ئەڤرۆنیۆز: هەرهین محەمەد:
سترانبێژ نیان عەبدوللا دپەیچێ تایبەتێ خوە یێ فیسبووكی دا دیار كربۆ كو وێ نووترین كلیپا خوه ب ناڤێ (بیریا تەكەم) به‌لاڤكریه كو ژ پەیڤێن سالح بێچار و ئاواز فلكلۆرە و مۆزیك خەلیل عەبدوللا و رێڤەبەری بەرهەمی ئوسمان ئوسی وژدەرهێنانا بوتان ئەبوبەكر.
ئەڤرۆ نیوز، عەلی حاجی:
کۆلیژا نۆشداری ل زانکۆیا زاخۆ ب ھەلکەفتا ھاتنا وەرزێ ھاڤینێ، قوتابخانەکا وەرزێ ھاڤینێ ل دۆر نەخوشیێن دۆمددرێژ ل زاخۆ ڤەکر و دێ چەندین ڤەکۆلین ھێنە ئەنجامدان ب مەرەما دروستکرنا ئامارەکا زانستی.
دکتۆر نوفەل رەشید، راگرێ کۆلیژا نۆشداری ل زانکۆیا زاخۆ بۆ ئەڤرۆ نیوز دیار کر، د نوکە دا وان دەست ب ڤەکرنا قوتابخانەکا ھاڤینی کری یە بۆ قوتابیێن کۆلیژا نۆشداری ل زانکۆیا ناڤبری و گۆت: “ل دەستپێکێ مە داخواز ژ ھەموو کۆلیژێن نۆشداری ل عیراقێ کر، بەلێ ب تنێ کۆلیژا نۆشداری ل زانکۆیا زاخۆ و یا زانکۆیا دھۆک پشکداری پرۆژێ مە بوون و ب رێیا ڤێ قوتابخانێ مە دو چالاکی ھەنە و دێ بۆ دەمێ ١٥ رۆژان بەردەوام بیت و گۆت: “چالاکیا ئێکێ ئەوە کو ڤەکۆلینن، ئەم ڤەکۆلینەکێ بکەین ل دۆر ئاریشا نەخوەشیان د ناڤ جڤاکی دا، ژ بەر ڤێ چەندێ مە ئێشا شەکرێ دەستنیشان کر و دێ ڤەکۆلینێ ل سەر ھندێ کەین، ژ بەر کو مە ھیچ ئامارەکا زانستی نینە کو چەند نەخوشێن ڤێ نەخوشیێ ل زاخۆ و پارێزگەھا دھۆکێ ھەنە و بۆ ڤێ چەندێ دێ ھزار مرۆڤان وەرگرین ژ خەلکێ باژێرێ زاخۆ و دێ پشکنینەکێ کەین کا ئەرێ چو فاکتەرن نەخوشیا شەکرێ پەیدا دکەن و پشتی ڤەکۆلین دیار دبن دێ بزاڤێ کەین بەرھەنگاری ڤێ نەخوشیێ بین”.
ناڤھاتی گۆتژی: “چالاکیا مە یا دویێ دێ ل دۆر نەخوشیەکا بەربەلاڤ بیت ل کوردستانێ و عیراقێ، ئەو ژی ھەودانا جگەرێ یە ب تایبەتی ژ جۆرێ بی، ل گورەی ئامارەکێ ل زاخۆ نێزیکی چار ھزاران توشی ڤێ نەخوشیێ بووینە، ل دووڤ پلانەکا جیھانی ھەتا سالا ٢٠٣٠ ئەڤ نەخوشی یە ب ئێکجاری دێ ھێتە بنبڕکرن و بینە پشکەک ژ وێ پلانا جیھانی، د پێنگاڤا ئێکێ دا رەوشنبیریکرنا جڤاکی یە کو ئایا ئەڤ نەخوشی یە ب چو رەنگەک دھێت و چاوا پەیدا دبیت”.
دکتۆر نوفەل رەشید زێدەتر گۆت: “ب رێیا قوتابیێن خوە کو دبنە ٤٠ قوتابی دێ کەینە تیم و دێ د ناڤ سەنتەرێ باژێرێ زاخۆ دا بەلاڤ کەین و ب رێیا وان تیمان دێ پشکنینا ئەنجام دەین و دێ بزاڤێ کەین ژی بۆ خەلکەکی تاقیکرنەکا سڤک کەین ئایا وی کەسی ڤایروس ھەیە یان نە؟”.
