ئەڤرۆ نیوز:
رێڤەبەرییا گشتی یێ حەج و عومرێ ل ھەرێما کوردستانێ گەشتا چوونا حەجیێن کوردستانێ یێن ئەڤ سالە بۆ سعودیێ راگەھاند.
ئەڤرۆ رۆژا شەمبی ٦-٧-٢٠١٩ د راگەھاندنەکێ دا رێڤەبەریا گشتی یا حەج و عومرێ ل کوردستانێ بەلاڤ کریە گەشتا ئێکێ یا حەجیێن کوردستانێ بۆ وەلاتێ سعودیێ دێ ل رۆژا پێنج شەمبی رێککەفتی ١١-٧-٢٠١٩ ژ فروکخانەیا ھەولێرێ بۆ باژێرێ جەدە یێ سعودیێ چن و پاش بۆ باژێرێ مەدینێ د کاروانێ ئێکێ دا دێ ٣٧٦ حەجی دێ چن، جیسان ل ھەمان رۆژ دێ ١٨٨ حەجی ژ باژێرێ سلێمانیێ بەر ب مەدینێ رێککەڤن.
ئەڤرۆ نیوز ؍ عەلی حاجی :
د ئامارەکا رێڤـەبەریا پولیسێن پارێزگه‌ها دهوکێ دا هاتیە ؍ ئەڤ سالە دا و د ده‌مێ شەش هەیڤێن بوری دا ل سنورێ پارێزگەها دهوکێ ٤۲۷ روودانێن هاتنوچووینێ دروست بوینە .
موقەدەم ئازاد تەها ؍ بەرپرسێ راگەهاندنا رێڤەبەریا هاتنوچوونا پارێزگەها دهوکێ بۆ ئەڤرۆ نیوز دیار کر د ئەڤ سالەدا و ل گورەی وان روودانێن ل رێڤەبـەریا مە هاتینە تومار کرن د ده‌مێ شەش هەیڤێن بوری دا ل سنورێ پارێزگەها دهوکێ ٤۲۷ روودانێن هاتنوچوونێ روویدانە و ئەڤە ژی رێزەیەکا زورە دڤان شەش هەیڤان دا هاتینە تومار کرن ؍ دوان روودانان دا ب مخابنی ٤۵ کەسان گیانێ خوە ژدەستدایە و ۵۰۲ کەسێن دیتر ژی بریندار بوینە ؍ ئەگەرێن وان روودانان ژی جورا و جور بوینە و نە پێگیریا شوفێران ژی ب رێنماێن هاتن و چوونێ ئەگەرێ سەرەکیێ ڤان روودانانە و هیڤی خازین ژی شوفێرێن مە زێدەتر پێگیر بن ب رێنماێن هاتن و چوونێ .
ئەڤرۆنیوز،ڕەزوان ڕۆژبەیانى:
رائید عوسمان حەم عەبدولا رێڤەبەرێ بنگەهێ بەرەڤانیێ ل قەزا بەردەرەش بۆ ئەڤرۆنیوز خویاکر پشتی نیڤرۆیا ئەڤرۆ گەنجەک بناڤێ موسعەب عیماد دهام کو ژیێ وی 20سالن و خەلکێ گوندێ موریلانە ل سنوورێ قەزا بەردەڕەش دگەل هەڤالێن خوە دچیتە مەلاڤانگەها بەردەڕەش ژبەر نەزانینا مه‌له‌ڤانيان ناڤبری دخەندقیت.
گۆت ژى”ر ئەو مەلەڤانگەهه کو ل بەردەڕەش هەیە یا بنگەهێ لاوانە ل قەزا بەردەرەش بەلێ ژلایێ کەسەکی ڤە ب گرێبەست ب کرێ هاتیە گرتن و پێدڤى بوو بەردەوام کەسه‌ک کو شارەزایی مەلەڤانيان بیت ل وێرێ ئامادە با داکو سەلامەتیا وه‌لاتیان بهێتە پاراستن ل دەمێ کو مەلەڤانیان دکەن، بەلێ مخابن کەس ل وێرێ نەبوویە و ئەو کەسێن کو دگەل وی گەنجێ بووینە د مەلەڤان نەبوون و نەشیان ژمرنێ ڕزگار بکەن”.
