‌تگوزارى یێن هه‌مى قایمقامیا
ڤه‌كرنا یه‌كه‌یێن ژمێریاری جهێن پێدڤى
یه‌كخستنا میلاكى و هه‌یكه‌لێ هه‌مى جها وه‌ك ئێك
دابه‌زاندنا ده‌ستهه‌لاتێ و كێمكرنا روتینا كارێ روژانه
بهێزكرنا فه‌رمانبه‌رێن وه‌زاره‌تا نافخو برێكا ڤه‌كرنا خولێن تایبه‌ت و بهێزكرنێ.
وه‌كهه‌ڤكرنا موچێ فه‌رمانبه‌رێن شارستانى یێن وه‌زاره‌تا نافخو دگه‌ل یێن هێزێن ئێمناهیێ یێن نافخو ,
دكومبونێ گه‌نگه‌شه‌كا به‌رفره‌ه لسه‌ر ڤان بابه‌تا و هژماره‌كا دى هاته كرن بیخه‌مه‌ت دانا بوچون و پێشنیارا و بساناهى كرنا بجهئینانا پلانا چوار سالى یا وه‌زاره‌تا ىنافخویا حكومه‌تا هه‌رێما كوردستانێ.
ئەڤرۆ نیوز، رێوار مزیری:
د چارچۆڤێ گوهۆڕینان دا د دامودەزگەهێن میری دا ل سنوورێ پارێزگەها دهۆکێ ژ پێخەمەت بەرژەوەندیا گشتی ئەڤرۆ رۆژا 19/8/2019 ل دەمژمێر 10:30 سپێدێ د رێورەسمەکی دا ب ئامادەبوونا (عوبەیدوللا داود عەلی) رێڤەبەرێ گشتی یێ گەشت و گۆزارێ ل پارێزگەها دهۆکێ و نوونەرێ قایمقامێ قەزا ئامێدیێ و نوونەرێ لقێ 18 یێ پارتی دیموکراتی کوردستان ل ئامێدیێ، (نەزیف محەمەد عەلى ئەحمەد) وەکو رێڤەبەرێ نوو یێ گەشت و گۆزارا ئامێدیێ ل جهێ (ئەیاز عەبدوللا حەسەن) هاتە دانان.
ئەڤرۆ نیوز، نەوزاد ھلۆری:
بەری نیڤرویا ئەڤرۆ فروکێن شەری یێن تورکیا بنارێ قەندیل ل دەڤەرا پشدەر بوردوانکر و د ئەنجام دا خانەک ب تمامی ھاتیە خراپکرن و وەلاتیەک ژی بریندارە.
ب گورەی پێزانینێن ئەڤرۆ نیوز، بوردومان ل گوندێ بولیان یا سەر ب ناحیا سەنگەسەر ل دەڤەرا پشدەر ل بنارێ قەندیل دروستبویە، ھێرشا فروکان ب بھانەیا ھەبوونا پەکەکێ ل وی گوندی بو سەر مالا وەلاتیەکێ بویە و ب تمامی ئەو مال ھاتیە خراپکرن و وەلاتیەکێ ئەوێ مالێ ژی ھاتیە بریندارکرن و رەوشا وی نەیا باشە.
ئەڤرۆ نیوز، نەوزاد ھلۆری:
وەزارەتا بارزگانیا عیراقێ دێ ل گەل پشکا ئاھێن خوارنێ، جگاران لسەر وەلاتیان دابەش کەت، ئەڤێ یەکێ ژی کارڤەدان ل پشت خوە ھێلان و ب داھێنانەکا سەیر دھێتە ھژمارتن.
عەلی بەدیری، ئەندامێ پەرلەمانێ عیراقێ ژ رەوستا سەدر گۆت: (وەزارەتا بارزگانیا عیراقێ دخوازیت جگاران ل گەل پشکا ئاھێن خوارنێ لسەر وەلاتیان دابەش بکەت، ب گورەی پلێتا ئاھێن خوارنێ بو ھەر تەکا جگاران دێ دوو ھزار و 500 دیناران وەرگریت).