ئەڤرۆ نیوز:
ئەڤرۆ د کۆمبوونا ئەنجوومەنێ وەزیران ب سەرۆکاتیا مەسرور بارزانی سەرۆکێ ئەنجوومەنێ وەزیران بریار هاتە دان کو شاندەک ژ هەرێما کوردستانێ سەرەدانا بەغدا بکەت.
مەسرور بارزانی راگەهاند کو سپێدێ دێ شاندەک ژ هەرێما کوردستانێ ب مەرەما چارەکرنا پرسێن د ناڤبەرا هەولێر و بەغدایێ دا دێ سەرەدانا بەغدایێ کەت دا ل دۆر پرسێن هەی دانوستاندن بهێنە کرن.
ئه‌ڤرۆ نيوز، نيوار محه‌مه‌د سه‌ليم:
د فه‌توايه‌كا تايبه‌ت ل دۆر شێوازێ حه‌جكرن ب رێيا بازرگانى كو وه‌زاره‌تا ئه‌وقاف و كاروبارێن ئاينى رێك خستيه بۆ حه‌جيان، حوكمه‌تێ شه‌عى د وێ ده‌ربارێ دا هاته روونكرن.
ب گۆره‌يى فه‌توايه‌كێ كو جڤاتا بلندا فه‌توايێ ل هه‌رێما كوردستانێ ده‌رێخستيه تێدا حه‌جگرن ب رێيا بازرگانى ب چه‌ند مه‌رجان روون كريه كو ئێك ژ وان ئاماژێ ب وێ چه‌ندێ دكه‌ت كو ب چو ره‌نگه‌كى يا دروست نينه كه‌سه‌ك ناڤێ خوه ب فرۆشيت.
د ئێك ژ خالێن ڤێ روونكرنێ دا هاتيه كو پێدڤيه ئه‌و ژى ب ره‌نگه‌كێ پشككێشانێ بۆ هه‌ر كه‌سێ بخوازيت بهێته كێشان و پشتى پشككێشانێ كه‌س ل جهێ كه‌سێ نه‌هێته دانان.
هه‌ر ديسان هاتيه ژى كو پێدڤيه وه‌زاره‌تا ئه‌وقافێ وان كه‌سان نه‌كه‌ته د ناڤ پشككێشانێ دا، يێن كو به‌رى نها پرۆسا حه‌جێ ئه‌نجام داين دا كو ده‌ليڤه ب هنده‌ك كه‌سێن دى بهێته دان.
ئه‌ڤرۆ نيوز:
كۆمبوونا ئێكێ يا جڤاتا وه‌زيرێن هه‌رێما كوردستانێ ب سه‌رپه‌رشتيا مه‌سرور بارزانى سه‌رۆك وه‌زيرێن هه‌رێما كوردستانێ و قوباد ته‌له‌بانى جێگرێ سه‌رۆك وه‌زيران و وه‌زيرێن كابينا نوو يا حوكمه‌تا هه‌رێما كوردستانێ ده‌ستپێكر.
بڕياره د ڤێ كۆمبوونێ دا مه‌سرور بارزانى كارناما كارى يا هێلێن گشتى يێن كابينا نه‌هێ پێش كێشى وه‌زيران بكه‌ت.
هه‌ر د ڤێ كۆمبوونێ دا، دێ ده‌رفه‌ت ب وه‌زيران هێته دان، پلانێن ده‌ستپێكى بۆ كاركرنا خوه ل وه‌زاره‌تان پێش كێش بكه‌ن و پلانا چار سالى بۆ وه‌زاره‌تێن خوه ئاماده بكه‌ن.
ژبلى ڤى ته‌وه‌رى ژى دێ به‌حس ل كاودانێن هه‌رێما كوردستانێ و عيراقێ ب گشتى هێته كرن و په‌يوه‌نديێن ناڤبه‌را هه‌ولێر و به‌غدا و كێشێن هه‌لاويستى يێن ناڤخۆيى ل هه‌رێما كوردستانێ هێنه به‌حسكرن.
