ئەڤرۆ نیوز ؍ عەلی حاجی :

د گەرا ئێکێ دا 235 كه‌س ب مەرەما ئەداکرنا رێ و ره‌سمێن حەجێ ژ باژێرێ زاخۆ بەر ب وه‌لاتێ  سعودیێ ب رێکەتن و و بریارە ئەڤ شەڤە ب رێیا فروکخانا هەولێرێ بگەهنە وەلاتێ سعودیێ.

مەلا سەعید گوللی ؍ رێڤەبەرێ ئەوقاف و کاروبارێن ئایینی ل زاخۆ بۆ ئەڤرۆ نیوز گۆت” ئەڤرۆ ل روژا ئێک شەمبێ ب رێیا پێنج ترومبێلن مەزن و دقوناغا ئێکێ دا 235 کەسێن ناڤێن وان ئەڤ سالە بۆ حەجێ دەرکەڤتین ؍  بەر ب فروکخانەیا نێڤدەولەتی یا هەولێرێ چوون  و بریارە ئەڤ شەڤە  بگه‌هنه‌ وەلاتێ سعودیێ  ؍ بریارە کێمتر ژحەفتیەکێ دو ترومبێلێن دیێن مەزن کو 59 کەسێن دی بەر ب وەلاتێ سعودیێ فە بچن ؍ خوش بەختانە ئەف سالە رێژەیا زاخۆ بەرەف زێدەبونێ ڤە چو بوو “.

گۆت ژى” بۆ ئەڤ سالە 294 کەس دێ قەستا وەلاتێ سعودیێ کەن بۆ ئەداکرنا رێ و ره‌سمێن حه‌جێ”.

ديار كر ژى” : ب رێیا وەزارەتا ئەوقاف و کاربارێن ئایینی بۆ ده‌مێ سێ سالان و ب رێیا تیروپشکێ ناڤ هاتبوونە دەستنیشانکرن ؍ بۆ ئەڤ سالە ژی یەدەکێن سالێن ۲۰۱۷ـ۲۰۱۸ـ۲۰۱۹ وان ژی دئەف سالە دا قەستا حەجێ کری یە و ئەڤ چەندە ژی جهێ دلخوه‌ەشیامەیە ؍ هەمی بەرهەڤی هاتینە کرن ل وەلاتێ سعودیێ كو خزمەتا وان کەسان بهێتە کرن و هەتا نوشدار ژی هاتینە دەستنیشانکرن ب مەرەما خزمەتکرنا وان”.

ئەڤرۆ نیوز ، عەلی حاجی :

بەری دەمەکێ کێم ل کومەلگەھا پێشابیرێ ل سەر ئاڤا خابیری تەرمێ ھاولاتیەکێ ژلایێ چەند کەسەکان ڤە ھاتە دیتن و ھەتا نوکە ئەڤ تەرمە نەھاتیە ناسین .

ئەمیر عەلی بەرپرسێ راگەھاندنا ساخلەمیا زاخۆ بۆ ئەڤرۆ نیوز دیار کر ئەڤرۆ ل دەمژمێر 11ی سپێدێ ئەم ھاتینە ئاگەھدار کر ل سەر ڤەدیتنا تەرمێ کەسەکێ ل کومەلگەھا پێشابیرێ ل سەر ئاڤا خابیری ، پشتی تیمێن مە ل ناحیا رزگای گەھشتنیە جھێ دەست نیشان کری ، تەرمێ ھاولاتیەکێ باکورێ کوردستانێ یە و کەسەکێ دانعەمرە و چاکێتەکێ زڤستانێ ل بەر بوو، ھیچ بەلگەنامەکێ فەرمی دگەل دا نەبوو، پشتی ھاتیە رەوانە کرن بۆ پزیشکیا داد ل زاخۆ ، دیار بو ئەڤ کەسە ھێشتا دوەرزێ زڤستانێ دا خەندقە یی و ژبەر ڤێ چەندێ مە رەوانە کر بۆ پزیشکیا داد ل باژێرێ دھوکێ .