ئەڤرۆ نیوز، نەوزاد هلۆری:
فوتوگراف ئێکە ژ هونەرێن جیهانی و دیروکەکا زێرین هەیە، ئێکەم وێنێ فوتوگرافی ل سالا 1836 هاتیە گرتن ژلایێ هەردو فوتوگرافەرێن جیهانی (لویس داجوری) و (جوزیف نیفسوری) ڤە ، رۆژا 19\8 بۆ ئێكه‌مین جار ل سالا 2010 وەکو رۆژا جیهانیا فوتوگرافی هاتیە دەستنیشانکرن، سالانە ل جیهانێ و کوردستانێ ژی چالاکیێن جودا دهێنە ب ڤێ هه‌لكه‌فتێ ئەنجامدان.
ئه‌ڤرۆ نیوز:
به‌رپرسه‌كێ دارایى ئاشكراكر كو ژ ئه‌گه‌رێ گیرۆبوونا فه‌رمانا مه‌زاختنا پشكا مووچێ فه‌رمانبه‌رێن هه‌رێما كوردستانێ ژ لایێ حوكمه‌تا عیراقێ ڤه، پرۆسا به‌لاڤكرنا مووچێ فه‌رمانبه‌رێن هه‌رێما كوردستانێ تا راده‌كى ب خاڤێ ب رێڤه دچیت.
عابد مزیرى، رێڤه‌به‌رێ لقێ هه‌ولێر یێ به‌نكا ناڤه‌ندیا عیراقى راگه‌هاند” ئه‌ڤرۆ دوشه‌مبى ژى فه‌رمانا مه‌زاختنا پارێ مووچێ فه‌رمانبه‌رێن هه‌رێما كوردستانێ ژ به‌غدا بۆمه نه‌هاتیه”.
ل دۆر ئه‌گه‌رێ گیرۆبوونا هنارتنا وێ فه‌رمانێ، رێڤه‌به‌رێ لقێ هه‌ولێر یێ به‌نكا ناڤه‌ندیا عیراقى زێده‌تر بۆ باسنیوز دیاركر كو ل گه‌ل به‌رپرسێن د سه‌ر خوه دا ئاخڤتیه، به‌لێ ب هوورى ناهێته زانین ئه‌گه‌رێ گیرۆبوونا هنارتنا فه‌رمانا مه‌زاختنێ چیه”.
دیاركر ژى” هه‌كه جڤاتا وه‌زیرێن عیراقێ فه‌رمانێ نه‌ده‌ته وه‌زاره‌تا دارایى یا عیراقێ، وى ده‌مى وه‌زاره‌تا دارایى یا عیراقێ نه‌شێت فه‌رمانا مه‌زاختنا وى پاره‌ى ده‌ربكه‌ت”.
ناڤبرى ئاماژه كر كو پارێ پێدڤى یێ ل به‌ر ده‌ستێ لقێ هه‌ولێرێ یێ به‌نكا ناڤه‌ندى یا عیراقێ وچو كێشه‌ك نینه وهه‌كه فه‌رمان بۆمه بهێت، راسته‌وخوه دێ پاره هێته دان بۆ وه‌زاره‌تا دارایى ل هه‌رێما كوردستانێ بۆ تمامكرنا پرۆسا به‌لاڤكرنا مووچێ فه‌رمانبه‌ران”.
دهێته زانین هه‌تا نوكه ڤان وه‌زاره‌ت وفه‌رمانگه‌هێن حوكمه‌تا هه‌رێمێ مووچێ هه‌یڤا گۆلانا 2019 وه‌رنه‌گرتیه:
ئه‌وقاف، خواندنا بلند،باژێرڤانى وگه‌شتوگوزار،ڤه‌گوهاستن وگه‌هاندن، پلاندانان، چاندن وژێده‌رێن ئاڤێ،ئاڤه‌دانكرن، بازرگانى وپیشه‌سازى، ره‌وشه‌نبیرى ولاوان، سه‌رۆكایه‌تیا هه‌رێمێ وسه‌رۆكایه‌تیا په‌رله‌مانى وسه‌رۆكاتیا جڤاتا وه‌زیران، پێشمه‌رگێن زێره‌ڤانى وبه‌رگرى وناڤخو، جڤاتا ئاسایشێ وده‌زگه‌هێ ئاسایشێ، ره‌گه‌زنامه، لێوایێن 1 و 2 یێن پۆلیسێن پاراستنا دامه‌ده‌زگه‌هێن په‌ترۆلێ، خانه‌نشینێن پێشمه‌رگه وخانه‌نشینێن مه‌ده‌نى.
