NO IORG
نووترين نووچه

ئەڤرۆ نیوز ، عەلی حاجی :
ژئەگەرێ‌ پێگوهۆرێ‌ كارەبا موه‌لیدان د ناڤ چادرێن كەمپا (چەمشكو) ل باژێرێ‌ زاخۆ ، ئاگر بەر دبیتە 20 چادرین د ناڤ كەمپێ‌ دا وزیانێن مادی  ب خودانێن وان چادران ژی دكەڤیت .

 فێسەل خانەسوری، شاهد حالێ‌ روودانێ‌ بۆ ئەڤرۆ نیوز گۆت” ئەڤ روودانە ل دەمژمێر 6:20 ی سپێدێه‌يا ئه‌ڤرۆ سێشه‌مبى روودا ،ئەڤ روودانە ژبەر وێ‌ چەندێ‌ بوو كو هندەك سلكێتین كارەبا موه‌ليدێ د ناڤ مالەكێ‌ دانە، ژئەگەرێ‌ شورتێ‌ كارەبێ‌ ب وان سلكێتان ڤە،چادرەك دسوژيت و ل دووڤ را پێڤە دچیت هەتا 20 چادارن ژی دسوژن ،ژبەر كو ترومبێلا ئاگر ڤەمراندنێ‌ د ناڤ كەمپێ‌ دا نەبوو، ترومبێل هەتا ژ زاخۆ هاتی 21 خولەكان ڤەكێشا، هەكە ترومبیێلا ئاگر ڤەمراندنێ‌ زووتر ئامادە ببا، دبیت هەتا چار چادران بتنێ‌ سوت بان”.
كوت ژی” ب مخابنی ڤە پێدڤیێن وی خەلكێ‌ دبن وان چادران ڤە هەمی سوتن ژ پارە و ناسنامە و كەلوپەلێن ناڤمالێ‌ دا، بەلێ‌ خوەش بەختانە چو زیانێن گيانى نه‌بوون، داخواز دكەین ئەڤ كەسە بهێنە قەرەبووكرن و ژبەر كو هەمی دهەژارن و مالێ‌ وان هەمی ژی سوتی یە”.

ئه‌ڤرۆ نیوز، نه‌وزاد هلۆرى:

ب مه‌ره‌ما زه‌نگینكرنا په‌رتوكخانا كوردى ب په‌رتوكێن زانستێ ساخله‌میێ و راستڤه‌كرنا وان هزرێن نه‌رێنى یێن د ناڤ جڤاكى دا به‌لاڤبوى ل سه‌ر كه‌رتێ ساخله‌میێ و نوشداران، رێڤه‌به‌رێ نه‌خوه‌شخانا گشتى یا گولان ل ئاكرێ دو نووترین په‌رتوكێن خوه‌ ئیمزاكرن و به‌لاڤكرن.

عه‌دنان ئاكره‌ى، نوشدار و رێڤه‌به‌رێ نه‌خوه‌شخانا گشتى یا گولان بۆ ئه‌ڤرۆ نیوز گۆت: (ب مه‌ره‌ما زه‌نگینكرنا په‌رتوكخانا كوردى ب په‌رتوكێن زانستێ نوشدارى و ساخله‌میێ، دیسان نه‌هێلان و راستڤه‌كرنا وان هزرێن نه‌رێنى و شاش یێن كو د جڤاكێ مه‌دا به‌لاڤبوین هه‌مبه‌رى نوشدار و كه‌رتێ ساخله‌میێ، دیسان ب مه‌ره‌ما به‌لاڤكرنا پێزانینێن دروست یێن ساخله‌مى ژلایێ كه‌سانێن بسپور و تایبه‌تمه‌ند ڤه‌، من دو نووترین په‌رتووك ئه‌ڤرۆ د رێورسمه‌كێ دا ئیمزاكرن و به‌لاڤكرن ل سه‌ر خوانده‌ڤان و په‌رتوكخانا كوردى داكو په‌رتوكخانا كوردى ژى ببیته‌ خودان په‌رتوكێن زانستێ نوشدارى كو ڤالاهیه‌كا زۆر تێدا هه‌یه‌).

