ئه‌ڤرۆ نيوز:
پێنج ساليا كاره‌ساتا جينوسايدا كوردێن ئێزدى ل دهۆكێ ده‌ستپێكر
نووترين نووچه
- چەتینەر چەتین: مەسرور بارزانی دشێت رۆلەكێ كاریگەر د پرۆسەیا چارەسەركرنا كێشەیا كوردی دا بگێڕیت
- دخوازین بەرسڤا باوەری و دەنگێن ب پارتی هاتینە دان بدەین
- گەلێ كورد پێدڤی ب ئێكگۆتاری و پەیڕەوكرنا رێنمایێن سەرۆك بارزانی یە
- ماكرۆن كار دكەت باوەریێ بۆ ترەمپی دروست بكەت دا کو هێزێن ئەمریكی ژ رۆژئاڤایێ كوردستانێ نەڤەكێشیت
- مەسرور بارزانی و سەرۆككۆمارێ توركیا كۆمبوون
- ژ بودجا 2024 ژ 20 ترلیۆن دیناران بەغدا تنێ 10 ترلیۆن بۆ هەرێمێ یێن هنارتین
- پسپۆرەكێ وزێ یێ ئەمریكی: ئیراق خوە بریندار دكەت دا زیانێ ب ئابوورێ كوردستانێ بگەهینیت
- پارتێن سیاسی پشتەڤانیێ ل قۆناغا ئاشتیێ ل تورکیا دکەن
- ل نێزیك كۆنفرانسێن ناڤخوەیی یێن پارتی ل دەڤەرێن كوردستانی دێ هێنە ئەنجامدان
- فراكسیۆنا پارتی: ل گەل درێژكرنا دەمێ كۆمسیۆنێ نینین
سه‌ره‌كى نووترين نووچه
کارتێن زیرەک بو حەجیێن کوردستانێ ھاتنە درۆستکرن
ئەڤرۆ نیوز، نەوزاد ھلۆری:
ب مەرەما رێکخستن و ساناھیکرنا کاروبارێن حەجیان، حکومەتا سعودیێ کارتێن زیرەک بو ھەموو حەجیان دروستکرن، کارتێن زیرەکێن حەجیێن ھەرێما کوردستانێ داوی ھات.
نەبەز ئیسماعیل، ئاخفتنکەرێ وەزارەتا ئەوقاف و کاروبارێن ئاینی بۆ ئەڤرۆ نیوز گۆت: (ئەڤ سالە بو ئێکەمین جار حوکمەتا سعودیێ کارتا زیرەک بو ھەموو حەجیێن جیھانێ دروستکرن، مەرەم ژی ئەوە کو کاروبارێن وان بھێنە ساناھیکرن).
زێدەتر گۆت: (نوکە کارتێن زیرەکێن حەجیێن ھەرێما کوردستانێ دوماھی ھاتن و سەر وان ھاتنە دابەشکرن، د ڤێ کارتێ دا ھەموو پێزانینێن گرێدای کەسایەتی و کاروبارێن حەجێ تێدا ھەنە، وەکو ناڤ و نیشان و جھێ مانەڤێ و چیایێ عەرەفێ و چەندین جھێن دن، ئەڤ یەک ژی تشتەکێ گرنگە داکو ب شێوەیەکێ ساناھیتر کاروبارێن حەجیان ب رێڤە بچن).
ئەڤ سالە حەفت ھزار و 130 کەس ل ھەرێما کوردستانێ ب مەرەما ئەنجامدانا حەجێ قەستا مەککەھا پیروز و وەلاتێ سعودیێ کریە، حەفتیا بوری ھەموو حەجی گەھشتن سعودیێ و نوکە کاروربارێن خوە ب رێڤە دبن.
وه‌زيرێ دارايى: به‌رى جه‌ژنێ چه‌ند وه‌زاره‌ت دێ مووچه‌ى وه‌رگرن
ئه‌ڤرۆ نيوز:
وه‌زيرێ دارايى يێ حوكمه‌تا هه‌رێما كوردستانێ راگه‌هاند كو به‌رى جه‌ژنا قوربان دێ مووچێ چه‌ند وه‌زاره‌تان هێته به‌لاڤكرن و به‌لاڤكرن ژى دێ ب گۆره‌ى وێ ليستێ بيت كو پێشتر مووچه پێ به‌لاڤكرى.
