ئهڤرۆ نيوز، نيوار محهمهد سهليم:
وهزارهتا دارايى و ئابوورى ل حوكمهتا ههرێما كوردستانێ خشتهكێ نوو يێ مووچهيى بهلاڤكر.
ب گۆرهيى خشتهيێ وهزارهتا دارايى و ئابوورى يا حوكمهتا ههرێما كوردستانێ كو چهندهكێ بهرى نها ژ لايێ ديواتا وهزارهتێ ڤه هاته بهلاڤكرن، سوبههى رۆژا سێشهمبى 10 كانوونا ئێكێ 2019، دێ مووچێ كارمهند و مامۆستايێن وهزارهتا پهروهردێ ل حوكمهتا ههرێما كوردستانێ هێته بهلاڤكرن.
ئهڤرۆ نیوز، عهلی حاجی:
ل درهنگیا شهڤا دهرباز بووی ل كومهلگهها هیزا یا سهر ب ناحیا دهركارێ ڤه ئاگر بهر دبیته ماركێتهكێ و ژبهر نهبونا تورمبێلێن ئاگر ڤهمراننێ ل وێ دهڤهرێ زیانێن مهزن بهر ب وێ ماركێتێ دكهڤن .
زێرهڤان موسا رێڤهبهرێ ناحیا دهركارێ بۆ ئهڤرۆ نیوز گوت : ل درهنگیا شهڤا دهرباز بووی ل ماركێتهكا كومهلگهها هیزاوا كو خودانێ وێ سوپه ههلكری هێلا بوو دبیته ئهگهر ئاگر بهر ببیته ماركێت و ب ئێكجاری بهیچته سوتن و توشی زیانێن مهزن ببیت و ههكه بنگهههكێ ئاگر ڤهمراندنێ ل كومهلگهها مه ههبایه دبیت زیان ب وی رهنگی نهبان،ههر ژ سالا 2016 ههتا نوكه ئهم ههولێن بهردهوام دهینه كو بنگهههكێ ئاگر ڤهمراندنێ ل ناحیا مه ڤهكهین بهلێ ههتا نوكه ئهو ههوله بێ مفا بوون .
گوت ژی : ل سالا 2016 فهرمان ژلایێ وهزیرێ ناڤخو هات بوو دهركرن بۆ ڤهكرنا بنگهههكێ ل ناحیامه بهلێ ههتا نوكه نهكهڤتیه دبوارێ جێبهجێ كرنێ دا كو سهرهرای هندێ مه پارچه زهڤیهك ژی بۆ ئاڤاكرنا ئاڤاهیێ وێ تهرخان كری یه یا رهوانینه 40 هزار كهس دگهل خهلكێ خوهجه و ئاوارهیان داخازا ڤهكرنا بنگهههكێ بكهن و نههێته ڤهكرن ژبهر كو ههتا ترومبێلهكا ئاگر ڤهمراندنێ ژ زاخۆ بهێت زیان دو جاركی لێ دهێن .
ئهڤرۆ نيوز:
بڕیاره سوبههی رۆژا سێشهمبی پهرلهمانێ كوردستانێ روونشتنهكێ ئهنجام بدهت و سهرۆكاتیا پهرلهمانی ژی بهرنامێ كارێ روونشتنێ دیار دكهت.
پهرلهمانێ كوردستانێ د راگههاندنهكێ دا ئاشكرایه كو سوبههی 10/12/2019 پهرلهمانێ كوردستانێ روونشتنا خوه یا هژمار نهه یا ئاسایی ژ سالا ئێكێ خۆلا پێنجێ ل دهمژمێر 11 بهری نیڤرۆ ل دۆر دو پرۆژه قانوونان ئهنجام دهت.
پهرلهمانێ كوردستانێ خویا ژی كریه كو د روونشتنێ دا خواندنا دویێ بۆ پرۆژه قانوونا (ریكلاما بازرگانی ل ههرێما كوردستانێ) دێ هێته كرن، دیسا ههر د ههمان روونشتن دا، خواندنا ئێكێ بۆ پرۆژه قانوونا (رۆژێن ههلكهفتێن فهرمی یێن نهتهوێ توركمان) هێته كرن.
ئهڤرۆ، بارزان مزووری:
قایمقامێ قهزا بهردهڕهش دیار كر، نوكه سێ پرۆژێن گرنگ یێن رێ و رێباران ل سنوورێ قهزا بهردهڕهش د قووناغێن دووماهیێ دانه، ئێك ژ وان پرۆژا ژی؛ پرۆژێ سهرهكی و ستراتیژی یێ جووتسایدێ رۆڤیا بۆ چهمهیه.
