ئه‌ڤرۆ نيوز:
وه‌زاره‌تا كاروبارێن شه‌هيد وئه‌نفالكريان ل هه‌رێما كوردستانێ راگه‌هاند، هژمارا روفاتێن ئه‌نفالكريێن د ناڤ گۆرێ ب كۆم ل باژێرێ سه‌ماوه زێده‌تره ژ ئه‌وا هاتيه راگه‌هاندن وهه‌تا نوكه گه‌هشتينه 115 روفاتان وپێشبينى دهێته كرن بگه‌هيته 170 روفاتان.
فوئاد عوسمان، په‌يڤدارێ وه‌زاره‌تا كاروبارێن شه‌هيد وئه‌نفالكريان د داخۆيانيه‌كا رۆژنامه‌ڤانى دا گۆت” ئه‌ڤرۆ چارشه‌مبى 31/7/2019 د به‌رده‌واميا ده‌ركرنا روفاتێن د ناڤ گۆرێ ب كۆم ل سه‌ماوه، هژمارا قوربانيان گه‌هشته 115 كه‌سان وهێشتا تمام نه‌بوويه ژى وژ وێ هژمارا پێشتلر هاتيه راگه‌هاندن گه‌له‌ك زێده‌تره”.
گۆت ژى” دبيت هه‌تا دو رۆژێن دى تمام ببين ژ ده‌ركرنا روفاتان وپێشبينيێ دكه‌ين بگه‌هنه 170 روفاتان”.
دياركر” پشتى ده‌ركرنا دو گۆرێن دى يێن ب كۆم ل سه‌ماوه، روفات دێ هێنه هنارتن بۆ نوشداريا داد ل به‌غدا ونموونێن هه‌ستيان دێ هينه وه‌رگرتن وپاشى د رێوره‌سمه‌كێ تايبه‌ت دا دێ هێنه هنارتن بۆ هه‌رێما كوردستانێ”.
نيشاندان
