ئەڤرو (۲۰۱۹/۷/۲٤)لیژنا دوفچوونا بازاری ل قائیمقامیا قەزا دهوکێ، دوفچوونا هژمارەکا خوارنگە ونانپێژیان ل دهوکێ کرن.
یوسف محمەد حەسەن بەرپرسێ لیژنا دوفچوونێ ئاشکراکر دوفچوونا لێنانگەهێن چەند خوارنگەهان هاتیە کرن گوت پشتی هەبونا چەندین کێماسیان بریار هاتە دان سوبەهی خوارنگەهێن پاشا وخان کەباب بهێنە داخستن هەتا وان رێنماێن لیژنا دوفچوونێ بهێنە بجهئینان.
ئه‌ڤرۆ نيوز:
ئدريس زۆزانى، به‌رپرسێ راگه‌هاندنا لقێ 17 ل شنگال راگه‌هاند كو شه‌ر د ناڤبه‌را چه‌كدارێن داعش و گۆندێ خانه شه‌هوانيه ل نێزيك كارگه‌ها كونكريتى يا شنگال دا چێبوو.
ب گۆره‌ى گۆتنێن ناڤبرى نێزيكى 15 چه‌كدارێن داعش هاتينه دوورپێچكرن ژ لايێ خه‌لكى ڤه و شه‌ر و پێكدادان يێ به‌رده‌وامه.
ئدريس زۆزانى گۆتژى: “دو وه‌لاتيێن گۆندى به‌رزه ببوون و هنده‌كێن دى ب دووڤدا چووبوون ديت چه‌كدارێن داعش يێن ل ناڤ گۆندى و شه‌ر د ناڤبه‌را وان دا دروست بوويه”.
به‌رپرسێ راگه‌هاندنا لقێ 17 ئاماژه ب وێ چه‌ندێ ژى كر كو هێزێن عيراقى ژى يێن گه‌هشتينه جهێ شه‌رى دا كو شه‌رى كۆنترۆل بكه‌ن به‌لێ هه‌تا نڤيسينا ڤى خه‌به‌رى هێشتا شه‌ر يێ به‌رده‌وام بوو.
ئەڤرۆ نیوز، نەوزاد ھلوری:
وەکو رێزگرتن ل خەبات و قوربانیدانا جینوسایدا بارزانیان، بریارە د سالروژا جینوسایکرنا 8000 بارزانیان دا رێورسمەکێ تایبەت ل سەر گورستانا جینوسایدا بارزان ل گوندێ بارزان ئەڤ رۆژ بھێتە ساخکرن.
رێبوار رەمەزان بارزانی، رێڤەبەرێ رێڤەبەریا گشتی یا کاروبارێن شەھید و ئەنفالکریێن بارزان بۆ ئەڤرۆ نیوز گۆت: (وەکو رێزگرتن ل خەبات و قوربانیدانا 8000 بارزانیان بو بزاڤا رزگاریخوازیا کوردستانێ کو ب بریارا رژێما بەعس 36 سال بەری نوکە ب ساخی ھاتینە بن ئاخکرن، رێڤەبەریا مە ب ھەڤکاری ل گە دام و دەزگەھێن دن یێن دەڤەرێ دێ رابییت ب دانانا رێورسمەکێ تایبەت بو کەسوکارێن جینوسایدکری و مێھڤانان دەما کو سەرەدانا گورستانا جینوسایدکریان دکەن).
زێدەتر گۆت: (رێورسم دێ ئێڤاریا رۆژا 31/7/2019 لسەر گورستانا جینوسایدکریان ب چەند چالاکیەکان ب رێڤەچیت و نوکە ئەم یێ بەرھەڤیان دکەین و ب ئانەھیا خودێ ئەگەر چ کێشە نەبن رێورسم دێ ددەما خوە دا وەکو ھەر سال ب رێڤەچن).
ناڤبری دیارکر ژی کو بو زێدەتر گرنگیدان ب جینوسایدا بارزانیان مونومێنتەکا تایبەت بو جینوسایدا بارزانیان دھێتە چێکرن و زێدەتر گۆت: (مونومێنتا جینوسایدا بارزانیان ھەر لسەر گورستانا وان دھێتەچێکرن و دێ بیتە جھێ ھەلگرتنا بەرمایک و وێنە و دیکومیێنت و ئەرشیفێ جینوسسایدکریان کو ب ھەول و بزاڤێن مە و خەلکی و کەسوکارێن وان ھاتینە کومکرن داکو جیلێ نوو بزانن کوردان گەلەک قوربانی داینە ھەتاکو ئەڤ ئازادیە ب دەستڤە ھاتی).
