سه‌ره‌كى نووترين نووچه

دیدارێن به‌رپرسێن ئیسرائیلى وعیراقى ئاشكرا دبن

03/08/2019 20:20

249

ئه‌ڤرۆ نیوز:

رۆژنامه‌كا ئیسرائیلى دیدارا به‌رپرسێن ئیسرائیلى وهژماره‌كا كه‌سایه‌تی وبه‌رپرسێن عیراقى ئاشكرا دكه‌ت.

رۆژناما (هارتس) یا ئیسرائیلى ئه‌ڤرۆ شه‌مبیێ 3/8/2019 د راپۆرته‌كێ دا به‌لاڤكر كو دیدارا به‌رپرسێن ئیسرائیلى وعیراقى پشتى بوردومانكرنا هژماره‌كا بنگه‌هێن له‌شكرى ل عیراقێ بوو، كو دهێته‌ گۆتن فرۆكێن ئیسرائیلى ئه‌و بوردومانه‌ ئه‌نجامداینه‌.

تسیفى به‌رئیل، رێڤه‌به‌رێ پشكا عه‌ره‌بى یا وێ رۆژنامێ راگه‌هاند كو چه‌ند ژێده‌رێن دبلۆماسى یێن ئورۆپى ب رۆنژناما ناڤبرى راگه‌هاندیه‌ كو به‌رپرسێن ئیسرائیلى وهژماره‌كا كه‌سایه‌تى وبه‌رپرسێن عیراقى كۆمبووینه‌، به‌لێ ناڤێ چو به‌رپرسه‌كێ عیراقى نه‌هاتیه‌ ئاشكراكرن.

كۆمسیۆن:هه‌لبژارتنێن هه‌رێمێ دێ ب سیسته‌مێ ئه‌لكترۆنى یێ پێشكه‌فتى ب رێڤه‌چن

03/08/2019 19:49

152

ئه‌ڤرۆ نیوز:

رێڤه‌به‌رێ فه‌رمانگه‌ها كۆمسیۆنا هه‌لبژارتن وراپرسى ل پارێزگه‌ها هه‌ولێرێ راگه‌هاند، كۆمسیۆن ب رێیا چه‌ند لژنێن خوه‌ڤه‌ ل پارێزگه‌هان مژوولى رێكخستن وپێداچوونا لیستێن تۆمارا گشتى یا ده‌نگده‌رانه‌، چه‌ند كۆمبوون یێن هاتینه‌ ئه‌نجامدان وبۆچوون وپێشنیازێن گرنگ هاتینه‌ به‌رچاڤكرن، كو د قۆناغا داهاتى دا دێ هه‌لسه‌نگاندنێ بۆ پێشنیازان كه‌ین.

ئارام برادۆستى، رێڤه‌به‌رێ فه‌رمانگه‌ها كۆمسیۆنا هه‌لبژارتن وراپرسی ل هه‌ولێرێ زێده‌تر بۆ مالپه‌ری فه‌رمیێ پارتى گۆت” كۆمسیۆن یا هووربینیێ وڤه‌كۆلینێ بۆ چار بژارده‌یان دكه‌ت بۆ وێ چه‌ندێ بگه‌هن بۆ تۆماره‌كا پاقژ ودروست ودوور ژ هه‌موو جۆره‌ كێشه‌ وگرفته‌كا ته‌كنیكى ومه‌یدانى، ئه‌و بژارده‌ ژى پێك دهێن ژ، پشت به‌ستنێ ب كارتا نیشتمانى یا عیراقى، سیسته‌مێ بایۆمه‌تریێ مووچێن فه‌رمانبه‌رێن هه‌رێمێ، تۆمارا گشتیێ ده‌نگده‌رێن عیراقێ، یان ژى سه‌ر ژنوو دروستكرنا تۆماره‌كا دى یا ده‌نگده‌ران بۆ هه‌لبژارتنێن داهاتى، ئه‌ڤه‌ ژى پێدڤى ب بودجه‌كا مه‌زن ولایه‌نێ ته‌كنیكى یا هه‌ى، دبیت د ده‌مێ پێدڤى دا به‌رهه‌ڤ نه‌بیت”.