زێده‌تر گۆت: (رێوره‌سم ژلایێ رێڤه‌به‌ریا ره‌وشه‌نبیرى و هونه‌رى یا ئاكرێ هاته‌ رێكخستن و تێدا هژماره‌كا زۆر یا نڤیسه‌ر و ره‌وشه‌نبیر و كه‌سایه‌تى و خوێنده‌ڤانێن ئاكرێ پشكداربوون، زێده‌بارى به‌لاڤكرنا په‌رتووكان دهه‌مان ده‌م دا سمیناره‌ك ژى ژلایێ من هاته‌ پێشكێشكرن كو تایبه‌ت بۆ ب دانه‌نیاسینا په‌رتووكێ، زێده‌بارى چه‌ند پرسه‌كێن نوژدارى و ساخله‌مى). هه‌ر ئێك ژ په‌رتووكێن (ب هزرێن ساخله‌م ژى و به‌ره‌ڤ ژیانه‌كا ساخله‌م) دو نووترین په‌رتوكن د وارێ ساخله‌مێ دا و تێدا هژماره‌كا زۆر ژ بابه‌تێن گرێداى كه‌رتێ ساخله‌میێ هاتینه‌ به‌حسكرن، ب شێوه‌ و دیزاینه‌كا ره‌نگاوره‌نگ هاتینه‌ چاپكرن و به‌لاڤكرن.

دهێته‌ زانین كو پێشتر ژى نوشدار عه‌دنان ئاكره‌ى چه‌ند په‌رتوك ل سه‌ر ساخله‌میێ به‌لاڤكرینه‌.

ئەڤرۆ نیوز،بارزان مزووری:

مازن گاڤان،رێڤەبەرێ‌ سایلویا شێخان بۆ ئەڤرۆ نیوز دیار كر ل دووڤ بریارا وەزارەتا بازرگانی یا عێراقێ‌ ل رۆژا سوباهى سێ‌ شەمبی دەمژمێر 7 ئیڤاری  6/8/2019 دەرگەهێ‌ سایلویا شێخان دێ ب شێوەیەكێ‌ فەرمی هێتە داخستن، زێدەتری 28 ترومبێلێن بارهەلگر ب گه‌نمى د سرایێ‌ دا ماینە ئەم یێ‌ بزاڤێ‌ دكەین وی گەنمی ژى وەرگرین ،

 خویاكر ژى” ئەڤ سال 57 هزار تەنێن گەنمێ‌ جوتیارێن قەزایێن شێخان و بەردەرەش و ئاكرێ‌ مه‌ وەرگرتینە بەهرا سایلویا شێخان ژلایێ‌ وەزارەتا بازرگانی یا عێراقێ‌ ڤە هاتبوو دەستنیشانكرن كو 58 هزار ته‌ن بهێن وەرگرتن، بەلێ‌ 3 هزار تەنێن گەنمی بۆ سایلویا فەیدیێ‌ هاتن ڤەگوهاستن ئەڤ ساله‌ ب رێژا 75% گەنمێ‌ هەرسێ‌ قەزایان ب پلە ئێك هات وەرگرتن ل دووڤ ڤێ‌ رێژێ‌ بەرهەمێ‌ جوتیاران د ئەڤ ساله‌  دا باشتربوو”.

 ئەڤرۆ نیوز، نەوزاد هلوری:

هەر وەلاتەکێ خوارنێن تایبەت ب خوه‌ڤە یێن هه‌ین، هەموو کەس دەما کو سەرەدانا وەلاتەکێ دکەن نەشێن خوارنێن وان بخون، ژبەرڤێ یەکێ د وەرزێ ئەڤ سالە یێ حەجێ وەزارەتا ئەوقافێ تیمەکا تایبەت یا چێکرنا خوارنێ ژ کوردستانێ پێکئینایە و رەوانەیێ مەكەهێ کریە داکو خوارنان ب گورەی سروشتێ خەلکێ کوردستانێ بۆ حەجیێن کوردستانێ دروست بکەن کو پتریا جاران ژی خوارنێن کوردەواری نە.

