ئەڤرۆ نیوز:
ئەڤرۆ ل باژێرێ هەولێرێ د رێورەسمەکێ فەرمی دا ب ئامادەبوونا شاندەکێ وەلاتێ هندستانێ، نێچیرڤان بارزانی سەرۆکێ هەرێما کوردستانێ پەردە ل سەر پەیکەرێ مەهاتما غاندی رێبەرێ نەتەوی یێ هندستانێ هاتە لادان.
رێورەسم ل پارکا سامی عەبدولرەحمان برێڤە چوو و گەلەک بەرپرسێن حوکمی یێن هەرێما کوردستانێ و شاندەکێ وەلاتێ هندستانێ ب سەرۆکاتیا ڤێرماڤالی دەهاران وەزیرێ دەولەتا هندستانێ بۆ کاروبارێن دەرڤە تێدا ئامادە بوون.
ئەڤرۆ نیوز، نەوزاد هلوری:
تێپا دهۆک یا هونەرێ ملی د چارچوڤێ ب رێڤەچونا رێورسمێن دابەشکرنا خەلاتێن حەفتەمین فلمە ڤیستەڤالا دهۆک یا نیڤدەولەتی تابلۆیەک پێشکێشکر.
زاخۆ، عەلی حاجی :
رێڤەبەریا گشتی یا كاروبارێن شەهید و ئەنفالكریان ل پارێزگەها دهوكێ و ب ئامادەبونا وەزیرێ كاروبارێن شەهید و ئەنفالكریان ل هەرێما كوردستانێ ، سالڤەگەرا 50 یا كۆمكوژیا گوندێ صوریا شەهیدان ل زاخۆ هاتە گێرا.
ئەلێكسان ئەندرێیان، ئێك ژ كەس و كارێن قوربانیان بۆ ئەڤرۆ دیار كر روودانا گوندێ (صوریا شەهیدان) ئێك ژ مەزنترین تاوانێن هاتینە هاتینە ئەنجام دان و د وی دەمی دا ژیێ من 14 سال بوون، د نوكە دا مونومێنتەك بۆ شەهیدێن ڤێ كۆمكوژیێ هاتیە دروست كرن، بەلێ هەمی نەهاتیە ب دووماهی ئینان و پشكەكا وێ مایە، لەورا ئەم داخواز ژحوكمەتا هەرێما كوردستانێ دكەین وێ مونومێنتێ ب دووماهی بینیت،هەروەسا رێیا سەرەكی یا گوندێ مە هەتا نوكە نەهاتیە دروست كرن و ئەو جادە بهێتە قیركرن ب ئێكجاری و هەتا نوكە ژی خێزانێن 10 شەهیدێن وێ كومكوژیێ بێ موچەنە و ئەم داخاز دكەین موچێ وان ژی بهێتە دروست كرن وەكو هەمی شەهیدێن ڤێ كومكوژیێ و ئەڤ چەندە ژی من گەهاندی یە وەزیرێ كاروبارێن شەهیدان و ئەنفالكریان.
چیا‌و پتروس بۆ ئەڤرۆ نیوز گوت : ئەڤ كومكوژیا هاتیە ئەنجام دان دژی هەمی پرەنسیپێن جیهانی و مروڤایەتی بوون و هەتا نوكە بۆ ڤێ كومكوژیێ ژی هیچ رێكارەكا قانوونی نەهاتیە ئەنجام دان، ب دوكیومیێنتكرنا ڤان كۆمكوژیان و ب هەبوونا چەند بەلگەیان ڤێ كەیسێ ب رێیا لایەنێن بجهئینانێ ل كوردستانێ كار بۆ بكەین و پاشی ب رێیا حوكمەتا هەرێما كوردستانێ ڤێ كەیسێ بكەتە كەیسەكا نێڤدەولەتی و جهێ خوە بگریت داكو ب جینوساید ب هێتە نیاسین ببیتە رێیەك جیهان بزانیت چو كارەكێن دژی مروڤایەتی هاتیە ئەنجام دان دگەل خەلكێ سڤیل .