گۆت ژى” بۆ هه‌ر هه‌لبژارتنه‌كێ ل هه‌رێما كوردستانێ، كۆمسیۆنێ پێدڤى ب شه‌ش هه‌یڤێن به‌رهه‌ڤیێ هه‌یه‌، بۆ وێ چه‌ندێ ژ هه‌موو روویه‌كى ڤه‌ كۆمسیۆن ب باشى یا به‌رهه‌ڤ بیت”.

دیاركر” د بزاڤێ داینه‌ كو كۆمسیۆنا بلند یا هه‌رێمێ ببیته‌ خودان تۆماره‌كا بێ گرفت وجهێ رازیبوونا هه‌موو لایه‌نێن سیاسى وهه‌موو خه‌كێ هه‌ریما كوردستانێ بیت”.

ئاماژه‌ كر ژى”مه‌ پلان یا هه‌ى سیسته‌مێ هه‌لبژارتنێن هه‌رێما كوردستانێ هه‌ڤشێوێ وه‌لاتێن پێشكه‌فتى، به‌لكو زێده‌تر ژى بلند بكه‌ین وسیسته‌مێ ئه‌لكترۆنى بكاربینین و پێشبینیێ دكه‌ین سالا 2026 هه‌لبژارتنێن هه‌رێما كوردستانێ ب سیسته‌مێ ئه‌لكترۆنى یێ پێشكه‌فتى بهێنه‌ ئه‌نجامدان”.

گەنجەکێ دهۆکێ دیکۆران ژ فێقی دروست دكه‌ت

03/08/2019 19:30

729

ئەڤرۆ نیوز ، زنار تۆڤی:

گەنجەکێ دهۆکێ ب ناڤێ لاوین محەمەد، کو خودانێ جهەکێ تەزیاتیانە ل گەلیێ دهۆکێ و ئەڤە چەندین سالە مالباتا وی ڤی کاری دکەن، د هەمان دەمدا دەرچوویێ کۆلیژا ئەندازیاریه پشکا په‌ترۆلێ یه‌ ل وەلاتێ قۆبرس، کو رابوویە ب دروستکرنا چەندین دیمەنێن جوان و سەرنجراکێش ژ چەندین جۆرێن فێقی.

لاوین بۆ ئەڤرۆ نیوز دیاركر دەمێ وی خواندنا خوە ب دووماهی ئینایی و ڤەگەریایە باژێرێ دهۆکێ، د ئەڤ سالەدا وی ل گەل بابێ خوە هزر ل هندێ کر، ڤی پرۆژەی دروست بکەت، هەر چەندە وی ب تنێ ئەڤ پرۆژە چێکریە، چەندین دیکۆرێن گەلەک جوان ژ فێقی دروستکرینە، هەروەسا د چێکرنا هندەک دیکۆران دا شەش جۆرێن فێقی ب کارئیناینە، وەکو سێڤێن کەسک و سۆر و پرتەقال و سندی و لیمۆن و هرمیک، ب رەنگەکێ گشتی وی جۆرێن فێڤی یێن وەکو، سێڤێن سور و کەسک، هرمیک، لیمۆن، پرتەقال، سندی، مانگۆ، ئەبۆگادو، هنار، ب کارئیناینە و دێ ئەنەناس و مۆزان ژی دانیت، دی ڤی پرۆژەی بەرفرەهتر لێ کەت، دیسان وی نێزیکی سەد دیکۆران هەنە، هەروەسا ئەڤ فێقیە بۆ دەمێ حەفتیەکێ هەتا دو حەفتیان خوە دگریت و جهەکێ تەزی و سار بۆ هاتیە چێکرن، داکو زوو خراب نەبیت.

گۆت ژی: بۆ چێکرنا ڤان دیکۆران سێزدە تەنێن فێقی لێ چووینە، هەروەسا بۆ چێکرنا دیکۆرەکێ ئێك ته‌ن و حەفت سەد کیلۆیێن فێقی لێ چووینە، دیسان د نوکە دا ئەڤ جهە بوویە تشتەکێ سەرنجراکێش و رۆژانە گەلەک گەشتیار و خەلکێ دهۆکێ سەرەدانا وان دکەن و بۆ خوە وێنان ل بەر دگرن، هەروەسا ب دیتنا وان دیکۆرێن جوان دەروونێ مرۆڤی ژی پێ ئارام دبیت، گەلەک خەلک سەرەدانا تەزیاتیا وان دکەن، ب رەنگەکێ بەڕدەوام ئەو فێقیێ وان دیکۆران د گوهۆریت.