نەبەز ئیسماعیل، ئاخفتنەکەرێ وەزارەتا ئەوقاف و کاروبارێن ئاینی بۆ ئەڤرۆ نیوز گوت: (وەزارەتا ئەوقاف و کاروبارێن ئاینی یا حوکمەتا هەرێما کوردستانێ تیمەکا تایبەت و تایبەتمەند ب چێکرنا خوارنان ل کوردستانێ پێکئینایە و رەوانەیێ مەکەهێ کریە،داکو باشترین و ب تامترین خوارنان ب گورەی داخوازی و حەز و سروشتێ کوردستانێ دروست بکەن).

زێدتر گوت: (حەجیێن کوردستانێ کو هژمارا وان حەفت هزار و 130کەسن لسەر دو ئوتێلان هاتینە به‌لاڤكرن، هەتا دوماهیا وەرزێ سالێ دێ خوارن ل هەردو ئوتێلان هێنە دروستکرن).

ب گورەی ئاخفتنێن وان کەسێن خوارنێ دروست دکەن، تیما وان یا چێکرنا خوارنێ تیمەکا تایبەتمەند و شارەزایە و هەموو پێدڤی بو چێکرنا باشترین و ساخلەمترین خوارن بو حەجیان هاتینەکرن.

https://www.youtube.com/watch?v=zpi9eWOmqQM&feature=share&fbclid=IwAR2s6xqewGaG5rWJ1Cvf3aMGUKt68HvVScQmhCwD34AHHF4FQFIt-LjVzfo

ئه‌ڤرۆ نیوز:

ئه‌ڤرۆ ئێڤارێ ره‌وشا باژیرێ مووسل ب شێوه‌كێ به‌رچاڤ تێكچوو وله‌شكرێ عیراقێ ژى مۆله‌تا چار ده‌مژمێران دایه‌ میلیشیێن حه‌شدا شه‌عبى تاكو مووسلێ چۆل بكه‌ن.

ل ده‌مژمێر 8 سپێده‌یا ئه‌ڤرۆ دوشه‌مبى 5/8/2019 حه‌شدا شه‌عبى رێیا مووسل – هه‌ولێرێ ل بازگه‌ها گۆگجه‌لى داخست وله‌شكرێ عیراقێ ژى خوه‌ كۆمكرن بۆ نه‌چاركرنا حه‌شدا شه‌عبى كو خوه‌ ژ مووسل ڤه‌كێشیت.

ل دووڤ پێزانینان، له‌شكرێ عیراقێ هه‌تا ده‌مژمێر 11 ئه‌ڤ شه‌ڤه‌ مۆله‌ت ب حه‌شدا شه‌عبى دایى تاكو خوه‌ ژ مووسلێ ڤه‌كێشیت وبازگێن وى باژێرى چۆل بكه‌ت وئه‌ڤ بریاره‌ ژلایێ سه‌رۆك وه‌زیرێن عیراقێ وفه‌رماندێ گشتیێ هێزێن چه‌كدار عادل عه‌بدولمه‌هدى هاتیه‌ ده‌ركرن، به‌لێ هه‌تا نوكه‌ حه‌شدا شه‌عبى پێگیر نه‌بوویه‌ ب وێ بریارێ.

پشتى نیڤرۆیا ئه‌ڤرۆ دوشه‌مبى له‌شكرێ عیراقێ ب چه‌كێ گران ل ده‌روبه‌رێن حه‌شدا شه‌عبى به‌لاڤ بوویه‌ وڤێ چه‌ندێ ژى ره‌وشا باژیرێ مووسلێ ئالۆز كریه‌ وپشتى نیڤرۆیا ئه‌ڤرۆ له‌شكرێ عیراقێ بزاڤا چۆلكرنا بازگێن حه‌شدا شه‌عبى كریه‌ ونه‌چاركرنا حه‌شدێ خوه‌ ڤه‌كێشیت، به‌لێ له‌شكرێ عیراقێنه‌شیا وێ ئارمانجێ بجه بینیت، ژبه‌ركو حه‌شدا شه‌عبى هێرش كره‌ سه‌ر له‌شكرێ عیراقێ وپاشڤه‌برن.