خوياكر” پشتی کو ئەم هاتینە ئاگەهدارکرن، ل جهێ روودانێ ئامادەبووین تەرمێ وی گەنج ژی هاتە رەوانەکرن بۆ نوشداريا داد ل دهۆکێ”.
ئەڤرۆ نیوز ، ئێقبال عومەر:
ئەڤرو ئه‌ينيێ ٥/۷/۲۰۱۹ ژ ئەگەرێ هەبوونا بنگەهێن پارتا كرێكارێن كوردستانێ (پەكەكێ) فرۆكێن له‌شكرێ توركیا ب دژواری بۆردومانا چیایێن ناحیا شێلادزێ كرن ل سنورێ قەزا ئامێدیێ.
پەیامنێرێ (ئەڤرۆ نیوز) ل دەڤەرا ئامێدیێ ئەو چەندە پشت راستكر: فرۆكێن توركیا ئەڤرۆ رێكەفتی، ٥/۷/۲۰۱۹ ل دەمژمێر ٨:۲٥ ئێڤاری ژ ئەگەرێ هەبوونا بنگەهێن چەکدارێن پارتا كرێكارێن كوردستانێ (پەكەكێ) ب دژواری بۆردومانا چیایێ کورەژاری ل سنورێ ناحیا شێلادزێ كرن.
ئێقبال عومەر، پەیامنێرێ ئەڤرو نیوز ل وێ دەڤەرێ ئەو چەندە ژی دوپاتكر: فرۆكێن توركیا ب دووراتیا ( ۲ ) كیلومەتران ژ سەنتەرێ ناحیا شێلادزێ بۆردومانكریە و ژ ئەگەرێ هێزا مەزنا بۆردومانێ و دەنگێ بلند پتریا خێزانێن ئەوێ دەڤەرێ ژ مالێن خوە دەرکەفتن و ترس و لەرز د سینگێ وان دا دروست بویە و دیار ژی كر: ئەو جهێن هاتینە بۆردومانكرن زنجیرە چیایێن كورەژاری بویە ل سنورێ ناحیا شێلادزێ و هەر جهەكێ بهێتە بۆردومانكرن پەكەكە ل وان جهان هەیە و تا نها زیانێن ئەوێ بۆردومانێ نەهاتینە زانین.
هەژی دیاركرنێ یە، د ماوێ سالەكا بۆری دا، ل سنورێ قەزا ئامێدیێ ب گشتی (۲۰) كەس كو خەلكێ سڤیلێ ئەوێ دەڤەرێ بوینە ژ ئەگەرێ شەرێ بەردەوامێ دناڤبەرا پەكەكێ و توركیا شەهید بوینە كو پتریا وان شەهیدان خەلكێن ناحیا شێلادزێ بونە.
ئەڤرۆ نیوز ؍ عەلی حاجی :
دروودانەکێ دا ل درەنگیا شەڤا دەرباز بوی ژئەگەرێ شەرە دەڤەکێ د ناڤبەرا هندەک گەنجان دا ل باژێرێ دهوکێ ؍ سێ کەس ب گرانی بریندار دبن و دهێنە رەوانەکرن بۆ نەخوشخانێ .
ئێک ژ کەسوکارێن وان گەنجێن بریندار بوین نەخاست ناڤێ خوە ئاشکەرا بکەت بۆ ئەڤرۆ نیوز دیار کر پشتی برایێ من دگەل هەڤالێن خوە ژکاری ڤەگەریاین ؍ قەستا دوکانەکا لەفا دکەن ب مەرەما کرينا لەفان ل ئێک ژ تاخێن باژێرێ دهوکێ؍ بەلێ ژنشکەکێ ڤە گەنجەکێ سەر خوەش ئاخڤتنەکا نەخوەش دبێژیتێ ئێک ژ وان کەسێن بریندار بوین ؍ پاشی شەرە دەڤ دروست دبیت و ئەو گەنجە ب رێیا موبایلێ داخوازێ ز ۱۰ هەڤالێن خوە دکەت و ئەو هەڤال ل وی جهی ئامادە دبن ؍ برایێ من و هەردو هەڤالێن دگەل دا ؍ دانان بەر کێرا و داران و هەر سێ یان بریندار دکەن ؍ برینا دو ژ وان ژی یا ب مەترسی یە و بۆ نەخوشانه‌يا دهوک هاتنە رەوانە کرن و هەر ب رێیا کامیرا ژی دیار دبیت ۱۱ کەس ل وان هەر سێ گەنجان ددەن .