ئه‌ڤرۆ نیوز:
حوكمه‌تا هه‌رێما كوردستانێ ئه‌ڤرۆ دوشه‌مبى 19/8/2019 راگه‌هاند، داخوازێ 1 حوكمه‌تا توركیا وچه‌كدارێن په‌كه‌كێ دكه‌ین نه‌بنه ئه‌گه‌رێ زیان گه‌هاندنێ ب وه‌لاتیێن هه‌رێما كوردستانی.
په‌یڤدارێ حوكمه‌تا هه‌رێما كوردستانێ د راگه‌هاندنه‌كێ دا گۆت ژى”مخابن ئه‌ڤرۆ ژ ئه‌نجامێ بوردۆمانا فرۆكێن توركى ل بنارێ چیایێ قه‌ندیل چه‌ند وه‌لاتیه‌ك برینداربوون وزیانێن مادى ژى په‌یدابوون، حوكمه‌تا هه‌رێما كوردستانێ د ده‌مه‌كى دا هه‌ڤخه‌میێ ل گه‌ل زیاندارێن وێ ده‌ڤه‌رێ دیار دكه‌ت ویا نیگه‌رانه ژ وێ بوردۆمانێ، داخواز ژى دكه‌ت سلامه‌تیا وه‌لاتیێن هه‌رێما كوردستانێ بهێنه پاراستنونابیت وه‌لاتیێن هه‌رێمێ ببنه ئارمانجا بوردۆمانێ، د هه‌مان ده‌م دا داخوازێ ژ چه‌كدارێن په‌كه‌كێ دكه‌ین ره‌وشا وه‌لاتیێن مه وتایبه‌تمه‌ندیا هه‌رێما كوردستانێ ل به‌رچاڤ وه‌ربگرن وئێدى نه‌بنه ئه‌گه‌رێ زیان گه‌هاندنێ ب وه‌لاتیێن هه‌رێما كوردستانێ”.
ئه‌ڤرۆ نیوز:
ل دووڤ نڤیساره‌كا وه‌زاره‌تا دارایى وئابوورى ل هه‌ریما كوردستانێ، رێڤه‌به‌ریا گشتى یا باجا وخانوبه‌رێن میرى و رێڤه‌به‌ریا گشتى یا ڤه‌گۆهاستنا مولكایه‌تیێ رادگه‌هینن، ب گۆره‌ى نڤیسارا وه‌زاره‌تا ناڤخوه ورێڤه‌به‌ریا گشتى یا باجا، گه‌شتكرنا باجده‌رێن قه‌ردار بۆ ده‌رڤه‌ى هه‌رێمێ هاته قه‌ده‌غه‌كرن.
وێ نڤیسارا دیاركر ژى كو ئه‌و بریاره ب پشتبه‌ستن ب بریارا وه‌زاره‌تا ناڤخوه ل هه‌رێما كوردستانێ یا هژمار (9751) یا تایبه‌ت ب قه‌ده‌غه‌كرنا گه‌شتكرنێ ژ باجده‌رێن قه‌ردار ب مه‌ره‌ما وه‌رگرتنا پێرابوونێن قانوونى به‌رامبه‌ر كه‌سێن قه‌ردارێن باجێ.
ئه‌ڤرۆ نیوز:
وه‌زاره‌تا په‌روه‌ردێ ل هه‌رێما كوردستانێ رێنمایێن وه‌رگرتنا مۆله‌تا خواندنا ماسته‌ر ودكتۆرایێ ژ لایێ مامۆستا وفه‌رمانبه‌ران ڤه به‌لاڤكرن.
ل دووڤ نڤیساره‌كا وه‌زاره‌تا په‌روه‌ردێ، مۆله‌ت وه‌رگرتن دێ ب مووچێ بنه‌ره‌تى بیت وچه‌ند مه‌رج ژى بۆ ده‌مێ خزمه‌تێ وكونمرا گشتى و وارێ خواندنێ دیار كرینه.