ئاوات شێخ جه‌ناب، وه‌زيرێ دارايى و ئابوورى يێ حوكمه‌تا هه‌رێما كوردستانێ بۆ رووداو گۆت: “ب گۆره‌ى سيولا ل به‌ر ده‌ستێ مه دێ بزاڤێ كه‌ين، به‌رى جه‌ژنا قوربان مووچه‌ى به‌لاڤ كه‌ين و د وى ماوه‌ى دا گه‌هشتينه چه‌ند وه‌زاره‌تان بده‌ين، دێ به‌لاڤ كه‌ين”.
وه‌زيرێ دارايى و ئابوورى ل حوكمه‌تا هه‌رێما كوردستانێ به‌حس ل وێ چه‌ندێ ژى كر كو به‌لاڤكرن دێ ب گۆره‌ى وێ ليستێ بيت كو پێشتر مووچه پێ هاتيه به‌لاڤكرن.
به‌لاڤكرنا مووچه‌ى د ڤێ هه‌يڤێ دا رۆژه‌كێ هاتيه پێشخستن. ئه‌ڤرۆ رۆژا ئێكشه‌مبى 4ى تيرمه‌هێ دێ ده‌ست ب به‌لاڤكرنا مووچێ وه‌زاره‌تا پێشمه‌رگه‌ى هێته كرن ب ره‌نگه‌كى ده‌ستپێكێ دێ مووچێ ديوان و ليوايان هێته به‌لاڤكرن و پاشان ژى مووچێ يه‌كێن 70 و 80 يێن پێشمه‌رگه‌ى و پاشان ژى دێ مووچێ وه‌زاره‌تا پێشمه‌رگه‌ى هێته به‌لاڤكرن.
حوكمه‌تا هه‌رێما كوردستانێ هه‌يڤانه 881 مليار دينار بۆ مووچه‌ى دڤێن و ژ وى كۆژمى ژى 453 مليار دينار حوكمه‌تا عيراقێ و 378 مليار دينار وه‌زاره‌تا سامانێن سرۆشتى ل هه‌رێما كوردستانێ دابين دكه‌ن ئه‌ڤا دژى ژ داهاتێ ناڤخۆ دهێته دابينكرن.
ئه‌ڤرۆ سالڤه‌گه‌را پێنجێ يا جينوسايدا كوردێن ئێزدى دێ هێته ساخكرن
ئه‌ڤرۆ نیوز:
سوبه ل ژێر درووشمێ ( شنگال ژ جینۆسایدێ به‌ر ب ئاڤه‌دانی و ژیانێ ) رێوره‌سمه‌كێ به‌رفره‌هـ بۆ سالڤه‌گه‌را پێنجێ یا جینۆسایدكرنا كوردێن ئێزدی ل هۆلا كۆنفرانسان یا زانكۆیا دهۆكێ بهێته سازكرن كو سه‌رۆكێ هه‌رێمێ و سه‌رۆكێ حوكمه‌تا هه‌رێما كوردستانێ دێ پشكداربن.
به‌ره‌ڤان حه‌مدى بریكارێ وه‌زاره‌تا كاروبارێن شه‌هید و ئه‌نفالكریان یا حوكمه‌تا هه‌رێما كوردستانێ تایبه‌ت بۆ ئه‌ڤرۆ نیوز دیاركر، سوبه د رێوره‌سمێن سالڤه‌گه‌را پێنجێ یا جینۆسایدكرنا كوردێن ئێزدی، نێچیرڤان بارزانى سه‌رۆكێ هه‌رێما كوردستانێ و مه‌سرور بارزانى سه‌رۆكێ حوكمه‌تا هه‌رێمێ دێ پشكداربن و گۆتارێن سه‌رۆكاتیا هه‌رێمێ و حوكمه‌تا هه‌رێما كوردستانێ پێشكێش كه‌ن، هه‌روه‌سا نوونه‌رێن په‌رله‌مانێ كوردستانێ و عیراقێ و نوونه‌رێن چه‌ندین وه‌لاتان و پارتێن سیاسى و كه‌س و كارێن قوربانیێن كاره‌ساتێ به‌رهه‌ڤ بن كو دێ ژبلى گۆتاران چه‌ندین چالاكیێن دى هه‌بن كو ده‌ربرینێ ژ ئیش و ئازارێن وێ كاره‌ساتێ و پێكڤه‌ژیانا ل هه‌رێما كوردستانێ كه‌ن.