ئێزدیێن ئاواره‌ى زاخۆ بووین داخوازا شه‌ش خالان دكه‌ن

03/08/2019 18:00

ئه‌ڤرۆ نیوز، عه‌لى حاجى:

ب هه‌لكه‌فتا پێنج سال ده‌ربازبون ل سه‌ر كاره‌ساتا شنگالێ، رێ ره‌سمێن تایبه‌ت ل كه‌مپێن زاخۆ هاتنه‌ ئه‌نجام دان و ب رێیا وان رێ و ره‌سمێن ماته‌مینى دا ، داخوازا ئه‌نجام دانا شه‌ش خالان دكه‌ن ژ حكومه‌تێن كوردستانێ و عێراقێ .

فیسه‌ل خانه‌سورى، به‌رپرسێ رێكخراوا هیڤى بۆ ئه‌ڤرۆ نیوز دیار كر پشتى پێنچ سال ده‌رباز بوین ل سه‌ر كاره‌ساتا شنگالێ ، هه‌تا نوكه‌ مه‌ داخازا پوسته‌كێ مه‌زن نه‌كرى یه‌ ، به‌لێ مه‌ هنده‌ك داخازى هه‌نه‌ دا كو ئێدى ره‌وشا ئاواره‌یان باشتر ببیت و ئێدى ژڤێ ئاواره‌ بونێ ررزگار ببن و ئه‌م ڤه‌گه‌رینه‌ جه و وارێن خوه‌ ، ژبه‌ر كو ئه‌ڤه‌ نێزیكى پێنچ سالایه‌ ئه‌م دوورى مال و جهێن خوه‌ێن ره‌سه‌نین ، به‌لێ هه‌كه‌ خه‌لكێ زاخۆ ده‌رگه‌هیچن مالێن خوه‌ لبه‌ رمه‌ ڤه‌نه‌كربان دبیت نوكه‌ دا ره‌وشا مه‌ خرابتر ببایه‌ ، ئه‌ڤا زاخۆیان ئه‌نجام داین كاره‌ك بوو ب هه‌مى پیڤه‌رێن مروڤایه‌تیان كاره‌كێ مه‌زن بوو .

زێده‌تر ناڤهاتى گوت ژى: ژ وان شه‌ش خالێن گرن گمه‌ پێشكێشكرین بۆ جهێن په‌یوه‌ندیدار ( پێدڤى یه‌ ئه‌و هێزین نوكه‌ دشنگالێ دا و بوینه‌ جهێ وێ چه‌ندێ ئه‌م نه‌شێن ڤه‌گه‌رینه‌ مالێن خوه‌ ، ئه‌و هێز ژشنگالێ بهێنه‌ ده‌ر كرن ، هه‌ر دیسان ره‌وشه‌كا ئارام بۆ مه‌ بهێته‌ دابین كرن دا كو ئه‌و باوه‌رى بومه‌ دروست ببیت ئه‌گه‌رینه‌ شنگالێ و ده‌ڤه‌رێن خوه‌ ، كاره‌ساتا شنگالێ ب شێوه‌یه‌كێ فه‌رمى ب جینوساید بهێته‌ نیاسین ، هه‌روه‌سا كه‌سێن بوینه‌ قوربان دكاره‌ساتا شنگالێ دا بهێنه‌ قه‌ره‌بو كرن و ژیانتا خێزانێن وان باشتر ببیت ، ئه‌و كه‌سێن هه‌تا نوكه‌ ماینه‌ دده‌ستێ رێكخراوا تیروریستیا داع شدا بهێنه‌ رزگار كرن و كار بۆ ڤه‌گه‌ریانا وان بهێنه‌ كرن بۆ ناڤ كه‌س و كارێن وان دا ، هێزێن تایبه‌ت ب هێنه‌ دروست كرن دا كو ئێدى ئه‌و كاره‌ساتا دروست بوویى روونه‌ده‌ت ڤه‌ و ئێزدى و خه‌لكێ وان ده‌ڤه‌ران بهێنه‌ پاراستن ) .