ل دور ڤێ چەندێ ژێدەرەکێ باوەر پێکری بۆ ئەڤرۆ نیوز گوت : ژبەر کێشەیێ هەتا نوکە مە ٤ کەس دەستەسەر کرینە کو ئەو ژی پشکدار ببون دوێ روودانێ دا و ڤەکولین هێشتا یا بەردەوامە د ڤێ کەیسێ دا .
بو زانین ئەو گەنجێن بریندار بوین خەلکێ ناحيا باتیڤانە ل قەزا زاخۆ و ل ئێک ژ فروشگەهێن دهوکێ کار دکرن .
ئه‌ڤرۆ نیوز:
تیما ته‌پا پێ یا زاخۆ پێنگاڤا خوه یا ئێکێ ب سەرکەفتیانە ھاڤیت پشتی شیای سه‌رکه‌فتنێ ل سه‌ر یانا سوق ئەلشیوخ توماربکه‌ت ب گوله‌کێ بێ به‌رامبه‌ر ژ چارچوڤێ یاریێن گەرا ئێکێ ژ قوناغا دووماهیێ یا خۆلا پلا ئێک یا عیراقێ بۆ ده‌ربازبوونێ بوو خۆلا پلا نایاب ، ئه‌وا ئه‌ڤرۆ هه‌ڤرکیێن وێ ل باژێرێ به‌غدا ده‌ستپێکری.
گولا ئێکانا یا زاخۆ ژلایێ هێرشبه‌رێ وێ یێ به‌رازیلی لوکاس سانتوس ل خۆلەکا ٣٥ هاته تومارکرن.
ئه‌ڤرۆ نیوز:
پارێزگارێ به‌رێ یێ نه‌ینه‌وا راگه‌هاند، ره‌وشا ئه‌منى ل باژێرێ مووسل یێ مه‌ترسیداره وهێشتا هژماره‌كا مه‌زن یا ئه‌ندامێن داعشێ ل وى باژێرى یێن ماین.
ئه‌سیل نجێفى، پارێزگارێ به‌رێ یێ نه‌ینه‌وا بۆ كه‌نالێ (RT) یێ رووسى گۆت” نوكه داعش ل ده‌وروبه‌رێن مووسل لڤینان دكه‌ت ب تایبه‌تى ل بیابانێن نێزیك سنورێ سووریێ، هه‌رچه‌نده هێز بۆ پاراستنا وان سنوران یێن هاتینه هنارتن، به‌لێ ئه‌و هێزێن ساده‌نه وچه‌كێن وان د وه‌سا نینن كو بشێن به‌رهنگاریا وان ئاسته‌نگان ببن”.
ئه‌ڤرۆ نيوز:
ل دووڤ پێزانينێن ده‌زگه‌هێن راگه‌هاندنا ئيكه‌تيێ، پارتى وئێكه‌تى ل سه‌ر پرسا پارێزگارێ كه‌ركووكێ يێن رێككه‌فتين وبه‌ربژاره‌كێ كورد ژى هاتيه دياركرن بۆ وى پۆستى.
سايتێ PUKmedia ژ ژێده‌ره‌كێ باوه‌رپێكرى ڤه‌گوهاست” ئه‌ندازيار ته‌يب جه‌بار به‌ربژارێ كوردان وليستا برايه‌تى يه ل جڤاتا پارێزگه‌ها كه‌ركووكێ بۆ پۆستێ پارێزگارێ نوو يێ كه‌ركووكێ كو نێزيكى دو سالانه ئه‌و پۆسته ب وه‌كاله‌ت ژ لايێ راكان جبوورى ڤه دهێته ب رێڤه‌برن”.
ژێده‌ره‌كێ ئێكه‌تى نيشتمانى كوردستان ژى بۆ رووداو گۆت” ئه‌ندازيار ته‌يب جه‌بار ئێك ژ به‌ربژارێن ب هێزه و ده‌ليڤا وه‌رگرتنا وى پۆستى يا هه‌ى، چونكى پارتى ژى رازيبوونا خوه ل سه‌ر وى يا دياركرى”.