ب ڤیدیۆ ..گه‌نجه‌كێ دهۆكێ ده‌لیڤێن كارى بۆ 36 كه‌سان په‌یدا دكه‌ت
ئه‌ڤرۆ نیوز، نه‌وزاد هلۆرى:
گه‌نجه‌كێ باژێرێ دهۆكێ ب ناڤێ (هه‌وار دوسكى) ئه‌ڤه چه‌ند ساله جهه‌كێ تایبه‌ت ب ته‌زیاتى و شیریناهیان ل گه‌لیێ دهۆكێ ڤه‌كرى، ل گه‌ل خوه 38 گه‌نجێن دن ژى دده‌ت كارى و هه‌یڤانه موچه‌كێ د ده‌ت و ئه‌ڤ یه‌ك ژى بویه ئه‌گه‌ر كو 36 خێزان ببنه خودان داهات و موچه، وى گه‌نجى بۆ ئه‌ڤرۆ نیوز دیاركر كو ئه‌وى ل به‌ره جهـ و كارێ خوه به‌رفره‌هتر بكه‌ت و گه‌نجێن زێده‌تر بده‌ت كارى.
نوونه‌رێ نوو یێ حوكمه‌تا هه‌رێما كوردستانێ ل به‌غدا ده‌ست بكاربوو
ئه‌ڤرۆ نيوز:
نوونه‌راتیا حوكمه‌تا هه‌رێما كوردستانێ ل به‌غدا هاته كاراكرن و كه‌سه‌كێ نوو بۆ وى پۆستى هاته دیاركرن، هه‌بوونا وێ نوونه‌راتیێ ل به‌غدا، بۆ هه‌رێما كوردستانێ گرنگیا خوه هه‌یه، ودێ بیته ئه‌گه‌رێ هندێ په‌یوه‌ندیێن د ناڤبه‌را هه‌ردو ئالیان پتر گرنگیا خوه هه‌بیت.
سه‌رۆكا فراكسيۆنا پارتی دیموكراتی كوردستان ل په‌رله‌مانێ عیراقێ ڤیان سه‌بری راگه‌هاند، نوونه‌راتیا حوكمه‌تا هه‌رێما كوردستانێ به‌ری نوكه ل به‌غدا هه‌ر هه‌بوو، به‌لێ نوكه حوكمه‌تا هه‌رێمێ ئه‌و نوونه‌راتی كاراكر و به‌رپرسه‌كێ نوو ب ناڤێ ( فارس عیسا) بۆ وى پۆستێ هاتیه دیاركرن، نوكه ده‌ست ب كارێ خوه ژی كریه، كو ئه‌و ب خوه خه‌لكێ پارێزگه‌ها دهوكێ یه.
ڤیان سه‌بری گۆت ژى: هه‌بوونا وێ نوونه‌راتیێ بۆ هه‌رێما كوردستانێ گه‌له‌ك یا گرنگه، چونكی پره‌كا په‌یوه‌ندیان د ناڤبه‌را هه‌رێما كوردستانێ و به‌غدا دروست دكه‌ت، ودێ بیته ئه‌گه‌رێ هندێ ئه‌و په‌یوه‌ندیێن د ناڤبه‌را هه‌ردو ئالیاندا پتر پێشڤه‌برنێ ب خوه ڤه ببینن و گرنگيه‌كا پتر پێ بهێته دان.
پاييز دێ يا پر باران بيت
ئه‌ڤرۆ نيوز:
سه‌قاناسه‌كێ عيراقى پێشبينيێ دكه‌ت پاييزا ئه‌ڤ ساله پترين رێژا بارانێ ل عيراقێ وده‌ڤه‌رێ ب گشتى بباريت وپێشبينيێ دكه‌ت ل هه‌مان وه‌رز هشكه‌سالى بيت ل ناڤه‌راست ورۆژئاڤايێ ئورۆپا.
سادق عه‌تيه، سه‌قاناسێ ناڤدارێ عيراقى د پۆسته‌كێ دا ل به‌رپه‌رێ خوه يێ فه‌يسبووكى پێشبينيێ دكه‌ت پاييزا ئه‌ڤ ساله رێژه‌كا مه‌زن يا بارانێ عيراقێ وده‌ڤه‌رێ ڤه‌گريت.
عه‌تيه دبێژيت” نوكه ره‌وشا سه‌قاى ل باكوورێ ئه‌تله‌سى د بارۆده‌خه‌كێ نێگه‌تيڤ دايه وپێشبينى دهێته كرن ئه‌و ره‌وشه ل وه‌رزێ پاييزێ ژى به‌رده‌وام بيت، ئه‌ڤه ژى رامانا وێ ئه‌وه ل ناڤه‌راست ورۆژئاڤايێ ئورۆپا هشكه‌سالى بيت، ل باشوورێ وى كێشوه‌رى ژى رێژا شه‌هێ دێ بلند بيت، به‌لێ ژ به‌ر زالبوونا بلنداهيێن (بلۆك) كو پێك دهێن ژ چيايێن ئه‌تله‌سى كو ب (ئه‌زوورى) د به‌رنياسن ود كه‌ڤنه ناڤه‌راست ورۆژئاڤايێ ئورۆپا، نزمه پاله‌پستۆيه‌ك دێ به‌ر ب ده‌ڤه‌را مه ڤه هێت”.