ئه‌ڤرۆ نیوز:
حوكمه‌تا هه‌رێما كوردستانێ راگه‌هاند، شایستێ دارایى وپشكا هه‌رێمێ ژ بودجا عیراقێ دا 12.84 ترلیۆن دیناره، به‌لێ به‌غدا تنێ 5.44 ترلیۆن دیناران د ده‌مێ ساله‌كێ دا بۆ هه‌رێمێ دهنێریت.
جوتیار عادل، په‌یڤدارێ حوكمه‌تا هه‌رێما كوردستانێ گۆت” ئه‌و پارێ ژ پشكا هه‌رێما كوردستانێ ژ بودجا گشتى یا عیراقێ دهێته برین، گه‌له‌ك زێده‌تره ژ بهایێ وى داهاتێ ژ ئه‌گه‌رێ فرۆتنا رۆژانه 250 هزار به‌رمیلێن په‌ترۆلێ دگه‌هیته هه‌رێما كوردستانێ”. و گۆت” هه‌رێما كوردستانێ یا به‌رهه‌ڤه وێ رێژا په‌ترۆلێ راده‌ستى به‌غدا بكه‌ت”.
گۆت ژى” د نوكه دا سالانه 7.39 ترلیۆن دینار پشكا هه‌رێما كوردستانێ هاتیه برین وحوكمه‌تا هه‌رێمێ ئه‌و داخوازیه ئاراسته‌ى به‌غدا كریه وخوه‌شبه‌ختانه تێگه‌هشتنه‌كا ئه‌رێنى ل دۆر وێ پرسێ یا هه‌ى”.
ئەڤرۆ نیوز:
ئه‌ڤرۆ به‌هزاد علی ئاده‌م پارێزگه‌رێ دهوكێ ب وه‌كاله‌ت سه‌رپه‌رشتیا كومبونه‌كا به‌رفره دگه‌ل قایمقامێن سنورێ پارێزگه‌ها دهوكێ و یه‌كه‌یێن ئیدارى یێن گرێداى پارێزگه‌ها دهوكێ كر.
دكومبونێ دا ب ئاماده‌بونا جێگرێن پارێزگه‌رێ دهوكێ به‌حسێ پلانا چوار سالێنڕ بهێت یێن وه‌زاره‌تا نافخو یا هه‌رێما كوردستانێ هاته كرن.
دكومبونێ دا به‌حسێ پلانا هاتیه دانان بو وه‌زاره‌تا نافخو كو كار پێ بهێته كرن پشتى گه‌نگه‌شه و دان و ستاندن ل سه‌ر دهێته كرن و په‌سه‌ند دبیت دڤێ پلانێ هژماره‌كا خالا هاتیه دانان وه‌كو مانا سه‌روكێ یه‌كه‌یا ئیدارى ل قه‌زا و ناحیه و پارێزگه‌ها پشتى ده‌وامى دخزمه‌تا وه‌لاتیان و كارى دا و به‌رهه‌فكرنا جهه‌كێ تایبه‌ت بو مانه‌ڤه‌یا وى سه‌روكێ یه‌كه‌یا ئیدارى.
هه‌روه‌سا به‌لافكرنا فه‌رمانبه‌را ل دیف پێدڤیا هه‌ر ده‌ڤه‌ر و قایمقامیه‌كا پێدڤى پێ هه‌ى
وه‌ك هه‌ڤى كرنا پێشینه‌یێن خزمه‌تگوزارى یێن هه‌مى قایمقامیا
ڤه‌كرنا یه‌كه‌یێن ژمێریاری جهێن پێدڤى
یه‌كخستنا میلاكى و هه‌یكه‌لێ هه‌مى جها وه‌ك ئێك
دابه‌زاندنا ده‌ستهه‌لاتێ و كێمكرنا روتینا كارێ روژانه
بهێزكرنا فه‌رمانبه‌رێن وه‌زاره‌تا نافخو برێكا ڤه‌كرنا خولێن تایبه‌ت و بهێزكرنێ.
وه‌كهه‌ڤكرنا موچێ فه‌رمانبه‌رێن شارستانى یێن وه‌زاره‌تا نافخو دگه‌ل یێن هێزێن ئێمناهیێ یێن نافخو ,
دكومبونێ گه‌نگه‌شه‌كا به‌رفره‌ه لسه‌ر ڤان بابه‌تا و هژماره‌كا دى هاته كرن بیخه‌مه‌ت دانا بوچون و پێشنیارا و بساناهى كرنا بجهئینانا پلانا چوار سالى یا وه‌زاره‌تا ىنافخویا حكومه‌تا هه‌رێما كوردستانێ.