ئه‌ڤرۆ نیوز:

وه‌زاره‌تا ناڤخوه‌ ل هه‌رێما كوردستانێ بریار دا نابیت ترومبێلێن حكومى بۆ كارێ تایبه‌ت بهێنه‌ بكارئینان.

هێرش ئه‌حمه‌د، رێڤه‌به‌رێ هاتنوچوونا پارێزگه‌ها هه‌ولێرێ راگه‌هاند” وه‌زاره‌تا ناڤخوه‌ بریاره‌كا نوو ده‌ركر كو د نوكه‌ دا كه‌فتیه‌ د وارێ بجهئینانێ دا ولۆگۆیێ حوكمه‌تا هه‌رێما كوردستانێ ژى ل هه‌موو ترومبێلێن حوكمه‌تێ دا هێته‌ دان، تاكو ل پشتى ده‌وامێ بۆ كارێ تایبه‌ت وكه‌سى نه‌هێنه‌ بكارئینان”.

گۆت ژى” هه‌ر ترومبێله‌كا حكومى یا هه‌ر داموده‌زگایه‌كى بیت، پشتى ده‌واما فه‌رمى كارێ تایبه‌ت وكه‌سى پێ بهێته‌ كرن، دێ ڤه‌كۆلین د گه‌لدا هێته‌ كرن وترومبێل هێته‌ ده‌سته‌سه‌ركرن ودێ تووشى سزایێن دراڤى ژى بن، ئه‌ڤجا هه‌ر كه‌س وبه‌رپرسه‌ك بیت”.

ب

ئه‌ڤرۆ نيوز:

سه‌رۆكێ هه‌رێما كوردستانێ نێچيرڤان بارزانى شڤێدى 4-8-2019 ئاماده‌ى ديتنا ياريا ناڤبه‌را هه‌لبژارتيێ كوێتێ و سعوديێ بوو ژ چارچوڤێ ياريێن كوما دويێ يا قاره‌مانيا رۆژئاڤا ئاسيا يا ته‌پا پێ كو ياريێن وێ ل هه‌ولێرا پايته‌خێ هه‌رێمێ دهێنه‌ كرن.

پشتى ڤێ ياريێ عه‌بدولخالق مه‌سعود سه‌رۆكێ ئێكه‌تيا ته‌پا پێ يا عيراقێ دياركر ئه‌و خوه‌ سه‌رفه‌راز دبينن ب ئاماده‌بوونا نێچيرڤان بارزانى سه‌رۆكێ هه‌رێما كوردستانێ ل ياريێن كوما دويێ يا قاره‌مانيا رۆژئاڤا ئاسيا ئه‌وا نوكه‌ هه‌ڤركيێن وێ ل هه‌ولێرا پايته‌خت دهێنه‌كرن و سه‌رۆكێ هه‌رێمێ ژى بريار دا هه‌موو مه‌زاختيێن ياريێن ڤێ كومێ بستويێ خوه‌ ڤه‌ بگريت يێن هه‌لبژارتيێن پشكدار.

ل دووماهيێ ناڤهاتى سوپاسيا رولێ سه‌رۆكێ هه‌رێمێ كر و د مێڤانداريكرنا ڤێ قاره‌مانيێ دا و جارا ئێكێ نينه‌ نێچيرڤان بارزانى ڤان جوره‌ هه‌لويستان وه‌ردگريت و هه‌رده‌م پشته‌ڤانێ وه‌رزشێ بوويه‌.

nechervan-football5

 

ئه‌ڤرۆ نيوز:

ئه‌ڤرۆ رۆژا سێشه‌مبى 5-8-2019 مه‌سرور بارزانى سه‌رۆك وه‌زيرێن هه‌رێما كوردستانێ پێشوازى ل نه‌سرولا ره‌شنوودى  قونسلێ نوو يێ كومارا ئيسلاميا ئيرانێ ل هه‌ولێرێ كر و د ديداره‌كێ دا په‌يوه‌نديێن جوراوجور ناڤبه‌را هه‌رێم و ئيرانێ دا هاته‌ به‌حس كرن.

