ئه‌ڤرۆ نيوز:

 ئەندامێ جڤاتا سەرکردایەتیا پارتی و بەرپرسێ لقا ئێک، سه‌ربه‌ست تروانشى ل بارەگایێ لقێ دگەل هەر ئێک ژ  ( بەهزاد عەلی ئادەم ) پارێزگارێ دهۆکێ ب وەکالەت و قایمقامێ قەزا دهۆکێ و رێڤەبەرێ ئاڤا دهوکێ كۆمبوو.

 د ڤێ کومبونێ دا به‌حس ل ئاریشا ئاڤا دهوکێ كر کو ببو ئەگەرێ کێمبونا به‌لاڤكرنا ئاڤێ ل سەنتەرێ باژێرێ دهوکێ و دەوروبەران ل رۆژێن بوری، ل هەمبەر ڤێ ئاريشێ بەرپرسێ لقێ ئاماژە دا وێ چەندێ کو ئەم هەمی دڤێت ل سەر کاربین و کار دڤی پروژەی دا بکەین دا کو خەلکێ مە ژ بێ ئاڤیێ قورتال بیت و رێ چارەکا درێژخایەن بۆ پرۆژێ ئاڤا دهوکێ بهێته‌ دیتن داکو جارەکا دی خەلکێ مە تووشی ڤێ ئاریشی نەبیت.

هەر دڤێ کومبونێ دا رێڤەبەرێ ئاڤا دهوکێ  دیار کر” ئەم شیایین ل سەر پرێسگرێکێن کەفتینە د رێيا پرۆژێ ئاڤا دهوکی دا زاڵ ببین وخەلکێ خوەیێ دهوکا خوشتڤی دڵنیا دکەین کو نوكه‌ پروژێ ئاڤا دهوکێ ١٠٠ ٪ کەفتیە کاری ژ به‌لاڤكرنا ئاڤێ” .

ئه‌ڤرۆ نيوز:

په‌يامنێرێ ئه‌ڤرۆ نيوز ل زاخۆ دياركر ئه‌ڤرۆ ل ده‌مێ سپێدێ  ژنه‌كا 30 سالى ل نزيك پرا خانى ل زاحۆ د رووبارێ خابيرێ دا خندقى يه‌ و ته‌رمێ وێ ژ لايێ تيمێن نقومڤانان هه‌تا نوكه‌ نه‌هاتيه‌ ده‌ركرن و نوكه‌ ژى لێگه‌ريان ژلايێ به‌رگريا شارستانى يا زاخۆ يا به‌رده‌وامه‌.

ل ماوێ بهێت چاڤه‌رێ پێزانينێن زێده‌تربن.

ئەڤرو نیوز:

47 سکالا یێن رویدانێن جودا د روژانێن جەژنا قوربانیێ دا ل سەرانسەری پارێزگەها دهوکێ هاتینە تومارکرن.

ل دور ڤى بابەتی بەرپرسێ پەیوەندی و راگەهاندنا رێڤەبەریا پولیسێن پارێزگەها دهۆکێ تایبەت بۆ ئەڤرو نیوز گۆت: 47 روودان و کێشێن سفك یێن جوراوجور هاتینه‌ توماركرن ژ وان بشەرچون و مەی ڤەخوارن و خراپ بکارئینانا ئامیرێن پەیوەندیێ و خەندقین و روودانێن هاتن و چونێ و بتنێ ئێک تاوانا دزیێ ل سەنتەرێ پارێزگەها دهوکێ هاتیە ئەنجامدان و ب رێکا سیستەمێ گرتن و دیڤچونا تاوانباران کەسەک هاتیە دەستەسەرکرن ژلایێ تیمێن هەوارهاتنێ ڤە و چەند کەسەک ل سەر تاوانا قومارێ هاتینه‌ گرتن.

زێدەتر مقەدمێ ماف هێمن سلێمان دبێژیت: خوش بەختانە هیچ روودانەکا کوشتنێ د روژانێن جەژنا قوربانیێ دا روینەدایە و بەرامبەر جەژنا بوری روودان و تاوان ب شێوەیەکێ بەرچاڤ کێمتر بوینە.