د گۆرێ ئێكێ يێ بكوم دا رووفاتێن 171 كه‌سان هاتينه‌ ده‌ركرن

03/08/2019 16:46

ئه‌ڤرۆ نيوز:

ئاخفتنكه‌رێ وه‌زاره‌تا كاروبارێن شه‌هيدان و ئه‌نفالكريێن حوكمه‌تا هه‌رێما كوردستانێ دياركر د گۆرێ ب ئێكێ يێ ب كوم دا ل باژێرێ سه‌ماوه‌ رووفاتێن 171 كه‌سان ده‌رخستينه‌ و هه‌موو ژى ژن و زاروك بووينه‌.

زێده‌تر فوئاد عوسمان گۆت: ئه‌ڤرۆ 3-8-2019 پشتى 13 رۆژێن كاركرنێ تيمێن نشتيمانى و پێكڤه‌ يێن ده‌زگايێ شه‌هيدێن عيراقێ و كاروبارێن شه‌هيدان و ئه‌نفالكريێن هه‌رێما كوردستانێ ب هه‌ڤكاريا پزيشكێن داد يا عيراقێ و رێكخراوا ICMP، ژ سه‌رجه‌مێ ئه‌و سێ گۆرێن كوم يێن هاتينه‌ ديتن تنێ د گۆرێ ئێكێ دا ل سه‌ماوه‌ رووفاتێن 171 كه‌سان هاتينه‌ ده‌ركرن و هه‌موو ژى ژن و زارووك بوون و ئه‌ڤ هژماره‌ ژى يا پێشبينى كرى نه‌بوو.

مه‌سرور بارزانى په‌يامه‌ك به‌لاڤ كر

03/08/2019 16:28

1299

ئه‌ڤرۆ نيوز:

مه‌سرور بارزانى سه‌رۆك وه‌زيرێن هه‌رێما كوردستانێ ب هه‌لكه‌فتا بورينا پێنج سالان ل سه‌ر داگيركرنا شنگالێ و جينوسايدكرنا ئێزيديێن ڤێ ده‌ڤه‌رێ په‌يامه‌ك به‌لاڤ كر دياركر دێ ب هه‌موو شيانێن خوه‌ دگه‌ل حوكمه‌تا عێراقێ كاركه‌ين بۆ قه‌ره‌بوووكرن و ڤه‌گه‌راندنا زيانڤێكه‌فتيێن كوردێن ئێزدى.

ديسان مه‌سرور بارزانى دياركر ئه‌ڤرۆ سالرۆژا جينوسايدكرنا كوردێن ئێزدى يێن شنگالێ و ده‌وروبه‌رانه‌ ل سه‌ر ده‌ستێ تيرورستێن داعش و هه‌تا نوكه‌ ژى چه‌ندين كه‌س ل ناف ده‌ستێ وان دا هاتينه‌ ره‌ڤاندن و نه‌هاتينه‌ رزگاركرن و ده‌ربه‌رده‌ركرن.

سه‌روك وه‌زيرێن كوردستانێ ئه‌و چه‌نده‌ ژى دياركر گه‌لێ كوردێن ئێزدى ب درێژاهيا مێژوويێ تووشى چه‌ندين فه‌رمانان بووينه‌ كو دووماهى جار ژى ل سه‌ر ده‌ستێ تيرورستێن داعش تووشى كومكوژيێ بوون سه‌ره‌راى هه‌موو ڤان فه‌رمان و جينوسايدكرنێ دا ئێزديان به‌رگرى ژ ناسناما خوه‌ يا ئاينى و نه‌ته‌وه‌يى يا ره‌سه‌ن يا گه‌لێ كورد كريه‌.

ل دووماهيێ مه‌سرور بارزانى گۆت: پێدڤيه‌ رولێ سه‌رۆك مه‌سعود بارزانى يێ مه‌يدانى ژبيرنه‌كه‌ين كو دگه‌ل پێشمه‌رگه‌ى هه‌تا شنگال ژ ده‌ستێ تيرورستان رزگاركرى و سوزێ ده‌ت ل ماوێ بهێت كار بكه‌ت بۆ رزگاركرنا و هه‌موو وان ئافره‌تێن ئێزدى يێن ده‌ستێ تيرورستان دا ماين.

