ئه‌ڤرۆ نيوز:
د چارچۆڤێ گه‌را 35 دا ژ خۆلا پلا ناياب يا عيراقى، ئه‌ڤرۆ شه‌مبيێ يانا هه‌ولێر ل سه‌ر ياريگه‌ها خوه ب ئه‌نجامێ 1-0 ل سه‌ر يانا كه‌رخ ب سه‌ركه‌فت.
گۆلا سه‌ركه‌فتنێ يا يانا هه‌ولێر ل خۆله‌كا 85 ژلايێ ياريكه‌رێ وێ يێ پيشه‌كار مارسيلۆ سيلڤا هاته تۆماركرن.
ب ڤى ئه‌نجامى يانا هه‌ولێر خالێن خوه گه‌هاندنه 44 خالان و ل رێزا 10 دهێت د رێزبه‌ندا خۆلا عيراقى دا ويانا كه‌رخ ب 56 خالان ل رێزا چارێ دهێت.
ئه‌ڤرۆ نيوز:
جڤاتا سه‌ركردايه‌تيا ئێكه‌تى نيشتمانى كوردستان، ل دووڤ مالپه‌رێ PUKmedia ، ب شێوه‌كێ فه‌رمى قوباد تاله‌بانى بۆ پۆستێ جێگرێ سه‌رۆكێ حوكمه‌تا هه‌رێما كوردستانێ ده‌ستنيشانكر.
وى مالپه‌رێ دياركر” جڤاتا سه‌ركردايه‌تيا ئێكه‌تيێ رێواز فايق بۆ پۆستێ سه‌رۆكێ په‌رله‌مانێ كوردستانێ هه‌لبژارت”.
ديسا ئاماژه كر”شێخ جه‌عفه‌ر شێخ مسته‌فا بۆ پۆستێ جێگرێ سه‌رۆكێ هه‌رێما كوردستانێ هاتيه به‌ربژار كرن”.
به‌لاڤكر ژى” هه‌ر ئێك ژ شۆرش ئيسماعيل بۆ پۆستێ وه‌زيرێ پێشمه‌رگه ودارا ره‌شيد بۆ پۆستێ وه‌زيرێ خواندنا بلند وحه‌مه حه‌مه سه‌عيد بۆ پۆستێ وه‌زيرێ ره‌وشه‌نبيرى به‌ربژار هاتينه به‌ربژاركرن”.
ئه‌ڤرۆ نيوز:
حوكمه‌تا ئوردنى بريارا قه‌ده‌غه‌كرنا ياريا پۆبجى ده‌ركر وئه‌گه‌رێن وێ بريارێ ژى بۆ زيانێن وێ ياريێ يێن جڤاكى زڤراندن.
كه‌نالێ سكاى نيوز عربيه ئڤرۆ شه‌مبيێ 6/7/2019 ژ زارده‌ڤێ به‌رپرسه‌كێ ده‌سته‌يا گه‌هاندنێ ل ئوردنێ به‌لاڤكر” ده‌سته‌يا گه‌هاندنێ ده‌ست ب بجهئينانا بريارا قه‌ده‌غه‌كرنا ياريا پۆبجى كريه”.
ئه‌ڤرۆ نیوز:
وه‌زاره‌تا كاره‌بێ ل هه‌رێما كوردستانێ ل دۆر پرسا كاره‌با پارێزگه‌ها دهۆكێ راگه‌هاند، سه‌رۆكێ هه‌رێما كوردستانێ ب خوه یێ ل سه‌ر خه‌ت وگازوایل هاتیه دابینكرن بۆ وێ چه‌ندێ ویستگه‌ها كواشێ ل دهۆكێ ده‌ست ب به‌رهه‌مئینانا كاره‌بێ بكه‌ت.
حەمە ئەمین ھەورامانی، په‌یڤدارێ وه‌زاره‌تا كاره‌بێ بۆ مالپه‌رێ فه‌رمیێ پارتى گۆت” كێشا كاره‌با پارێزگه‌ها دهۆكێ كێشه‌كا ته‌كنیكى یه وسه‌رۆكێ هه‌رێما كوردستانێ ب خوه یێ ل سه‌ر خه‌ت بۆ چاره‌سه‌ركرنا وێ”.