زێدەتر گۆت: (پێدڤی یە حوکمەت کار بو ھندێ بکەت کو ماست و شیری و ھێلک و خورمێ و خوارنێن دن لسەر وەلاتیان بەلاڤ بکەت کو مفا بو وەلاتیان ھەیە، نەکو شونا وان جگاران بەلاڤ بکەت کو زیاندار و ژەھراوی نە).
ناڤبری دیارکر ژی کو ئەو کەسێن ئەڤ بریارە دەرکری کەسانێن گەندەلن و دخوازین لسەر کوشتنا عیراقیان بەردەوام بن و زێدەتر گۆت: (ئەگەر بڤی رەنگی یا بەردەوام بیت، نەدویرە ل ئایندە مادێن ھوشبەر ژی لسەر خەلکی بھێنە بەلاڤکرن، ئەڤە ددەمەکێ دایە کو د خولا بوری یا پەرلەمانێ عیراقێ بریار ھاتبوودان کو نابیت جگارە ل دام و دەزگەھێن گشتی بھێتە کێشان و بریارا نوکە تمام بریارەکا سەیرە و بەروڤاژی یە).
ئه‌ڤرۆ نيوز ئه‌ڤ نووچه ژ مالپه‌رێ رۆسيا توده‌ى وه‌رگێرايه كو وان ژى پشت به‌ستن ل سه‌ر سومه‌ريه نيوز كريه.
ئەڤرۆ نیوز، نەوزاد ھلۆری:
دوھی سالرۆژا کارەساتا ئەنفالا شکەفتا دەکان بوو کو تێدا 75 کەس ژ خەلکێ دەکان د شکەفتا دەکان دا ژلایێ رژێما بەعش ھاتنە ئەنفالکرن ، و ژبلی سێ کەسان چوو کەس نەھاتیە قەرەبوکرن،وەلاتیەکێ گوندێ دەکان ژی دیارکر کو مخابنە کارەساتەکا مینا شکەفتا دەکان بێ دەنگی ببوریت و نەھێتە ساخکرن و چاڤێ کەسوکارێن قوربانیان ژی ل قەرەبوکرنێ یە.
کیڤی دەکانی وەلاتیەکێ گوندێ دەکانە بو ئەڤرۆ نیوز گۆت: (دوھی رێکەفتی 18-8-1969 سالروژا کارەساتا شکەفتا دەکان بوو کو رژێما بەعس شیا ب ھەڤکاریا ھندەک جاش و خو فروشا دەست ب سەر شکەفتا گوندێ دەکان بگریت و ئاگری بەردەتێ کو 75 کەس ژ ژن و زاروکان تێدابوون و ھەمووان بسوژیت ب تنێ چوار کەس رزگاربوون)
زێدەتر گۆت: (ژبلی سێ کەسان ژ ئەنفالکریێن شکەفتا دەکان ، چو کەس نەھاتیە قەرەبوکرن ژلایێ حوکمەتا بەغدا و حوکمەتا ھەرێمی ژی، ژبەرڤێ پێدڤی یە ئەو خەلک ژی بھێتە قەربوکرن و چەندین سالە خەلک چاڤەرێ دکەت، بەلێ جھێ داخێ یە کارەسات بێدەنگی بوری و بێ کو بھێتە ساخکرن و قەڕەبویا کەسوکارێن قوربانیان ژی نەدیارە)
دەکانی دیارکر ژی کو ئەنفالا گوندێ دەکان، ددەمەکێ دا درۆستبوویە کو پێشمەرگە ل گوندی ھەبوون بەلێ ژبەر چەتەیێن رژێما بەعس ل گوندی دەرکەفتن و ژن و زاروک چونە شکەفتا دەکان داکو خوە ب پارێزین، بەلێ دیارە ب ھاریکاریا ھندەک خو فروشان رژێما بەعس ب وان زانی و ئەو بوو ھاتن و شکەفت سوت و ھەموو ژن و زاروک تێدا سوتن و ھاتنە ئەنفالکرن و زێدەتر گوت: (پێدڤیە کەسیێن مینا دەکان بھێنە تومارکرن و سالانە د رێورسمێن ژ ھەژی دا رێز ل قوربانیان بھێتەگرتن و کار ژی لسەر قەرەبوکرنا کەسوکارێن قوربانیان بھێتەکرن داکو جیلێ نو بزانن ئەڤ ئازادیا نھا ھوسا ب ساناھی نەھتیە دەستڤەئینان و ھەستا نەتەوەی و نیشتمانیا وان بلند بیت).