ديسان د ڤێ ديدارێ دا قونسلێ كومارا ئيسلاميا ئيرانێ پيروزباهى ل مه‌سرور بارزانى كر پشتى وه‌رگرتنا ئه‌ركێ سه‌رۆكاتيا وه‌زيرێن كوردستانێ و هيڤى خواست يێ سه‌ركه‌فتى بيت د كارێ خوه‌ دا.

ژلايێ خوه‌ ڤه‌ مه‌سرور بارزانى بخێرهاتنا نه‌سرولا ره‌شنودى كر و هيڤى خواست يێ سه‌ركه‌فتى بيت د ئه‌ركێ وى يێ نوو دا، ديسان وان به‌حس ل پێشخستنا په‌يوه‌نديێن هه‌رێمێ ژلايێ ئاربورى ڤه‌ گه‌نگه‌شه‌ كر و خواست ژ هه‌موو لايه‌كي ڤه‌ په‌يوه‌نديێن هه‌ردو لا به‌ر ب باشتر بچن.

ئه‌ڤرۆ نيوز:

كوليژا په‌روه‌ردا وه‌رزشى ل زانكۆيا دهۆك ژڤان و رێنمايێن وه‌رگرتنێ به‌لاڤ دكه‌ت كو ئه‌ڤا ل خوارێ ژى ده‌قێ وێ يه‌:

ئاگەھداری

راگریا کولیژا مە پەروەردا وەرزشی ئاگەھداریا گشت قوتابی و خوێندکارێن خوشتڤی دکەت و لدیف راسپارد و رێنمایێن وەزارەتا خواندنا بلند / حکومەتا ھەرێما کوردستانێ دێ دەست ب بەلافکرنا فورمێن وەرگرتنا قوتابیان ل کولیژا پەروەردا وەرزشی / زانکویا دھوک خواندنا سپێدە وئێڤاران بو سالا خواندنێ ( ٢٠١٩ – ٢٠٢٠ ) لروژا ئێک شەمبی رێکەفتی ( 4/8/2019 ) و لروژا ئێک شەمبی رێکەفتی ( 18/8/2020 ) دێ ھێنە زڤارندن . لەورا ھەر قوتابیەکێ حەزا خواندنێ لکولیژا مە ھەبیت و ئەڤ مەرجێن لجوارێ لدەف بن دشێت پێشکێش بکەت

بو پتر پێزانینا پەیوەندیێ ب ژمارە 07514404909 بکە – ژ دەمژمێر( 8:30 ) سپێدێ ھەتا دەمژمێر (2:00) نیڤرو ئەڤرو ژمارا موبایلێ دێ یێ کارابیت
تێبینی