خهلیل مهحمود، قایمقامێ قهزا بهردهڕهش بۆ رۆژناما ئهڤرۆ دیار كر، د نوكه دا هژمارهكا پرۆژێن رێ و رێباران ل سنوورێ قهزا بهردهڕهش ژ لایێ حكومهتا ههرێما كوردستانێ ڤه دهێنه دروستكرن و گۆت: “ئێك ژ وان پرۆژێن گرنگ و ستراتیژی ل دهڤهرێ؛ پرۆژێ جووتسایدێ سهرهكی یێ رۆڤیا بۆ چهمهیه ب درێژاهیا 22 كیلۆمهتران و كار یێ ل سهر بهردهوامه و 90% كار ب دووماهیك هاتیه، مه باوهری یا ههی ئهو كۆمپانیا پرۆژهی بجه دئینیت بۆ مه دیار كریه كو ههتا سهرێ سالێ ئهڤ پرۆژه دێ ب دووماهیك هێت و كهڤیته د خزمهتا وهلاتیان دا”.
ناڤهاتی خویا ژی كر، پرۆژێ جووتسایدێ سهرهكی یێ بهردهڕهش بۆ رۆڤیا ژی كو ئێك ساید بوو د نوكه دا ئهو رێكا سهرهكی بۆ جووتساید، ههرچهنده ئهو پرۆژه ب دووماهیك نههاتیه و هندهك كێشهیێن بچووك ماینه، بهلێ جووتساید هاتیه ڤهكرن و هاتنوچوون ل سهر ههردو جووت سایدا بهردهوامه.
قایمقامێ قهزا بهردهڕهش ئاماژه ب وێ چهندێ ژی كر كو پرۆژێ سێیێ، پرۆژێ رێكا بهردهڕهش بۆ ناحیا كهلهكه كو د شهڕێ داعش دا قهلهبالغیهكا مهزن یا ترۆمبێلێن بارههلگر یێن بازرگانی یێن توركیا بۆ ناڤ باژێرێن ههرێما كوردستانێ هاتن و چوونا وان ل سهر بوو، ئهو رێك ب درێژاهیا 37 كیلۆمهترا ژ كاركهفت بوو، چهندین جارا هاتبوو نووژهنكرن، بهلێ ههر باش نههاتبوو چێكرن و گۆت: “ل ڤێ دووماهیێ رێڤهبهریا سهخبێریا رێك و پران ل پارێزگهها دهۆكێ ب كۆژمێ 890 ملیۆن دیناران ئهڤ رێكه نووژهن كر ههتا گههشتیه ناحیا كهلهك، ژبلی وێ قووناغا نووژهنكرنێ ئهنجوومهنێ وهزیران بڕیار دا كو كوژمهكێ مهزن دابین بكهت بۆ رێك و پران و پشكهك ژ وی پارهی كو ملیارهك و 480 ملیۆن دینار بۆ رێكا بهردهڕهش بۆ كهلهك هاتینه دابینكرن”.
گۆتژی: “د نوكه دا قووناغا دویێ یا نووژهنكرنا پرۆژهی دهست پێكریه و ل نێزیك دێ ب دووماهیك هێت و كهڤیته دخزمهتا وهلاتیان دا”.
ئهڤرۆ نيوز، نيوار محهمهد سهليم:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ راگههاند كو سوبههى رۆژا سێشهمبى دهێته پێشبينيكرن ئهسمان ئهورێ تهمام بيت ل سپێدێ زوو دێ بارانهكا ناڤهندى باريت و پاشان بۆ دانێ ئێڤارى ئهو باران بارين دێ بهر ب كێميێ ڤه چيت.
پشكا پێشبينيان ل رێڤهبهريا گشتى يا سهقاناسى و بيڤهلهرزێ ل ههرێما كوردستانێ د نڤيسارهكێ دا كو دانهك ب دهست ئهڤرۆ نيوز كهفتيه راگههاند كو سوبههى رۆژا سێشهمبى رێكهفتى 10ى كانوونا ئێكێ 2019 دهێته پێشبينيكرن ئهسمان ئهورێ تهمام بيت ل سپێدێ زوو دێ بارانهكا ناڤهندى باريت و پاشان بۆ دانێ ئێڤارى ئهو باران بارين دێ بهر ب كێميێ ڤه چيت.
پشكا پێشبينيان ئاشكهرا ژى كر كو لهزاتيا بايى دێ ب رهنگێ ل سهرخوه و ناڤهندى بيت ناڤبهرا 15 بۆ 25كم بيت و مهودايێ ديتنێ ژى دێ 6 بو 8كم بيت. نزمترين پلا گهرماتيێ دێ 6 پله بيت و بلندترين پله ژى دێ 9 بيت.
ئهڤرۆ نيوز:
سهرۆكێ نوونهرايهتيا حوكمهتا ههرێما كوردستانێ ل بهغدا، فارس عيسا، راگههاند پشكا بودجا ههرێما كوردستانێ ژ بودجا گشتى يا عيراقێ بۆ سالا 2020 دێ 12.6% بيت ل گهل وهرگرتنا پشكا بودجا پێشمهرگهى ژى.
ب گرۆهى دهنگوباسهكێ ئاژانسا (عين العراق نيوز) يا عيراقى، فارس عيسا سهرۆكێ نوونهرايهتيا حوكمهتا ههرێما كوردستانێ ل بهغدا، د كۆنگرهكێ رۆژنامهڤانى دا پشكا بودجا ههرێما كوردستانێ ل بودجا گشتى يا عيراقێ بۆ سالا 2020 ئاشكراكر و راگههاند، ل بهرامبهر رادهستكرنا 250 هزار بهرميلێن پهترۆلێ رۆژانه بۆ كۆمپانيا (سۆمۆ) يا حكومى يا عيراقێ، ههرێما كوردستانێ دێ رێژا 12.6% ژ بودجا گشتى يا عيراقێ و پشكا بودجێ پێشمهرگهى ژى وهرگريت.