ئەڤرۆ نیوز، رێوار مزیری:
د چارچۆڤێ گوهۆڕینان دا د دامودەزگەهێن میری دا ل سنوورێ پارێزگەها دهۆکێ ژ پێخەمەت بەرژەوەندیا گشتی ئەڤرۆ رۆژا 19/8/2019 ل دەمژمێر 10:30 سپێدێ د رێورەسمەکی دا ب ئامادەبوونا (عوبەیدوللا داود عەلی) رێڤەبەرێ گشتی یێ گەشت و گۆزارێ ل پارێزگەها دهۆکێ و نوونەرێ قایمقامێ قەزا ئامێدیێ و نوونەرێ لقێ 18 یێ پارتی دیموکراتی کوردستان ل ئامێدیێ، (نەزیف محەمەد عەلى ئەحمەد) وەکو رێڤەبەرێ نوو یێ گەشت و گۆزارا ئامێدیێ ل جهێ (ئەیاز عەبدوللا حەسەن) هاتە دانان.
ئەڤرۆ نیوز، نەوزاد ھلۆری:
بەری نیڤرویا ئەڤرۆ فروکێن شەری یێن تورکیا بنارێ قەندیل ل دەڤەرا پشدەر بوردوانکر و د ئەنجام دا خانەک ب تمامی ھاتیە خراپکرن و وەلاتیەک ژی بریندارە.
ب گورەی پێزانینێن ئەڤرۆ نیوز، بوردومان ل گوندێ بولیان یا سەر ب ناحیا سەنگەسەر ل دەڤەرا پشدەر ل بنارێ قەندیل دروستبویە، ھێرشا فروکان ب بھانەیا ھەبوونا پەکەکێ ل وی گوندی بو سەر مالا وەلاتیەکێ بویە و ب تمامی ئەو مال ھاتیە خراپکرن و وەلاتیەکێ ئەوێ مالێ ژی ھاتیە بریندارکرن و رەوشا وی نەیا باشە.
ئەڤرۆ نیوز، نەوزاد ھلۆری:
وەزارەتا بارزگانیا عیراقێ دێ ل گەل پشکا ئاھێن خوارنێ، جگاران لسەر وەلاتیان دابەش کەت، ئەڤێ یەکێ ژی کارڤەدان ل پشت خوە ھێلان و ب داھێنانەکا سەیر دھێتە ھژمارتن.
عەلی بەدیری، ئەندامێ پەرلەمانێ عیراقێ ژ رەوستا سەدر گۆت: (وەزارەتا بارزگانیا عیراقێ دخوازیت جگاران ل گەل پشکا ئاھێن خوارنێ لسەر وەلاتیان دابەش بکەت، ب گورەی پلێتا ئاھێن خوارنێ بو ھەر تەکا جگاران دێ دوو ھزار و 500 دیناران وەرگریت).
زێدەتر گۆت: (پێدڤی یە حوکمەت کار بو ھندێ بکەت کو ماست و شیری و ھێلک و خورمێ و خوارنێن دن لسەر وەلاتیان بەلاڤ بکەت کو مفا بو وەلاتیان ھەیە، نەکو شونا وان جگاران بەلاڤ بکەت کو زیاندار و ژەھراوی نە).
ناڤبری دیارکر ژی کو ئەو کەسێن ئەڤ بریارە دەرکری کەسانێن گەندەلن و دخوازین لسەر کوشتنا عیراقیان بەردەوام بن و زێدەتر گۆت: (ئەگەر بڤی رەنگی یا بەردەوام بیت، نەدویرە ل ئایندە مادێن ھوشبەر ژی لسەر خەلکی بھێنە بەلاڤکرن، ئەڤە ددەمەکێ دایە کو د خولا بوری یا پەرلەمانێ عیراقێ بریار ھاتبوودان کو نابیت جگارە ل دام و دەزگەھێن گشتی بھێتە کێشان و بریارا نوکە تمام بریارەکا سەیرە و بەروڤاژی یە).
ئه‌ڤرۆ نيوز ئه‌ڤ نووچه ژ مالپه‌رێ رۆسيا توده‌ى وه‌رگێرايه كو وان ژى پشت به‌ستن ل سه‌ر سومه‌ريه نيوز كريه.
نيشاندان