په‌رله‌مانێ كوردستانێ 3/8 وه‌كو جینوسایدا ئێزدیان ناساند

03/08/2019 12:50

ئه‌ڤرۆ نیوز، نه‌وزاد هلۆرى:

ب مه‌ره‌ما زێده‌تر خزمه‌تكرنا كه‌یسا ئێزدیان، په‌رله‌مانێ كوردستانێ د رونشتنا ئه‌ڤرۆ دا 3/8 كاره‌سات و كومكوژیا ئێزدیان وه‌كو جینوساید ناساند، پێدڤى یه‌ حوكمه‌تا هه‌رێما كوردستانێ كار لسه‌ر ناڤه‌رۆكا پرۆژه‌ قانونا نوو بكه‌ت، سه‌رۆكێ فراكسوونا پارتى دیاركر كو پێدڤى یه‌ پرۆژه‌ قانون ب زوترین ده‌م بو خزمه‌تا جڤاكێ ئێزدى و شنگالێ بچیته‌ دوارێ بجهكرنێ دا.

ئه‌ڤرۆ په‌رله‌مانێ كوردستانێ خواندنا سێ و ده‌نگدان بو پرۆژه‌ قانونا ب جینوساید ناساندنا تاوان و كومكوژیا ئێزدى د 3/8 دا ب جینوساید ناساند كو ئه‌و ژى ل رێكه‌فتى 3/8/2014 هه‌مبه‌رى كوردێن ئێزدى ژلایێ داعشێ هاتبویه‌كرن.

د ناڤه‌روكا پرۆژه‌ قانونێ دا هاتیه‌ كو پێدڤى یه‌ حوكمه‌تا هه‌رێما كوردستانێ ناڤه‌روكا بریارێ بجهبكه‌ت و كار ب چوو قانونان ژى ناهێته‌كرن كو دژى ڤێ قانونا نوو بیت.

ئومێد خوشناو سه‌رۆكێ فراكسوونا پارتى دیموكراتى كوردستان د كونگره‌یه‌كێ رۆژنامه‌ڤانى دا دیاركر كو ئه‌ڤرۆ پروژه‌ قانون ژلایێ په‌رله‌مانێ كوردستانێ هاته‌ په‌سه‌ندكرن و گوت: (پرۆژه‌ قانون ژلایێ فراكسوونا پارتى هاتبویه‌ پێشنیاركرن، دخوازین كو هه‌ردوو حوكمه‌تێن هه‌رێم و به‌غدا ئاڤریه‌كێ ب شنگالێ بده‌ن و ده‌ڤه‌رێن وان ئاڤه‌دان بكه‌ن، پیروزباهیا ئێزدى و شنگالێ دكه‌ین و دخوازین ب زوترین ده‌م بریار بجیته‌ دوارێ بجهكرنێ دا).

هه‌دیا موراد، ئه‌نداما په‌رله‌مانێ كوردستانێ و نونه‌را ئێزدیان ل بارا ناڤه‌روكا پرۆژه‌ قانونێ د كونگره‌یه‌كێ رۆژنامه‌ڤانى دا گۆت: (كومكوژیا د ده‌رحه‌قا ئێزدیان هاتیه‌كرن ب هه‌موو پیڤه‌رێن خوڤه‌ جینوسایده‌، پێدڤى یه‌ كه‌سوكارێن قوربانیان بهێنه‌ قه‌ره‌بوكرن و ده‌ڤه‌رێن وان ژى بهێنه‌ ئاڤه‌دانكرن، رۆژا 3/8 وه‌كو جینوسایدا ئێزدیان هاته‌ دیاركرن).

زێده‌تر گۆت: (هژماره‌كا زورا ئێزدیان ئاواره‌ بوینه‌ و تا نها هژماره‌كا زورا ئێزدى دده‌ستێ داعشێ دا ماینه‌، دخوازین كو ب زوترین ده‌م كار بو رزگاركرنا ئێزدیێن مایى بهێته‌كرن و ده‌ڤه‌رێن وان ژى بهێنه‌ ئاڤه‌دانكرن).