روژێن ( ئەینی و شەمبی ) بێھنڤەندانە ل کولیژێ

مەرجێن وەرگرتنێ لکولیژا پەروەردا وەرزشی / زانکویا دھوک
( 2019 / 2020 )
ڕ) خواندنا سپێدێ
– دڤێت پێشکێشکار دەرچوویێ پولا دووازدێ ئامادەیی بیت لقێن ( زانستی و وێژەیی ) سالا خواندنێ ( 2018/2019 ) ، سەبارەت دەرچوویێن سالا خواندنێ
( 2017/2018 ) دڤێت ناڤێ وی ل چ پەیمانگەھـ و کولیژان نە ھاتبیتە وەرگرتن .
– پێشکێشکار دەرچوویێ خواندنگەھێن سنورێ ھەرێمێ بیت .
– دڤێت ژیێ پێشکێشکاری ژ ( 25 ) سالان پتر نەبیت ئانکو ژدایک بوویێ
( 1994 ) بیت یان زێدەتر.
– دڤێت تێکرایێ پێشکێشکاری ژ ( 60%) کێمتر نەبیت بو کور و کچان
ب) خواندنا ئێڤاران
– دڤێت پێشکێشکار دەرچوویێ پولا دووازدێ ئامادەیی بیت لقێن ( زانستی و وێژەیی ) سالا خواندنێ ( 2018/2019 ) .
– دڤێت تێکرایێ پێشکێشکاری ژ ( 55%) کێمتر نەبیت بو کور و کچان .
– تێکرایێ قوتابیێ دەرچوویێ ئامادەیێن پیشەیی ( پیشەسازی ، چاندن ، بازرگانی ، گەشت و ھوتێل کاری ( سیاحە ) ) ( 60%) کێمتر نەبیت .
– تێکرایێ قوتابیێ دەرچوویێ پەیمانگەھێن وەرزشی ( 65%) کێمتر نەبیت .
– دڤێت ژیێ پێشکێشکاری ژ ( 35 ) سالان پتر نەبیت .
ج) قارەمان
– دڤێت پێشکێشکار یاریکەرێ ھەلبژارتی یێ کوردستانێ یان عیراقێ بیت بمەرجەکێ ( 5 ) سال لسەر قارەمکانیا وی تێپەر نەببیت
– دڤێت یێ ئێکەم ھەتا سێیەم بدەست خوڤە ئینابیت لسەر ئاستێ عیراقێ بو یاریێن تاک و کومەل بمەرجەکێ ( 5 ) سال لسەر قارەمانیا وی تێپەر نەببیت .
– دڤێت یێ ئێکەم ھەتا سێیەم بدەست خوڤە ئینابیت لسەر ئاستێ ھەرێما کوردستانێ بو یاریێن تاک و کومەل بمەرجەکێ ( 5 ) سال لسەر قارەمانیا وی تێپەر نەببیت .
– دڤێت پلا ئێکێ بدەستخوڤە ئینابیت لسەر ئاستێ ( پەروەردێن پارێزگەھا ) بمەرجەکێ ( 5 ) سال لسەر قارەمانیا وی تێپەر نەببیت .
– دڤێت پێشکێشکار دەرچوویێ سنورێ ھەرێما کوردستانێ بیت یان ل ناوچێن کوردستانی یێن دەرڤەیی کوردستانێ و ئەزموون بسیستەمێ ھەرێمێ ئەنجام دابن .
– دڤێت تێکرایێ پێشکێشکاری ژ ( 55%) کێمتر نەبیت بو کور و کچان .
دڤێت ژیێ پێشکێشکاری ژ ( 30 ) سالان پتر نەبیت .

ئەڤرۆ نیوز، بارزان مزووری:‏

عەلی خەلیل، بەرپرسێ لقا 14 ل مووسل یل پارتی بۆ ئەڤرۆ نیوز ‏گوت:پشتی بریارا عادل عەبدولمەھدی سەرۆک وەزیرێن عیراقێ ل دۆر ‏ڤەکێشانا لیوا 30 یا حەشدا شەعبی بۆ دەشتا مووسل ئەڤرۆ ‏‏5/8/2019 ژ لایێ وێ لیوایێ ڤە نەرازیبوون دروست بوویە ئەو زالگەھێن ‏د ناڤبەرا ھەرێما کوردستانێ و مووسل دا ب ئاخێ ئاسێکرینە.‏

گۆتژی: ” رێ ل سەر رێڤینگ و بازرگانێن ھاتنوچوونێ د ناڤبەرا ھەردو ‏لایان دا دکەن داخستیە،پێدڤیە حوکمەتا عیراقێ بھێتە دەنگ و بەرگریێ ‏ژ بریارا خو بکەت”.‏

دا زانین ژی کو د نھا دا ب شێوەیەکێ فەرمی ئەو زالگەھێن ژ لایێ لیوا 30 ‏ڤە ھەموو داخستینە رەوشا خەلکێ مووسل دلگران بوویە ژ بەر کو ‏کاروبارێن وان ھەموو ل پارێزگەھێن ھەرێما کوردستانێ نە.‏

عەلی خەلیل نەڤەشارت کو کەلوپەلێن باژێرێ مووسل ھەموو ژ ھەرێمێ ‏دھێنە مووسل، “ئەو کەلوپەل ھەموو د ناڤ ترۆمبێلان دا ماینە”.‏

ناڤھاتی زێدەتر گۆت: “داخستنا وان زالگەھا بۆ کوردان ژی زیان ھەنە ژ ‏بەر کو گەلەک فەرمانبەر ل مووسل ھەنە، بەلێ مالێن وان ل باژێرێن ‏کوردستانێ نە”.‏

1 (1) 1 (2) 1 (3) 1 (4)

website security
WP Facebook Auto Publish Powered By : XYZScripts.com