ژلایێ خوەڤە بەرەڤان حەمدی برێكارێ وەزیرێ كاروبارێن شەهید و ئەنفالكریان بۆ ئەڤرۆ ئاشكەرا كر ڤێ كۆمكوژیێ تایبەتمەندیا خوە هەیە ژبەر ڤێ چەندێ ئەڤ سالە ب شێوەیەكێ بەرفرهە مە سالڤەگەرا 50 یا كۆمكوژیا گوندێ (صوریا شەهیدان) ساخ كر، وەكو داخوازیێن كەس و كارێن قوربانیان كو مونومێنتا وێ كۆمكوژیێ و دیكیومێنكرنا بەلگەییان د بەرنامەیێ وەزارەتا كاروبارێن شەهید و ئەنفالكریان دایە و د پلانا ئەڤ سالە دایە و دێ د ئەڤ سالە دا هێتە بجهئینان،بۆ چێكرنا رێیا ڤی گوندی ژی مە نڤیسارەك رەوانەی پارێزگەها دهوكێ كریە دا كو دو كێلومەترێن جادە یا وان ژی بهێتە دروست كرن و مە چەند پارێزەر یێن هەین بۆ كەیسێن تاوانان بۆ وێ یەكێ كو ئەڤ تاوانە بریارا دوماهی پێ بهێتە دان و بهێنە قەرەبووكرن ل بەغدا و یا ژهەمیێ گرنگتر ژی ل دەڤ مە ئەو پێكڤە ژیان و برایەتیا مەسیحی و موسلمانایە د وی گوندی دا.
ئەڤرۆ نیوز، عەلی حاجی :
رێڤەبەرێ ناحیا دەركارێ بۆ ئەڤرۆ نیوز دیار كر ژبەر چەند پارچە زەڤیان د ناڤبەرا دو گوندان دا بویە كێشە و چەندین جاران ژی خەلكێ دو گوندان ل سەر هەبوونا وێ كێشەیێ خوە نەرازی كرینە .
زێدەتر زێرەڤان موسایی گوت : پشكەكا پارچە زەڤیێن گوندێ سەر سیلاڤێ كو دكەڤیتە سنورێ ناحیا باتیفا و گوندێ ناڤ كەندالا كو دكەڤیتە سنورێ ناحیا دەركارێ كو هەژمارەكا پارچە زەڤیان دناڤبەرا هەر دو گوندان هەنە و بوینە جهێ ئاریشەیی،ژبەر كو ئاكنجیێن گوندێ سەر سیلاڤێ هندەنك بەلگە هەنە دبێژن ژكەڤندا ئەڤە ئەردێ مەیە و ملكێ مە بویە ،هەر دیسان هاولاتیێن گوندێ ناڤ كەندالا كو مەسیحی نە دیار دكەن كو مە ژی هەلگە هەنە ئەڤ ئەردە ژبەریا نوكە ئەردێ مە بویە،لەورا ئەڤ چەندی بویە كێشە و هەتا نوكە نەهاتیە چارەسەر كرن .
و گوت ژی : ئەڤ كێشەیە گەهشتیە لژنا چاندنێ ل زاخۆ و ئەز و رێڤەبەرێ ناحیا باتیڤا ژی تێدا ئەندامین و ئەم دخازین ڤێ كێشەیێ چارەسەر بكەین و هندەك پێنگاڤ ژی هاتینە هاڤێژتن دا كو بهێتە چارەسەر كرن ،ئەم ب هێڤینە بهێتە چارەسەر كرن ژبەر كو ئەڤ كێشەیە ڤەدگەریت بۆ پشتی سەرهلدانێ و هەتا نوكە یا بەردەاومە و نەهاتیە چارەسەر كرن و ئەڤە ئێكەم كێشەیە دناڤبەرا دوو ناحیان دا ل سنورێ ناحیا دەركارێ و باتیفا هەیی .
