ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ ئێكشه‌مبى 1/9/2019 پێشوازى ل فوئاد مه‌عسووم سياسه‌تمه‌دارێ كورد و سه‌رۆكێ به‌رێ يێ عيراقێ كر.
د كۆمبوونه‌كێ دا، بير و را ل دۆر دووماهى پێشهاتێن سياسى ل سه‌ر ئاستێ عيراقێ و ده‌ڤه‌رێ هاتنه ئالوگۆركرن، هه‌روه‌سا به‌حسێ پرۆسا سياسى ل هه‌رێما كوردستانێ هاته كرن ودووپاتى ل پێدڤيا ته‌بايى و برايه‌تى و ئێكرێزيا لايه‌نێن كوردستانى هاته كرن.
ئه‌ڤرۆ، حه‌مۆ محه‌مه‌د:
سه‌نته‌رێ پێشمه‌رگه یێ ره‌وشه‌نبیری دێ په‌نه‌له‌كێ هزری ل دۆر كاره‌ساتا ئه‌نفالێ ل ژێر ناڤێ (ئه‌نفال په‌نجه‌ره‌یه‌ك بۆ رامانێن ئه‌ڤرۆ) بۆ (د. محه‌مه‌د ئیحسان) و (لیوا حه‌سه‌ن نوری) ئه‌نجام ده‌ت.
دلدار محه‌مه‌د ژ راگه‌هاندنا سه‌نته‌رێ پێشمه‌رگه بۆ رۆژناما ئه‌ڤرۆ دیار كر، ب هه‌لكه‌فتا 31 سالیا كاره‌ساتا ئه‌نفالێن به‌هدینان، سه‌نته‌رێ پێشمه‌رگه یێ ره‌وشه‌نبیری سوبه هى 2/9/2019 و ل ده‌مژمێر 5:00 ئێڤاری دێ په‌نه‌له‌كێ هزری ل دۆر كاره‌ساتا ئه‌نفالێ ل هۆلا سه‌نته‌رێ ناڤبری ئه‌نجام ده‌ت.
دلداری ئاماژه ب وێ چه‌ندێ ژی كر كو دو ته‌وه‌ر د په‌نه‌لی دا دێ هێنه پێشكێشكرن، په‌نه‌لێ ئێكێ بناڤێ (رۆلێ بزاڤا ره‌وشه‌نبیری هه‌مبه‌ر كاره‌ساتـێن جینۆساید و ئه‌نفالان)ه بۆ (لیوا حه‌سه‌ن نوری) و ته‌وه‌رێ دویێ ژی بناڤێ (كارتێكرنێن جڤاكییێن ئه‌نفال)ێ نه بۆ (د. محه‌مه‌د ئیحسان).
ئه‌ڤرۆ نيوز:
ئه‌ڤرۆ رۆژا ئێكشه‌مبى 1/9/2019 مه‌سرور بارزانى سه‌رۆك وه‌زيرێن هه‌رێما كوردستانێ پێشوازى ل قونسلێ نوو يێ وه‌لاتێ فه‌ره‌نسا ل هه‌رێما كوردستانێ ئوليڤييه ديكۆرتينى كر و هه‌ردو لايان كومبوونه‌ك ژى ئه‌نجام دا.
سه‌رۆك وه‌زيرێن هه‌رێما كوردستانێ پيروزباهيا قونسلێ نوو يێ وه‌لاتێ فه‌ره‌نسا و د كومبوونه‌كێ دا چه‌ند بابه‌تێن گرنگ هاتنه به‌حس كرن، و تێدا په‌سنا رۆلێ وه‌لاتێ فه‌ره‌نسا هاته كرن كو هه‌رده‌م هه‌لويسێن باش هه‌بووينه بۆ كێشه‌يێن گه‌لێ كورد له‌ورا داخواز كر په‌يوه‌نديێن وان به‌ر ب باشتربن.