گۆت ژى” دو رێ یێن هاتینه بكارئینان بۆ چاره‌سه‌ركرنا كاره‌با دهۆكێ، رێیا ئێكێ ب هێزكرنا هێلین كاره‌بێ نه بۆ دهۆكێ ودروستكرنا هێله‌كا نوویه ب وێ چه‌ندێ ژى كێشا ڤه‌گوهاستناى كاره‌بێ ژ كونترۆلا گشتى بۆ پارێزگه‌ها دهۆكێ دێ چاره‌سه‌ر بیت” دیاركر ژى” تاكو وه‌لاتى ل گه‌رما هاڤینێ كاره‌با پێدڤى بۆ بهێته دابینكرن وه‌كو چاره‌سه‌ریا ب له‌ز رێژه‌كا زێده‌تر یا گازێ بۆ پارێزگه‌ها دهۆكێ هاتیه دابینكرن تاكو ویستگه‌ها كاره‌با گواشێ ل دهۆكێ ب تمامى كار بكه‌ت وبه‌رهه‌مێ رۆژانه بهێته زێده‌كرن”.
په‌یڤدارێ وه‌زاره‌تا كاره‌بێ گۆت ژى” ل دووڤ پلانا حوكمه‌تێ ژ نوكه وپێڤه كێشا نه یه‌كسانیا كاره‌بێ د ناڤبه‌را پارێزگه‌هێن هه‌رێما كوردستانێ دا نامینیت ودهۆك ژى وه‌كو ده‌ڤه‌رێن دى یێن هه‌رێما كوردستانێ دێ كاره‌ب بۆ هێته دابینكرن، چونكى پێشتى كێشه‌هه‌بوو د به‌لاڤكرنا كاره‌بێ دا، ئه‌وژى نه‌بوونا گازوایلێ بوو، ژ نوكه وپێڤه ئه‌و جوداهیه نامینیت”.
ئەڤرۆ نیوز:
جەلال محەمەد ئەمین ئەندامێ فراکسیۆنا بزاڤا گۆران ل پەرلەمانێ کوردستانێ راگەهاند کو هەتا ٢٤ دەمژمێرێن دی بزاڤا گۆران دێ ناڤێن بەربژێرێن خوە رادەستی مەسرور بارزانی راسپاردی بۆ سەرۆک وەزیرێن کابینا داهاتی یا حوکمەتا هەرێما کوردستانێ کەت.
دهێتە چاڤەرێکرن کو ل ڤێ حەفتیێ هەموو ئالی ناڤێن بەربژێرێن خوە رادەستی مەسرور بارزانی بکەن دا ل پەرلەمانی دەنگ ل سەر وەزیرێن نوو بهێتە دان.
ئەڤرۆ نیوز:
رێڤەبەرییا گشتی یێ حەج و عومرێ ل ھەرێما کوردستانێ گەشتا چوونا حەجیێن کوردستانێ یێن ئەڤ سالە بۆ سعودیێ راگەھاند.
ئەڤرۆ رۆژا شەمبی ٦-٧-٢٠١٩ د راگەھاندنەکێ دا رێڤەبەریا گشتی یا حەج و عومرێ ل کوردستانێ بەلاڤ کریە گەشتا ئێکێ یا حەجیێن کوردستانێ بۆ وەلاتێ سعودیێ دێ ل رۆژا پێنج شەمبی رێککەفتی ١١-٧-٢٠١٩ ژ فروکخانەیا ھەولێرێ بۆ باژێرێ جەدە یێ سعودیێ چن و پاش بۆ باژێرێ مەدینێ د کاروانێ ئێکێ دا دێ ٣٧٦ حەجی دێ چن، جیسان ل ھەمان رۆژ دێ ١٨٨ حەجی ژ باژێرێ سلێمانیێ بەر ب مەدینێ رێککەڤن.