ئه‌ڤرۆ نيوز:
مالپه‌رێن تايبه‌ت ب پێشبينيێن كه‌شوهه‌واى رادگه‌هينن كو ل رۆژێن 16 و 17ى تيرمه‌هێ دێ دياردا سرۆشتى يا هه‌يڤ غه‌يرينێ روو ده‌ت و هه‌رێما كوردستانێ و پتريا وه‌لاتێن جيهانێ دێ ب خوه ڤه گريت.
ب گۆره‌ى مالپه‌رێن تايبه‌ت ب پێشبينيێن كه‌شوهه‌واى ل رۆژانێن 16 و 17ى ڤێ هه‌يڤێ دا، هه‌يڤ دێ غه‌يريت و ئه‌رد كه‌ڤيته به‌ر رۆژێ و سيبه‌ر ل سه‌ر هه‌يڤێ دروست بيت، هه‌روه‌سا دوور و نێزيكيا ئه‌ردى ل سه‌ر خولا خوه دێ ره‌نگێن هه‌يڤ غه‌يرينێ ل سه‌ر ئه‌ردى ژى دروست بن.
هه‌يڤ غه‌يرين دێ ل پتريا ئاسيا و ئورۆپا هه‌موويێ و ئه‌مريكا باشوورى ژى ب ته‌مامى و ناڤبه‌را زه‌ريا هندى و ئوستراليا و ئه‌فريقيا و زه‌ريا ئه‌تله‌س روو ده‌ت. هه‌روه‌سا رۆژهه‌لاتا ناڤه‌راست ژى ب تايبه‌ت هه‌رێما كوردستانێ يا بێ به‌هر نابيت ژ هه‌يڤ غه‌يرينێ.
هه‌موو هه‌يڤ غه‌يرين دێ نێزيكى شه‌ش ده‌مژمێران بيت ل هه‌موو جيهانێ و ل هه‌رێما كوردستانێ هه‌يڤ غه‌يرين دێ رووده‌ت و ل 16ى تيرمه‌ها 2019ێ ده‌مژمێر 09:43:51 ده‌قيقه هه‌يڤ غه‌يرين ل هه‌رێما كوردستانێ دێ ده‌ست پێ كه‌ت و هه‌تا 11:01:44 ده‌قيقه دێ يا به‌رده‌وام بيت.
ئه‌ڤرۆ نيوز:
سه‌رۆكێ هه‌رێما كوردستانێ پێشانگه‌ها روانگه فوره‌س ل پێشانگه‌ها نێڤده‌وله‌تى يا هه‌ولێر ڤه‌كر كو دێ ده‌ليڤا كارى بۆ ب هزاران گه‌نجان دابين كه‌ت.
نێچيرڤان بارزانى، سه‌رۆكێ هه‌رێما كوردستانێ ل ده‌مژمێر 09:35 ده‌قيقه يا رۆژا دوشه‌مبى 15ى تيرمه‌ها 2019ێ پێشانگه‌ها روانگه فوره‌س ڤه‌كر و كو تێدا ب هزاران ده‌رفه‌تێن كارى بۆ گه‌نجێن كوردستانێ دابين دكه‌ت.
په‌يڤا نێچيرڤان بارزانى سه‌رۆكێ هه‌رێما كوردستانێ ل پێشانگه‌ها روانگه فوره‌س:
ئه‌ڤرۆ نيوز:
ب سه‌رپه‌رشتيا مه‌سرور بارزانى، كابينا نه‌هێ يا حوكمه‌تا هه‌رێما كوردستانێ كۆمبوونا ئێكێ يا خوه ئه‌ڤرۆ دێ ئه‌نجام ده‌ت.
ب گۆره‌يى پێزانينێن ئه‌ڤرۆ نيوز، بڕياره ئه‌ڤرۆ مه‌سرور بارزانى سه‌رپه‌رشتيا كۆمبوونا ئێكێ يا جڤاتا وه‌زيران بكه‌ت و تێدا كارناما كارى يا هێلێن گشتى يێن كابينا نه‌هێ پێش كێشى وه‌زيران بكه‌ت.
د ڤێ كۆمبوونێ دا، يا دێ قوباد ته‌له‌بانى جێگرێ سه‌رۆك وه‌زيران ژى ئاماده بيت، دێ ده‌رفه‌ت ب وه‌زيران هێته دان، پلانێن ده‌ستپێكى بۆ كاركرنا خوه ل وه‌زاره‌تان پێش كێش بكه‌ن و پلانا چار سالى بۆ وه‌زاره‌تێن خوه ئاماده بكه‌ن.
