ئه‌ڤرۆ نيوز:

كوليژا په‌روه‌ردا وه‌رزشى ل زانكۆيا دهۆك ژڤان و رێنمايێن وه‌رگرتنێ به‌لاڤ دكه‌ت كو ئه‌ڤا ل خوارێ ژى ده‌قێ وێ يه‌:

ئاگەھداری

راگریا کولیژا مە پەروەردا وەرزشی ئاگەھداریا گشت قوتابی و خوێندکارێن خوشتڤی دکەت و لدیف راسپارد و رێنمایێن وەزارەتا خواندنا بلند / حکومەتا ھەرێما کوردستانێ دێ دەست ب بەلافکرنا فورمێن وەرگرتنا قوتابیان ل کولیژا پەروەردا وەرزشی / زانکویا دھوک خواندنا سپێدە وئێڤاران بو سالا خواندنێ ( ٢٠١٩ – ٢٠٢٠ ) لروژا ئێک شەمبی رێکەفتی ( 4/8/2019 ) و لروژا ئێک شەمبی رێکەفتی ( 18/8/2020 ) دێ ھێنە زڤارندن . لەورا ھەر قوتابیەکێ حەزا خواندنێ لکولیژا مە ھەبیت و ئەڤ مەرجێن لجوارێ لدەف بن دشێت پێشکێش بکەت

بو پتر پێزانینا پەیوەندیێ ب ژمارە 07514404909 بکە – ژ دەمژمێر( 8:30 ) سپێدێ ھەتا دەمژمێر (2:00) نیڤرو ئەڤرو ژمارا موبایلێ دێ یێ کارابیت
تێبینی

روژێن ( ئەینی و شەمبی ) بێھنڤەندانە ل کولیژێ

مەرجێن وەرگرتنێ لکولیژا پەروەردا وەرزشی / زانکویا دھوک
( 2019 / 2020 )
ڕ) خواندنا سپێدێ
– دڤێت پێشکێشکار دەرچوویێ پولا دووازدێ ئامادەیی بیت لقێن ( زانستی و وێژەیی ) سالا خواندنێ ( 2018/2019 ) ، سەبارەت دەرچوویێن سالا خواندنێ
( 2017/2018 ) دڤێت ناڤێ وی ل چ پەیمانگەھـ و کولیژان نە ھاتبیتە وەرگرتن .
– پێشکێشکار دەرچوویێ خواندنگەھێن سنورێ ھەرێمێ بیت .
– دڤێت ژیێ پێشکێشکاری ژ ( 25 ) سالان پتر نەبیت ئانکو ژدایک بوویێ
( 1994 ) بیت یان زێدەتر.
– دڤێت تێکرایێ پێشکێشکاری ژ ( 60%) کێمتر نەبیت بو کور و کچان
ب) خواندنا ئێڤاران
– دڤێت پێشکێشکار دەرچوویێ پولا دووازدێ ئامادەیی بیت لقێن ( زانستی و وێژەیی ) سالا خواندنێ ( 2018/2019 ) .
– دڤێت تێکرایێ پێشکێشکاری ژ ( 55%) کێمتر نەبیت بو کور و کچان .
– تێکرایێ قوتابیێ دەرچوویێ ئامادەیێن پیشەیی ( پیشەسازی ، چاندن ، بازرگانی ، گەشت و ھوتێل کاری ( سیاحە ) ) ( 60%) کێمتر نەبیت .
– تێکرایێ قوتابیێ دەرچوویێ پەیمانگەھێن وەرزشی ( 65%) کێمتر نەبیت .
– دڤێت ژیێ پێشکێشکاری ژ ( 35 ) سالان پتر نەبیت .
ج) قارەمان
– دڤێت پێشکێشکار یاریکەرێ ھەلبژارتی یێ کوردستانێ یان عیراقێ بیت بمەرجەکێ ( 5 ) سال لسەر قارەمکانیا وی تێپەر نەببیت
– دڤێت یێ ئێکەم ھەتا سێیەم بدەست خوڤە ئینابیت لسەر ئاستێ عیراقێ بو یاریێن تاک و کومەل بمەرجەکێ ( 5 ) سال لسەر قارەمانیا وی تێپەر نەببیت .
– دڤێت یێ ئێکەم ھەتا سێیەم بدەست خوڤە ئینابیت لسەر ئاستێ ھەرێما کوردستانێ بو یاریێن تاک و کومەل بمەرجەکێ ( 5 ) سال لسەر قارەمانیا وی تێپەر نەببیت .
– دڤێت پلا ئێکێ بدەستخوڤە ئینابیت لسەر ئاستێ ( پەروەردێن پارێزگەھا ) بمەرجەکێ ( 5 ) سال لسەر قارەمانیا وی تێپەر نەببیت .
– دڤێت پێشکێشکار دەرچوویێ سنورێ ھەرێما کوردستانێ بیت یان ل ناوچێن کوردستانی یێن دەرڤەیی کوردستانێ و ئەزموون بسیستەمێ ھەرێمێ ئەنجام دابن .
– دڤێت تێکرایێ پێشکێشکاری ژ ( 55%) کێمتر نەبیت بو کور و کچان .
دڤێت ژیێ پێشکێشکاری ژ ( 30 ) سالان پتر نەبیت .