ئه‌ڤرۆ نیوز، نه‌وزاد هلۆرى:
ب به‌رهه‌ڤبوونا هژماره‌كا زۆرا ئه‌كته‌ر و ده‌رهێنه‌ر و فلمساز و سینه‌ماكار و مێهڤانێن نافخوه و بیانى، خه‌لاتێن حه‌فته‌مین فلمه ڤیسته‌ڤالا دهۆك یا نیڤده‌وله‌تى هاتنه به‌لاڤكرن بڤى ره‌نگێ ل خوارێ.
خەلاتێ باشترین فلمێ کوردی یێ درێژ بو فلمێ کامیون هاتەدان.
خەلاتێ باشترین فلمێ کوردی یێ کورت بو فلمێ زە هەیاڤی بوردین هاتەدان.
خەلاتێ باشترین بەلگە فلمێ کوردی بو فلمێ ئێڤری هوس ئێس ئە سکول هاتەدان.
خەلاتێ باشترین بەلگە فلمێ بیانی بو فلمێ کورنەر ئین مولین بەگ هاتەدان.
خەلاتێ باشترین ئەکتەر سەید ئاغاخان بو هاتەدان.
خەلاتێ باشترین دەرهێنەر دایە روناک تێکەس.
خەلاتێ زێرین دایە فلمێ خالکو
فلمێ مینو شەرەف پور خەلاتێ باشترن ئەکتەر وەرگرت
ئەڤرو نیوز، نەوزاد هلۆری:
بچووکترین سەرتراش ل کوردستانێ ناڤێ وی (هەمزە موحسن)ـە و ژیێ وی 12 سالە و ل کوڵانا کانی مەهمەدکێ ل دهۆک وەکو سەرتراش کاردکەت، ب گورەی ئاخفتنێن وی ئەو سەرێ زاروک و سنێلە و مەزنان ب هەموو رەنگ و مودێلان دروست دکەت، دخوازیت خواندنا خوە دوماهی بینیت، ل گەل ڤێ یەکێ ژی ببیتە ئیک ژ باشترین سەرتراش وسەرتراشخانەکا تایبەت بخوە دانیت.
ئەڤرۆ نیوز، نەوزاد هلوری
د دەما هەشت روژێن بوری یێن فلمە ڤیستەڤالا دهۆک یا نیڤدەولەتی پتری 13 هزار کەسان سەرا هولێن نیشاندانا فلمان کریە.
ئەحمەد مشەختی، بەرپرسێ پشکا پەیوەندیان یا حەفتەمین فلمە ڤیستەڤالا دهۆک یا نیڤدەولەتی تایبەت بۆ ئەڤرۆ نیوز گوت: (ددەما هەشت روژێن بوری ل هەموو هولێن نیشاندانا فلمان پینج هزار و 645 تکێت هاتینە فروتن، دیسان لروژا ئێکێ دوماهیێ و پارکا ئازادی ژی کو یا بێ بەرامبەر و ڤەکری بو دناڤبەرا حەفت بو هەشت هزار کەسان بینەریا فلمێن ڤیستەڤالێ کریە).
زیدەتر گوت: (ئەڤ سالە هەمبەری سالێن بوری، سەرەدانا هولێن فلمان زێدەتربوون، ژبەرکو ئەڤسالە باشتر خزمەتا ڤیستەڤالێ هاتیەکرن).
ئەڤرۆ نیوز:
ئەڤرۆ مەسرور بارزانی سەرۆکێ حوکمەتا هەرێما کوردستانێ پێشوازی ل شاندەکێ پەرلەمانێ لوبنانێ ب سەرۆکاتیا پەرلەمانتار تەیمور جونبولات کر و د هەڤدیتنێ دا شاندێ لوبنانێ پیرۆزباهی ل مەسرور بارزانی کرن کو وەکو سەرۆکێ کابینا نەهێ یا حوکمەتێ دەست ب کار کریە و هێڤیا سەرکەفتنێ بۆ خواستن.