ژبلى ڤى ته‌وه‌رى ژى دێ به‌حس ل كاودانێن هه‌رێما كوردستانێ و عيراقێ ب گشتى هێته كرن و په‌يوه‌نديێن ناڤبه‌را هه‌ولێر و به‌غدا و كێشێن هه‌لاويستى يێن ناڤخۆيى ل هه‌رێما كوردستانێ هێنه به‌حسكرن.
ئه‌ڤرۆ نيوز:
رۆحانى، سه‌رۆك كۆمارێ ئيرانێ ئاشكه‌را كر كو ته‌هران يا ئاماده‌يه ل گه‌ل واشنتۆن ده‌ست ب دانوستاندنێ بكه‌ت، ب مه‌رجێ وێ چه‌ندێ كو ئه‌مريكا سزايێن ئابوورى يێن سه‌ر كۆمارا ئيسلامى يا ئيرانێ هه‌لبگريت و پابه‌ندا رێكه‌فتناما ئه‌تۆمى بيت.
حه‌سه‌ن رۆحانى، سه‌رۆك كۆمارێ ئيرانێ د گۆتاره‌كا تله‌ڤزيۆنى دا گۆت: “كۆمارا ئيسلامى يا ئيرانێ يا ئاماده‌يه ل گه‌ل ئه‌مريكا دانوستاندنێ بكه‌ت، به‌لێ ل ده‌ستپێكێ دڤێت ئه‌مريكا سزا و فشارێن ئابوورى يێن ل سه‌ر ئيرانێ لاببه‌ت و دڤێت ب راستى گرێداى وێ رێكه‌فتناما ئه‌تۆمى بيت يا د ناڤبه‌را ئيران و وه‌لاتێن 5+1 دا بيت ئه‌وا ل سالا 2015ێ ئيمزا كرى”.
ئه‌ڤرۆ نيوز:
پشتی چەندین نەازیبوون ل سەر ئەنجامێن تاقیکرانا بۆ لژنا بلند ھاتینە پێشکێشکرن، ل بابەتێ زمانێ عەرەبی و پەروەردا ئاینی بۆ ھەموو قوتابیێن پارێزگەھا دھۆکێ دو نمرە ھاتنە زێدەکرن و ئەڤێ چەندێ گوھورین ئێخستە سەر وێ چەندێ قوتابیەکێ دھۆکێ بیتە یێ ئێکێ ل سەر ئاستێ ھەرێما کوردستانێ.
کوڤان سالح مامۆستایێ زمانێ عەرەبی ل ئامادەیا وەرارا بۆ رۆژناما ئەڤرۆ دیارکر کو شاشی د وەرگێرانێ دا ھەبوو ل بابەتێ زمانێ عەرەبی و پەروەردا ئاینی ل پەرتووکێن سورانی و عەرەبی ھەبوو و ئەو پرسیار ل بەھدینیێ دا نەبوو و پرسیار سەر دو نمران بوو، پشتی ھەژی پرسیار ژ من کری و مە دووڤچوون ل سەر کری و دیاربوو کو شاشی وەرگێرانێ دایە.
ھەمان مامۆستا گۆت: پشتی تاقیکرنا وی بابەتی ب دووماھی ھاتی ھاتە راگەھاندن و ئەڤ پرسیارە بۆ بەھدینان ھاتیە چێکرن چنکو پەرتووکێن بەھدینی دا نینە و مخابن نەھاتبوو چێکرن و پشتی نەازیبوون ل سەر ھاتینە کرن دووڤ دا بۆ قوتابیان ھاتە چێکرن و بەرژوەندا ھەموو قوتابیێن دھۆکێ دا بوو و ھەر قوتابیەکی دو نمرە بۆ ھاتنە زێدەکرن.