دھێتە زانین کو بەری 36 سالان رژێما بەعس 8000 توخمێ نێرینەیێ بارزانی گرتن و پاشان ل بیابانێن نوگرە سەلمان ل باشورێ عیراقێ ب ساخی بن ئاخکرن، ب ھەول و بزاڤێن حوکمەتا ھەرێما کوردستانێ ھژمارەکا روفاتێن وان ھاتینە زڤراندن و ل گوندێ بارزان ھاتینە ڤەشارتن، ھەر سال د سالروژا جینوسایدکرنا وان دا رێورسمێن تایبەت وەکو رێزگرتن بو خوینا وان دھێتە ساخکرن.
ئه‌ڤرۆ نيوز:
ب گۆره‌ى ميديا عيراقى، شه‌ڤا بۆرى چه‌كدارێن داعش چووينه سه‌ر گۆندێ ئه‌زوريج ل باشوورێ رۆژئاڤايێ مووسل و د شه‌روپێكدادانه‌كێ دا ل گه‌ل عه‌شيره‌تا “ساده ئه‌لبوبه‌دران” كو خوجهێن گۆندى نه، سه‌رۆكێ هۆزێ ب ناڤێ “عه‌بى خه‌زعه‌ل به‌درانى” و برازايێ وى “ئه‌رشه‌د به‌درانى” هاتنه كوشتن و ژماره‌كا وه‌لاتيێن گوندى ژى بريندار بوون.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا هاتنوچوونا هه‌رێما كوردستانێ، ئاگه‌هداريا شوفێرێن ته‌كسى و پاسان دكه‌ت كو نابيت ئێدى نه‌فه‌رێن زێده هه‌لبگرن يان رێيا خوه ب گوهۆڕن و هه‌ڤدژى ڤێ چه‌ندێ دێ هێنه سزادان.
ب گۆره‌ى نڤيساره‌كێ كو وێنه‌ك ب ده‌ست ئه‌ڤرۆ نيوز كه‌فتيه؛ نابيت ژ نها و پێڤه شوفێرێن ته‌كسيێ و پاسان نه‌فه‌رێن زێده هه‌لبگرن و رێيا خوه ژ نشكه‌كێ ڤه ب گوهۆڕن و هه‌ڤدژى ڤێ چه‌ندێ دێ ب 40 هزار ديناران هێنه سزادان.
د ڤێ نڤيسارێ دا يا كو ئيمزا رێڤه‌به‌رێ گشتى يێ هاتنوچوونا هه‌رێمێ ل سه‌ر و ب گۆره‌يى ناڤه‌رۆكێ مه‌ره‌م ژ بڕيارێ ئه‌وه، كێمكرنا قوربانيێن روودانێن هاتنوچوونێ يه كو ب گۆره‌ى ئاماران، به‌رده‌وام قوربانى د زێده‌بوونێ دانه.
ئەڤرۆ نیوز، نیوار محەمەد سەلیم:
کۆنسێرتەکا میوزیکێ ژ لایێ پشکا میوزیک یا پەیمانگەھا ھۆنەرێن جوان رۆژا سێشەمبی رێکەفتی 23ی تیرمەھێ ل ھەولێر ھاتە گێران.
زێدەتر گۆت: “ستافێ پشکداری د کۆنسێرتێ دا کری زێدەتری 50 قوتابیان ژ میوزەکژەن و کورسی بوون و ب رەنگەکێ گەلەک باش ب رێڤە چوو و تێدا چەندین سترانێن نەتەوەی و دلداری و سرۆد ھاتنە گۆتن”.
ئاشکە را ژی کر کو تشتێ بۆ وان دلخۆشکەر ئەو بوو کو ژمارەکا خێزانان ل کۆنسێرتا وان پشکدار بوو ب رەنگەکی کێم جاران ب رەنگەکێ وەسان خێزان ل کۆنسێرتان دھێنە دیتن.
سەرۆکێ پشکا میوزیکێ ل پەیمانگەھا ھۆنەرێن جوان سۆپاسیا رێڤەبەریا گشتی یا رەوشەنبیری و ھۆنەری یا دھۆک و ھەولێر و پەیمانگەھا ھۆنەرێن جوان ھەولێر کر بۆ پشتەڤانیا وان د سەرکەفتنا ڤی کاری.