ئەڤرۆ نیوز، نەوزاد ھلۆری:
ب ھەلکەفتا نێزیکبوونا ئەنفالێن بەھدینان، بو ئێکەمجار ل کوردستان و پارێزگەھا دھۆکێ، پرتووکەکا تایبەت ل سەر کەساتیا ئەنفالکریەکێ کوردستانێ دھێتە چێکرن و بەلاڤکرن کو تایبەتە ل سەر ئەندازیارەکێ ئەنفالکری، پرتووک ژی ژ لایێ نڤیسەرێ گەنج (ھوشیار مرادخان سیتەی) ھاتیە به‌رهه‌ڤكرن و ب ھەلکەفتا ئەنفالێن بەھدینان بەلاڤکر.
ئه‌ڤرۆ نيوز:
پۆليسێن سلێمانيێ ل سه‌ر كوشتنا كارمه‌ندێ پانزينهانا چه‌مچه‌مال راگه‌هاندنه‌ك به‌لاڤكر.
ب گۆره‌ى راگه‌هاندنا پۆليسێن سلێمانيێ ده‌مژمێر 7:30 ده‌قيقه يا مه‌غره‌بيا دوهى، ماتۆسواره‌كى ته‌قه ل كارمه‌نده‌كێ پانزينخانه‌كێ كريه و كوشتيه و ئه‌و پارێ ڤێ ژى بريه.
د راگه‌هاندنێ دا هاتيه: “شياين ده‌مژمێر 4:00ى سپێده‌هيا ئه‌ڤرۆ ئه‌وى تۆمه‌تبارى ده‌سته‌سه‌ر بكه‌ين و ده‌ست ب سه‌ر ماتۆر و ده‌مانجێ ژى دا بگرين يێن كو پێ تاوان ئه‌نجام دايى”.
ئاشكه‌را ژى كر كو ئه‌ڤ كه‌سێ هاتيه كوشتن ب ناڤێ (ز. ك.ع)ه و ژ دايكبوويێ 2003ێ يه و بكوژ ژى ب ناڤێ (س. م. ا)ه و ژ دايكبوويێ 2000ێ يه.
ئەڤرۆ نیوز، زنار تۆڤی:
ئەڤرۆ دوشەمبی 19 تەباخا 2019 ب بریارەکا وەزارەتا نافخوە یا تورکیا ھەرسێ ھەڤسەرۆکێن باژێرڤانێن ئامەد و وان و مێردینێ ژ پۆستێن وان ھاتنە دوورخستن و ل جھێن وان قەیووم ھاتنە دانان.
دەزگەھێن راگەھاندنا تورکی وەسا داینە دیار کرن: پشتی وەزارەتا نافخوە یا تورکیا بریاردای، ئەڤرۆ سپێدێ ھێزێن ئێمناھیێ یێن تورکی دەوروبەرێن ئاڤاھیێ ھەرسێ باژێرڤانیێن باکوورێ کوردستانێ گرتینە و بریارا دوورخستنا ھەرسێ ھەڤسەرۆکێن شارەوانیان دەرخستینە و دەرگەھێ باژێرڤانیا ئامەدێ ژی ھاتیە شکاندن.
ھەروەسا دەزگەھێن راگەھاندنا تورکی ئەو ژی گۆتیە، کو سەلجۆق مزراکلی ھەڤسەرۆکێ باژێرڤانیا ئامەدێ و ئەحمەد تورک ھەڤسەرۆکی باژێرڤانیا مێردینێ و بەدیعا ئۆزگۆکچی ھەڤسەرۆکا باژێرڤانیا وانێ، کو ھەموو سەر ب ھەدەپێ ڤەنە ژ کارێن وان ھاتینە دوورخستن و ل جھێ وان قەیووم ھاتینە دانان، د ھەمان دەمدا ھێزێن دەولەتا تورک ھژمارەکا ئەندامێن ھەدەپێ ژی دەستەسەر کرینە.
نيشاندان