ئەڤرۆ نیوز ؍ عەلی حاجی :
د ئامارەکا رێڤـەبەریا پولیسێن پارێزگه‌ها دهوکێ دا هاتیە ؍ ئەڤ سالە دا و د ده‌مێ شەش هەیڤێن بوری دا ل سنورێ پارێزگەها دهوکێ ٤۲۷ روودانێن هاتنوچووینێ دروست بوینە .
موقەدەم ئازاد تەها ؍ بەرپرسێ راگەهاندنا رێڤەبەریا هاتنوچوونا پارێزگەها دهوکێ بۆ ئەڤرۆ نیوز دیار کر د ئەڤ سالەدا و ل گورەی وان روودانێن ل رێڤەبـەریا مە هاتینە تومار کرن د ده‌مێ شەش هەیڤێن بوری دا ل سنورێ پارێزگەها دهوکێ ٤۲۷ روودانێن هاتنوچوونێ روویدانە و ئەڤە ژی رێزەیەکا زورە دڤان شەش هەیڤان دا هاتینە تومار کرن ؍ دوان روودانان دا ب مخابنی ٤۵ کەسان گیانێ خوە ژدەستدایە و ۵۰۲ کەسێن دیتر ژی بریندار بوینە ؍ ئەگەرێن وان روودانان ژی جورا و جور بوینە و نە پێگیریا شوفێران ژی ب رێنماێن هاتن و چوونێ ئەگەرێ سەرەکیێ ڤان روودانانە و هیڤی خازین ژی شوفێرێن مە زێدەتر پێگیر بن ب رێنماێن هاتن و چوونێ .
ئەڤرۆنیوز،ڕەزوان ڕۆژبەیانى:
رائید عوسمان حەم عەبدولا رێڤەبەرێ بنگەهێ بەرەڤانیێ ل قەزا بەردەرەش بۆ ئەڤرۆنیوز خویاکر پشتی نیڤرۆیا ئەڤرۆ گەنجەک بناڤێ موسعەب عیماد دهام کو ژیێ وی 20سالن و خەلکێ گوندێ موریلانە ل سنوورێ قەزا بەردەڕەش دگەل هەڤالێن خوە دچیتە مەلاڤانگەها بەردەڕەش ژبەر نەزانینا مه‌له‌ڤانيان ناڤبری دخەندقیت.
گۆت ژى”ر ئەو مەلەڤانگەهه کو ل بەردەڕەش هەیە یا بنگەهێ لاوانە ل قەزا بەردەرەش بەلێ ژلایێ کەسەکی ڤە ب گرێبەست ب کرێ هاتیە گرتن و پێدڤى بوو بەردەوام کەسه‌ک کو شارەزایی مەلەڤانيان بیت ل وێرێ ئامادە با داکو سەلامەتیا وه‌لاتیان بهێتە پاراستن ل دەمێ کو مەلەڤانیان دکەن، بەلێ مخابن کەس ل وێرێ نەبوویە و ئەو کەسێن کو دگەل وی گەنجێ بووینە د مەلەڤان نەبوون و نەشیان ژمرنێ ڕزگار بکەن”.
خوياكر” پشتی کو ئەم هاتینە ئاگەهدارکرن، ل جهێ روودانێ ئامادەبووین تەرمێ وی گەنج ژی هاتە رەوانەکرن بۆ نوشداريا داد ل دهۆکێ”.
ئەڤرۆ نیوز ، ئێقبال عومەر:
ئەڤرو ئه‌ينيێ ٥/۷/۲۰۱۹ ژ ئەگەرێ هەبوونا بنگەهێن پارتا كرێكارێن كوردستانێ (پەكەكێ) فرۆكێن له‌شكرێ توركیا ب دژواری بۆردومانا چیایێن ناحیا شێلادزێ كرن ل سنورێ قەزا ئامێدیێ.
پەیامنێرێ (ئەڤرۆ نیوز) ل دەڤەرا ئامێدیێ ئەو چەندە پشت راستكر: فرۆكێن توركیا ئەڤرۆ رێكەفتی، ٥/۷/۲۰۱۹ ل دەمژمێر ٨:۲٥ ئێڤاری ژ ئەگەرێ هەبوونا بنگەهێن چەکدارێن پارتا كرێكارێن كوردستانێ (پەكەكێ) ب دژواری بۆردومانا چیایێ کورەژاری ل سنورێ ناحیا شێلادزێ كرن.