ئەڤرۆنیۆز، سالار دۆسکی:
شاندەکێ حوکمەتا ھەرێما کوردستانێ ب مەرەما ھێلکولانا چەند گورێن ب کۆم ل پارێزگەھا (سەماوە) یە ل باشورێ عیراقێ، ئەندامەکێ شاندی ژی ئاشکرادکەت کو ھەتان وکە سێ گورێن ب کۆم ھاتینە دیتن.
عەلی ئەنفال، بەرپرسێ سەنتەرێ ئەنفال، ئەندامێ شاندێ ناڤبری یە بۆ ئەڤرۆ نیۆز ئاشکراکر کو رێکەفتی ٢٢/٧/٢/٢٠١٩ شاندەکێ وەزارەتا شەھیدان و ئەنفالکریا ل حوکمەتا ھەرێما کوردستانێ گەھشتیە باژێرێ سەماوە و ماوێ حەفتیەکێ دێ مینن، ئارمانج ژ سەردانێ دیتنا گورێن ب کۆمە.
بەرپرسێ سەنتەرێ ئەنفال گۆتژی: نوکە گورەک ھاتیە ھێلکولان ل رۆژئاڤا باژێرێ سەماوە ب دوراتیا ١٣٠ کم، ئەڤ گورە ھەموو ژن و زارۆکن و خەلکێ گەرمیانن و ھەژمارا کەسێن دناڤا گوری دا ھاتینە دیتن نێزیکی ١٠٠ کەسانە مێژوویا ڤی گووری بۆ ئەنفالێن سالا ١٩٨٨ دزڤریت و ھەموو ب چەکی ھاتینە گولەبارانکرن و دووڤ دا ھاتینە بن ئاخکرن، دیسا دو گورێن دی ژی ھاتینە دیتن لێ ھەتا نوکە نەھاتینە ھەلکولان.
عەلی خواست ژی نوونەرێن کوران ل بەغدا پتر گڤاشتنێ ل سەر حوکمەتا عیراقێ بکەت ب وێ مەرەمێ لێبورینێ ژ خەلکێ کوردستانێ ب خازیت، کار بکەت جڤاکێ نیڤ دەولەتی ڤێ کەیسێ ب جینوساید بدەتە نیاسین.
ئه‌ڤرۆ نيوز:
پرۆژه‌يه‌ك بۆ هه‌ڤسه‌نگ كرنا مووچێن پێشمه‌رگه‌ى دگه‌ل هێزێن وه‌زاره‌تا نافخو هاتيه ئاماده كرن و چاڤه‌رێ يه حوكمه‌ت و وه‌زاره‌تا پێشمه‌رگه‌ى دوماهى بريار ل سه‌ر ڤێ چه‌ندێ بده‌ن.
شوان ره‌ئوف بريارده‌رێ لژنا پێشمه‌رگه‌ى د په‌رله‌مانێ كوردستانێ دا دياركر بابه‌تێ هه‌ڤسه‌نگ كرنا ئمتيازات و مووچێن پێشمه‌رگه‌ى دگه‌ل هێزێن وه‌زاره‌تا نافخويا ب دووماهى هاتيه و كاره‌كێ باش بۆ هاتيه كرن و قوناغا ئێكێ ژى ب دووماهى هاتيه و نوكه تنێ مايه حوكمه‌ت و وه‌زاره‌تا پێشمه‌رگه‌ى وه‌ك لايه‌نێن جێبه‌جێكار بوچوونێن خوه يێن دووماهى ل سه‌ر ڤێ چه‌ندێ بده‌ن و پاشان پێشكێشكى سه‌رۆكاتيا په‌رله‌مانى بهێته كرن و ل ڤان نێزيكان ژى دێ سه‌ره‌دانا وه‌زيرێ پێشمه‌رگه‌ى ژى كه‌ن و دگه‌ل جڤاتا وه‌زيران ژى گوتوبێژان ل سه‌ر ڤێ چه‌ندێ كه‌ين.