ھەژی بەنگین تاھر قوتابیێ کولیژا دھۆک یا بەھرا دارا ل پارێزگەھا دھۆکێ، پشتی نەرازیبوونێ شیا ژ پلا دووێ ل سەر ئاستێ ھەرێما کوردستانێ بیتە سەرکەفتیێ ئێکێ یێ دووبارەکری ل سەر ئاستێ ھەرێما کوردستانێ بۆ رۆژناما ئەڤرۆ گۆت: دەمێ ئەنجام ل دەسپێکێ دەرکەفتین تێکرایێ نەمرێن من 99 پوینت 14 بوویە و ھاتنە دیارکرن کو ل سەر ئاستێ پارێزگەھا دھۆکێ یێ ئێکێ بووم و سەر ئاستێ ھەرێما کوردستانێ یێ دووێ ھات بوومە ھژمارتن، دەمێ تاقیکرن رۆژانە ب دووماھی دھاتن و دھاتمە مال من نمرێن خوە چێدکرن و من زانی دێ چەندێ بەم، پشتی من دووپاتی ل سەر نمرا خوە کر و پرسیارا مامۆستایێن زمانێ عەرەبی کرین کو شاشیەک د وەرگێرانێ دا ھەیە و ھەتا دانا پرسیارێ ژی دا ھەیە یێ پشست راست بووم کو نمرا ب دورستی یامن نە گەھشتیە تایبەت زمانێ عەرەبیێ و ئاینێ و پشتی من نەرازیبوون پێشکێشکری و ئەنجامێن نەرازیبوونێ ھاتین دو نمرێن من ھاتنە زێدەکرن نمرا من 98 بوو زمانێ عەرەبیێ بۆ 100 و تێکرایێ نمرێن من پونتا ھاتنە زێدەکرن وبڤێ نەرازیبوونێ بوومە ئێکێ ل سەر دھۆکێ و ھەرێما کوردستانێ، ئەڤ شاشیە بوو ھەموو قوتابیێن دھۆکێ ھاتە دروستکرن.
ھەمان قوتابی خواست شاشیا ئەڤ سالە ل سالێن بھێت دوبارە نەبیت و ب شێوەکێ باشتری پەرتووک بۆ زاراڤێ بەھدینی بھێنە وەرگێران و قوتابی نە بنە قوربانیێ شاییێن وەرگێرانێ
سەرپەرشتیارێ کارگێری ئدریس حەیدەر ئیبراھیم، رێڤەبەرێ کونترۆلێ ئامادەیی ل سەر ئاستێ ھەرێما کوردستانێ، بۆ جارا ئێکێ یە، سەرپەرشتیارەکێ پارێزگەھێ دبیتە رێڤەبەرێ کونترۆلێ ئامادەیی بۆ ئەڤرۆ گۆت: چ سالا وەک ئەڤ سالە رێژا سەرکەفتنێ یا قوناغا ئامادەیی زانستی یا باش نەبوو سالێن بووری 17% ئەڤ سالە پتر ژ 40% بوویە.
سەرپەرشتێ کارگێری ل پەروەردا گشتی گۆت: ئەڤ سالە وەک ھەموو سالان پروسێسا تاقیکرنا برێڤە و کونترۆل مە ئاگەە ژ نەبوو کا ھولێن تاقیکرنا یا چەوایە، بتنێ مە ئاگەە ژ سووموو ھەبوو و دەمێ پورسێسا پشکنینێ دەست پێ دکر، دەمێ کاغەزا سوموو گەھشتتە مە ئەندامێن کونترۆلی کو رێڤەبەر و ھەڤالێن ئایتی ل کونترۆلی و کەسانێن بسپوربوون و سومو دھاتنە ڤەکرن و ل ئامیرادھاتەدان و دھاتنە خواندن و دبوونە تێکست و کەسەکێ نەزانی کا ئەنجام چیە ھەتا دووماھیێ و دەمێ تاقیکرن ھەموو ب دووماھی دھاتن ، لژنا بلند دێ بەرسڤا دەت وی دەمی دێ ئەوا تێکستا نمرا دەنێ و دێ نمرە ھێنە دیارکرن.
ئدریس ئیبراھیم ئەو ژی ئاشکراکر کو ئەڤ سالە بۆ قوناغا دوازدێ زانستی ل سەر ئاستێ ھەرێما کوردستانێ نێزیکی 71 ھزار قوتابیان تێدا دپشکداربوون، قوتابیێن پارێزگەھا دھۆکێ 18727 قوتابی پشکدار ئەزموونا ب بوون.
ناڤبری ئەو ژی گۆت: قوپیاکرن یا نورمالە ل سەر ئاستێ ھەموو پارێزگەھان نێزیکی 50 قوتابیان ھەبوون و ئەڤە سالانە ھەیە و ئەڤە نە رێژەکا مەزنە و ئەڤە ل سەر ئاستێ جیھانێ قوپیا ھەیە و ئەڤ سالە نە گەلەک بوو.