دهێته زانين ئه‌ندازيار ته‌يب جه‌بار ده‌مه‌كى بريكارێ وه‌زاره‌تا ئاڤه‌دانكرنێ بوو ل هه‌رێما كوردستانێ.
ئەڤرۆ نیوز، زنار تۆڤی:
سەعید عەلی بەرواری، نۆشدارێ ددانا یێ تایبەتمەند بۆ ئەڤرۆ نیوز دیار كر: باشترین چارەسەری بۆ ددانان، چاڤدێریا مرۆڤی یە بۆ ددانێن مرۆڤی ل مال، هەروەسا پێدڤیە د ماوێ شەڤ و رۆژان دا مرۆڤ دو جاران ددانێن خوە بشۆت، دیسا دەزی ژی ژبۆ پاقژكرنا ددانێن خوە ب كاربینیت، داكو ئەو خوارنا دمینیتە دبەر ددانێن مرۆڤی دا نەمینیت، ب تایبەتی خوارنێن شرین، هەروەسا پێدڤیە هەر شەش هەیڤان جارەكێ مرۆڤ سەرەدانا نۆشدارێ خوە یێ ددانان بكەت و پشكنینێ بۆ ددانێن خوە بكەت، ژبەركو هەكە هندەك ئاریشە د دانێن مرۆڤی دا هەبن، نۆشدار دێ چارەكەت، دیسا ئەو خورانێن نیسەك ئەوێن دمیننە ب ددانان ڤە و نەهێنە پاقژكرن و ئەوێن شرین و رێژا شەكرێ زێدە تێدا، گەلەك زیانێ دگەهیننە ددانان و پێدیێن مرۆڤی، دیسا د نوكە دا گەلەك جۆرێن شریناهیان هەنە، وەكو چكلێتان و نەستەلە و پسكێت و بیبسیان و جۆرێن شەربەتێن دناڤا بازاری دا، كو گەلەك شریناهی دناڤ دا هەنە، هەروەسا دناڤا ڤەخوارنێن غازی دا جۆرەكێ ترشاتیێ هەیە، لەوما ئەڤە زیانێن ئێكسەر دگەهیننە ددانێن مرۆڤی.
زێدەتر دبێژیت: هندەك كەس هەنە ژ ئالیێ جیناتان ” ویراسی” ڤە، كو دبنەمالا وان دا ددانێن وان گەلەك د بێ هێزن، ب ساناهیتر ددانێن وان درزن، لێ هەكە هاریكاریا خوە بكەن و خوارنێن شرین نەخۆن، ددانێن وان زوو خراب نابن، هەروەسا هندەك مرۆڤ هەنە پێدیێن وان زوو ” ئیلتیهاب” و كلس دگریت، ڤێ چەندێ دێ كارتێكرنەكا خراب هەبیت ل سەر پێدیا و رزیبوونا ددانان، هەر چەندە نوكە جڤاكێ مە گەلەك یێ باشە، هەكە مرۆڤ هەڤبەركرنەكێ بكەت، دناڤبەرا سالێن بوری و نوكە دا، چونكی هشیاریەكا باش بۆ خەلكێ مە چێبوویە د وارێ ساخلەمیێ دا، ب تایبەتی ژی ساخلەمیا دەڤ و ددانان، ژبەركو دەمێ كەسەك سەرەدانا مە دكەت، وەسا ددەنە دیار كرن، كو ب هەر رەنگەكێ هەبیت، وان نەڤێت ددانێن خوە بینەدەر و دبێژن هەر چارەسەریەكا هەبیت بۆ بكە، ژ پێخەمەت ددانێ خوە نەئینیتە دەر، ئەڤە وێ چەندێ دیار دكەت، كو بهایێ ددانی بۆ مرۆڤی چەندە، هەروەسا خەلكێ مە ب رەنگەكێ باشتر ددانێن خوە دشۆن.