دهێته‌ زانین كو چه‌كدارێن داعش ل رێكه‌فتى 3/8/2014 هێرشا ده‌ڤه‌رێن ئێزدى نشین ل سنوورێ قه‌زا شنگال و ده‌وروبه‌ر كر، تێدا پترى شه‌ش هزار كوردێن ئێزدى گرتن، هژماره‌كا زور ژى هاتنه‌ كوشتن و د گورێن ب كوم دا هاتنه‌ ڤه‌شارتن، هه‌تا نوكه‌ ژى چاره‌نڤیسێ نێزیكێ سێ هزار كه‌سان نه‌دیاره‌.

پرۆژه‌ قانونا ب جینوساید ناساندنا كاره‌سات و كومكوژیا ئێزدیان ب ده‌نگێن 87 په‌رله‌مانتارێن په‌رله‌مانێ كوردستانێ هاته‌ په‌سه‌ندكرن و ناساندن.

پەرلەمانێ کوردستانێ 3\8 وەکو رۆژا جینوسایدا کوردێن ئێزدی ناساند.

03/08/2019 12:47

ئەڤرۆ نیوز:

پەرلەمانێ کوردستانێ 3\8\2014 وەکو رۆژا جینوسایدا کوردێن ئێزدی ناساند.

ئەڤرۆ رۆژا شەمبی رێکەفتی 3ی تەباخا 2019ێ پەرلەمانێ کوردستانێ خواندنا سیێ بۆ پرۆژێ پێشنیازا ب جینوسایدناساندنا کەیسێ کوردێن ئێزدی ب پتریا دەنگێن پەرلەمانتاران پەسەند کر.

پشتی دانوستاندنا ناڤبەرا لژنا قانوونی و پەلەمانتاران ب 87 دەنگێن ئەندامێن پەرلەمانێ کوردستانێ ئەڤ پرۆژە پێشنیازە هاتە پەسەندکرن.

ب وێنه‌ – كومكوژیا ئێزدیان ل كه‌مپێن دهۆكێ هاته‌ ساخكرن

03/08/2019 12:42

ئه‌ڤرۆ نیوز، نه‌وزاد هلۆرى:

ب هه‌لكه‌فتا ده‌ربازبوونا پێنج سالان لسه‌ر كومكوژیا كوردێن ئێزدى ژلایێ تیرورستێن داعش، ئه‌ڤرۆ ل سنوورێ پارێزگه‌ها دهۆك كومه‌كا چالاكیێن جودا هاتنه‌ ئه‌نجام دان ب تایبه‌تى دناڤ كه‌مێن ئاوارێن شنگال و ئێزدى.

دوان چالاكیان دا داخواز هاته‌كرن كو ب زوترین ده‌م كچ و ژن و كه‌سێن ئێزدى ئه‌ڤێن كو هه‌تا نوكه‌ دده‌ستێ داعش دا مایى بهێنه‌ رزگاركرن و دیسان كار بكه‌ن بو ڤه‌گه‌راندنا وان بۆ ده‌ڤه‌رێن وان و هه‌موو گونده‌وارێن وان ژى بهێنه‌ ئاڤه‌دانكرن.

خه‌لكێ گوندان ژ ترسا بوردومانان دوكانێن خوه‌ دگرن

03/08/2019 12:18

381

ئه‌ڤرۆ نیوز، نەوزاد هلۆری:

زێده‌بارى گرتنا پشكه‌ك ژ هاڤینگه‌ه و بازارێن ده‌ڤه‌رێن نا محه‌ره‌م ژئه‌گه‌رێ بوردومانێن فروكێن توركیا، دهه‌مان ده‌م دا بازارێن ده‌ڤه‌رێن ئاڤه‌دانى ژى دهێنه‌گرتن، ژبه‌ركو ب بهانه‌یا په‌كه‌كێ مه‌ترسیا بوردومانا فروكێن توركیا لسه‌ر وان هه‌یه‌.