وى سه‌قاناسێ عيراقى گۆت ژى” هه‌كه ئه‌و سيناريۆيه به‌رده‌وام بيت، دێ ده‌ڤه‌را مه كه‌ڤيته د ناڤ پاييزه‌كا پر باران دا”.
دیدارێن به‌رپرسێن ئیسرائیلى وعیراقى ئاشكرا دبن
ئه‌ڤرۆ نیوز:
رۆژنامه‌كا ئیسرائیلى دیدارا به‌رپرسێن ئیسرائیلى وهژماره‌كا كه‌سایه‌تی وبه‌رپرسێن عیراقى ئاشكرا دكه‌ت.
رۆژناما (هارتس) یا ئیسرائیلى ئه‌ڤرۆ شه‌مبیێ 3/8/2019 د راپۆرته‌كێ دا به‌لاڤكر كو دیدارا به‌رپرسێن ئیسرائیلى وعیراقى پشتى بوردومانكرنا هژماره‌كا بنگه‌هێن له‌شكرى ل عیراقێ بوو، كو دهێته گۆتن فرۆكێن ئیسرائیلى ئه‌و بوردومانه ئه‌نجامداینه.
تسیفى به‌رئیل، رێڤه‌به‌رێ پشكا عه‌ره‌بى یا وێ رۆژنامێ راگه‌هاند كو چه‌ند ژێده‌رێن دبلۆماسى یێن ئورۆپى ب رۆنژناما ناڤبرى راگه‌هاندیه كو به‌رپرسێن ئیسرائیلى وهژماره‌كا كه‌سایه‌تى وبه‌رپرسێن عیراقى كۆمبووینه، به‌لێ ناڤێ چو به‌رپرسه‌كێ عیراقى نه‌هاتیه ئاشكراكرن.
كۆمسیۆن:هه‌لبژارتنێن هه‌رێمێ دێ ب سیسته‌مێ ئه‌لكترۆنى یێ پێشكه‌فتى ب رێڤه‌چن
ئه‌ڤرۆ نیوز:
رێڤه‌به‌رێ فه‌رمانگه‌ها كۆمسیۆنا هه‌لبژارتن وراپرسى ل پارێزگه‌ها هه‌ولێرێ راگه‌هاند، كۆمسیۆن ب رێیا چه‌ند لژنێن خوه‌ڤه ل پارێزگه‌هان مژوولى رێكخستن وپێداچوونا لیستێن تۆمارا گشتى یا ده‌نگده‌رانه، چه‌ند كۆمبوون یێن هاتینه ئه‌نجامدان وبۆچوون وپێشنیازێن گرنگ هاتینه به‌رچاڤكرن، كو د قۆناغا داهاتى دا دێ هه‌لسه‌نگاندنێ بۆ پێشنیازان كه‌ین.
ئارام برادۆستى، رێڤه‌به‌رێ فه‌رمانگه‌ها كۆمسیۆنا هه‌لبژارتن وراپرسی ل هه‌ولێرێ زێده‌تر بۆ مالپه‌ری فه‌رمیێ پارتى گۆت” كۆمسیۆن یا هووربینیێ وڤه‌كۆلینێ بۆ چار بژارده‌یان دكه‌ت بۆ وێ چه‌ندێ بگه‌هن بۆ تۆماره‌كا پاقژ ودروست ودوور ژ هه‌موو جۆره كێشه وگرفته‌كا ته‌كنیكى ومه‌یدانى، ئه‌و بژارده ژى پێك دهێن ژ، پشت به‌ستنێ ب كارتا نیشتمانى یا عیراقى، سیسته‌مێ بایۆمه‌تریێ مووچێن فه‌رمانبه‌رێن هه‌رێمێ، تۆمارا گشتیێ ده‌نگده‌رێن عیراقێ، یان ژى سه‌ر ژنوو دروستكرنا تۆماره‌كا دى یا ده‌نگده‌ران بۆ هه‌لبژارتنێن داهاتى، ئه‌ڤه ژى پێدڤى ب بودجه‌كا مه‌زن ولایه‌نێ ته‌كنیكى یا هه‌ى، دبیت د ده‌مێ پێدڤى دا به‌رهه‌ڤ نه‌بیت”.