ناڤهاتی هێشتا دبێژیت: دەمێ زارۆك دچیتە باخچێ ساڤایان و قوناغا سەرەتایی و هەتا دگەهیتە قۆناغا ناڤنجی، ب تایبەتی ژی دڤان قۆناغان دا ئەو خوارنێن ئەو ل وان جهان دخۆن، هەموو ئەو جۆرێن خوارنێنە یێن كو كارتێكرنەكا خراب ل سەر ددانان دكەن، چونكی گەلەك شریناهی د وان خوارنان دا هەیە، لەوما ” تەسەوس” ل دەف زارۆیان پەیدا دبیت ب رێژەكا بلند، كو ئەڤە ژی ڤەدگەریت بۆ وان خوارنێن ب ساناهی یێن كو ل بەردەستێن وان هەین، كو كارتێكرنەكا نەرێنی ل سەر ددانێن زارۆیان دكەن، دیسا خوارنێن نە سرۆشتی، دەمێ كو مرۆڤ ل درەنگی شەڤ دخۆت، ب تایبەتی ژی دەمێ خوارنێن شرین دخۆن، كو ئەڤ خوارنە دێ كارتێكرنێ ل دەڤ و ددانێن وان كەن، دێ كارتێكرنێ ل سەر لەشێ مرۆڤی كەت و مرۆڤ دێ قەلەو بیت، هەروەسا دێ لاوازی كەڤیتە د لەشێ وی دا، چونكی گەلەك بزاڤێ ناكەت، كارتێكرنا ڤێ ژ یا هەموویان خرابترە.
نۆشدار سەعیدی ئەو ژی گۆت: كارتێكرنا دایك و بابان ژ یا هەموویان پترە، چونكی هەكە ئەو د ژیێ زارۆكاتیێ دا، زارۆیێن خوە فێركەنە ددان شووشتنێ و نیشان وان بدەن، كو ب فلچەی ددانێن وان بشۆن و چاوانیا شووشتنا ددانان بۆ دیار بكەن، ئەو دێ ب رەنگەكێ باش فێر بنە شووشتنا ددانان، هەروەسا ل قۆتابخانێ ژی یا فەرە مامۆستا بۆ وان دیار بكەن، كو پێدڤیە قۆتابی ددانێن خوە بشۆن و بپارێزن ژ رزیبوونێ، ئەڤە دێ كارتێكرنەكا باش كەنە سەر هزرێن قۆتابیان و ئەو ژی دێ هەردەم ددانێن خوە شۆن و ب ڤی رەنگی دێ نفشەكێ نوو یێ ئاڤاكری و بەرهەمدار پەیدا بیت، دێ گرنگیەكا باش ب ساخلەمیا خوە دەن و دێ ددانێن خوە ژی ب رەنگەكێ باش پارێزن و ب ڤی رەنگی ئەو گەلەك پێدڤی نۆشدارێن ددانان ژی نابن، هەر چەندە دایك و باب ژی گەلەك ل گەل زارۆیێن خوە د خەمخۆر و هاریكارن، لێ هەتا رادەكێ زارۆك د خەمسارن د پاقژكرنا ددانێن خوە دا.
ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ چارشه‌مبى 3/7/2019 ل گه‌ل فراكسيۆنێن پێكهاتێن مه‌سيحى وتوركمان ل په‌رله‌مانێ كوردستانێ كۆمبوو.
سه‌رۆك بارزانى د په‌يڤه‌كێ دا دياركر كو كوردستان وه‌لاتێ مه هه‌موويانه و د رێڤه‌برنێ دا د هه‌ڤپشكين وئاماژه كر كو نابيت ب هيچ پێكهاته‌كى بهێته گۆتن (كه‌مينه) وهه‌ر نه‌ته‌وه‌كى تايبه‌تمه‌نديا خوه يا هه‌ى ودڤێت رێز ل وان تايبه‌تمه‌نديا بهێته كرن.
سه‌رۆ ك بارزانى دووپات كر كو د دستوورێ كوردستانێ دا مافێن هه‌موو پێكهاتان ب تمامى دێ هێنه چه‌سپاندن ورێ ب هيچ جوداكاريه‌كا نه‌ته‌وى وئاينى ناهێته دان وئه‌م هه‌موو ل كوردستانێ دێ يه‌كسان وهه‌ڤپشك بين.
نيشاندان