محه‌مه‌د دێره‌شى، وه‌لاتیه‌كێ گوندێ دێره‌شێ یه‌ بۆ ئه‌ڤرۆ نیوز گۆت: (دوو دوكان ل سه‌نته‌رێ گوندێ دێره‌شێ هه‌نه‌ و وه‌لاتى رۆژانه‌ تشتێن خوه‌ لێ دكرین، به‌لێ نوكه‌ هه‌ردوو بازار هاتنه‌ گرتن چونكى بوردومانێن فروكێن توركیا مه‌ترسى لسه‌ر دروستكریه‌، بڤێ یه‌كێ كارتێكرن ل خه‌لكێ ده‌ڤه‌رێ دكه‌ت چونكى دڤێت خه‌لكێ مه‌ بو كرینا ساده‌ترین تشت قه‌ستا ئامێدیێ بكه‌ت، د رێكێ ژى دا ره‌نگه‌ بكه‌ڤیته‌ به‌ر بوردومانێن فروكێن توركیا).

زێده‌تر گۆت: (نوكه‌ چوو گه‌رنتى نین نبو مانه‌ڤا ژیانا مرۆڤى ئه‌گه‌ر كیلومه‌تره‌كێ ل سه‌نته‌رێ گوندى دوور بكه‌ڤین، ئه‌گه‌ر بڤى ره‌نگى بیت ره‌نگه‌ گوند بهێته‌ چولكرن، چونكى ئه‌گه‌ر مروڤى ل گوندان ئازادى نه‌ما و نه‌شیا ره‌ز و بیستانێن خوه‌ سه‌خبێر بكه‌ت و ئاژه‌لان ب خودان بكه‌ت چ پێدڤى دكه‌ت ل گوندان بمینیت، داخوازێ ژ جهێن شوله‌ژێ دكه‌ین كو چاره‌سه‌ریه‌كێ ل راگرتنا بوردومانان بكه‌ن).

مێهڤان ئیدریس رێكانى، وه‌لاتیه‌كێ شێلادزێ یه‌ بۆ ئه‌ڤرۆ نیوز گۆت: (ئاڤا مارك و ده‌ڤه‌را نێروه‌ورێكان كو نێزیكێ 20 جهێن گه‌شتوگۆزارى تێدا هه‌نه‌، خه‌لكه‌كێ زور قه‌ست دكه‌تێ داكو گه‌رماتیا هاڤینێ بشێكنن، ژ ئه‌گه‌رێ رودانێن زێده‌بوونا بوردومانێن فروكێن توركیا مه‌ترسى لسه‌ر زێده‌تر بویه‌، خو هه‌تا نوكه‌ مه‌ترسى لسه‌ر هنده‌ك گوند و جهێن ئاڤه‌دانێن شێلادزێ ژى دروست بویه‌، ژبه‌ركو په‌كه‌كه‌ خوه‌ نێزیك دكه‌ت).

زێده‌تر گۆت: (توركیا ب بهانه‌یا په‌كه‌كێ خوه‌ نێزیكێ ئاڤه‌دانیان دكه‌ت و به‌رى چه‌نده‌كێ ژى چه‌ندین بازار و ترومبێلێن خه‌لكى، خه‌لك بخوه‌ ژى كه‌فتیه‌ به‌ر بوردومانێن وان، هه‌ر بوو نموونه‌ هه‌یڤا بورى پترى حه‌فت ترومبێلێن په‌كه‌كێ و سێ ترومبێل و دوو دوكان و بازارێن خه‌لكێ ده‌ڤه‌رێ هاتینه‌ بوردومانكرن).

ئه‌ڤ ساله‌ فروكێن توركیا 69 جاران و توپخانه‌یان ژى نێزیكێ 30 جاران بوردومانا سنوورێ قه‌زا ئامێدیێ كریه‌، د ئه‌نجام دا چوار وه‌لاتى هاتینه‌ شه‌هیدكرن و دوو ژى بێ سه‌ر و شوێنن، دیسان چوار وه‌لاتیێن دن ژى بریندارن، ب ملیونان دینار ژى زیان ب ره‌ز و باغ و بیستان و ژینگه‌ و مولكێ گشتى و جاده‌ و بازارێن وه‌لاتیان كه‌فتیه‌.

نيشاندان 1...1,000 839840841 1,840 2,840...3,032 زێده‌تر

لاپه‌ر 840 ژ 3,032