ل دۆر چارهنڤيسێ رێككهفتنا ههولێرێ و بهغدا، فارس عيسا گۆت” ئهو رێككهفتنه يا هاتيه ئهنجامدان بۆ پرۆژێ بودجا سالا داهاتى، چو كێشهك نينه چونكى قۆناغا دووماهيێ يا دهربازكرى”.
دووپاتكر ژى كو رێككهفتنا د ناڤبهرا ههرێمێ و بهغدا پشتى پهسهندكرنا بودجا سالا 2020 دێ كهڤيته د وارێ بجهئينانێ دا.
ئەڤرۆ نیوز،بارزان مزووری:
سەردار یهحيا،قایمقامێ قەزا شێخان بۆ ئەڤرۆ نیوز دیار كر ئەڤرۆ ئێكشهمبى 8/12/2019 لژنا ساخلەمیێ دگەل ئاسایش و پولیس و سەندیكا نوشداران ل دووڤ بریارا جڤاتا وەزیران سەرەدانا كلینیك و دەرمانخانێن د ناڤ سەنتەرێ ناحیا كەلەكچی دا و ژبەر نەپێگیری كرنا وان ب مەرجێن ساخلەمیێ 9 كلینیكێن نوژدارا هاتنه سزادان ب كۆژمەكێ پارەی و كلینیكەك ژى هاته ئاگهداركرن كو پێگيريێ ب رێنمايێن لژنێ بكهت.
ئهڤرۆ نيوز:
بهرپرسێ فهرمانگهها پهيوهنديێن دهرڤه يا حوكمهتا ههرێما كوردستانێ د چارچۆڤێ پشكداريكرنێ د رێورهسمێن رۆژا نيشتمانى يا رۆمانيا ل ههولێرێ راگههاند، ههرێما كوردستانێ بزاڤێ دكهت پهيوهنديان ل گهل ههموو وهلاتان باشتر بكهت.
سهفين دزهيى، بهرپرسێ فهرمانگهها پهيوهنديێن دهرڤه يا حوكمهتا ههرێما كوردستانێ ههروهسا داخواز ژ جڤاكێ نێڤدهولهتى ژى كر كو د هاريكاريا ههرێما كوردستانێ و هێزا پێشمهرگهى دا بهردهوام بيت، تاكو جارهكادى گهفا داعشێ ل دهڤهرێ سهرهلنهدهت.
ئەڤرۆ نیوز ، زنار تۆڤی:
سوبەهى دوشهمبى 9/12/2019 ل دهمژمێر 11 سپێدێ ب چاڤدێريا فهرهاد ئهمين پارێزگهرێ دهۆكێ، رێڤهبهريا راگههاندن و چاپ و بهلاڤكرنێ ل پارێزگهها دهۆكێ دێ حهفتهمين پێشانگەها دهۆكێ يا پهرتۆكێ ل سهنتهرێ قوتابيان ل زانكۆيا دهۆك ڤهكهت و بۆ دەمێ شەش رۆژان دێ یا بەردەوام بیت.
بورهان یەحیا، پەیڤدارێ رێڤەبەریا راگەهاندن و چاپ و بەلاڤکرنێ ل پارێزگەها دهۆکێ بۆ ئەڤرۆ نیوز گۆت: رێڤەبەریا راگەهاندن و چاپ و بەلاڤکرنێ ل دهۆکێ سوبەهی دوشەمبی 9/12/2019 دێ پێشانگەها حەفتێ یا پهرتووکێ ل دهۆکێ ڤەکەت كو هەتا رۆژا 14/12/2019 دێ یا بەردەوام بیت،
گۆت ژى، رۆژانه دێ پێشانگەهـ ل دەمژمێر 9 سپێدێ هەتتا 6 مەغرەب یا بەردەوام بیت كو تێدا دێ 7 پرتووکخانێن دهۆکێ، کو پشکەک ژ وان پەرتۆکخانان دێ نوونەراتیا هندهك دهزگههێن وهشانێ يێن جودا جدودا كهن، هەروەسا دێ نێزيكى شەش هزار ناڤ و نیشانێن پەرتۆکان هێنە نیشادان و ئەڤ سالە هندەک پهرتۆکێن نووتر دێ پشکدار بن، دیسان پەرتوکخانێن کەرتێ تایبەت شیاینە چەندین پەرتۆکێن نوو بکەنە دناڤا بازاری دا، هەروەسا داشکاندن دێ ل سەر هەموو پهرتووکان هەبیت و داشکاندن دێ 10% هەتا 30% د هندەک پەرتووکان دا هەبیت، هەروەسا دێ پهرتووک ب زمانێن کوردی و عەرەبی و ئنگلیزی و هندەک زمانێن دی ژی بن.
نيشاندان