د هەڤدیتنێ دا هەر دو ئالیان بەحسێ گرنگیا پەیوەندیێن هەرێما کوردستانێ و لوبنانێ کرن.
ئه‌ڤرۆ نيوز، نيوار محه‌مه‌د سه‌ليم:
بڕياره رۆژا چارشه‌مبى رێكه‌فتى 18ى ئيلۆنا 2019ێ جڤاتا پارێزگه‌ها دهۆكێ كۆمبوونا خوه يا ئاسايى يا ژماره 100 ل دۆر كێشێن ئاڤاهيێن قوتابخانان و فرۆشگه‌هێن قوتابخانان ب ئاماده‌بوونا رێڤه‌به‌رێ گشتى يێ په‌روه‌ردێ و رێڤه‌به‌رێ ئاڤاهيێن قوتابخانا و رێڤه‌به‌رێ سه‌رپه‌رشتيارێن په‌روه‌رده‌ى گرێده‌ت.
جمبه‌د شوكرى، سه‌رۆكا لژنا په‌روه‌رده و خواندن و ئه‌وقاف و كاروبارێن ئاينى ل جڤاتا پارێزگه‌ها دهۆكێ راگه‌هاند كو مه‌ره‌ما زانينا ره‌وشا په‌روه‌ردێ و ئاريشێن ئاڤاهيێن قوتابخانان و دووڤچوون و گرنگيدان ب رێنمايێن وه‌زاره‌تا په‌روه‌ردێ ل دۆر كرێكرن و دانانا تشتێن د ناڤ فرۆشگه‌هان ڤه، جڤاتا پارێزگه‌هێ ب فه‌ر ديت ل دووڤ بڕگا (1) ژ ماددێ (28) مێڤانداريا هه‌ر ئێك ژ عومه‌ر عه‌لى، رێڤه‌به‌رێ گشتى يێ په‌روه‌ردا پارێزگه‌ها دهۆكێ، سعود عه‌زيز رێڤه‌به‌رێ ئاڤاهيێن قوتابخان و فه‌خرى كه‌له‌ش رێڤه‌به‌رێ سه‌رپه‌رشتيارێن په‌روه‌رده‌ى بكه‌ت.
ئەڤرۆ نیوز، زنار تۆڤی:
ئەڤرۆ دوشەمبی 16 ئیلۆنا 2019 دێ گەرا حەفتێ یا فلمە فیستەڤالا دھۆکێ ب دوماھی ھێت، ل دەمژمێر 7 ئێڤاری دێ رێورەسمێن دوماھیێ دەست پێکەن و ل ھۆلا کۆنفرانسان دێ خەلات ھێنە دابەشکرن.
کو ئەڤ سالە 112 فلم بۆ فیستەڤالێ ھاتبوونە ھەلبژارتن و ژ 74 وەلاتێن جیھانێ، ژ وان ژی 55 فلم د ھەڤرکیێ دانە، 57 فلم ژی ل پشکا دەرڤەی ھەڤرکیان دابوون، ھەروەسا پێنج لیژنە بۆ ھەلسەنگاندنا فلمان ھاتینە پێکئینان، کو ئەو ژی:
ژووریا فلمێن درێژ یێن کوردی
ژووریا فلمێن درێژ یێن نێڤدەولەتی
ژووریا بەلگە فلمان
ژووریا کورتە فلمان
ژووریا خەلاتێ رەخنەگرێن نێڤدەولەتی.
دیسان پێشبرگا فلمێن درێژ یێن کوردی، حەفت فلمن
فلمێن دکیۆمێنتاری یێن کوردی شەش فلمن
پێشبرگا فلمێن کورت یێن کوردی 12 فلمن.
دیسان د پشکا بیانی دا ھندەک فلم ئێکەم جارە ھاتینە نیشاندان، فلمێن درێژ یێن بیانی یێن د پێشبرکێ دا 10فلمن و کورتە فلمێن بیانی د پێشبرکێ دا 10 فلمن و بەلگە فلم ژی 10 فلمن.
نيشاندان