ئێقبال عومەر، پەیامنێرێ ئەڤرو نیوز ل وێ دەڤەرێ ئەو چەندە ژی دوپاتكر: فرۆكێن توركیا ب دووراتیا ( ۲ ) كیلومەتران ژ سەنتەرێ ناحیا شێلادزێ بۆردومانكریە و ژ ئەگەرێ هێزا مەزنا بۆردومانێ و دەنگێ بلند پتریا خێزانێن ئەوێ دەڤەرێ ژ مالێن خوە دەرکەفتن و ترس و لەرز د سینگێ وان دا دروست بویە و دیار ژی كر: ئەو جهێن هاتینە بۆردومانكرن زنجیرە چیایێن كورەژاری بویە ل سنورێ ناحیا شێلادزێ و هەر جهەكێ بهێتە بۆردومانكرن پەكەكە ل وان جهان هەیە و تا نها زیانێن ئەوێ بۆردومانێ نەهاتینە زانین.
هەژی دیاركرنێ یە، د ماوێ سالەكا بۆری دا، ل سنورێ قەزا ئامێدیێ ب گشتی (۲۰) كەس كو خەلكێ سڤیلێ ئەوێ دەڤەرێ بوینە ژ ئەگەرێ شەرێ بەردەوامێ دناڤبەرا پەكەكێ و توركیا شەهید بوینە كو پتریا وان شەهیدان خەلكێن ناحیا شێلادزێ بونە.
ئەڤرۆ نیوز ؍ عەلی حاجی :
دروودانەکێ دا ل درەنگیا شەڤا دەرباز بوی ژئەگەرێ شەرە دەڤەکێ د ناڤبەرا هندەک گەنجان دا ل باژێرێ دهوکێ ؍ سێ کەس ب گرانی بریندار دبن و دهێنە رەوانەکرن بۆ نەخوشخانێ .
ئێک ژ کەسوکارێن وان گەنجێن بریندار بوین نەخاست ناڤێ خوە ئاشکەرا بکەت بۆ ئەڤرۆ نیوز دیار کر پشتی برایێ من دگەل هەڤالێن خوە ژکاری ڤەگەریاین ؍ قەستا دوکانەکا لەفا دکەن ب مەرەما کرينا لەفان ل ئێک ژ تاخێن باژێرێ دهوکێ؍ بەلێ ژنشکەکێ ڤە گەنجەکێ سەر خوەش ئاخڤتنەکا نەخوەش دبێژیتێ ئێک ژ وان کەسێن بریندار بوین ؍ پاشی شەرە دەڤ دروست دبیت و ئەو گەنجە ب رێیا موبایلێ داخوازێ ز ۱۰ هەڤالێن خوە دکەت و ئەو هەڤال ل وی جهی ئامادە دبن ؍ برایێ من و هەردو هەڤالێن دگەل دا ؍ دانان بەر کێرا و داران و هەر سێ یان بریندار دکەن ؍ برینا دو ژ وان ژی یا ب مەترسی یە و بۆ نەخوشانه‌يا دهوک هاتنە رەوانە کرن و هەر ب رێیا کامیرا ژی دیار دبیت ۱۱ کەس ل وان هەر سێ گەنجان ددەن .
ل دور ڤێ چەندێ ژێدەرەکێ باوەر پێکری بۆ ئەڤرۆ نیوز گوت : ژبەر کێشەیێ هەتا نوکە مە ٤ کەس دەستەسەر کرینە کو ئەو ژی پشکدار ببون دوێ روودانێ دا و ڤەکولین هێشتا یا بەردەوامە د ڤێ کەیسێ دا .
بو زانین ئەو گەنجێن بریندار بوین خەلکێ ناحيا باتیڤانە ل قەزا زاخۆ و ل ئێک ژ فروشگەهێن دهوکێ کار دکرن .
نيشاندان