ژلايێ خوه ڤه قونسلێ فه‌ره‌نسا سوپاسيا سه‌رۆكێ حوكمه‌تا هه‌رێما كوردستانێ كر و دياركر ئه‌و دێ ب گرنگى ڤه كارناما كابينه‌يا نوو يا حوكمه‌تا هه‌رێمێ وه‌رگرن و حوكمه‌تا فه‌ره‌نسا ژى يا ئاماده‌يه پشته‌ڤانيا هه‌رێما كوردستانێ بكه‌ت د هه‌موو بواران دا.
ئەڤرۆ نیوز:
ئەڤرۆ سەرۆک مەسعود بارزانی ل گەل فراکسیۆنا پارتی ل پەرلەمانێ عیراقێ کۆمبوو و د کۆمبوونێ دا سەرۆک بارزانی بەحسێ رەوشا نوو یا سیاسی ل عیراقێ و دەڤەرێ کر و راگەهاند کو دڤێت ئەندامێن پەرلەمانێ عیراقێ یێن فراکسیۆنا پارتی کا چاوا بەرەڤانیێ ل مافێن وەلاتیێن هەرێما کوردستانێ دکەن وەسا ژی بەرەڤانیێ ل مافێن وەلاتیێن دی یێن پارێزگەهێن عیراقێ بکەن.
سەرۆک بارزانی ل دۆر ئاریشێن د ناڤبەرا هەولێرێ و بەغدایێ و چاوانیا چارەسەرکرنا وان ژی نێرینێن خوە دیار کر و هێڤی خواست ئاریشێن هەولێرێ و بەغدایێ ل گۆر قانوونێ بهێنە چارەکرن.
ئەڤرۆ نیوز ، عەلی حاجی:
پ، د، لەزگین عەبدی د داخویانیەکێ دا بۆ ئەڤرۆ نیوز دیار کر ب شێوەیەکێ فەرمی مە داخاز کری یە خواندنا ئێڤاران ل زانکویا زاخۆ بھێتە ڤەکرن، ژ بەر کو مە چو زانکو و پەیمانگەھین ئەھلی ل باژێرێ زاخۆ نین.
پروفیسور دکتور لەزگین عەبدی زێدەتر گوت ژی : بریارا وەزارەتا خواندنا بلند و ڤەکولینێن زانستی ل دور نەڤەکرنا خواندنا ئێڤاران ل زانکویێن ھەرێمێ دبەرژەوەندیا زانکویا زاخۆ دا نینە،ژبەر کو ل باژێرێ زاخۆ مە چو زانکیێن نەحکومی نین بتنێ زانکویا زاخۆیە،لەورا ب شێوەیەکێ فەرمی مە داخاز کری یە خواندنا ئێڤاران ل زانکویا زاخۆ بۆ ئەڤ سالە ژی ھەبیت و یا بەردەوام بیت و من ب کەسایەتی ژی ئەڤ چەندە دگەل وەزیری بەحسکری یە ، مە ئەو خال ژی بۆ دیار کرینە کو ژبەر چو ئەگەرەک ئەڤ خوانجدنە بەردەوام بیت ل زانکویا زاخۆ،ئەم چاڤەرێ نە ل رێکەڤتی 5-9-2019 وەزارەتا خواندنا بلند و ڤەکولینێن زانستی دکومبونا خوە دا ڤی بابەتی ئێکلا بکەت .
گۆتژی: مە پێدڤی یە کا مەزنب خواندنا ئێڤاران ھەیە ،ژبەر کو سالا بوری مە رێژەیەکا زور یا قوتابیان وەرگرت بوو ل دەوام سپێدەھیان و ئەو چەندە ژی ببو بارگرانی،ھەکە ئەڤ سالە قوتابی ل خواندنا ئێڤاران نەھێنە وەرگرتن،دێ بارگرانیەکا زێدەتر کەڤیتە سەر زانکویا زاخۆ و دێ رێژەیا وەرگرتنا قوتابیان ل دەوام سپێدەھیان زێدەتر بیت،لەورا ئەم دگەل وێ چەندێ نە خواندنا ئێڤاران ھەبیت بۆ ئەڤ سالە .