ئەڤرۆ، ناجی بەدەل:‏

بو پتر دووڤچوون و لێگەریا ئوان کۆمپانێن کارێ گەشتیاری و رێکخستنا ‏گرۆپان رادبن ژبوی لگۆری ئەوان مەرج و رێنمایێن بو دھێنە دانان ل ‏ئەڤی وەرزێن بھێنڤەدانێ چەوا کارێن وان برێڤە دچن و مولەت و ‏مەرجێن کاری ل دڤ ھەنە.‏

دیندر مەحفوز رێڤەبەرێ پشکا کۆمپانیان ل رێڤەبەراتیا گشتی یا ‏گەشتوگوزارێ ل پارێزگەھا دھۆکێ ل سەر لێگەریان و دووڤچوونا ‏کۆمپانیێن گەشتیاری دیارکر رێڤەبەراتیا گشتی ب بریارا رێڤەبەرێ ‏گشتی یێ گشوگۆزارا دھۆکێ دووڤچوونا ئەوان کۆمپانیێن کارێ گەشتیاری ‏و رێکخستنا کارێن گرۆپێن گەشتیاری راد بن بۆ گەشتێن گۆزاری کا ئەو ‏مەرج و رێنمایێن گەشتوگوزاری ل دەڤ دھێنە بجھکرن یان نە و چەند ‏لگۆری ئەوان مەرجێن دابینکرنا خزمەتگوزاریان دچن، نوکە ل ‏سەرانسەری پارێزگەھا دھۆکێ لێگەریان و دووڤچوونا نەکا ھویر بۆ ‏ھەموو کۆمپانیان دکەین ل ھەر جھەکێ توخیبێ پارێزگەھێ دا بیت ژ ‏ھەر لایەکی ڤە ھەلدسەنگینن.‏

رێڤەبەرێ پشکا کۆمپانیا ل گەشتوگۆزاری دھۆکێ دیارکر ل دووڤچوونا ‏ئەڤێ جارێ دا ھەر کۆمپانیەکا مەرجێن گەشتوگۆزارێ بجە نەکەن یان ‏مولەتێن خو یێن کارکرنێ نە نیکری دەست پێکێ کارێ جھێ وان ‏دھێتەگرتن و ھوشدارەیەکێ ددەینێ کو ب زیترین دەم سەرەدانا ‏رێڤەبەراتیا مە بکەت و بو نووکرنێ و بجھکرنا ئەوان مەرجێن ھاتینە ‏دیارکرن بۆ کۆمپانیان ل دەڤ وان ھەن، چەند کۆمپانیەک ھاتینە بن ‏چاڤکرن ب ئەگەرێ نە پێگیرین ب مەرجێن گەشتوگۆزارێ و کەڤن بوونا ‏مولەتێن وان و ئەو مولەت نە ھاتینە نووکرن.‏