ھێشتا گۆت: سالانە دەمێ ئەنجام دھێنە راگەھاندن بۆ ھەموو قوتابیان دھێتە دیارکرن کو ھەر کەسەکێ تێبینیەک ھەبیت دشێت نەرازیبوونەکێ پێشکێش بکەت و ئەنجامێن نەرازیبوونێ دھێنە دیارکرن، قوتابیێن دھۆکێ نەرازیبوون وەک پارێزگەھێن دی ھەبوون 1979 فورمە ژ دھۆکێ ھاتبوون، سلێمانیێ 1918 فورمە، ھەولێرێ 2505 فورمە،گەرمیان 485 فورمە، ھەلەبجە 103 فورمێن نەرزایبوونێ ھەبوون و جورێن نەرازیبوونا بوون ھندەک فورما ئێک بابەت بوویە و ھندەک فورمان ھەر حەفت بابەت بووینە و ھندەک نەرازیبوون گەلەک دباوەرپێکر بوون و ھندەک بتنێ چاڤ لێکرنەک بوویە،رێڤەبەرێ کونترۆلی ل قوناغا ئامادەیی ئەو ژی گۆت: راستە قوتابیان گەلەکا نەرازیبوون پێشکێش کربوون ل حالەتێن شاش تێدا گەلەک دکێم بووینە، بتنێ بابەتێن زمانێ عەرەبی و ئاینێ ئیسلامێ شاشیەک ل پرسیاران دا ھەبوو و پێشتر نەھاتبوو چارەسەکرن و ھاتە چارەسەکرن و ھەر قوتابیەکی مافێ خوە وەرگرت، قوتابیێن پارێزگەھا دھۆکێ ھەر قوتابیەکی دو نمرە گەھشتنێ و ئەڤێ شاشیێ کونترۆلی چ پەیوەندی پێڤە نەبوو، ئەو سوموو یا دھێتە بەردەستێ مە ئەم دێ پشکنینێ بۆ کەین و ئەو بەرسڤا لژنا بالا دھێت بوومە دێ بەرورد ل گەل ھێتەکرن و ئەڤ ساشیا ھاتیەکرن ئەو سەر ب رلژنا بالا ڤە ب بوو و ئەو شاشیێن ھاتینەکرن تشتەکێ نورمالە و راگەھاندنێ و تورێن کومەلایەتی گەلەک مەزنکرن.
رێڤەبەرێ کونترۆلێ قوناغا ئامادەیی ئەو ژی گۆت: ھەر رۆژا تاقکرنەکا ھاتبا ئەنجامدان و ھەر پارێزگەھەکا راپورتەک ل سەر قوتابیەکی یان سەرپەرشتەکی یان ل سەر رێڤەبەرەکی ھاتبا و گەھشتبا کونترۆلی مە ژی ب رێکێن خوە سەردەری ل گەل دا دکر و بۆ لژنا بالا دھاتە بلندکرن و ھر تێبینەکا ل سەر پرسیارا ھەبا ئەو سەر ب لژنا بالا ڤە بوو و گەلەک ھاتنە چارەسەکرن و گەلەک لژنە ھاتنە پێکئینان و ل سەر زمانێ عەرەبیێ لژنەکا بسپور ژ ھندەک مامۆستا و سەرپەرشتێن عەرەبیێ ھاتە پێکئینان ل گەل لژنا بالا رونشتن و ھەر شاشیەکا ھەبا ھاتە چارەسەکرن و ئەڤە ھەموو دبەرژوەندا قوتابیان دا.
سەرپەرشتێ کارگێری کو ھەڤدەم رێڤەبەرێ کونترۆلی بوویە ل قوناغا ئامادەیی ئەو ژی گۆت: دانا دو نمران بۆ زمانێ عەرەبی بۆ ھەموو قوتابیێن پارێزگەھا دھۆکێ ھاتنە گوھورین و دەمێ دو نمرە چنە سەر بابەتی دبیتە پوینت، وەک رێژا دەرچوونێ ل سەر ئاستێ پارێزگەھێ چ گوھورین پەیدا نەبوون، دیسا تێبینی ل سەر بابەتێ ئێزدیاتیێ ژی ھەبوو و پشتی گەھشتنا راپورتێ ئەو بابەت ژی دبەرژوەندا قوتابیان دا ھاتە چارەسەکرن و ئەڤە ھەموو کارێن لژنا بالان بوویە وەک کونترۆل مە چ پەیوەندی ب پرسیاران ڤە نەبوون.