ژلايێ خوه ڤه جه‌مال ئێمينكى سوپا سالارێ پێشمه‌رگه هه‌رێمات كوردستانێ دياركر ئه‌و دێ پشته‌ڤانيا هه‌ر برياره‌كا زێده‌كرنا مووچێن پێشمه‌رگه‌ى كه‌ن و به‌رى نوكه به‌غدا مووچێن پێشمه‌رگه‌ى نه هنارت بوون و قه‌يرانا دارايى ژى ل كوردستانێ هه‌بوو لێ ژ نوكه دخوزين مووچه و ئمتيازێن پێشمه‌رگه‌ى باشتربن.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا باژێرڤانيا دهۆكێ راگه‌هاند كو كاركرن ل سه‌ر هه‌ر پێنج پرۆژێن وان ب ئێك پاكێچ كه‌فتيه د وارێ ب جهئينانێ دا و نها كار ل سه‌ر پرۆژێ جاددا كه‌مه‌رى بوويه 7%ێ و ئه‌ڤرۆ ژى ده‌ست ب كاركرن ل سه‌ر جاددا خزمه‌تگۆزارى يا لايێ راستێ يێ جاددا بارزان هاته كرن.
ئاشكه‌را ژى كر كو پشتى ئه‌ڤ هه‌ردو پرۆژه ب دووماهى دهێن دێ هاتنوچوون بۆ وان جاددان هێته ڤه‌گوهاستن و پاشان ژى ده‌ست ب پرۆژێ چێكرنا هه‌رسێ ئۆڤه‌رپاسان هێته كرن.
ئەڤرۆ نیوز، سالار دۆسکی:
وەک نەرازیبوون بەرامبەر دانانا کۆمپانیەکێ بۆ برێڤەبرنا کاری، سپێدەھی یا ئەڤرۆ 23یتیرمەھا 2019 عەرزوحالچیێن دادنڤێسیێ ل سەرانسەری ھەرێما کوردستانێ نەچوونە سەر کارێ خوە، ئاشکراکرن کو نەکارکرن دێ یا بەردەوام بیت ھەتا خواستن حوکمەت چارەکێ بۆ بینت.
زێرەڤان خالد رەشید، نوونەرێ عەرزوحالچیێن پارێزگەھا دھۆکێ بۆ ئەڤرۆنیۆز، گۆت: ھەژمارا عەرزوحالچیێن دادنووسێن پارێزگەھێ پتر ژ 120 ئەڤ مە دەست بکاری نەکر، وەک نەرازیبوون بەرامبەر دەست بکاربوونا وێ کۆمپانیێ کو دێ جھێ عەرزوچیان گریت، سەرێ ھەیڤێ، بۆ دروستکرنا عەر عەرزویەکێ 25 ھزار دینار دێ خەلکی ژێ ھێنە وەرگرتن ، ئەم بەرامبەر سێ ھزار دیناران کار دکەین.
زێرەڤانی ئەو ژی گۆت: ڤێ کۆمپانیێ بتنێ ل دھۆکێ دەست بکارێن خوە کریە، ل ھەر دو پارێزگەھێن دی ھێشتا چ بەحس نینە، کۆمپانیێ ئاگەھدارکرینە ھەر کەسەکێ دڤێت ل گەل کاربکەت ھەیڤانە بەرامبەر 500 ھزار دینارانە و ئەگەر نە ھەرنە مال، بۆچی بەرامبەر خزمەتا سیە سالان بچنە مال، کۆمپانی بێ رازیبوونا مە ھاتیەدانان و دەست کارێ خوە کریە
ھێشتا گۆت: نەرازیبوونا خوە مە گەھاندیە رێڤەبەریا کارۆبارێن نافخوە ل پارێزگەھێ، دادنڤێسیا دھۆکێ، سەندیکا پارێزەران، پشتەڤانیا خوە بوومە دیارکریە، ھەکە چ نەھێتەکرن دێ بەردەاوم بین ل سەر نەکارکرنێ.
چیا تالانی رێڤەبەرێ گشتیێ کۆمپانیێ دپەیوەندیەکا تێلەفونی دا، بۆ ئەڤرۆ نیۆز دیارکر کو ئارمانجا کۆمپانیێ ئەلکتورنیکرنا کاری یە ل ھەموو فەرمانگەھێن دادنڤێسینێ ل سەرانسەری کوردستانێ و کومپانیێ دەست بکارێن خوە کرینە، مە داخاز ژ عەرزوحالچیێن کەڤن کریە کو ل گەل کۆمپانیێ کار بکەن و دێ مووچەک بۆ ھێتەدان و دیسا مە دڤێت مفایی ژ شارەزایا ئەڤان کەسان ژی وەربگرین.
چیایی ئەو ژی ئاشکراکر کو ب رێکا ئەڤێ کۆمپانیێ دێ گەلەک خزمەتا خەلکی ھێتەکرن، ژ پرکرنا فورمێ ھەتا دگەھیتە ئەرشیفکرنا وێ و دێ کار ب ئاسنتر ب رێڤەچیت.
نيشاندان