گۆت ژى” بۆ هه‌ر هه‌لبژارتنه‌كێ ل هه‌رێما كوردستانێ، كۆمسیۆنێ پێدڤى ب شه‌ش هه‌یڤێن به‌رهه‌ڤیێ هه‌یه، بۆ وێ چه‌ندێ ژ هه‌موو روویه‌كى ڤه كۆمسیۆن ب باشى یا به‌رهه‌ڤ بیت”.
دیاركر” د بزاڤێ داینه كو كۆمسیۆنا بلند یا هه‌رێمێ ببیته خودان تۆماره‌كا بێ گرفت وجهێ رازیبوونا هه‌موو لایه‌نێن سیاسى وهه‌موو خه‌كێ هه‌ریما كوردستانێ بیت”.
ئاماژه كر ژى”مه پلان یا هه‌ى سیسته‌مێ هه‌لبژارتنێن هه‌رێما كوردستانێ هه‌ڤشێوێ وه‌لاتێن پێشكه‌فتى، به‌لكو زێده‌تر ژى بلند بكه‌ین وسیسته‌مێ ئه‌لكترۆنى بكاربینین و پێشبینیێ دكه‌ین سالا 2026 هه‌لبژارتنێن هه‌رێما كوردستانێ ب سیسته‌مێ ئه‌لكترۆنى یێ پێشكه‌فتى بهێنه ئه‌نجامدان”.
گەنجەکێ دهۆکێ دیکۆران ژ فێقی دروست دكه‌ت
ئەڤرۆ نیوز ، زنار تۆڤی:
گەنجەکێ دهۆکێ ب ناڤێ لاوین محەمەد، کو خودانێ جهەکێ تەزیاتیانە ل گەلیێ دهۆکێ و ئەڤە چەندین سالە مالباتا وی ڤی کاری دکەن، د هەمان دەمدا دەرچوویێ کۆلیژا ئەندازیاریه پشکا په‌ترۆلێ یه ل وەلاتێ قۆبرس، کو رابوویە ب دروستکرنا چەندین دیمەنێن جوان و سەرنجراکێش ژ چەندین جۆرێن فێقی.
لاوین بۆ ئەڤرۆ نیوز دیاركر دەمێ وی خواندنا خوە ب دووماهی ئینایی و ڤەگەریایە باژێرێ دهۆکێ، د ئەڤ سالەدا وی ل گەل بابێ خوە هزر ل هندێ کر، ڤی پرۆژەی دروست بکەت، هەر چەندە وی ب تنێ ئەڤ پرۆژە چێکریە، چەندین دیکۆرێن گەلەک جوان ژ فێقی دروستکرینە، هەروەسا د چێکرنا هندەک دیکۆران دا شەش جۆرێن فێقی ب کارئیناینە، وەکو سێڤێن کەسک و سۆر و پرتەقال و سندی و لیمۆن و هرمیک، ب رەنگەکێ گشتی وی جۆرێن فێڤی یێن وەکو، سێڤێن سور و کەسک، هرمیک، لیمۆن، پرتەقال، سندی، مانگۆ، ئەبۆگادو، هنار، ب کارئیناینە و دێ ئەنەناس و مۆزان ژی دانیت، دی ڤی پرۆژەی بەرفرەهتر لێ کەت، دیسان وی نێزیکی سەد دیکۆران هەنە، هەروەسا ئەڤ فێقیە بۆ دەمێ حەفتیەکێ هەتا دو حەفتیان خوە دگریت و جهەکێ تەزی و سار بۆ هاتیە چێکرن، داکو زوو خراب نەبیت.
گۆت ژی: بۆ چێکرنا ڤان دیکۆران سێزدە تەنێن فێقی لێ چووینە، هەروەسا بۆ چێکرنا دیکۆرەکێ ئێك ته‌ن و حەفت سەد کیلۆیێن فێقی لێ چووینە، دیسان د نوکە دا ئەڤ جهە بوویە تشتەکێ سەرنجراکێش و رۆژانە گەلەک گەشتیار و خەلکێ دهۆکێ سەرەدانا وان دکەن و بۆ خوە وێنان ل بەر دگرن، هەروەسا ب دیتنا وان دیکۆرێن جوان دەروونێ مرۆڤی ژی پێ ئارام دبیت، گەلەک خەلک سەرەدانا تەزیاتیا وان دکەن، ب رەنگەکێ بەڕدەوام ئەو فێقیێ وان دیکۆران د گوهۆریت.
نيشاندان
WP Facebook Auto Publish Powered By : XYZScripts.com