ئەڤرۆ نیوز، عەلی حاجی :
مەلا سەعید عەبدولرەحمان، رێڤەبەرێ ئەوقاف و کاروبارێن ئایینی، د داخویانیەکێ دا بۆ ئەڤرۆ نیوز ئاشکەرا کر ژ بەر نەپێگریا گوتاربێژان ب رێنمایێن ئەوقافێ، سێ گوتار بێژ ب ئێکجاری ھاتنە دورخستن. دا زانین ژی کو د نوکە دا پێنچ مزگەفت دھێنە ئاڤا کرن.
مەلا سەعید عەبدولرەحمان زێدەتر گوت : ژبەر کو مە ھەژمارەکا رێنمایان ھەنە و ئەو رێنما ژلایێ وەزارەتا ئەوقاف و کاروبارێن ئاینی ھاتینە دەر کرن ، کو ژگرنگترین رێنمایان ژی نابیت گوتاربێژ تەشھیرێ بکەت یان ژی گوتارەکا توند پێشکێش بکەت ، زێدەباری وێ چەندێ ژی نابیت فەتوا ل سەر مینبەرێن مزگەڤتان بھێنە ددان،دئەڤ سالە دا و ھەتا نوکە ، ژبەر نەپێگریا سێ گوتاربێژان ب ڤان رێنمایان و پشتی چەندین ھوشداریان ھاتنە دوور خستن ژ کارێ گوتاربێژیێ ، بەلێ دو ژ وان کەسان نەئیمام بون و نە ب گرێبەست و نە ب دامەزراندن دگەل مە نەبون بتنێ وەکو خوەبەخش بون دگەل مەدا کار دکرن.
ناھاتی گوت ژی : ژبەر ھاتنا قەیرانا دارایی حکومەتا ھەرێمێ ھەمی پروژەیێن خوە راوەستاندن بون ، بەلێ نیچزیکی 36 مزگەڤتان ژلایێ خێرخوازان ڤە ھاتنە ئاڤا کرن ، پشتی وەرگرتنا رەزامەندیێ و دابینکرنا پارچە زەڤیەکێ ژلایێ باژێرڤانیا زاخۆ ڤە، دنوکە دا کار کرن ل سەر پێنچ مزگەڤتان ڤە دھێتە کرن ژلایێ خێرخوازێن دەڤەرا زاخۆڤە ، ئەو پێنچ مزگەڤتە ژی دێ ب شێوەیەکێ مودرن ھێنە ئاڤا کرن .
شانده‌كێ بلندێ بزاڤا گۆڕان ب سه‌رۆكاتيا عومه‌رێ سه‌يد عه‌لى گه‌هشته مه‌كته‌با سياسى يا پارتى ديموكراتى كوردستان و ژ لايێ سكرتێر و ئه‌ندامێن مه‌كته‌با سياسى يا پارتى ڤه هاتنه پێشوازيكرن.
بڕياره هه‌ردولا د ده‌رباره‌يى پرسێن جهێ گرنگيا هه‌ردولا د ناڤبه‌را خوه دا گه‌نگه‌شه بكه‌ن ل گه‌ل ره‌وشا نها يا سياسى يا هه‌رێما كوردستانێ.
ئه‌ڤرۆ نيوز، نيوار محه‌مه‌د سه‌ليم:
رۆژا 1ى ئيلۆنا 2019ێ خولا دانانا قانوونا يا وه‌رزێ پاييزێ يا سالا ئێكێ يا خولا پێنجێ يا په‌رله‌مانێ كوردستانێ يه.
پرۆژێ قانوونا چاكسازيێ د مووچه‌ى، ده‌رماله و خانه‌نشينيێ هيڤيا هه‌موو فراكسيۆنێن په‌رله‌مانى يه، ژبلى پرۆژێ قانوونا چاكسازيێ، بڕياره حوكمه‌ت 18 پرۆژێن قانوونێن دى كو د كه‌رتێن جودا دانه، بۆ په‌رله‌مانى ب هنێريت كو دبيته كارێ ده‌ستپێكى يێ لايه‌نێن پشكدار د ده‌سته‌لاتێ دا بۆ په‌سه‌ندكرنێ.
نيشاندان