ناڤبری ئەو چەندە ژی دازانین مەرەم ژ ئەڤێ دووڤچوونا ھویر بۆ ئەوان ‏جھێن کۆمپانیێن کارێ گۆزاری دکەن داکو ھەر کەسەک نە ب کەیفا خو و ‏بێ لبەر چاڤگرتنا مەرجان کارێ گەشتیاری بکەت، بەلکو کا چەوا ‏مەرجێن مۆلەت پێدانێ چەوانە دڤێت ئەو مەرج بنە کەتوار و ل کارێ ‏رۆژانە دا بجە بکەن یان مۆلەتێن وان سالانە بھێنە نوو کرن، ھەر ‏کەسەک و کۆمپانیەک سەرپێچیێ بکەت دێ ھێتە سزادان دەستپێکێ ‏ھوشداری پاشی دێ پێرابوونێن یاسایی ھەمبەر ھێنە وەرگرتن.‏

ئەڤرۆ نيوز: ‏

ژ ئەنجامێ بارینا بارانان د ئەڤ سالە دا زیان گەھشتینە گەلەک رێیێن سەرەکی و لاوەکی یێن ‏ھاتنوچوونێ ل سەرانسەری پارێزگەھا دھۆکێ و ھەتا نوکە ئەو رێیە نەھاتینە چێکرن و سەخبێرکرن ‏و رێڤەبەرێ سەخبێری و پاراستنا رێک و پران ل پارێزگەھا دھۆکێ ژی دبێژیت: ھێشتا چو پارە بۆ ‏سەخبێریکرنا وان رێیان نەھاتیە پەیداکرن. ‏

دێوالی حەمێ بریندار، رێڤەبەرێ سەخبێری و پاراستنا رێک پران ل پارێزگەھا دھۆکێ بۆ رۆژناما ‏ئەڤرۆ دیار کر، ھێشتا چو پارە بۆ چێکرن و سەخبێریکرنا وان رێیێن رھیاین و داچووین نەھاتیە ‏مەزاختن، لێ ئەو رێیێن د شیانێن وان دا بیت ئەو چێدکەن و سەخبێر دکەن و گۆت: “ھەر چەندە ‏دەمەکێ بەرتەنگ ل پێشیا مە مایە، لەوما ئەم ژ جھێن شۆلەژێ دخوازین کو پارەی بۆ چێکرنا وان ‏رێیێن رھیاین و خراب بوون ب مەزێخن، ژ پێخەمەت ھندێ ئەم ژی بشێین وان رێیان سەخبێر بکەن، ‏چونکی ھەکە ئەو رێکە نەھێنە چێکرن دێ ژ کار کەڤن و ھاتنوچوون تێدا ناھێتە کرن و سەرجەمێ ‏وان رێیان ژی گەلەکن”. ‏

ناڤھاتی ئەو ژی گۆت: “ھندەک رێک ھەتا 10 مەتران و ھندەک ژی ھەتا 20 مەتران و ھندەکێن دیتر ‏ژی پتری 50 ھەتا 100 مەتران رھیاینە و داچووینە، دیسا ھندەک رێک یێن وەکو چەپێن زرێزە و ‏تروانش یێن ژ کار کەفتین، ھەر چەندە د وەرزێ باران بارینێ دا گەلەک جاران ئەو رێیە ھاتینە ‏سەخبێریکرن، داکو ئەو رێیە نەھێنە بڕین، لێ ھەر داچووینە و خراب بووینە، ھەروەسا وان ڤەدیتن ‏بۆ ھەموو رێیان چێکرینە و وان ئەو ڤەدیتنە بۆ جھێن پەیوەندیدار ھنارتینە، لێ ھێشتا چو ‏رازیبوونێن فەرمی ل سەر نڤیسین و ڤەدیتنێن وان نەھاتینەکرن، لەوما ئەو دخوازن ب زووترین دەم ‏پارە بۆ چێکرنا وان رێیان بھێتە مەزاختن، چونکی ھەکە زوو نەھێنە چێکرن، دێ کارێ وان ب ‏زەحمەتتر لێ ھێت، لەوما وان پێدڤی ب رازیبوونەکا ب لەز ھەیە، ژ پێخەمەت بەری دەستپێکرنا ‏وەرزێ بارانان ئەو وان ھەموو رێیێن خراب بووین چێکەنە ڤە.‏