ناڤبری ئەو ژی گۆت: ئەڤ شاشیا زمانێ عەرەبی بتنێ ۆ قوتابیێن خواندنا بەھدینی بوویە و جورە شاشیەک ل وەرگێرانێ دا دروست ب بوو، دیسا قوتابیێن ئێزدی ژی ھەر ئەگەر وەرگێران بوویە و دو نمرە ژی بۆ چوونە سەر لەێ گەل ئەڤان گوھورینا رێژا دەرچوونێ یا پارێزگەھا دھۆکێ ھەر وەک خوە ما، بتنێ قوتابیێن مفا دار ژڤێ بریارێ 760 قوتابی بووینە زمانێ کوردی و زمانێ عەرەبی نێزیکی ھەشت ھزار قوتابیان بووینە، قوتابیێن ژ کەفتنێ بۆ سەرکەفتنێ دەربازبووین پشتی گوھورینا نمران بۆ بابەتێ کوردیێ 32 قوتابی بوون، زمانێ عەرەبی 183 قوتابی بوون، ھەر دو پێکڤە سێ قوتابی سەرکەفت بوون، بگشتی رێژا زانستی یا قوتابیان ھەر ما 40% پوینت تشتەک، ھەکە بەروەرد ل گەل سالێن بوری بھێتەکرن رێژا دەرچوونێ یا ئەڤ سالە پشکا زانستی گەلەکا باش بوو سالە بوری 17% بوویە و ئەڤ سالە بۆ 40% ئەڤ سالە گەلەک باشتر بوویە.
رێڤەبەرێ کونترۆلێ ئامادەیی ل سەر ئاستێ ھەرێما کوردستانێ ئەو ژی گۆت: ڤێ گوھورینا نمران یا زمانێ عەرەبی دبەرژوەندا قوتابیەکێ پارێزگەھا دھۆکێ ژی دا ھاتە ئێکلاکرن ھاتبوو ھژمارتن قوتابیێ دووێ و پشتی دو نمرە بۆ زمانێ عەرەبیێ ھاتینە دان بۆ قوتابیێ ئێکێ یێ دوبارەکری ل سەر ئاستێ ھەرَما کوردستانێ و ئەڤە ژی پێنگاڤەکا باش بوو بۆ پەروەردا دھۆکێ و قوتابیێن دھۆکێ، بەلێ بۆ زانین ئەوی بتنێ نەرازیبوون نەکربوو بەلکو گەلەکا نەرازیبوونکر بوو، دیسا مە پێشنیارکر بوو ئەنجامێن سەرکەفتیێن ئێکێ نەھێنە راگەھاندن ھەتا نەرازیبوون پشتی ئەنجامێن نەرازیبوونێ بھێنە دیارکرن و گرنگە ئەڤ سالانە بھێتەکرن.
جمبه‌د شوکری، سەرۆکا لژنا پەروەردێ و ئەوقاف و کاررۆبارێن ئاینی ل جڤاتا پارێزگەھا دھۆکێ بۆ رۆژناما ئەڤرۆ گۆت: گومان نینە سالانە شاشی ھەنە و ئەڤە تشتەکێ نوور مالە ئەگەر تە رێژەک ھەبیت کو پتر ژ 70 ھزار قوتابیان پشکداری تاقیکرن بن گومان نینە دێ شاشی ھەبن، ئەڤ سالە بەرورد ل گەل سالێن بووری رێژا سەرکەفتنێ یا قوتابیێن پارێزگەھا دھۆکێ گەلەک یا باش بوو و ئەڤە خواستا مە بوو و ئەڤە بۆ خەمخوری یا مامۆستا و بەرپرسێن پەروەردێ ل پارێزگەھێ ڤەدگریت، ھیڤی خوازین شاشیێن ئەڤ سالە پەیدابووین ل سالێن بھێت دووبارە نەبن و پتر خزمەت و بەرژوەندا قوتابیان دا بھێنە ئێکلاکرن.
نيشاندان